|
نبذة عن الشاعر أحمد الصانع ومقتطفات من قصائده
أحمد محمد الصانع شاعر كويتي له تجارب عديدة في القصائد النبطية و الغنائية ، أقام بعض الأمسيات والأصبوحات الشعرية غنى له العديد من المطربين ومنهم عبدالمجيد عبدالله و راشد الماجد و طلال سلامه و نبيل شعيل و ديانا حداد و سعد الفهد و فيصل الراشد و حمد القطان و علي العبدالله و جواد العلي و شمس و عبدالقادر هدهود و نايف البدر و عبدالعزيز الضويحي و حمد العاري و شمه حمدان ماجد المهندس كانت بدايته من خلال المنتديات الأدبية . http://www.crezeman.com/vb/img/img_1418148664_929.gif |
// مرثية شآآعر ودي أموت اليوم و أعيش باكر وأشوف منهو بعد موتي فقدني !! ومنهو حملني لين ذيك المقابر وأشكر أنا كل من كرمني و دفنّي!! وبأشوف يرثيني أنا كم *شاعر ؟ ومنهو تركني و ما كتب شي عنّي!! . . [ لتحميل القصيــــــده ] http://www.4shared.com/file/18694208...eed/__-__.html ومن دوآوينـهه .. http://www.7ophamsa.com/up/uploads/1433106251881.jpg |
خيـآنـة ملك
قبل أبتدي عندي طلب ركز طلب ماهو " رجاء " ! ما أبي تجاوبني .. ولا تستغرب إني أسألك لا تنصدم من عزلتي , حالي كما : أبو العلاء عندي سبب : ما تستحق إني أجيك و أوصلك لا تعتبر جمر الحكي من شاعرك يعني " هجاء " لو كنت بهجي حضرتك ما خفت منك .. قلت لك ! هذي القصيده صنفة في دفتري قصة " رثاء " حب يموت وتنولد .. وحب يعيش ويقتلك ! ناديت لك ياما .. ولا لبيت لي , وضاع النداء ! إنبح صوتي والصدى من كثر ما ناديت لك ! أقرب من ثيابي علي وأبعد من نجوم السماء ورغم إبتعادك والتعب ..أرسم طموح وأمهلك .. ما كنت لي الداء وأنا ما كنت ل جروحك " دواء " .. ما عشت في دنياي لي !!عايش ولكن عشت " لك " ! علمتك القلب الوفي .., ما يخذلك فيه " إنتماء " ! وعلمتني كيف العشم في من تحبه .. يخذلك !! علمتك إن أصل الهوى يرجع ل كلمة " إحتواء " ! وعلمتني إن الهوى , ما عاش يوم ب داخلك ! علمتك إني لك بحر [ مده وجزره ] لك وفاء ! وعلمتني كيف أنصدم وأغرق أنا في ..ساحلك ! ما تستحي ,, ودامك كذا ؟ - إفعل حبيبي ما تشاء ! توي عرفت إني كثر ما أعرفك .. كنت أجهلك ! ما عاد تفرق غيبتك أو رجعتك .. عندي سواء ! كنت إهتمامي ورغبتي .., والحين دوري أهملك ! لا صار قلبي لك وطن .. أبسألك وين الولاء ..؟ وشلون حال المملكه ؟ - دام الخيانه من ( ملك ) ! إن كنت جاهل ..! " لعبتك قلبي " وما فيها ذكاء حتى الطفل إن جبت له [ لعبه ].. - ولاءه صار لك ! قبل أنتهي عندي - أمر ما هو طلب وإلا - رجاء .. لا يشغلك ماضي إنتهى .. ركز على " مستقبلك " ! http://www.7ophamsa.com/vb/images/icons/ah11.gif |
//
الأطـــلآآآل إللي شفته في [ وصالك ]مو شويّه ..~ كيف أصبر وآنا في وصلك أعاني جيت لك شآيل[ خفوقي] بين إيديّه ..~ مآبغيت إلا من أيآمك ..~ ثوآني .. . . [لتحميـــــل القصيده ] http://www.4shared.com/file/18692714...9a5d/_-__.html
|
ممنوع !
