محمدبن عبدالعزيز

بيانات اضافيه [ + ]

رقم العضوية : 3154  تاريخ التسجيل :  Jan 2016  أخر زيارة : 02-10-2023 (11:02 PM)  المشاركات : 5,505 [ + ]  التقييم :  220  MMS ~

لوني المفضل : Cadetblue

ونواصل معكم شاعرات من الخليج
كنا في قطر وكنا في الكويت واليوم في المملكه التي تزخر
بالشعر والشعراء وشاعرات المملكه يتميزن بالتنوع من حيث تنوع المناطق
فمن الشمال والجنوب والشرق والغرب والوسط نجدالوان من الشعر الأصيل
ونحن اليوم في المملكه وبالتحديد في الاحساء هذه المنطقه العريقه
ومنذ القدم والاحساء بلد العلم والعلماء والشعراء فلا غرابه في تميز أهلها في هذا الجانب
شاعرتنا اليوم شاعره تميزت في شعرها واشتهرت على مستوى المملكه والخليج
وتغنى بشعرها الشعراء والفنانون
الشاعره (هتّان)
تخفت خلف هذا اللقب سنوات طويله ولم يعرف أحدا عنها شي سوى عذوبة ورقة شعرها
حتى تزوجت وصرح زوجها باسمها الحقيقي في احدى المقابلات
هي الشاعره: لينا بنت عبدالله العجاجي وهي اسره عريقه معروفه في الاحساء
دخلت الساحه الشعريه بقوه وبجداره فاعجب بها الكثير وكانت اول قصيده انتشرت لها
تحط عينك بعين الشمس
بزعمك تقدر تكاسر
من يقوى بصابع خمس
يغطي نورها الكاسر
تخفي غرامك ليه
وأنتا تقدر تجاهر
وتتحدى مشاعر قلب
وأنتا للأسف خاسر
تزوجت هتّان صاحب السمو الملكي الأمير المعتز بن الملك سعود بن عبد العزيز آل سعود

وأنجبت منه ثلاثة أطفال بنتان وولد .... وأصبحت أم شقران

غادرت أم شقران الاراضي السعودية وتوجهت إلى أمريكا لتصحب زوجها في عمله

وكان في وقته مدير عام مكتب الحرس الوطني لدى الولايات المتحدة الأمريكية .

بتكليف من عمه الملك عبد الله بن عبد العزيز رحمه الله


وتقول في أحد قصائدها:


وش اللي بس بيتغير ..
أسافر أغير الديرة ..
مدام الجرح مثل ما هو ..
ويوم عن يوم غصب يكبر ..




مدام النفس من داخل ..
مذبوح الامل فيها ..
أعز الناس مهب سائل ..
عن دمعات ادرايها ..
وش اللي بس يخليني ..
بلحظة ممكن اتفائل ..
واضحك من وسط قلبي ..
بدون مااشك واتسائل ..
ويوم عن يوم غصب يكبر
عاشت شاعرتنا في أمريكا سنوات حتى فاجئ الموت زوجها ....
فكانت الصدمة الكبرى
فقالت ترثيه
قمت احسب ايامي واعد الليالي
ولافجعني مثل بعض الصداقات

توي دريت اني وحيده لحالي
الحين اصدق غصب : معتز قد مـات

فقدت اخوي وصاحبي راس مالي
وغرقت عقبه في بحور عمـيقات

حتى بحزنه كان جدا مثالي
يحمل هموم الكــون بأيمان وسكــات

توي صحيت وشفت وشهو بقالي
بنتين وطفل وهم وجروح وأهــات

مرحوم يافارس وحيد ومثالـي
فجأه غدره المــوت والموت غــدرات

راح وتـرك لي صـورتــه في عـيالي
سؤال ماتـكـفيه كـل الاجـابات

ماكنت اصدق عمر ماقد طرالي
ان فيه ناس من الحزن كنها اموات

تركـني متلعثمه في سؤالي
هو فـيه بـعدك صـبح و الا مـّســرات
وشاعرتنا لها كتابات متنوعه في الشعر النبطي والشعر العمودي

وجودي والعدم واحد ..

