منتديات أعز الناس

منتديات أعز الناس (https://www.a3zz.net/index.php)
-   من أشعارهم (https://www.a3zz.net/forumdisplay.php?f=7)
-   -   وقام الصبح متأخر (https://www.a3zz.net/showthread.php?t=13502)

السحر الحلال 01-10-2017 09:26 AM

وقام الصبح متأخر
 

وقام الصْبح متأخر
وناظر ساعته وإلا
عقاربها ثمان إلا

وصاح بصوته العالي
يا بنت اكوي لي شماغي
وجيبي ثوبي ونعالي
وسجّاده
بيصلي الفجر كالعادة !!

بسرعه قبل ما يرفع
مديري " العلة " التوقيع
وتضيع الترقية وآضيع

يا احمد قبل ما أنسى
ترى جارك ابو ميسا

فقير ومعوز ومحتاج
يبي له مأكل ومشرب
يبي له ملبس ٍ وعلاج
عطه من هالزكاة اللي
ياروحي أنت....

ــ صبر يا بنت

وش اللي أنت ؟؟
فلوسي كلها راحت في اسهم
سابك ونادك
وفالكهرب وفي الاسمنت !!
أنا ما قلت ياتغريد ..
زميلي نايف المسكين

بيتزوّج وهو " أعرج "

عقب يومين !

أنا ما قلت ياتغريد ..
رفيقي صالح الأعور
يبي يناظر هلال العيد

أنا ما قلت ياتغـــ ـ ـ ـ ـ

بس

ترى هذا الحكي مْصْيبه

ـ وش اللي صار ؟

حرام تجرّح صيامك
بــ هـالغيبه

خذ شماغك وخذ ثوبك
وقل لي أغسله بكره
على فكره !
يا أحمد ليش ما حجيت الى هالحين ؟
ترى التسويف ما ينفع
الا من جاتك السكرة

ترى مليت هالسيرة
انا كم قلت لك بصبر
ومكّة كلها زحمة
وعالم ما بها رحمة
عسى في الصبر لي خيرة

*** وراح أحمد وصل شغله ***

هلا ياحسين ..
بشّرني عن احوالك

بخير ٍ طاب لي فالك ..
أقول احمد ..
سمعت انك بتتزوّج
يا بو " وجهين "
وجعّ .. اقصر ..
من اللي قال لك يالشين ؟
ــ سمعت وبس ..
ولكن ماتصوّرتك ..
أنانيّ .. و .. بهالنيّة

ياشيخ احسن بي ظنونك
قسم ما هيب انانية
أبد والله ..
وربي كان قصدي يوم اعدد
أتّبع سنّة
نبي الله !!

محمدبن عبدالعزيز 01-10-2017 01:45 PM

كلمات جدا رائعه جمعت بين الحكمه
والابتسامه
يعطيك العافيه

السحر الحلال 01-10-2017 11:52 PM

سعدت بمرورك

نفسي عزيزة 01-11-2017 06:49 PM



هذا النوع من الشعر رغم خفة ظله إلا أنه يعالج قضايا اجتماعية
وإنسانية بأسلوب رقيق و ممتع

السحر الحلال /

عكست الابتسامة علي و جوهنا

شكرا لك

السحر الحلال 01-12-2017 11:56 AM

أشكر اطلالتك

عمر آلعمر 01-15-2017 10:12 PM



:)
تشكر على هذه المعزوفة الطريفة ..
سلمت يمينك ..


الساعة الآن 11:13 PM.

Powered by vBulletin® Version 3.8.9
Copyright ©2000 - 2024, Jelsoft Enterprises Ltd.

Ads Management Version 3.0.1 by Saeed Al-Atwi

HêĽм √ 3.2 OPS BY: ! ωαнαм ! ©, Soft
.