تعال , دامه [ صعب ] قربك / دخيلك وإلا السهل من حضرة الحب ما أبيه أقول أبيك ,, وقلت : ممنوع أجي لك ما تدري كل ممنوع / لي رغبة فيه [ ممنوع ] أحب غيرك لأن الحقيقه ؟ مافيه " أحد " يسوى يجي في / مكانك . [ ممنوع ] أنام إلا ب هذي الطريقة : ( أنام أنا وياك .. و أحضن حنانك ) [ ممنوع ] أنا أنساك لو في – دقيقة - ! لازم ( أفكر فيك ) , و ( أعز شانك ) . . . [ ممنوع ] أسمع : صوت : كل الخليقة ..... . ويا زين كل كلمه تجي من { لسانك } [ ممنوع ] أحس إن كنت وياي ضيقه ياللي خدمك الحظ .../ فيني و عانك [ ممنوع ] أقول : القلب / شي يعيقه قهوة ( ظروفي ) .. حلها , زعفرانك [ ممنوع ] أقول إن الزمن ما أطيقه لأنه زماني صار " صدفه " زمانك !. قلبي ( ذهب خالص ) , وحبك بريقه وكل ما أسوي في حياتي [ عشانك ] دام .. المشاعر .. يا حبيبي , رقيقه ؟ و القلب خان أحبابه اليوم / .. صانك . بردان ؟؟ شب إحساس " قلبي " حريقه إدفا عسى تكسب ( دفاك , و رهانك ) " سيفك " إذا خان الرفيق ب رفيقه , يعني أشيلك , لو تعثر .. [ حصانك ] .. . لو خان { كل } معشوق مره عشيقه ؟ : مايخون قلبي لو خطا الكل و خانك ! : دام " القوافي " في بحورك ../ غريقه ( شاعرك ) يبدع و إنت إطلق عنانك ب أكتب قصيدي فيك وهذي الحقيقه ياللي تهز [ أبيات شعري ] .. كيانك : مسموح كل إنسان يقرا المعاني لكن شعور القلب يا ناس محفوظ ما قلت من ( حظه ) لأنه لقاني أقول أنا من يوم ألاقيه : محظوظ |
,*
سفينة نوح // : يكلمني عن جروحه .. وأنا من سبته / مجروح ! يسولف لي عن (أحبابه) وأسولف (عنه) ل حاله .... أحس في دمعة عيونه , وتطلع من بكاه الروح , وإذا يفرح مع غيري . . . بكى " قلبي " و / هناله . ياليت آنا معاه اللي ركبنا في [ سفينة نوح ] محد يقدر يفرقنا لا : عمي .. و لا : خاله رسمته في قلم ناشف على قطعة خشب من لوح و تهيألي يحاكيني !! ويبيني أرسم إظلاله تحرك طيفه الدايم . ولعب في حسبتي بجموح . يحب الخيل , و , أشعاري .. عشانه صاروا خياله وصار ب عيني ( الأجمل ) مع إن شوي هو / مملوح , ولا غيره ملا عيني وقلبي بس يصفاله ذبحني قلبي الساكت ! ... متى قلبي عليه يبوح ؟؟ أحبه وماعرف إني أحبه , وأعشق وصاله . . . كتمت , وهذا من طبعي , وتمنيت " الغلا " مفضوح ببين له ولا أقدر !! مع إني جالس قباله . أخاف إنه بعد مده يطير ... ومن إيديني يروح ! هو نعمة من فضل ربي , ويقولوا : النعمة زواله لي قلب من كثر حبه على : فراش التعب : مطروح , لا هو " ميت "..ولا " عايش " .! ووالله إن مااات أشواله . وحبي من طرف واحد , غلا صادق بدون مزوح وإذا هو طاح ؟ قداامي .. نزله / قلبي / و : شاله .!! شكالي وكنت له أسمع . . . وقلبي دوم له / مفتوح يطمني عن " أخباره " , وشنهي آخر أعماله وإذا شفته خطا ب حقي بدون أعذار ؟ .. هو مسموح , في نياته ولا يدري .! وطيبة قلبه هماله . في جياته ...... . يروح الهم , ويبدل ( دمعتي ) ب فروح تمنيت البشر مثله . . . وكل من حولي أمثاله .! من الله حبه في قلبي حشى مالي ترى مصلوح , عسى يكبر ويذكرني ويسمي ب " إسمي " : إعياله . |
غصب
http://www.7ophamsa.com/vb/images/smilies/0162.gif آآآحبك .. من هنا .. ل أرضك . ياليتك " ساكن " / أرضي أنا ما أقول [ يا حظك ] ب حبك قلت : ياااحظي ! تقول إني مثل { ومضك } و أقول إنك , أنا ونبضي , إذا في مسألة - رفضك ؟؟ قبل [ رفضك ] يجي / رفضي فديته " طولك , و عرضك " أحسك .. من هلي و - عرضي أنا راضي ترى ف بعضك ! وإخذني ( كلي ) مو بعضي . أنا مو قادر : آفضك : يا " سيرة " حب . . . ماتقضي أنا عايش على - نبضك حبيبي والعمر يمضي ... شاعرك .. من يوم " شافك " ؟ مستقر , وضعه كثير مايبي غيرك ولو فرشوا له الدنيا ( ذهب ) ما أبيك تقول : ودي ... بس ... خايف مايصير ! دام أنا عايش / تمنى . راح يصير الشي [ غصب ] ما هو لايق .!! ألمح أحزانك على " وجهك " .. وأدير !!. راحتك في ( المرتبة الأولى ) , و - إترك لي , التعب [ إربط حزامك ] حبيبي . باخذك منهم . و أطيير : تصدق إني .. طول عمري .. ما أحب إلا { الصعب ..! . : أعترف " مجنون " في حبك . . . رغم عقلي الكبير ما إعجبك غيري ! أنا إللي راح أوريك - العجب . لل فعل ( ردة فعل ) إلا أنت !! , مالك أي : نذير فجأة من الله " أحبك " بليا أفعال و سبب . قلبي - طفلك , إللي مهما يكبر , ب عينك : صغير يعني " قلبي " لو ما إنت ؟؟ كان عمره [ ما لعب ] إن خطيت - أسامحك .. لأنه . . يجمعنا ( المصير ) و إن خطيت ب يوم ؟ - تقبل زلتي , ب صدر رحب . ربي إللي ميزك فيني . . . . وخلاك ( إنت غير ) و :: نرجسيتي فيك :: لأني بس أنا , طلت العنب يا " عسل دوعان " من شفتك أحس إني : بخير { نخلة } . . جتني / وتنتج أجود أنواع الرطب للحلا .. عندك // بدايه // بس , ما فيها أخير وشاعر إلهامه عيونك . . لا تلومه لو كتب القصر [ قلبي ] وهذا التاج و توجتك / أمير ولا تحاتي شي ..... . دامك فيه . وإحساسي الشعب : . . عطني " القيادة " , وإنت .. : غمض عيونك وتمتع ب رحلة غرامي . . . على الهون . . . عجزت أعيش ب عمري هذا / بدونك ! وياك أنا إما ( أكون ) أو ف ( لا أكون ) موشرط من صان الأوادم ؟ " يصونك " مافيه ب قلوب البشر { قلب مضمون } بعض الكلام إن جاك . . . سكر أذونك لو خان تعبيرك ترى الصمت :: ملسون :: عني الكثيير يسولفوا و / يسألونك قالوا لك إني ~ ساحرك وإنت مجنون ~ من خان ل أجلك ,’, مو ضروري ,’, يخونك ل أني ل أجل [ عينك ] أنا خاين – عيون !! |
( بــــ الحلم ـــــلاد ) ..
