عرض مشاركة واحدة
قديم 11-28-2016, 07:39 PM   #2
محمدبن عبدالعزيز


الصورة الرمزية محمدبن عبدالعزيز
محمدبن عبدالعزيز غير متواجد حالياً

بيانات اضافيه [ + ]
 رقم العضوية : 3154
 تاريخ التسجيل :  Jan 2016
 أخر زيارة : 02-10-2023 (11:02 PM)
 المشاركات : 5,505 [ + ]
 التقييم :  220
 MMS ~
MMS ~
لوني المفضل : Cadetblue
افتراضي



ونكمل مع الشاعره القطريه صدى الحرمان


ومع رحلتها المريره ومعاناتها والامها وجفوة الصديقات وخيانة عكازها
تنزف حروفها لتبلل بها المشاعر

ابـد لا تحزنـي يمـه اذا خانتنـي رجلينـي
...........واذا كلٍ شكى همّه وانـا همـي بقـى فينـي
واذا خنجر صداقتهن غرس حده وسـط قلبـي
...........واذا عكازتي خافت من انهـا تسنـد ايدينـي
ولا تبكين يا "يمه" اذا عمـري غـدى دفتـر
............وكـلٍ يمـزع اوراقـه ولا ظنـه يكفيـنـي
ابد لا يجزع احساسك لا شفتي البعض يجرحني
............واذا ضاع الوفا فيهن وضاعت معهن سنينـي
على ضيم الجفا ابقى تنازع روحـي الحسـرة
.............واحس الظلم يا امـي يقطـع مـن شرايينـي
بسيطة كل الم جسمي تحملته وانا اضحك لـك
..............لكن الخوف يا يمه من احساسٍ سكـن فينـي
يا حيف الطيب بالدنيا يضيع وينتهـي عمـره
............يموت الطيب يا يمـه وانـا فقـري يبكينـي


ومع الايام ورحلة الايام ومر الايام التي عاشتها
تبحر معنا حروفها

تهاوت رحلة ايامي في ركن الخوف والحسره
............وبديت اضعف مثل ظلي وارمي بالعمر خلفـي
تصورت القدر حاجز زجاج من السهل كسـره
................ولكني جرحت اناملـي حتـى دمـع طرفـي
وعشت الياس والحيرة بشوق ينتظـر بكـره
..............ولا .. هان الامل عندي ونصفي مل من نصفي
يميني خانت حروفي وهانت عندهـا العشـره
...............ومن يكتب لي اشعـاري اذا ماخاننـي كفـي
وهل ارتاح واحساس مجـرد حلـم او فكـره
..............او احذف باقي اوراقي واودع فكـري المنفـي
تمنيت ارحـل لعالـم عليـه الفاتحـه تقـرا
..................ورفض موتي يواجهني بوجه القادم المخفـي
فهل شفتوا جسد ميت ورفض يستقبله قبـره
...................انا هذي معاناتي واظن اللـي مضـى يكفـي
ابترجى الزمن واحمل على كتفي عنـا دهـره
.................ماعادت فيني القوة على اقناعه يجـي صفـي
انا من يوم ميلادي مااحنـي راسـي بالمـره
......................ولكن ماتحملتـه عجـز لايشملـه وصفـي
وانا اللي كنت بـالاول عنيـده قاسيـة حـره
...............وبديت اضعف وانا اكره مجرد ضعفي لضعفي

ومن بين الخوف والغياب والاشواق تمضي شاعرتنا
وهي تسطر الحرف تلو الحرف باحساس فائق الشاعريه

ما أفظع الخوف و الشوق الذي فينـي
.............من يوم غبت اسكنوا في داخل عظامي
و الصورة اللي في ذاكرتـي تنادينـي
..................و الوردة اللي تنام ف دفتـر أحلامـي
أتعب أنا حيل و تتعـب منـي سنينـي
..................و اركاب عمري تلملم باقـي أيامـي
يا مضيع العمر .. للذكـرى مخلينـي
....................يستاحش العمر لا من غاب إلهامـي
أروي جفاف .. و جفاف الدهر يظميني
................و أدوس وجه الحزن و أسابق أعوامي
ما خاب ظني و حلم الغيـث يدعينـي
...............أمشي لو الشوك يجرح ناعم أقدامـي
و أواصل الدرب و كل خطوه تبكينـي
.................و يعز دمعي و أنا الموعوده بالامـي
و ما أفظع الخوف و الشوق الذي فيني
................من يوم غبت اسكنوا في داخل عظامي

وكما يلجأ الخائف الى حضن يشعره بالامان والاطمئنان
تراه في والدها مجرد حلم يزيدها الما

تمنيتك معـي باقـي تبـدل خوفـي اطمئنـان
..........يا أغلى من رحل روحي تعايد بـك بوجدانـي
تطوف الذكرى في قلبي تصحي خافقٍ شفقـان
............وتصرخ فيني اقداري ماعاد يرجع لكـم ثانـي
واضيع وتنولد دمعة على خد الرجـا حرمـان
..............واصيح ويحترق صوتي (يبه) وتعيـد احزانـي
يخذلني نهار العيـد لا قبـل يجـرح النسيـان
.............وذكرتك والحزن ينثر دموعه في ارض حرماني
دعيتك طالت الغيبة وفاضت فينـي الأشجـان
...............ودعيت الله يساعدني على تخفيـف اشجانـي
ورجعت اعزف لاعيادي نشيد الارض للانسان
..................لأن الارض تبقى وعمرنا وحده هـو الفانـي
تمنيتك معي بالعيد يا قلـبٍ يعـرف الغفـران
...................لو ان المستحيل اصعب تخطيته علـى شانـي
يا ويل اللي رهن عمره لحلمٍ طاف والوجـدان
.......................وانا حلمي رغم صغره من التعذيـب اعيانـي
في يوم العيد زارتني مشاعر ترفض الكتمـان
...........................تقيـد بداخلـي نــار الحفـهـا بكتمـانـي
تعيش بداخلي صورة تـردد معظـم الأحيـان
......................ووين اهرب من الامـي وانـا الالآم عنوانـي


وللحديث بفيه



 
 توقيع : محمدبن عبدالعزيز


رد مع اقتباس