عرض مشاركة واحدة
قديم 08-10-2016, 05:21 AM   #87
محمدبن عبدالعزيز


الصورة الرمزية محمدبن عبدالعزيز
محمدبن عبدالعزيز غير متواجد حالياً

بيانات اضافيه [ + ]
 رقم العضوية : 3154
 تاريخ التسجيل :  Jan 2016
 أخر زيارة : 02-10-2023 (11:02 PM)
 المشاركات : 5,505 [ + ]
 التقييم :  220
 MMS ~
MMS ~
لوني المفضل : Cadetblue
افتراضي



👰عرس الاولين 👰

يمّا بالسطح ولا بالحوش

والهواء يالله من فضلك يهفهف

والطقاقات بالنص قاعدات وحولهن الجمر

عشان يحمن الطيران

والحريم متحلقات حولهن

ويبدا الطق وماتشوفين الا هالجدايل

تفكك وهالشعور تنسف

وهالزري يلق لق يتلامع وهالذهبان ترهش

كرسي جابر
وكرسي فهد
والمرتهشه
والغوايش منذا لذا
درب الدركتل

وغيره من أسماء الذهب ا

لمهم رقص وطقطقه وطق أصبع

وحركات منول عاد الي تكهرب هذي من قدها👑

وماتسمعين الا صوت هالطيران وهالبخور

الزين يعجعج والقهاوي والشواهي تصب

وماجت الساعه حدعش الا السماطات تفرش

وهالشباب كل واحدن شاقل هالصحن فوق راسه

وداخلن به على الحريم

وهالحريم متغطيات بجلت الصلاه

والي عبايتها وكل ثلاث حريم متغطيات بجلال واحد

وهذا منهو وهذا من ولده وذاالمزيون 👨منهو وهذا منهو ويحليله كبر
ويزينه خط شنبه
ويملحه طلعت لحيته

ويالله تقييم

والرجال مبسوطين كلن وده يشيل العشاء

ويدخله يتسابقون مسابق يكافي

وبعد ماتعشوا وتبخروا وعينوا من الله خير كملوا طقطقه ورقص💃💃

وماجت الساعة ١٢ بالكثير الا والعرس مخلص

والناس تفرقوا

مابقا الا الاقارب

الاّ قاموا وظفظفوا البيت

وغيروا لبسهم ولبسوا قمصانهم وتسدحوا على هالزوالي وناموا

وهذا طبعهم ماهنا شي يكلف

كلش بسيط

والصبح قاموا ولا أم العروس مزينه القهوه والفطور
وابو العروس جايب الخبز والنواشف

وحطوا فطيّرهم

وعطوا الرجال حقهم

والشواهي بهالبرقان الغضار الي تشرح الصدر

ودله و هالحليب بالزنجبيل الى ريحته تشق الخشم من زينه

وسوالف عن العرس ومن جا ومن ماجا

ومن الي طلعت نجمه الحفل
ومن ازين وحده ترقص
ومن هالسواليف

ويقعدون الاقارب للغدا
يوسعون صدر ام العروس عقب بنيتها
ويتعاونون على طبخ الغدا

وش زينهم ووش ملحهم شبوا على لحيمتهم وكبوا عيشهم

وجابوا شاهي هالضحويه مع الحب

وقعدوا يتقههون ويسولفون لين حول الظهر

مستانسين وش حليلهم

قليباتهم على بعض
البنيات مع البنيات يلعبون 👭
والحريم مع الحريم يشتغلون ويسولفون

وفي الليل يسمرون ويتواسعون الصدر

لا أجهزه تلهيهم ولا شي مالهم الا جمعاتهم وسويليفاتهم وبريق الشويهي حولهم وبس .

وهذي احسن ترفيه بالنسبه لهم
جمعتهم مع بعض يالله جمع الجنه وفوز الاخره

وبس وخلصت سالفتنا

وكانت هذي نبذه من سوالف وعروس الطيبين

الله يجمعنا بهم بجنات النعيم إن شاء الله

وانا اقرأ تحمّست😀


مين فيكم عاش هذي الايام بالطفوله 😉


 


رد مع اقتباس