" تعريفـ المُحَـال " : جاني واحد قال : بسأل كم سؤال وقبل يسأل قلت : أنا ماني خبير ! قال: جاوب بس , يا ولد الحلال وكل كلمه حِطَّهَا .. فبيتٍ صغير قال نبدي : شنهو تعريف المُحال..؟ قلت : خَل الكلمهـ فـ الشطر الأخيـر ..! القهر : إن شفت دمعـات الرجال والوطن : ( إنسان ) .. مِتغيِّر كثير والطفل : لعبه على شاطـي الرمال والأمل : إحساس في عين الضرير الوفا : [ قلبين ] .. يجمَعهُم حلال والرَجُل : اللـي علـى أهلـه يغير والرجا : لا قلت : للواطـي تعال والفشل : مدري .. ولكنـه مرير الشعر : في وقتنا .. بدر وطلال وكان أوَّل : حيـل يعجبنـي جرير ..! والغلا : إحساس إلى حَـد الخيال والعِشِق : لا شفت مَعشُوقِك تطير والجفا : إعكس مفاهيم / الوصال والوَصِل : يعنـي تأكَّـد فيك خير والعقل : تِسْفَـه أقاويـل الجهال والجهل : إن قلت عن نفسك كبير والخطر : لا صار ما عندك مجال والبلا : إن صرت معدوم الضمير والعجب : لا صرت تسأل منهو قال والتعب : إن كنت تِبْحَثْ عن مصير الغنى : بالنفس ما هو راس مال والفقر : من كان .. بأعماله فقير يكفي يكفي .. أسئله إنهي الجدال ويالله علمني عَن .. السِّر الخطير ما أبي تضرب لي في غيرك مثال قول : عنِّك وإعتبر سِرِّك في بير جات طعنـه مِن جنوبك والشمال يعني وضعِك بين مِن حُولك خطير صاحبـي وإن ضاقت بعينك ليال لك فرشت القلب مفروش الحرير في [ بلاد الحلم ].. ممنوع العقال والمصيبه الشعب ما أختار الأمير وما ألومك .. كان شدِّيت الرحال دام بيتك جرح / وفراشك حصير هذا تعريفي إلى كلمة : مُحَال شي ودِّك فيه ولا يمكن يصير ..! |
//
. [ لتحميــــــل القصيـــده ] http://www.4shared.com/file/18693597...48c/__-__.html قنبلة احسآآآس قول عادي بالي الليله طويل شُوف لِك عذرٍ قديمٍ / وأقبِلَه !! لآآآ تحاتي قلبي مِتعَوِّد يشيل : ( الجُروح ) اللي تجي له مُقبِلَه " طيبتي " صارت مثل ( كف البخيل ) أيِّ شَي طايح .. تِشُوفـه ؟ تحمِلَه... . |
تعبـــــــآآآن
تصدق حيل أنا تعبان . . . . . . , ولكن[ مآآ أبين لك ] ! أبيك تحس من كيفك انا مآآآآبي المح لك , . . [ لتحمـيــــــل القصـــيده ] http://www.4shared.com/file/186935151/2f68ef12/-__.html |
حآآتم الطآآآئي أجي مسْرع إلى ذاك المطار ويرتبك نصفي ونصفي الثاني يتسائل!! عن اللي صار و أخطائي تروح شلون عنْ عيني..وتبدل قوتي بــ ضعفي!! ولابه شي يستاهل عشانه..تبدي إيذائي مسافر دونْ ما أدري وحزني داخلي مخفي أبيك الحين مو باكر تحلقْ فوق أجوائي . . [ لتحميـــــــل القصيده ] http://www.4shared.com/file/18693568...fe8/__-__.html |
//
كُليب إبن ربيعه وش الحيله إذا قلبي يحب وصادق الإحساس ..........كأنك بس في الدنيا وجروحي ماتبي* غيرك أجيك إيدي على قلبي وأكتم داخلي الأنفاس ..........آموووت ومآآآابين لك وأمسي لك على خيرك . . [ لتحمــــــــيل القصيــــــده ] http://www.4shared.com/file/18693849...8c/___-__.html |
المدينـــــــه
ما تغيَّر شي .. لكن .. صار فاضي هـ المكان يعني إنتَ شفت قلبي طحت مِنْ عيني وعينـه [ كان ] لك قلبي " مدينه " ولاحظ إني قلت : كان ! . . [لتحميل القصـــيده ] http://www.4shared.com/file/18693300...7f06/_-__.html |
القضـــــيه
مغفره وذنوب والساعه بلا تُوبَـه تدور السنه صَارتْ سَريعه حِيلْ وأحْسِبْهَا شهر عِذتْ أنا مِنْ شَرْ خَناسٍ يوسْوسْ بالصدور ومآآ بكيت إلا لوجــه اللــه في ليلة قدر . . [ لتحميل القصـــيده ] http://www.4shared.com/file/18693920...7b9a/_-__.html |
بلآآد الحلــــــــــم جاني واحد قال : بسـأل كـم سـؤال وقبل يسأل قلت : أنا مانـي خبيـر ! قال: جاوب بس , يـا ولـد الحـلآآآل وكل كلمه حِطَّهَـا .. بشطـرٍ صغيـر قال نبدي : شنهو تعريف >>المُحَـال..؟ . . [ لتحميل القصيده ] http://www.4shared.com/file/18693408...c9b/__-__.html |
