|
نزعل ونتكبر وحنا مـن الطين
والكل منـا صـدّ لا أقبـل خويّـه نفخر نقول إنا على الصـد قاويـن وهي علينـا فـي الحقيقـة قويه,, |
هذا بعض ما علمتني التجاريب اللي من الأيام جتني جلايب لا كامل إلا وجه اللي يعلم الغيب ولارابح إلا اللي عن الذنب تايب |
بعض العرب ودك تحطه على الراس
مثل العقال تثبتـه فـوق راسك في خوته تلقى معزه ونومـاس وتفخر بفعله بين ربعك وناسك/ |
كلن يسوق الرجل ويروح ويجيب
أحدن يجيب بسلم واحدن نهايب أحدن يجيب الفود والعز والطيب واحدن يذله كل ماكان جايب ومن لاستر وجهه عن الذل والعيب ماعاد يلقى لذل وجهه طبايب ومن لاحمى وجهه قبل طلعة الشيب محدن يعوضه وجه لاصار شايب |
بالله سوقوا لي من الكيف فنجال
بريةٍ دايم خوى راسي الها يومنها بالفعل ماهوب بالمال انشد قبايل نجد وتعرف اهلها |
أحمس ثلاثٍ يـا نديمـي علـى سـاق
ريحه على جمر الغضا يفضح السوق وإيـــاك والـنـيـة وبــالــك والإحــــراق وأصحا تصيـر بحمسـة البـن مطفـوق إلى أصفـر لونهـا ثـم بشـت بالأعـراق صفرا كما الياقوت يضـرب لهـا المـوق وأعـطـت بـريـح فـاخـر فـاضـح فــاق ريحه كمـا العنبـر بالاأفـاس منشـوق دقــه بنـجـرٍ يسمـعـه كــل مشـتـاق راعي الهوى يطرب إلـى دق بخفـوق |
قرب لي الفنجـال والكيـف صبـه
عندي نصيحه فـي بيـوتٍ مقفـاه الجاهل اللي ما نشـد عنـك كبـه خلـه يــروح بسكـتـه لا تـحـراه إن مـا مدحتـه فالقفـا لا تسـبـه هرج القفا مذموم لو زان مرمـاه |
هذي هي افعال الزمان وسواياه
الدون دوني والريادي ريادي الكفو يلقا له خوي كفو يكفاه والا الردي يزبن على كل حادي المرجله والطيب والدين والجاه أجناد للي ما لقا له جنادي |
يا ساحر الصوت شنف بالمقام اذني
الين ملح العيون يهل ماطرها . . واذا تبعثرت لا تحاول ترتبني انا كذا وأبخص بروحي وخابرها . |
انا الضاحك بوجه الحظ لو حظي عليه غيوم لعل ايامي الجاية ؟ تغيث القلب وتسرّه |
| الساعة الآن 07:06 PM. |
Powered by vBulletin® Version 3.8.9
Copyright ©2000 - 2024, Jelsoft Enterprises Ltd.