سجال الشعر والمشاعر

هاك المشاعر و القصايد و المواني و المنار
و الروح و ايتام الخفوق اللي تشوفه ربها
تدري من المسكين في هالكون كله بأختصار:
اللي تحبه روحك العذبه و هو ما حبها

القلب ينبض والمشاعرحيه
وموجات قلبي خالطة موجاته
واختلطت الموجات فيه وفيه
ثم صار قلبي والغلا وشقاته
بنيت له وسط الحشا محميه
ثم صار ضبيً متعبه طلاته

‎هالحين لي يومين لا أكل و لا أنام
‎من قلب ما ينبض و تفكير مشلول
‎أرسم على الأحلام و تعوٌد أوهام
‎و أحاول أجلي هم و يصير مدبول

لا تلوم القلب يا ماه و نباته
قل فمان الجرح و الا قل فديته
خل وقتك بين جرحه و أمنياته
و أن بكيته لا تقول انك بكيته
هات جفنك للسهر في مقبلاته
و أفهق انعاسك و لا تطري مبيته
ما بقى للفكر من شرّد بناته
غير شعر كل ما يُكتب محيته

هـــلي الجدايل.. ظــلليني عـــن الشمس
و داري جــبيني عــن لهيب الســـمومي
لا تســـــــاليني.. عن عذاب مضى امس
انـا نصيتك هـــارب مــن هـــــــمومي
ما تـلمسين الجرح في مهجـــتي لمس
جــــرح الهوى ما يسترنه هــــدومي

ياهموما" بي تعدت حدها صارت ثقيله
اخذي مني كم سؤال ولو سمحتي جاوبيني


ليه من بعد(الوفا والطيب)وفعولا" جليله
من يدين اللي حشمته أول طعوني تجيني؟

وليه لاضاق الفضا في عين من خانه دخيله
مالقيت الا(الملامه)انتهيها وتبتديني؟

يسري ولا يدري على وين مسراه
ويسرح ورقاد الضحى في منامه
كم لي وانا الوم الزمان بسواياه
ولاحر من جمر العتب والملامه
الا ضروفٍ ترخي امتون و اجباه
تختار معها الذل والا الكرامه

هني اللي ليا جاته الغلطة صبور
من رفيقٍ مُخلـصٍ له و يـدرَا خلته


ودي آجامل و اغمض على بعض الأمور
مير بعض الناس خيب رجاي بزلته

‎هملتني يارفيق العمر بالمرة
‎واخلفت كل الأمور اللي نظنبها
‎وانا خويك على الحلوات والمرة
‎ياحيف بعض المسايل لاتشحبها

انا خوي منهو ضحوك ومزاح
وانا خوي اهل الهقاوي البعيده

وانا خوي من صان سري ولا باح
دامه صفالي والله اني عضيده