منتديات أعز الناس

منتديات أعز الناس (https://www.a3zz.net/index.php)
-   ركن الطبخ (https://www.a3zz.net/forumdisplay.php?f=14)
-   -   مطبخنا الرمضاني 13 (https://www.a3zz.net/showthread.php?t=13808)

مجبورة 06-08-2017 06:13 PM

مطبخنا الرمضاني 13
 
( المجموعة الثالثة عشر )
.
.

http://a3zz.net/upload/uploads/image...b2b2a97b0f.gif

http://a3zz.net/upload/uploads/image...4e1bf8a543.jpg
( شوربة سي فود كريم )

"المقادير":
- جمبري وسط مسلوق مع 5 حبات هيل ونصف
ليمونه لازالة الزفر ..
- 5 حبات كابوريا مقطوعة من النصف ومنضفه
ومسلوقه مع كم حبه هيل ..
- كاسة ونصف حليب طازج ..
- ملعقتين نشا ..
- علبة صغيرة قشطة خفق ..
- رشة هيل مطحون ..
- مكعب ماجي ..
- فلفل اسود ..
- ملعقة صغيرة زبدة ..
- بصل ابيض مقطع مكعبات ..
- فلفل رومي الوان ..

"الطريقة":
نسلق الربيان ربع ساعة ونتركة على جنب ..
في البلاندر الحليب والنشا والقشطة الخفق ..
نجيب القدر ونحط فيه الزبدة ونكشن الجمبري والكابوريا
مع ذرة هيل مطحون >> له نكهة خاصة في هالشوربة,
ونحط الماجي معهم والفلفل الاسود وبعدها نضيف المويه
وما تكون كثير تقريباً 3 كاسات إلى 4 ..
وإذا بدت تغلي نحط اللي خلطناه في البلاندر على
الشوربة ونذوق طعمها ونملحها ..
ونشوف قوامها لا تصير ثقيلة مرررة ولا خفيفة ونتركها على
نار هااااادية لمدة 10 دقايق ..
وقبل الغرف بدقيقتين نضيف البصل والفلافل الملونة
وإذا تحبون حلقات جزر ..
>> اهم شي لا يذبل بعدين يطلع مو حلو ..
وبالعافية ...
http://a3zz.net/upload/uploads/image...b2b2a97b0f.gif

http://a3zz.net/upload/uploads/image...06a9900d30.jpg
( سلطة رولات الباذنجان )

"المقادير":
- باذنجان حجم كبير ..
- بقدونس ..
- بطاطس مقطع مكعبات صغييييرة ومقلي ..
- طماطم بدون لب مقطع مكعبات صغيييرة ..


"الطريقة":
نقطع الباذنجان شرايح بالطول وتقلى ..
بعد القلي توضع بصحن فيه زيت زيتون ملح وثوم
وليمون ونقلبها من كل الجهات ..
نبدء ناخذ وحدة وحدة ..
ونحشيها بالحشوة ..
الحشوة هي الطماطم والبطاطس والبقدونس
متبلينهم بملح وليمون وشوي ثوم وزيت زيتون ..

نلفها مثل الأصابع
نحطها بصحن التقديم
نخلط علبة زبادي
1 ملعقة مايونيز
ملح/ ليمون
ونحطه على أصابع الباذنجان ..
نرش السماق والنعناع الجاف ..

وتتقدم زي ماتحبون
http://a3zz.net/upload/uploads/image...b2b2a97b0f.gif

http://a3zz.net/upload/uploads/image...565779a38a.jpg
( شطائر الجرجير والببروني )

"المقادير":
- تقريباً 10 شرايح بيبرويني جداً نحيفة ..
- طماط مقطع شرايح نحيفة ..
- بيضة مسلوقة كاملة مقطعة شرايح نحيفة ..
- شوي ورق جرجير (أو خس) ..
- مايونيز (يفضل مايونيز بيتي لو تعرفون تسوون) ..
- حبة كروسان من نوعية ممتازة ..

