سجال الشعر والمشاعر

ينامُ الليلَ مَسْروراً
قليلَ الهمِّ والهجس

ويُصْبحُ لا غُبارَ على
سَرِيرَتِهِ كما يُمْسِي

فيا أَسعدَ من يَمشي
على الأرضِ من الإنس

سلمت و جيت اعرف اليوم وش حالك
من باب حق الوصال وقدرك الغالي
وبعد السلام وسؤالي عنك واحوالك
كنت اتمناك لو تنشد عن احوالي!

يللي على البال تطري وانت ماتدري
وش ذنبه اللي يحبك وانت خليته

وش ذنب قلبٍ رسم لك حبه العذري
وش ذنب دمعٍ على طاريك هليته

لو كان عمري بيديني فدوتك عمري
لكن عمري بيدين اللي ترجيته

هذا الزمـــن غربةوأنا ضمن الأغـــــــراب
رحــــال والدنيــــا دروبه صعيبـــــــــه
قـابـلـت فـــي دنـيــاي صــدقــان وأجــنــاب
والــكـــل مـنــهــم لـــــه مــزايـــا عـجـيـبــه
أحــــدٍ حــلــف بالله مـــــا هـــــوب كـــــذاب
حـتــى ظــهــر مــــع مــــر الأيــــام عـيـبــه

هي إتدبّر ؟ .. أو أقفَت مابها دِبرة ؟
ليت الليالي تقدّر غربة الساري

مدري من اللّي من الثاني نفذ صبره ؟
لا يازمن .. من هو البايع من الشاري ؟

لا الوجه وجهك ولا النبرة هي النبرة
مدري.. ولكن طرا لك يازمن طاري

يا حلم لا تآقف على باب طرفي
للريح في عين المُولع مهابه
تنفض رماد الجمر.. والشمع يطفي
وتنثر ملامح ضيق ما ينحكى به
اقصر ونينك واترك الليل يقفي
عمر العُوا ما سدّ جوع الذيابه

أنا وأعوذ بالله من كلمةأنا ماراح أشارك هنا لين تنامون بإذن الله
مب حاله معكم ابحث ابحث واجي القى منزلين الحرف اللي بحثت عنه

هدّيت حلمٍ .. في يديني بنيته

مسكين من يبني خياله على اوهام

ملييييييت :
- جرحك ,
- تبريرك ,
- وموالك . .
تخطي , وترجع تعتذر لجل " ترضيني "
إن كان جرح القلوب البيض / يهنالك !
يموووووووت : حبك , ولا تنزف شراييني !

يستثير العين من قلب وعقل
شوفته تملا الفراغ العاطفي
النحل لا تحرمونه من العسل
والعسل ليته يقدر موقفي