|
03-07-2011, 09:11 PM | #1 | |
| إدارية سابقة |
|
طريقة عمل حمام الزيت بالصور
بسم الله الرحمن الرحيم اولا الطريقه دي تعمليها مره كل اسبوع كفايه اوي عشان لانجهد شعرنا نبدأ بسم الله اولا بتجهزي الزيوت اللي هتعملي بيها حمام الزيت انا هستعمل زيت الحلبه والسمسم واللوز الحلو وزيت الزيتون وجنين القمح زيت الحلبه مفيد لتطويل الشعر وزياده كثافته ونعومته زيت السمسم لتغذيه الشعر وتقويه البوصيلات زيت اللوز الحلو لنعومه ولمعان الشعر وطبعا زيت الزيتون وجنين القمح بالنسبه للاسعار كل ازازه سعرها خمسه جنيه ماعادا زيت جنين القمح 7 جنيه اختارتي الزيوت بتاعتك ممكن تزودي اي حاجه كمان معاها زيت الجرجير مفيد جدا بردو وزيت البصل او التوم لو عندك قشره هنبدا نخلط الزيوت انا بحب استخدم سرنجه عشان بتخليني استخدم علي قد حاجتي بالظبط ومش بهدر الزيوت ابداي خدي كميه الزيت اللي تحبيها تقريبا املي نص السرنجه بس لانك هتخلطي حاجات كتير مع بعض فمتعمليش كميه كبيره علي الفاضي اخلطيهم مع بعض في اي علبه عندك ممكن تضيفي معلقه عسل وتقلبيهم كويس هتبدأي تاخدي من الخليط ده بالسرنجه بردو وتحطي في فروه راسك وتدلكي كويس
هتلاقي الموضوع سهل لان السرنجه بتوصل لفروه راسك بسهوله وتجيبي مشط خشب وتسرحي شعرك عشان الزيوت تتوزع بانتظام في الشعر ومتنسيش طبعا اطراف شعرك بعد ما سرحتي شعرك كويس وحسيتي ان الزيوت اتوزعت في شعرك كله تجيبي بونيه الحمام البلاستيك وتغطي بيه شعرك وتعملي فوطه سخنه وتكرريها مرتين او تلاته وبعدين تشييلبها وممكن تستخدمي السيشوار علي الدافي فوق البونيه بدل الفوطه بس ميكونش سخن اوي ويفضل طبعا انك تنامي بحمام الزيت عشان الشعر يستفيد منه يعني تشيلي الفوطه والبونيه وتربطي ايشارب والصبح تغسلي شعرك بشامبومناسب لشعرك وبلسم وانا بفضل بلسم جونسون للاطفال لان مفيش فيه كيماويات وشامبولونا بزيت الشال لانه خفيف جدا علي الشعر وتحطي نقطه صغننه من الكريم المفضل بتاعك وياسلام لو حطيتي معاه نقطه زيت سمسم بس نقطه صغيره اوووووووي عشان شعرك ميبقاش دهني ولفيه او اعملي سيشوار او حتي سيبيه كده وكرري حمام الزيت كل اسبوع بس ملحوظه لو شعرك فاتح بلاش زيت السمسم لانه بيسود الشعربدليه باي زيت تاني جوز هند مثلا وبس |
|
|
03-30-2011, 09:32 PM | #3 |
| إدارية سابقة |
|
|
|
04-01-2011, 12:34 AM | #4 | |
| إداري سابق |
|
معا انه مالي اي دعوه بالمووضوع
بس حبيت اهنيكي على الموضوع الممفيد , وعلى مشاركاتك الفعاله تقبلي مروري ام سامح , واصلي ابداااعك |
|
|
04-03-2011, 07:11 PM | #5 |
| إدارية سابقة |
|
|
|
04-03-2011, 07:12 PM | #7 |
| إدارية سابقة |
|
|
|
04-04-2011, 02:02 PM | #9 |
| إدارية سابقة |
|
|
|
الكلمات الدلالية (Tags) |
الشيب, بالصور, جمال, طريقة |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
طريقة عمل بردة بلاو بالصور خطوة بخطوة | فضيلة | ركن الطبخ | 0 | 09-07-2018 05:00 PM |
طريقة عمل 33 نوع سلطة لذيذة بالصور | فضيلة | ركن الطبخ | 5 | 09-06-2018 06:33 PM |
بالصور شرح طريقة ختم القرآن | حروف الغلا | الخيمة الرمضانية | 3 | 05-29-2017 11:21 PM |
طريقة عمل ورق عنب بطريقة جديدة بدل التقليدية - بالصور | حروف الغلا | ركن الطبخ | 4 | 08-05-2016 01:25 AM |
طريقة تصغير الأنف بالميك أب بالصور ؟؟؟ | ام سامح | صالون الجمال | 0 | 09-30-2010 02:41 PM |