* البيبروني للي ما يعرفه هو نوع من أنواع السجق أو النقانق.
هو بإختصار عبارة عن لحم وشحم مفرومين (مو كبدة وجلد
ومصارين زي ما يقول ناس كثير)، مملحة، مبهرة،* مدخنة
ومعتقة أو مجففة ..
البيبروني لحم مطبوخ وممكن ينوكل* علطول ما يحتاج أي طبخ
زيادة بس الطبخ يغير فيه شوي ويخليه يقرمش وهذا سبب حب
أغلب الناس له. البيبروني منتشر وموجود في أي أي سوبرماركت
في السعودية في نفس القسم اللي يبيعون المرتديلا
والسلامي وهذي الأشياء ..

* فكرة ناس كثير عن الكروسان مغلوطة ! الكروسان مو فطاير
على شكل هلال ! الكروسان عجينة معقدة مصنوعة من
طبقات من الزبدة و العجين تقريبا أقرب مالها البف بيستري
وليس عجينة العشر دقايق وغيرها من الخرابيط !
أشتروا كروسان جيد لهذي الوصفة، كروسان يكون بالزبدة
مو بالمارجرين أو بدائل الزبدة زي كثير من الأنواع الأرخص.
تلاقون كروسان جيد في أي مخبز ممتاز زي محلات بول
Paul وغيرها. إذا ما توفر تقدرون تسوون الساندوتش
بأي خبز ثاني تحبونه بس الكروسان يعطيه شي زيادة ..

"الطريقة":
نشغل الفرن على 400 ..
نرص البيبروني في صينية فرن بعدين نرشه بشوي زيت زيتون
وندخله الفرن. نخلي البيبروني في الفرن إلين يتحمر ويبدأ يصير
يقرمش (بيصير يقرمش أكثر إذا برد) من
10-15 دقيقة تقريباً ..
نشيل البيبروني من الصينية وننزل حرارة الفرن ل 350 ..

نقسم الكروسان بالنص بشكل أفقي ونحطه في نفس الصينية
اللي حمرنا فيها البيبروني (الوجه المقطوع على تحت). نمسح
الزيت الباقي في الصينية في الكروسان ..

ندخل الصينية بالكروسان عليها للفرن ونخليه إلين يتحمر
من تحت شوي ..

الحين نبدأ نركب الساندوتش : ندهن الكروسان على
الوجهين بالمايونيز بعدين نحط البيبروني وبعدين البيض
وبعدين شرايح الطماط وآخر شي الجرجير، نقفل
الكروسان وبعدين نثبته ( لو حبيتوا ) بعود أسنان ..
http://a3zz.net/upload/uploads/image...b2b2a97b0f.gif

http://a3zz.net/upload/uploads/image...8d1fde74bd.jpg
‏(
Mini Mars Kunafa )

"المقادير":
- زبدة
- عجينة كنافة
- هيل
- سكر مطحون
- كيري
- مارس
- قشطة
- شيرة
- فستق مطحون

"الطريقة":
نطحن عجينة الكنافة ونخلط معها الهيل والسكر والزبدة
ونبطن بها قوالب صينية ميني تشيز كيك متحركة القاعدة ..
نضع في كل قالب مكعب كيري ومكعب مارس وملعقة
قشطة ونغلقها ببقية العجينة ونفعل المثل لكل القوالب،
ندخلها الفرن حتى تحمر وتترك لتبرد قليلاً ثم توضع في
طبق التقديم ويصب عليها الشيرة وتزين بالفستق
المطحون وتقدم ..

عمر آلعمر 06-08-2017 06:58 PM



الساعة الآن 10:41 PM.

Powered by vBulletin® Version 3.8.9
Copyright ©2000 - 2024, Jelsoft Enterprises Ltd.

Ads Management Version 3.0.1 by Saeed Al-Atwi

HêĽм √ 3.2 OPS BY: ! ωαнαм ! ©, Soft
.