بسم الله الرحمن الرحيم

مكه المكرمه قبلة المسلمين ويأتون اليها الناس من كل فج عميق لااداء مناسك الحج والعمرة
فدخول الاجناس المختلفه الى مكه في مواسم الحج ورمضان صار لسكان مكه عادات مختلفه اخذوها من الاوادم الي يجو لمكه .

حتكلم عن عادات اهل مكه الي أعرف انهااا والي عاصرتها وعشتها والباقي قمت بالاستعانه
بالناس القدامه الي عاصروا الزمن القديم .
حتكلم عن عادة اهل مكه في رمضان ومازالت هذه العاده موجودة الى يومنا هذا ,, طبعا في شهر رمضان مكه تصير زحمه , قبل المغرب بساعه او اقل شوف الزحمه عند الفوالين وراعيين
السوبيا والشريك والكعك واحمل مافي الموضوع في مكه ان العائلة كلها تتجمع غلى السفرة وقت الفطور .
طبعا امكن اغلبيتكم مايعرف ((السوبيا ))
السوبيا : تصنع من منقوع الشعير وبعضهم يضنعوها من كسر الخبز الجاف والبعض يضيف عليها زبيب .
ومن العادات الباقيه بين اهالي مكه في رمضان تبادل الاكلات بين الحريم هذي تسوي سمبوسه لجارتها وهذي تسوي مقلية والتانيه تسوي الشوربه وكان من المعروف عيب انك ترجع الصحن فااضي لازم تحط فيه شي وترسله .

ومن العادات ايضا وقت نزول المطر كان الجميع وقت نزول المطر يجمعوا الطشوت جمع (( طشت )) ويحطوها على الاسطح او في الحوش عشان تمتلي بموية المطر ويطبخو بموية المطر (( المعدوس )) الي هوا رز بالعدس .
وكانت في انشودة دائما يرددونها الاطفال وقت نزول المطر
يا مطرة حطى حطى على زراعي بنت اختى
بنت اختى جابت ولد سمته عبدالصمد
عبدالصمد ياعيوني يالي لابس الليموني
لابس الساعه اللماعه تسوى كل الجماعه

وايضا من العادات الباقيه عند اهل مكه في موسم الحج عمل (( المعمول )) أغلب بيوت مكه
في موسم الحج يقوموا بعمل المعمول ويتبادلوه بينهم انا ارسلت لجارتنا وبعد ذلك جارتنا ترسلنا وكدا حتى يكون حبل التواصل قايم بينهم .

طبعاا خدمة الحجاج دي عاااده في اهل مكه بشكل عاام فنادرا ماتلاقي واحد فاضي مابيشتغل في الحج لان الشي دا في عرقوهم من زمان .

السؤال هنا كيف يخدم ابناء مكه ضيوف الرحمن ؟؟

هناك مؤسسات تابعه لوزارة الحج تحتوي على مجموعه من المكاتب (( المطوفين )) وكل مؤسسه نابعه لنطاق معين في العالم طبعا موظفي هذه المكاتب من شباب واهالي مكه
فهم يعتنو في الحاج منذ وصوله الى مكه ومتابعته حتى يتم حجه بكل يسر وسهوله حتى يغادر بلاده بكل سلامه .
ابناء مكه في موسم الحج يمرون بمشاق وهم وسط اهاليهم ولكن كل هذا من اجل خدمة ضيوف الرحمن واحتساب الاجر عند الله .


الموضوع تنفيذ لطلب أخوي محطم وذلك لدفع كفالة السجن