منتديات أعز الناس - مطبخنا الرمضاني14

( المجموعة الرابعة عشر )
.
.
http://a3zz.net/upload/uploads/image...03488c9bfe.gif

http://a3zz.net/upload/uploads/image...93c5baa557.jpg
( شوربة الطماطم )

"مقادير":
3 حبات طماطم مقطعة اثمان
بصلة متوسطة مقطعة جوانح
فصين ثوم مقطعة شرائح
كريمة خفق
زيت زيتون
ملح - حسب الرغبة
فلفل أبيض - حسب الرغبة

"طريقة العمل":
* نشوح الثوم والبصل بقليل من زيت الزيتون حتى
يذبل البصل مع إضافة الملح والفلفل الأبيض.
* نضيف قطع الطماطم ونتركها على نار متوسطة
مع التقليب حتى تذبل.
* نضيف كوب ماء مغلي ونتركه على النار.
ربع ساعة تقريباً.
* يخفق الخليط بالخلاط ويصفى جيداً.
( احتفظي باللب الناتج عن تصفية الخليط
لإستخدامه لاحقاً بالطهي كـ البيتزا )

يعاد الخليط على النار لمدة 5 دقائق على نار متوسطة
[ عند التقديم تضاف الكريمة بعد تسخينها بالوجه
أو تمزج مع الشوربة حسب الرغبة ..
وبالعافية ...
http://a3zz.net/upload/uploads/image...03488c9bfe.gif

http://a3zz.net/upload/uploads/image...c9f6908619.jpg
( السلطة الهندية الحارة )

"المقادير":
بازلاء
بطاطس
بهارات حاره
ملح
فلفل اسود
كمون
بهارات مشكلة
بصل وثوم
كركم
حبه طماط مقطعه مكعبات صغيره

"الطريقة":
نسلق البطاطس والبازلاء بمويه وشوية ملح
ونتركها على جنب.
على النار نحمس الزيت مع البصل والثوم والطماط
المفروم وخليط البهارات الملح والفلفل والخ ..
نضيف البطاطس والبازلاء على المقادير السابقة
ونحركها حتى تتجانس.
عند التقديم نضيف لها طماط مقطعه ونزينها
بالليمون وبالعافيه
http://a3zz.net/upload/uploads/image...03488c9bfe.gif

http://a3zz.net/upload/uploads/image...f3aaa105a4.jpg
( مسالا دجاج )

في الخلاط (زبادي + مكعبين ماجي + كركم
+ بهارات الماسالا + زنجبيل +حبتين طماطم
+ صلصه + عصير ليمونه + ثوم + قرن الفلفل )
بالقدر حطي الخليط ع النار مع بصل مقطع صغيرررر
وفلفل رومي والدجاج المقطع مربعات ..
وخليها ع النار بعد مايستوي الدجاج حطي كريمة
خفق وخليه كمان شويا ع النار وذوبي ملعقة نشا
مع مويه وحطيها عليها وقبل ماتطفين النار ب دقيقه
حطي نص زبادي وحركيهم وطفي ..
وبالهنااا ..
يقدم مع الرز الأبيض او أي رز بالطريقه الهنديه
http://a3zz.net/upload/uploads/image...03488c9bfe.gif

http://a3zz.net/upload/uploads/image...3e0f3bd2b6.jpg
( لفائف دجاج التندوري )

"الطريقة":
نقلي الدجاج التندوري ونخليه على جنب
ونسوي حمسة بصل + فليفله خضرا + حبة ماجي
+ بهارات + فلفل أسود + ملح
ونجيب الدجاج التندوري ونحطها على الحمسه
ونبدأ نخلطها مع ملعقتين ك جبن بوك + ملعقتين مايونيز
وآخر شيئ لفيته بالخبز وقطعته بعد ماشويته على
خفيف بالشواية الكهربائية.
http://a3zz.net/upload/uploads/image...03488c9bfe.gif