مادام اللي يقولون الشعر واجد ..

احس بأحباط يغفلني .. ولا ودي

بأي ناقص يصنفني ..

ويهضم حقي ..

او حتى يغدقني مدح زايد ..

لأني انثى تترفع عن الاسفاف .. ويتعبني الوفا ..

وغير يقابل ذا الوفا باجحاف

ويسبقني .. ابو يومين في الساحه ..

ويلقى له كذا شاهد ..

واه واه يا انثى ...

تعديتي الاسم والشكل والصورة ..ورغم هذا

بقيتي في دروب الشعر مغموره .. اسم ماله ابد معني

نهر احزان ... بلا رافد

ويبقى الحل .. ما نكتب

ويبقى الحل .. نشرب التجريح

ونقبل بالخا فينا .. عشان ندور التصحيح

واه واه يا انثى ...

مكانك وسط بيت .. بحضن الزوج والوالد ..

سكتنا او بعد بحنا .. بكلمة نطلع فوق .. وفوق ..

وكلمة وحده تذبحنا ...

واقل كلمة معك تنقال .. هذي بنت مغرورة ..

وتصبح سيرة وسط الناس

قصص ابطالها حراس .. وشاهد يشهد لشاهد ..

واه واه يا انثى ....

عزاي اقول :

وجودي والعدم واحد ..

مادام اللي يقولون الشعر واجد ..

ويبقى كل شي عادي ..

ويعني ايش ... غاب واحد

قل وشتبي بكيفي
خلني على كيفي
كتله مشاعر مهمله
والحزن هو ظيفي
لا تسألني اشلوني
لوني سمار الشمس
لا يهمك جنوني
تراها جروح خمس

اول جروحي قـلب .. ميت من الاهمال
وثانيها صدمه حب .. مات بـرواقـه بـال
ما عدت انا اهتم .. بـجـراح مـا تـلـتـم
وخلني اكمل لك
واسمع بعد شملك

باقي ثلاث جروح
بـحكيـها لـك واروح
الـثـالثـه احـزان .. من راسي لاقدامي
والرابعه هجران .. ماتـت بهـا احلامـي
ما عدت انا اهتم .. بـجـراح مـا تـلـتـم
وخلني اكمل لك
واسمع بعد شملك

باقي الاخيره نزف
باقي الاخيره ضعـف
دمــع وقـــف بالـعـيـن
جــمــر حــمــر مـا جـف
خامس الاخماس .. يا سيـدي الحساس
انــي انــا كــلــي .. ما عاد بي احساس
تسألني عن كيفي !
والله مالي كيف
والحزن هو ظيفي
والهم بقلبي سيف


قد ما حبيت
قد ما حبيت شي من قلبي نقص
قد ما حسيت يمكن احساسي خلص

و دايم قمة الاشياء بداية عكسها دايم
قد ما رحت و رجعت و رحت ثاني للغياب

قد ما منك زعلت ما بقى فيني عتاب
ما بقى لي ما بقى يا مهاديني الشقا

حلم ثاني تقتله ..ماتت احلامي خلاص
شفت وش علي النجوم فوق هامات السحاب

عندها قدرك في يوم طاح كالنجمه شهب
ما بقى لك عندي شي و انطفى لك كل ضي

وتتميز شاعرتنا بأسلوب خاص يميزها عن غيرها

لاابي ثوب ولا غتره
ولا ابي عقال
ابي موقف
وابي كلمه تهز جبال
دخيل الله ابي رجال
الى من طحت من طولي
يشد ويسند حمولي
ولجل ايدي على كتفه
يطول اللي فلا ينطال
والى من صحت
يحس فيني قبل لاابكي
ويواسيني قبل لااشكي
ومن قلبه الى ونيت
يكتب دمعتي موال
ولاابي ثوب ولا غتره
ولاابي عقال
دخيل الله ابي رجال

بطول الحديث عن شاعرتنا وقصائدها
وهذا احد لقائاتها التلفزيونيه

اختم بهذا البيت اليتيم للشاعره هتان
الكل يحلف انه إنسان صادق ،
والصدق يحلف مالقى صدق إنسان.


القاكم على خير