|
ياجنون الوله... ياسبة طعوني
ياسكة سفر طالت بعين ولهان لوجيت يكفيك شوفتك وش لوني لاتسال الوردالى مات عطشان |
نشرت من الوفا نور ونثرت من الغرام زهور انا وش ذنبي ان كانت حروفي تكتب اطباعي أمد ايديني استنجد لقاك وخاطري مكسور وتشر لي على فرقاك وانت هناك وتراعي حبيبي تذكر اوجاعي هاك اللحظة وانا مقهور ترا للحين انا مقهور واوجاعي هي اوجاعي بعد مااسقيتني كاس الجفا هم وتعب وغرور بعد ماارويتني فرقا تجي تنشد عن اوضاعي |
ياكبر ذنبي ان كا ن ما ني للوفا راعي
وانا الي بنيت للوفا من وفاي جسور وانا الي دايم لوصل الاحباب ساعي ماصدني عنهم تغلي ولا كبر ولا غرور الفراق مااطيقه ولا هو من اطباعي اكبر مصيبه فراق الاهل والاحباب والدور |
راعي الوعد وأن صدق مرة ولاقاني يحتار بين السراب وقلب محبوبه يامن عذابه يشققني ويرفاني فرقاك غصب علي بالحيل مكتوبه |
هذا الوعد حيرني راعيه واسلوبه
مامره صدق في وعده ووافاني يوعدني ويخلف الوعد باكذوبه يقول الظروف...واقول انه نساني محمد |
ياصاحبي صاحبك الله يعينه محداً عرف وشلون حاله بلياك عزيز نفس ولارضى بالغبينه البعد يغبن والغبن كيف ينساك |
كن صاحبك ياصاحبي مثل شرواك
نفسه عزيزه ...وهقواته دايم سمينه يغبنه مايغبنك في حال بعدك وفرقاك يشيل همه بصدره ويخفي ونينه محمد |
هاذا أنا وجروح قلبي دفينه تعال داو جروح بعدك بلاماك هاذا أنا ودموع عيني سجينه هاذا أنا ياصاحبي لاعدمناك |
كم لي وجروح قلبي نتحراك
وبرد ليل الشتا يشعل حنينه البارح كنت اسولف عن سجاياك واقول ماهي عادةله يشقي ضنينه محمد |
هذيك اليالي وين..؟ اثر الزمان يدور رجح في عيونك ذيك الايام ميزاني انا كيف ابنسى خابرن قلبي المجبور لو اني نسيتك ماني بناسي احزاني |
يالليالي الي مضت ويازمان الاماني
ماتحقق بعين المحب غيرموت الزهور وش لون انسى... وانا لازلت اعاني من البعد والحرمان ايام وشهور محمد |
رجعت اليوم مثل اللي رجع عقب القنص خسران غدا طيره وجاء يسحب سلوقيه وملواحه قصيده مابَعَد مرّت ببال مساعد وضيدان هواجيس ابدويٍ هايم ٍ في عشق فلاحه وروح ٍ تايبه كانت تبي لذنوبها غفران خطاي انّي كتمت اسرارها بعيون بواحه |
هذي قصيده قالها الدحيمى في طيره وملواحه
يوم عود من القنص فاقد طيره وخسران وزود على همه يقول انه عاشق فلاحه الي مالها في عشق البداوه طاري ولا شان تبي حضري يعتني بثوبه ولمعة خرز مسباحه ويجنبها الفلاحه ومرواحهاها الصبح للبستان |
نسيت أيام كنّا لاظمينا نشرب من البير سقى ذاك القليب اللي تصافق ماه بحجاره |
هذاك البيرصار اليوم بياره
كدرت صافي ماه سو التدابير |
روّح وهو ضامي وانا ناشف الريق وفصدورنا لاصوات الاحزان، نبره وَدّع ْوِحَملّني (تَعَبْ) فوق ماطيق مُنْهَك جِسَد ووجيه الايام غبره وانا معلّق في رجا الوقت تعليق وما لي على تصريف الاقدار دبره |
هي الدنيا تقـول لمن عليـها
حذار حذار من بطشي و فتكي فلا يغرركم حسن ابتسامي فقولي مضحك و الفعل مبكي |
يا مسافر للجفا و الوصل يبكي عليك وين عهدك بالوفا للخفوق اللي يبيك |
كان الوصل يصاحبي يرضيك... اجيك
اجيك رغم الظروف الي عنك منعتني |
يالذتي يوم اشوف نخضب كفوفك تضما كفوفي سلام وتشرق طعوني لاتعتذر لي اكيد مقدر ظروفك متاعب الدرب ماتخلف بك ظنوني لو ما تجملت فيني شفت معروفك مهما تكون الظروف تكون مطنوني ما جيت اعاتب حبيبي جيت ابا اشوفك وش عاد لو كنت بين الرمش وجفوني |
ياعيوني سامحيني لـ شاغلتك جفوني
احيان ماميز بعض الحقايق بشوفك احساسي بقلبي يبدد مني ظنوني واشوف الي عجزشوفك يروقك ماجيت للعتب اناجيت مشتاق لمضنوني ماهمني شوفك ولا همتني ظروفك محمد |
كني معك في سواليف المساء واعي حتى بنومي تمنيني وتنهرني وأفز لك من حلاوة النوم مرتاعي نشوان من عقب طيف منك خدرني عليك من كثر حبي صاحت أسماعي أمنك غصب عليه وانت تغدرني خلك على قولتك مازانت أوضاعي وأحفر قبر من يمين الدرب وأقبرني |
