عرض مشاركة واحدة
قديم 10-24-2016, 02:25 PM   #8
مجبورة


الصورة الرمزية مجبورة
مجبورة غير متواجد حالياً

بيانات اضافيه [ + ]
 رقم العضوية : 3184
 تاريخ التسجيل :  Mar 2016
 أخر زيارة : 05-13-2022 (04:00 AM)
 المشاركات : 6,342 [ + ]
 التقييم :  203
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Cornsilk
افتراضي



هذه القصة رواها احد الاشخاص الذين يحفظون
قصص الأباء والاجداد يقول:

فيه رجل يقال له بدر بن هضيبان العقيلي من قبيلة

مطير رجل يملك من الابل والغنم ..
وكان رجل محبوب عند ربعة والناس كان جاره شمري

يقال له عبدالعزيز الجدياوي

كانو يردون بيضاء نثيل وكل ما صبحوا نياقهم وغنمهم

البل جافلة والغنم ناقص منها قطيع ..

عرفوا إن الديرة كلها ذيابة !

وفي يوم من الأيام أكل الذيب جمل العقيلي اللي
يشيل القرب عليه ..
وكان الجمل من أغلى حلال العقيلي ..

قال العقيلي للشمري تكفى يا بوعبيد
الذيب نبي نذبحه ...

قال الشمري ابشر يا بدر ويدورون الذيب ويلقونه ...

وتبوش بنادقهم اللي معهم ويروح الذيب عليهم !

ويدورونه عقب ذاك اليوم ولا لقوه ..
وكل يوم الغنم ماكولً منها ...

قال بدر يا عبدالعزيز الذيب مايذبخه إلا فرج !

قال الشمري صدقت وانا خو نوره

والمقصود بفرج هو جار لهم قديم اسمه:

فرج الضباطي المطيري

فأرسل بدر العقيلي المطيري هذه القصيدة الجميلة

يشكي لجاره القديم, ويرجوا من الله يجيبه لهم ...

يقول في قصيدته:

يـاراكباً حيــــلاً تـقارع لواحيـــه

يامرسلي ردوا عليه اسلامي

اليـــا وصلته ريعه لـين يوحـــيه

ياشوق من كنه ضبي الأدامي

عسى الحياء الجراح يسقي مرابيه

حتى فرج ينزل علو العضامي

يابو محارب خمسة اللي دبو فيه

وبنت الرخيم الها عليهم حلامي

عبد العزيز وجاره اللي يواليه

ما تستوي بـندق بليا غلامي

نـــادوسها المـاخوذ مغير يلويــه

مدري يزيد الشب فوق الحامي

وبعيري الي كل ضميان يسقيــه

فرع الضريس وفي علو الثمامي

الـذيب اكلنا كـــل محل طاريـــه

يا بو محارب عرضوه المضامي

فلما وصلت القصيده لفرج الضباطي اخذ بندقيته

وذهب يبحث عن الذياب التي ازعجت جيرانه ...
فوجد هذه الذياب وقضى عليها جميعاً بما فيها
الذئب المذكور في القصيدة ..

وقطع رؤسها فوضعها بجنب البير التي

ياردونها جيرانه ...

فأرسل هذه القصيدة الجميلة الحكيمة بما تحمل من

صفات الرجال القلائل في هذا الزمن

رداً على قصيدة جاره القديم:

يا راكباً حراً شناحن بياديــه

اسبق من الورقا فريد الحمامي

لولا الواحي راكبه ما يواليه

افجح مناكب مثل لون القطامـي

فوقه غلاماً بالقساء مايداريه

همه عصاه وبندقه والحزامـي

ملفاك بدر الي يرحب بعانبه

يفرح الا جوه الربوع الحشامي

ذباح كبشاً ماحسب يوم يشريه

سقم الحريب وقمته بالولامي

ومقلط دلال الهيل ما حسبو فيه

ومصاليات النار والجمر حامي

بهارها من كل الأجناس ناقيه

عوايد المطران في كل عامـي

قله يابدر الذيب ماني بناسيه

جهمت تال الليل وقت الضلامي

واصبحت بذياب الخلا في حراويه

وجاني يسعسع ما حصله منامي

وعطيتها لين استجلت مقاريه

يوم اكهب الناموس والحض قامي

وحديتها على خويه يباريه

يـوم اعتــرض ولياه ميت قوامــي

والثالث الي دم جوفه على ايديه

يبــي يقوم ولا حصله مقامــي

وثـريت لبعيراً عليــه طريـــه

بــين الذراع وبين خشم العدامي

قطعت راسه لين كلً نظر فيه

وبعد ذبحت الذيب زان الكلامي

والرجل صندوقاً يشال الذهب فيه

تعلموا يلــي تبــون العلامــي

والخبل للماجوب عذره يسويه

شوماً عنه يا زاهيات الوشامـي

ارجوا ان القصة اعجبتكم ولكم التوفيق
...


 
 توقيع : مجبورة


كفنت اعوامي ولكن لم اجدقبرا لها ...
فدفنتها في مفرقي!هذا البياض حكايه العمر الذي بعثرته.....


MЈβôѓĂ


لا إله إلا أنت سبحانك أني كنت من الظالمين


رد مع اقتباس