لعبة جـــديدة
جديدهـ لعبتك هذي رجُوعك ليه أبي أفهم ؟! ترى مآآآ جيت فـي وقتِك أنا مُو حاسِب حسابك نسيتك أو تناسيتك ( دخيل اللـه ) لا تهتم وأبشرك وجه أحزاني ضحك لي وإنقفل بابك وبسيطه جات مِن صالح حيآآآتي ..طعنتك للعلم قريتـك وإستفد قلبي مِـن المضمون بكتابك . . [ لتحميـــــل القصيـــدة ] http://www.4shared.com/file/18693883...bc6/__-__.html |
قنبلة احسآآآس قول عادي بالي الليله طويل شُوف لِك عذرٍ قديمٍ / وأقبِلَه !! لآآآ تحاتي قلبي مِتعَوِّد يشيل : ( الجُروح ) اللي تجي له مُقبِلَه " طيبتي " صارت مثل ( كف البخيل ) أيِّ شَي طايح .. تِشُوفـه ؟ تحمِلَه... . . [ لتحميــــــل القصيـــده ] http://www.4shared.com/file/18693597...48c/__-__.html |
معـــــركه أفترض أني نسيتك يآآآحبيبي أفترض والمشاعر >> أزعلت مني وصارت [معركه] كنت أفكر لوتركتك وقآآآل قلبي أعترض شيل هالفكره .. لأنك مو بكيفك تتركه . . [ لتحميل القصيده] http://www.4shared.com/file/18693980...6bef/_-__.html |
تدري وش سوَّى غيابك ؟!
مـوَّت غيابك سوالف ..! http://www.7ophamsa.com/vb/images/smilies/0162.gif ما يخوِّفني زماني بس من فرقاك خايف ..! فجأه أصحـى ومـا أشوفك .. لا تهددني ... ظروفك إعتبرني .. حلم / واقع وإلاَّ ظلٍ ما يطوفـك ضاميٍ عطشان .. جيتك لا يعشمني سرابك ..! تسمح بكلمه ؟! بغيتك قبل لا تبدي غيابك ..! . . تدْري وشْ معْنى غيابكْ ؟ يعْني : أسْوَءْ شيْ شفْتَهْـ طولْ عمري !! تبْدي ضحْكاتي هلابكْ وفي وداعكْ ما ينامْ الجَرحْ بدْري وإنتْ كيفكْ شوفْ وشْ ناوي عليـه هاكْ قلبي وهاكْ سيفكْ وسوْ فيني اللــي تبيه! لا تحاتيْ صفّحْ بكيفكْ جروحي وإشْطبْ آمالي وطموحي وإعْتبرْ قلبي كتابكْ !! . . تدري وشْ حطّم غيابكْ مرْكَبْ بداخلْ شعوري منْ نسى قلبكْ .. حضوره قلبي ما واجَهْ / شعوره عندي ما بـه شي ضروري فاقد إحساسْ الأماني لا مراسي لا مواني وصارتْ الدنيـا / قسى !! وصار دوري.. أعشق أنواعْ الأَرَقْ .. وألفظ أنفاسْ الغَرَقْ وصوت معناه الخَطَر وقلبْ ميّتْ / يحتضر منْ غيابكْ السلامه فيها قلبي ما رسى لا صباحي هو صباحي ولا مسا قلبي / مسا يا حبيبي في .. غيابكْ إختلفْ شكلي ولوني صرتْ أنا إنسان / ثاني والسَهَر تعّبْ عيوني والسؤال اللي ذبحني : - صج اهو فعلاً نسى ؟ راح وأهداني الأسى! وما وصلتْ إلا لـ حقيقهـ : الجفـا أسْهَلْ طريقـهـ للقسى..! . . تدري لو ينطق غيابك؟ بس أبسأل وين كنت؟ ووين رحت بغيبتي؟ وبسأله عن وضع قلبك! هنت عنده أو ما هنت؟ ياللي مِن غيرك حياتي/ ما لها داعي ومعنى ! صار قلبي ما يحاتي: بعد ما تخليت عنـه ! إيه كل الناس عندي بس مابيهـم بدونك ..!! تدري يا عمري بأنك.. عندي كل الناس إنت ! ومهما تجرحني / مسامح وكِل طعناتي / عوافي عشت وافي لدنيتك وبموت وافي .. ما اخونك لو تجافي ما هو آنا اللي إن ضاقت علي الدنيا / خنت . . تدري وش صار بغيابك..؟ غاب [ شاعر ] أحتريه الوطن : يبكي عليه والورق : مسكين ضاق والقلم : يفقد إيديه عاجز التفكير فيني يلقى حلٍ للفراق الزمن مثله زماني والدقايق هي دقايق والسؤال اللي جرحني وين فايق وين فايق وين فايق..؟ ليه ما يكتب قصايد وين فايق..؟ ما نشوفه بالجرايد وين فايق..؟ نفقده بالحيل / وايد صج هو راح العراق..؟ وش يسوِّي ليه راح..؟ وين فايق..؟ ما تعب صوتي ينادي صرت مُزعج صرت هادي وفجأه قلت: بصوت صارخ " فاااااااايق " وأسمع جراح راح صوتي والصدى يرجع .. سكات مَنْ تُنادي ؟؟ لا حياة كم أسيرٍ جو رفات مات.... ومات.... مات.... ومات... لحظه لحظه منهو مات..؟ صرت أحس الإختناق يعني فايق ما رجع؟ ليه يا حظي وجع قلبي دقاته سباق مِن خبر موته فجع وهذا آخر شي صار مات فايق في العراق !! . . غيبِتِك [ قسمه ونصيب ] خلْني أشرَه عـ ( الزمن ) يا حبيبي .. ما هو عيب إن بكى فينـي .. الوزن ( يا تصيب و يا تخيب ) [ فكره ] .. في بالي تزن إنتَ [ أكثر ] مِنْ حبيب إنتَ لي .. معنى ( وطن ) ..!! يعني مِنْ غيرك " غريب " ما أساوي .. أي ثمن ..!! وإنتَ أقرب مِنْ / قريب [ رمش ] وشعوري جفن ولما عَن عيني .. تغيب لا مدينـه .. ولا سكن..!! مااااتــ .. إحساسي العجيب وصرت أبحَث عَن كفن.!! ما هو كل جرحٍ يطيب وما هو كل حزنٍ : " حزن " ..!! . . تدري وش ناتج غيابك ؟ زادت بـ قلبي الهموم ! [ الفَرَح ].. عنِّي مسافر وحزني ضيفي كل يوم صرت أسأل صرت " ضايع " حلم هذا أو حقيقه ؟! كنت شاري وإنت / بايع به مثل هـ الضيق ضيقه ؟! عطني من وقتك / دقايق شوف وش فيني و روح ! يا حبيبي حيل ضايق حس مرَّه بـ الجروح يعني جرحي ما يهمِّك ..!؟ وعادي عندك لو [ أضيق ] إنسى إنَّ إسمك .. حبيبي صير لي عون وصديق ليه قلبك .. ما يبالي ..؟ وقلبي " محتاجك " يبيك إنتَ عندي شخص غالي تكفى لا تصدمني فيك ما بقى لي شخص / غيرك وإعتيازي لك .. تعب إيه محتاجك وشوقي نار وغيابك " حطبــ " ! . . عليك شلون ما أزعل؟ وتسوِّي أشياء تجرحني ! تضايقني بـ أفعالك .. وتظن إنِّك مفرحني ؟ تسوِّد وجهي بـ طعونك .. وتبيِّض ( وجه ) أحزاني ..! [ ياليت ] اللِّي حصل منِّك .. حصل من واحدٍ ثاني ! مثل غيرك ومنتَ غير .. جرحت جروح ما طابتــ ..! هقيته فيك يطلـع خير .. ولكن هقوتي " خاااابت " صدمني الكل .. ومو ناقص ! بعد منِّك تجي صدمه تحطْها بذمِّتك ( عادي ) وسيعهـ صارت الذمه ! بسيطه كانت أحلامي .. توقعتك تحب لي الخير وتدوِّر .. راحة أيَّامي ! وأشوف إن الحقيقه غير .. تحب الخير لـ جروحي ؟ حبيبي الوقت ما قصَّر وكلمة حق .. يا روحي : ( جميع الناس تتغيَّر ) !!! . . تدري وش ينهي غيابك ؟! ينهي أحلامي و [ طموحي ] ويبتدي مشوار حزني .. وتنتشر فيني جروحي ! ما بقى للشوق حاجز من كثر ما عاش فيني كيف أقول : إشتقت لك ؟! وصورتك دايم بـ عيني ! كيف أضحك .. كيف أنسى ؟! وإنت غايب عن مكانك لو يخون الكل ويقسى قلبي لك عمره ما " خانك " .. ما قدر يترس عيوني .. من بعد عينك عيون ! ليه مستغرب جنوني ؟ يا موصلني الجنون .. شفت كل الدنيا هذي ؟! ما تساوي أي شي ! قمت أسأل نفسي [ وييينك ] .. من معاي ؟ ومن علي ! وبالنهايه لا تحاتي .. تبقى في دفتر حياتي : أغلى كلمه .. وأحلى كلمه ! إنطقت فيها " شفاتي " ..! . . تدري وش " يقتل " غيابك ؟! يقتل إحساسي وعمري ! وين رايح عن عيوني ؟ ليه ؟ تو الناس ! بدري ! إدفن أسراري معاي .. ما أبي أي شخص يدري لا تسولف من وراي ! خل يكون الحب " عذري " ..! وإن سأل عني قليبك ؟! لا تفكِّر في الجواب ! قول [ إحتاجك ] حبيبك .. وإنت لاهي بـ الغياب ! من يحبك .. وش مصيره ؟! - " يحترق " قلبه أكيد! تنهي أحلامه الكبيرهـ .. وتبدي في حبٍ جديد ! ولا يهمك قلب حبّك ! وضحَّى في عمره / عشانك .. المهم يرتاح قلبك .. وتلقى في الدنيا / مكانك ! صرت أبعد من منامي ! وكنت أقرب من ثيابك !! أختصر باقي كلامي ؟! حيل يقتلني غيابك . . تدري وش بكَّى غيابك ؟ موق عين اللي تحب ! مهتني حضرة جنابك والمشاعر " تنتحب " ..! المطر من غبت ينزل إمتلت عيني وخدِّي ! ما رضى قلبي يعزِّل رغم إنِّك صرت / ضدِّي ! إستحَت منِّك [ طعوني ] .. وما قويت أصير ضدِّك ! ليت ما شافت عيوني من يذمني [ ضيف ] عندك ! إنسَحَب فرحي / وطموحي ويني عنِّي ؟ - ما دريت ! صرت أضحك من جروحي وداخلي ياما ( بكيت ) .. ! صارت الراحه / ألَم واللي باقي .. ما سَلَم !! " التَعَب " واقع أعيشه قلبي بـ الفرحه حَلَم ..! دمعتي تمشي تسولف وإنعَمَت عين الشفايف وكل دمعه تطيح منِّي إنكتَب فيها " حسايف " مو غريب أبكي عشانك الغريب إنِّك .. تخوِّن !! ويبقى مثل أوِّل مكانك وأعتبر هـ الجرح ( هيِّن ) ..! فدوه لك جرحي .. وضيقي المهم قلبك يحب .. تدري وش موتي الـ حقيقي ؟! [ من حياتي تنسحب ] .. : : تدري وش صحَّى " غيابك " ؟ جرح نايم من سنين !ما ربحت وما فرحت جرحي فيني يستهين ! غيبتك كانت خساره إفهم التعبير زين من ترك قلبك دياره وجه جدرانك ( حزين ) ! دمعتي تملي عيوني عين تسأل فيني عين تبكي فيني أو بدوني وضعت بين الدمعتين ! وين أيَّامك يا " غايب " ؟ قلبي يسأل قول وين !! يا بعد كل الحبايب .. شوف وش سوى الحنين ! نمت وفي حلمي لقيتك وقمت أردد كلمتين : لا تغيب أكثر فديتك نامت أفراح السنين ! : تدري وش وقَّف غيابك ؟ وقَّف غيابك [ سنيني ] ! نبض قلبي .. ليه ساكت ؟ والدموع اللي تباكت ؟ كل هذا صار فيني !! يعني معقوله تغيب وما تراجع بـ القرار ؟ منظر غيابك كئيب ! واقف بـ " سكة قطار " ! في قفص صدري ربيت كيف أحس الطير طار ؟ لا نهاري هو نهار .. وفيك أسهى ما دريت ! ومن يكلمني يقول : يا بخت من به سهيت إنت ما حسيت يمكن والغياب أكبر دليل , دايم يردد لسانك : " لذَّة الشي القليل " راضي قلبي في قليلك ! المهم ألمح وجودك تحترق أعصاب قلبي .. وإنت غايب ! يا برودك !!! : تدري وش بعثر غيابك ؟ قلب من تغليك عينه ! من بعد ما كان يشوفك رغبته ومعنى سنينه ليه يا عيني بكيتي ؟ قالت عيوني : حزينه ! قلت يرجع إن هديتي قالت إبتنهيد : وينه ؟! هذا " قلبك " بين إيدينك .. وما أبيك ترده لي ! من كثر ما قلت : وينك ؟ صرت أسألني علي ! ضعت في زينك وشينك مات قلبي وإنت حي ! ما تهم صارت سنينك وما يهمني كل شي ! كل هذا وإنت باقي .. مستغل نقطة فراقي ! ما لقيت بوقت همي " شخص " .. وبـ الفرحه ألاقي ! : مدام الشوق ما جابك وبقلبي الشوق متنثر : غيابك حيل يذبحني .. ويخلي الحب يتعثر ! قليل إن قلت في حقك ومهما قلت أنا مقصِّر ! كثير أشياء تدفعني عليك ، إعذرني ما أصبر ! أحبك ( لا ) ما أبيها ! أبي أكثر من [ أحبك ] ... ومدامك دنيتي فيها حبيبي ما أبي " أكثر " ! قدرت أنسى جميع الناس وفعلاً صرت أنا ناسي ..! يا ماخذ منِّي الإحساس أبي أنساك .... ما أقدر !! معاي إنتَ أكون بخير وقلبي حيل مستانس .. عن العالم حضورك غير وفيك [ الكل ].. متأثر ! تبي تقسى تبي تبعد ؟ وأنا أشتاق لك ويَّاك ! تعال إن جابك الموعد أنا ما أبيك ( تتأخر ) ! حزين القلب بـ غيابك وفيه الجرح ما يصغر أقول أشفى مع المُدَّه ! وأشوفه يكبر .. و يكبر .....! : : تدري وش معنى غيابك ؟ يعني " الموت " المحقق ! عمرك إنتَ شفت [ دفتر ] .. من غلا شخص يتشقق ! يعلَم الله .. وش [ ظروفي ] .. يا بعد عيني .. وشوفي .. مدري وش فيها حروفي ! ما تبي تكتب ( أحبك ).. ! ليتك .. الليله " معايه " ..! ليمتى وهذي السوالف ؟ كل ما جيتك .. تخالف ! قول إذا عـ البُعد حالف وما تبي ترجع لي ثاني ! قول .. علمني .. عشاني لا تعلِّقني .. بـ دربك بين قلبي .. وبين قلبك ! ما أبي أكثر .. أعاني .. عـ الأقل , عطني [ نهايه ] ..! من أماني لي أماني في دقايق في ثواني .. أحترق وأقول : وينك ..؟ إيه وينك ..؟ وين عينك ! يمكن بلحظه أشوفك .. ويمكن إنِّي ما أشوفك ! وبين كل يمكن .... أموت ! وأرجع أرجع للسكوت يعني أرجع للـ " بدايه " ..! : تدري وش يقهر غيابك ..؟ [ قلب ] في الغيبه سهر ! كل خلق الله إذكروني وإنت .. ما عندك خبر ! يعني ما هزِّك قصيدي ؟ كل ما تقرا ( جديدي ) ! ودِّي أسمع رَد / مُقنع : وينك بـ العيد؟ كيف من غيرك أعايد ؟ يـ اللي " متهنّي " بـ عيدك .. عطني الحل المُحايد فيدني ... الله يفيدك ! لا حياتي / هي حياتي .. و الصبر ؟ وين الصبر ! راح مثلك يا غلاتي وما بقى فيني [ عمر ] ...! عيد .. وإنت بعيد عنِّي ؟ بذمتك هذا إسمه ( عيد ) ! كل من جاني يهنِّي قلت : دونك مو سعيد ..! بس .... تذكَّرني بـ غيابك .. والفَرَح يملي ثيابك : عيدك مبارك حبيبي وعيدي من غيرك .. قهر ! |
/