http://a3zz.net/upload/uploads/image...eb85d3257f.jpg
( مولتن كيك )
‎"مقدمة ضرورية"
‎المولتن كيك وحدة من أشهر وصفات الحلويات حول
العالم. الحلى هذا جدا بسيط ، مقاديره متوفره وسهلة،
إذا جاء الشخص يكسر الحلى ويشوف الوسط السايل
ينزل ويسيح في الصحن, وعشان كذا الناس يحبونه
والمطاعم يحبونه, فيه ناس ومطاعم كثير وخصوصاً
عندنا في السعودية يسمون المولتن كيك “سوفليهشكولاته”
هذا خطأ كبير (وبيني وبينكم أعتبره بعد غش) كون
السوفليه كائن مختلف تماماً.
‎السوفليه نوع من الأكلات ممكن تكون حلوة أو مالحة
‎مطبوخ في الفرن إلين يطلعله تاج أو قبه
‎عاليه ويستوي من داخل تماماً.
‎قوام السوفليه يكون خفيف ورطب (تقريبا زي
السيريلاك) بس يكون مستوي من داخل تماما يعني
ما يكون سايل.
‎السوفليه بشكل عام صعب ومعقد ويحتاج دقة
في العمل ويعتبر عقدة لكثير طباخين. المولتن كيك
هو نوع من أنواع الكيك اللي بدون طحين flourless
cake* و اللي يكون مطبوخ إلين ما تستوي
الأطراف بس سايل من داخل.

"المقادير":
56 جرام زبدة غير مملحة (تقريبا نص أصبع أمريكي)
مقطعه مكعبات صغيره + شوي زيادة لدهن القوالب
56 جرام شكولاته غامقة Dark Chocolate من
أحسن نوع مقطعة صغار
1/3 كوب سكر أبيض
ملعقتين كبار بودرة كاكاو
بيضة + صفار بيضتين 
رشه ملح
ملعقتين صغار طحين
.
* الشكولاته الغامقة لاتزيد نسبة الكاكو فيها عن 70٪ إذا
بتستخدمون شكولاته أغمق يمكن تحتاجون تزودون السكر
شوي عن اللي حاط. أنا قللت السكر شوي في الوصفة
لأن كثير من اللي أستخدموا شكولاتات أفتح لقوا إنها
حلوة أكثر من اللازم. 
* الوصفة تسوي تقريبا حبتين إلى ثلاث حبات مولتن
كيك بس تقدرون تضاعفون المقادير حسب الحاجة.

"الطريقة":
نشغل الفرن على 350 فهرنهايت.
ندهن صحون سيراميك Ramekins (يعني
صحون سوفليه) من داخل بزبدة دافيه بشكل جيد
ونتأكد إننا غطينا كل المناطق بعدين ندخلها
الثلاجة إلين نحتاجها. 
نخلط السكر مع الملح و الكاكاو البودرة
في صحن صغير.
نسوي حمام مائي عشان نذوب الشكولاته. نحط
شوي مويه في قدر صغير ونحط فوقه صحن
ستانلس أو قزاز بحيث الصحن ما يلمس المويه
اللي تحته. نشغل النار إلين توصل المويه لغليه جدا
جدا خفيفه بعدين نحط الشكولاته و الزبده في الصحن
اللي فوق. نحرك الشكولاته و الزبده من وقت لوقت
وأول ما يذوبون نشيل الخليط من النار (لا تخلونه أكثر
من اللازم عشان لا تنحرق الشكولاته).
نضيف خليط الكاكاو والسكر والملح على الشكولاتة
الذايبة ونحرك إلين يصير خليط ناعم بعدين نضيف
صفار البيض ونخلطهم مع الخليط وبعدين البيضة
الكاملة إلين يدخلون في الخليط و آخر شي الطحين. 
نوزع الخليط على صحون السوفليه بالتساوي.
الحين نقدر نطبخ الخليط علطول أو نقدر نحطه في
الثلاجه لوقت ثاني (بعد ما نغطيه بنايلون) أو
حتى لليوم الثاني.
ندخل الصحون الفرن في الرف الأوسط ونخليها إلين
ما تصير الأطراف مستويه شوي وجامدة بس الوسط
يلمع و إذا دخلنا عود يطلع وهو رطب تقريبا أخذ
معي 20 دقيقة بس يمكن يختلف عندكم، أفضل تبدون
تشيكون عليها قبل الوقت وتطلعونها إذا أستوت
وصارت زي ما وصفت.
الحين نفك الأطراف بسكين نحيف بعدين نقلبها على
صحن شوي شوي ونرش عليها شوي سكر مطحون
للتزيين لو نبي. نقدر ناكلها لحالها أو نقدمها مع
إسكريم أو صوص فواكه أو فواكه كاملة أو كريمة
مخفوقة (زي ما سويت بس مع شوي سكر عشان
تكسر الحلاوة).