يامساء السوالف الي تبهرني وتسهرني
وانا على السهر مارتبت اوضاعي لولا صوتك العذب على السهر يجبرني ماكان شفتني للحين ياصاح واعي ينهاني صوتك العذب عن النوم ويامرني وانا مالي حيله غير اني ارخي لك اسماعي هات ماعندك با عذب الالحان واطربني خلاص ماعاد ذا لليله للنوم داعي محمد |
يمطر سحابك سيل مدحي وذمي انا معزب مرسمك والشعر ضيف |
في لوحتي رسمتك بالوان طيف
وامطر سماها وسال مع لونها همي محمد |
يا صاحبي بكفيك مدحي وذمّي كان الجفا تقصير يا زين قصرت يا من نثر برماح الأهداب دمي لو للجروح ضماد وصلٍ تصبّرت لا شك ما انته يا دعج العين يمّي لا والذي اطغاك زين وَتكَبّرت ظامي هوى وشربت من فيض همّي ويوم ارتوت روحي من الدمع صدرت |
تحملت من الجفا ياصاحبي وتصبرت
لين الصبر صار مركاي على همي ماعدت اطيق الجفا لوتصبرت وكابرت كن الجفا صاير اخوي او ابن عمي ياصاحبي لاتشره علي لوشفتني تناثرت تعال اجمع شتاتي واذبح همي وغمي وانكانها على الجروح كم تحملت وكم دمعت خرت ومسحتها بطرف كمي محمد |
يا صاحبي وأقسى الهروب إلى تخيلت الهروب من الجروح الماضية صوب الجروح المقبلة من كل صوب ألقاك لين أفارقك من كل صوب مثل السؤال اللي سئمت أجاوبه قبل أسأله أنا أسألك باللي خلق للذنب غفران الذنوب وش يجني اللي باع عمره لأجل عمرٍ يجهله |
هو سؤال واحد محيرني وما قدرت اسأله
كل ماجيت اسال احس انه على لساني يذوب واحسب حساب جواب يمكن مااتحمله ويمكن يحسب علي ذنب من جملة ذنوب الجرح الاول عارفه... مدثره ومتزمله الخوف من جرح جديدماله دوا ولاطبوب محمد |
بس ب حلاك القصيد إن قلت :- يمديني يقول :- ب الوصف ( حاول مرتا آخرى ) !! جيتي وكلي ظما لقياك واسقيني وانتي عيونك ب شفّي / تكتب وتقرى مافيه داعي أقول :- ارجوك اقريني مكتوب في جبهتي ( ياعيشة قشرى ) ! وإن كان جيتي ل جرحي لاتداويني خلي جروح الهوى والشوق ل الذكرى ابحتفظ بـ الجروح ولاتخليني وياجعل جرح يجيبك لي / مايبرى !! |
الحب حب الروح يا ساكن الروح، بين الضلوع البيض سكرت بابه،، ، حب النقا من قلب صافي ومشروح، مخفي عن العالم ولاأحد درابه،، |
(هو صحيح الهوى غلاّب) بس للغلابه!!
وحب الروح يسري من الروح للروح حب صفى صافيه عذب شرابه ماله في ميادين المصالح أي مصلوح محمد |
حب جديد .. وقصيدة عشق مجنونه الله يحييك ياحب لفا توه حب لكله .. وحبٍ بس لعيونه حبين باقصي خفوقي بس له هوه ايه انصتي ياشجون الروح ممنونه جاني رقيق المشاعر ناوي الخوه |
هلابالجديد الي قديمه ماطفت ضوه
تدفي ظلوع البردان وتلحف متونه وهلا بالقصيد الي قاله شاعر مفوه رتب حروفه وعزف لها لحونه وانا ياصاحبي تشرفني لك الخوه لامديت لك يمناي جات لك ممنونه محمد |
همس لي بصوت(ن) ناقل الهرج مايوحيه بيوم(ن) مبارك جا للاقدام ما جت له ضحك لي حجاجه وانكشف لي بعض خافيه هرج لي وكنه يسرق الهرج ويختله |
هذا الصوت الي ماغيره اطرب له
يشنف اسماعي واصغي له واوحيه وان همس لي بالصوت اروح فدوة له ياحي صوته وهمسه وياحي طاريه |
هذيك الليالي وين أثرالزمن دوار خذاها ولاظني زماني يرجّعها طوتها السنين ولابقالي سوى التذكار لياشافته عيني تسابق مدامعها |
الغياب اجمل اذا شان اللقى والفراق أكرم اذا شحّ الوصال |
لاتخلّيني بعد فيضة كنيني وأنت خابرني على الوصل .. أنتحاري لاتروح بروحتك؟ كلّن يجيني ماني مكااابر .. ولا حتّى مدااري أنكسرت من الفراق وشوف عيني شوف عيني وأنت تدري .. بنكساري |
يامن توسد همه
وتململا وشكا بأدمعه المواجع للملا وبكى وأبكى السائرين لوجده هلا شكوت لمن على العرش أعتلى |
| الساعة الآن 07:19 AM. |
Powered by vBulletin® Version 3.8.9
Copyright ©2000 - 2024, Jelsoft Enterprises Ltd.