قصيدة تركي الصخري‏
 

السلام عليكم ورحمة الله وبركاته...
حبيت اششارك بقصيده .. للشاعر تركي الصخري .. من اروع واجمل ماقرات .. واتمنى ان تنال على رضــاكم؟؟














احدى روائع الشاعر والناقد المميز (تركي الصخري):
((الـــفـــســاد الإداري))

عودٍ سألني بعـــد ما ســـــــمْع الأخبار
.......... وشْ هو وأنا آبـــــوك الفـــساد الإداري .؟!

قلت إنت تسمع بالغلا اللي في الأسعار؟
........ قـــال اسْـــــمع ولكـــــن سبـْـــــبها تجاري

قلت السبب واضح فكل الدول صــار
....... بـــــــس الرقـــــابه غــــــايبه .وإنـــت داري

عامين زاد ابْها الغلا عشــرة امرار
.......لعبة لصــــــق., والسّعـــــر صــار اختـــياري !!

نلوم في التـــــــجّار والإســــم تجّاار
...... زبـــونــهم بالعــــــشْرة أضـــــعاف شــاري


وخلك من التجّار تسمــع بالإعمار ؟!
....... مشــــروع يعـــلن فــــي الــــقرار الوزاري

مرصود له خمسين ملـــيون دولار
........ يبغــاه والي الأمـــــر منـــجـــــز حضــاري

واليا انتهت كل المباني والأصـوار
....... ثلـــث المســــاحه زارعــــــينه شــــجـاري

وأقل من ثلــــث المساحه فــــدوّار
...... مــا بـــــين نافــــوره ..ورســــــمٍ جــــداري!!

وموقف مخطط مآخذ الآف الأمتار
...... لأن المـــــتر ..متــســــجّل بســــعْر نـــــاري

وأعلام والمبنــــى مقــيدينه انوار
....... في الشــــــرْق الأوسط له مـــكان اعتباري!!

نكبّر المـــــشروع لبــــطونٍ اكبار
........ أمـــــــوال تصْـــــرف للفســــاد العقــاري


وخلك من الإعمارتسمع بالأمطار .؟؟
...... ســــيول خلـــــــّت منــطق الزيـــــف عـاري

اعوام راحت كلها غــــشْ وإهـــدار
...... وانهـــــارت فلحـــــــظه جــسور وكبــاري

غرقوا نسا ., ورجال من كل الأعمار
......كن المشــــي في الأرض شــــي انتــحاري

طاف الشوراع يضرب ايمين ويسار
....... ووجــْـــه الفـــشل لابان .مـــــاله مــداري


وخللك من الأمطار تسمع بالأدوار ؟
....... الي ترقــّـــى فــــــي درجْـــــها جــباري

مـــــعامله محتاجه أوراق وأحبار
....... فيــــها يــــــورّونك نجـــــــوم الضـهاري

ان كان متوسّط برجّال لــــه كــــار
...... الواو فيـــــــــتامين .نافــــــع .وســـاري

وان كان ماعندك ظهر ذقْت الامرار
...... مابين ودْ وجـــيب ., وأصْـــبر ., وجــاري

ان مادهنْت السيـــر لاشــــك ما سار
......وهـــــــذا كــــــلامٍ لـــــهْ يــــقرْ القــراري


وخلْك من الأدوار .تسمع بالأخـــطار؟
..... اليا انجبــــرْت تـــــزور قـــسم الـــطواري

مصاب ., والتأخير عقّب لك اضــرار
..... مــالك مكـــــــان وطــــــوّل الأنــــتظاري

وإن رحْت تسأل جابوا اعذار وأعذار
...... وحـــــذراك تزْعل . من بطـــــاهم حذاري

تصير متهجّم ., ومخطي ., وثرثار
....... وأتْلا المشــــــاكل تقضب الباب ســاري

دكتور يشْرب قهْوته وانــــت منهار
.وعــالم تحــــاكي بعْــــــض مثــــــل
الكناري

يعني واذا واحـد مـــن أصابعك طار؟!
....... عادي ترى ماهو بوضــــع اضـــطــراري


والمشهد اسوأ .من تواصيف الأشعار
.......وأعمْ وأشمل ., منجبر فــــي إختـصاري

هذا زمــــان الــــمال والكلــــمه اشْعار
...... ماصــــار للإخـــــلاص والصــــدْق طــاري

ولاني معمّـــــم باقي ابطــــال واحرار
......وباقي امــــــل ., ومحــارب الزيف جاري

جرأة ملك .زاحت عن المخْطي ستار
..... وأكْــــبر فســـــاد إداري إنّـــا نـــداري

تركي الصخري

واللهي حلوووهـ

تعبر عن واقعنا بدون زيف اخرج مرارته بكلمات ساخرهـ

وتسلم يمين كاتبها وناقلها

والله يعطيك العافيه

الله يعافيك عيون المها.

والاروع تواجدك وردك المتميز.

ويعطيك العافية على التواصل الدائم يالغالية.