سجال الشعر والمشاعر

هذهي عاودتنا حزّه عصير
وهذا انا تلني نوح الحمامه

ضف جنحانك وودعني وطير
اسبق الليل لايسدل ظلامه

روح قلّه محبك حالته غير
راح وقته على عضة ابهامه

هذا الزمن مايعرف اللي قباله
وما في احد يدري وش اللي مخبيه
كل شخص يحمل في حياته رساله
يا تعتلي به فوق وإلا توطيه
الله خلق هالكون اكبر دلاله
ان القوي الله ولا احد يساويه

هكذا الدين إنه شعلة القلب
ونبع الظماء في الصحراءِ

فاتخذه ركيزة وعماداً
وضماداً لكل جرح وداءِ

أحاول اطوي صفحتك و املّ
و ارجع أفتّش في تفاصيلك

كيف ابتعد عنّك وانا ما ادلّ
الّا الدروب اللي تودي لك !

كلن تتقى طعون عداه غدريه
وأنا الوحيد اللي طعوني من احبابي

وأن مت قولوا لفاقدني وداعي
والله ماني ردي وقتي تردى بي

‏ياكيف انا وانت من العيد للعيد
‏ايام حبي في وصالك ترى اعياد
‏.
‏عيدك مبارك ياعسى عيدك سعيد
‏وعسى اللقا من بيننا دوم ينعاد 💜
‏.
‏.
‏

دام ربي هو خلقني ما يخليني فقير
ودام انا أعبده رزقي من عطيته حق ليّه

يا إلهي ال ابتغيته في عطى جودك يسير
لو عِظَّم ْ يبقى يسير ٍ دام هي منك العطيه

رحمتك يالله فيني أسألك وانت المجير
عفوك ولطفك و تدمح زلتي وكل الخطيه

هذي حياتي عشتها كيف ما جات
آخذ من أيامي وأرد العطيه

هب الشمال وفزّ بين المحاديب
طفل ٍ على خدّه مشاريه وعتاب

والبرد شبّع جرد الأيام تعذيب
وأنا ضحية برد وأيام وأحباب

ياليل مالي غير حضنك معازيب
خلك معي لاشحّت وجيه الأصحاب

بيني الايّام وبينه عازله
كل ما مشيت له عنّي يروح

وعيّت الخطوه تجي منازله
والهوى بالقلب وهّاج يضوح