تِصَدِّق وإلا ما تِصَدِّق .. أنا عَاجِزْ عَنْ التفكير تعَالْ وشُوفْ في عينِكْ غِيابكْ وشْ عَمَلْ فيني حبيبي ما بُقى عِندي صَبرْ .. يتْحَمَّـلْ التأخير رَحَلتْ .. وعِقبكْ الدنيا غلاها طاح مِنْ عيني أجَاوبْ اللِّي يسْألني عَنْ أخْبَاري وأقولْ بخير وأنا لا خِير بغيابكْ .. ولا حَاجَه .. تهنيني على طاريكْ كِلْ لحظه .. . ولا أحتاج للتذكير حَريصْ القلب ما ينسَى عيونِكْ , لا توصيني مَحَدْ يِقْدَر يعَوِّضْنِي لأنِّكْ .. في عيُوني غير ومَهْمَا شِفتْ أنا الفرحَه .. بدونِكْ ما تسليني أنا خِنتِكْ .. وهالغلطه حبيبـي ما لَهَا تبرير علاقة حُبْ مَجْنُونَه .. ما بينْ أحزاني وبيني وكيف الحَالْ وشلوني .. جَوابٍ ما يَبي تفسير بدونِكْ إنتْ , ما تِضْحَكْ حَياتي وترْمِشْ سنيني مِثلْ شَاعِرْ عِجَزْ يوصَفْ شعُوره وخانه التعبير أنا ضايع .. ولا أدري مِنْ فراقِكْ .. أنا ويني مِثلْ طيرٍ كِسَرْ بُعْدِكْ جَناحَه وما قِدَرتْ آطير أحَاولْ أبْتِسِمْ وأنْسَى ولكنْ وشْ ينسيني..؟! أشُوفِكْ في صباحي إنتْ مَعْنَى يا صباح الخير وأشُوفِكْ في مَسَائي حِلْم وردي .. لا تصحيني تِصَدِّق .. السَهَر يَرْسِمْ عيُوني ويتْقِنْ التصوير ويشِقْ النُور في صفحة حياتي .. وما ألاقيني أنامْ شلونْ ؟ ومشكلتي عِجزتْ ألقى لَهَا تدبير طِلَبتْ النُومْ .. لحظاته و عيَّى النُوم , يعطيني تغيَّر وجْهَي .. مِنْ أوَّل غيابكْ وإبْتِدَى التأثير حبيبي .. مِنْ التَّعَبْ كافي خذيتْ اللِّي يكفيني يا أغلى مِنْ رَحَل عنِّي يا كِلْ الحُبْ والتقدير تعَالْ: إنْ كان لِي عِندِكْ مَعَزَّه وكان تغليني تعَالْ: إنْ كِنتْ تعشقني وإذا فِعلاً تبي لي خير تعَالْ: ومِدْ لِي .. كَفْ الوَصِلْ .. وآمِدْ كَفيني إذا كانْ الجِفا واجِبْ بدى مِنْ قلبي التقصير أبيكْ الحِينْ .. تِرجَعْ لِي ولا تِرجَعْ تخليني أنا ما أقولْ اللِّي صَار فِيني , ما هقيته يصير لأنِّي كِنتْ .. ( متأكد ) .. بأنْ البُعد ينهيني : |
تغريدآت ~
/ عليك الصُبح يسأل ليش ما شفته وأجيلك حلم / تفسيره صباح الخير أحبك ؟ لا , أحب كل شي فيه إنته سما قلبي ووحدك في سماي الطير #أحمد_الصانع |
..
إترك سوالف غلاي ورجعتي عنك مرتاح قلبي / ولله الحمد , والمنّه تحلم بأنّي أجيك ! وأعتذر منّك ؟؟ ذكّرني حلمك بحلم إبليس بالجنّه #أحمد_الصانع |
..
للـ محبه عيون , وللـ نوايا لسـان والمشاعر صريحه والحروف إستحت قمّة الحُب تسكت وإنتْ كلّك حنان تِتبَع إللي تحبه من تحت لي تحت #أحمد_الصانع |
كل ليله في غيابك ( ألف عام ) وشاعرك من غبت ، ماعنده نظر صار فيني شي مو قادر أنام !! هذا هو [ الحب ] أو هذا [ سحر ] !! بين حيرة وشك وأشواق وملام تنقطع بسكات ! ـ لا حس وخبر !! ماحطبتك .. لين شفت الإهتمام ، ليش تتركني وحيد ... بْلا شجر !؟ رحت مثل الحلم لحظات المنام وجيت مثل " الموت " للّي يحتضر أفقدك : مثل الطفل وقت الفطام وأعشقك : عشق بدويٍ للـ مطر أذكرك : وأذكر تفاصيل الكلام وأسهرك : يمكن تمر / وما تمر ليش تسرق قلب في عز الظلام ؟ ليش تقتل شخص لك عنده قدر ؟ جيّتك .. مسك ( البدايه و الختام ) جيّتك .. عندي مثل : فكره بكر راضي لو مره تجي في كل عام كنّي طفل وشوفتك [ عيد الفطر ] لأني من شفتك أحس إنّي : تمام كنت صاحي وقلبي في حالة سكر كانت أجمل ليله كانت ( يااا سلااام ) ليله وحده بـ العمر تسوى العمر |
إجلس بـ قلبي حبيبي ، ماعليك . وأي شخص يضايقك فيه ؟ إطرده ! أفقدك لو غبت لحظه وأحتريك ، وغيرك يغيب ( العمر ) ما أفقده . ما لِمَح قلبي السعاده ... إلا فيك ، موت حزني " إنت " سبّة مولده ! إنثر الأشعار كلها بين إيديك ، وفي لسانك خل تذوب المُفرده . أوعدك تلقاني جنبك و { أحتويك } ! يوم غيرك كان حلمه ... أوعده ، إيه أغار وما أبي غيري يجيك | حتى [ ظلّك ] لو أطوله ؟ ببعده ! قلبي مثل المملكه وإنت ( المليك ) ، يعني قلبك واجب إنّي أسعده . ما أبيك تروح عنّي ، بس أبيك : تقرا أوّل بيت وإفهَم ... مقصده . |
لأنّك ... : لص .
