عرض مشاركة واحدة
قديم 10-04-2020, 10:16 PM   #1
انفاس
| عضو نشيــط |


الصورة الرمزية انفاس
انفاس غير متواجد حالياً

بيانات اضافيه [ + ]
 رقم العضوية : 3561
 تاريخ التسجيل :  Oct 2020
 أخر زيارة : 10-24-2020 (04:18 AM)
 المشاركات : 59 [ + ]
 التقييم :  10
لوني المفضل : Cadetblue
1011 امهما يكون الشعور اللي علي بادي لا زلت أنا الوارد



امهما يكون الشعور اللي علي بادي لا زلت أنا الوارد

[
gdwl]




امهما يكون الشعور اللي علي بادي
لا زلت أنا الوارد اللي ماطوى حبله

على القراح الزلالي طال تردادي
أشرب وأصدّر ظما ماادري وش أشرب له

يامن تغاربتي غيابي وهو عادي
بُعد الرجل عن دواعي ذِلّه أهيب له

ما أمشي قبل لا أعرف الوجهة بلا قادي
ولا اصلّي إلا وأنا متقبل القبلة

منزالي النايفة عن حدري الوادي
ورجلٍ يجي في مسيل السيل ياهِبله

أبعدت مالي غرض في ذل مقعادي
ما دام يلعب لي الذعذاع وألعب له

ماني لعرفي مع أهل العرف مترادي
لا شك كبدي من اللي شفت مندبله

يا لاقية خير هاك العلم للغادي
اللي عِجز يفرق الشيحة من الربلة

امانتك بلغيه لكل حسادي
لا غارات الكدش وكحيلان باصطبله

أنا أول العشر.. ماني للعشر حادي
مالك ومال افتراض الجاهل الأبله

يموت أنا حاسدي ماياصل أبعادي
مني نجوم السما لو يفهم أقرب له

ولا بد مالهايج المايج يجي هادي
وكلٍّ يشاف المكان اللي يناسب له

إن مِت مات النبي وآباي وأجدادي
ومادام لي يوم ماني ميّتٍ قبله


 


رد مع اقتباس