سرقت القلب من ( داخل ) ضلوعي , دون ما أدري ! و تزعل لو أقول إنّك – حرامي ؟! ولا تزعل حقيقة إنّك " | حرامي و " نص " أبي لي قلب من عندك . . . عديم إحساس و أبيك . . . الناس . أبي لا نمت في محجر [ عيونك ] تنكتِم أنفـاااااااااس وأبي لا قلت لي : شلونك ؟ : و أنا أشوفك , أقولك .. / أصصصـ .. .. حبيب الروح تعال و – روح لكن ! لا تخليني في " هذي " الأرض , ألملم قلب من شافك ؟ يقول إنّك { هدية حظ } .! أنا ما أبيك في قلبي | معاهم | بغيت ~ الكـــل من حولك . . . في قلبي وحضرتك بـ :: النص .! |
ماعاد به . . . حلٍ وسط فينـي المحبـه لك ( فقط ) أقول . . . حبك : غلطتي وأرجع على نفس الغلط ! #أحمد_الصانع |
باب النوايا قبل كل شي يتقفَّل لا تِدْخل بنيّتي ، شرها وخيّرها أنا بهالشي يا محبوبي أتكفّل فِكْرَتْك عنّي محد غيري يغيّرها #أحمد_الصانع |
من مدحني صار فجأه يذمّني ما ألومه / لو جَحَد , كل العطا إللي يِفْهَمني خطا ؟؟ ماهمّني لأنه أصلاً , ودّه يِفْهَمني خطا . #أحمد_الصانع |
\
قسى قلبي عليك وشوف تقصيري إلين أشوف , قلبك ينقسم نصين وسامحني ، إذا أقسى : بـتعبيري أنا طبعي كذا , قاسي مع القاسين . #أحمد_الصانع |
كل يوم يزعل علي وكل يوم أعتب
والعيشه ويّاه صارت عيشةٍ قشرا مشكلتي إنّي أتابع كل ما يكتب وإن قال : تقرا ؟ أقول له : لأ ما أقرا #أحمد_الصانع |
أحبك بين قلبي وبين حالي وتفز لشوفتك عيني الثقيلة يبيك القلب ، لكنّي يا غالي عزيز النفس جيّاتي قليلة ! #أحمد_الصانع |
أحتاج لي موطن ، وأحتاج لي روح أحس فيني / صرت ما أحس فيني ! ياصاحبي ، تدري أنا ليش مجروح من عيني طاحوا ناس يسوون عيني . #أحمد_الصانع |
ما ينكسر لك حلم من غير سبّه
إحلم على قدّك ، ويعطيك ربّك دوّر / على واحد يحبّك ، وحبّه ماهو ضروري من تحبّه يحبّك #أحمد_الصانع |
يا أبعدهم عن عيوني وأغلى الناس
يا حُبٍ عاش في قلبي , ليالي كثير حبيب الغير وشلونك عسى لا باس تعبت أقول فـغيابك : عساك بخير ؟ #أحمد_الصانع |
أخذ إللي يخصه وإللي ما خصّه
وأنا واقف بكل إحساس ، أتأمَّل ورى كل قصةٍ حلوه تجي غصّه وأنا قصّه كتبها ، بـس / مـا كمَّل ! #أحمد_الصانع |
أحس موجود حتى وإنتْ مو موجود أنا { مشتاق } وهذي والله { البلوى } تذكّرتك . . . وأدري / مُستحيل إتعود ترى الذكرى حزينه , حتى لو حلوه أنا بيني وبينك صار فيه ( إحدود ) ! تدخّل إللي يسوى , وإللي ما يسوى أحبك / لو ( طريقك ) آخره ،، مسدود وإلين أموت .. { غيرك إنتْ } ما أهوى أحس موجود وأدري فيك مو موجود وترى الذكرى حزينه , حتى لو حلوه |
لا يشوفونك ، ولا تسولف لهم
يعني لو فعلاً تبيني ؟ خلّهم إيه أغار ، وما أبي تكلّم / أحد ياخي ( قاطِع ) هـالأوادم كلّهم . , #أحمد_الصانع |
وإنته معاي ومو معاي أحن لك ! مثل الهوى أتنفّسك وأحتاج لك مو مشكله لو غبت يوم أشتاق لك المشكله اليوم من غيرك ؟ سنه . #أحمد_الصانع |
حاول كثر ما تقدر ،
إنّك : ما تغيب . حاول تكون أقرب لي من كلمة : قريب إنته الهنا والحال في قربك : يطيب وإن غبت عن دنياي ؟ غيّبت الهنا . #أحمد_الصانع |
| الساعة الآن 02:48 PM. |
Powered by vBulletin® Version 3.8.9
Copyright ©2000 - 2024, Jelsoft Enterprises Ltd.