سجال الشعر والمشاعر

ما نسيتك، وربي، لكن المعذرة ..
ان جبرنا الخواطر .. ما كسرنا العظام
ارتحالي لحالي ما قدرت انكره
حجتي .. حاجةٍ بين الرضا والخصام
اختصرت الطريق ، وجيت من آخره
وأنت ما كنت بعيوني على ما يرام!

ما فيه شخص في حياتي بكيته
الا الذي قد مات مانيب راجيه
لكن هو حي ومع ذا رثيته
من قلبي اللي أحسن الله تعازيه

هزمتني هزمتني واقلقت فيني راحتي
‎كم قلتها ماراح احب خدعني برك يالامان
‎علقتني خليتها باللون الابيض رايتي
‎مستسلم وكلي رجاء واجيك وكلي لك حنان

نعم .. ياما انظلمت .. ودعوتي ما عنّها بيبان
ولكني تسامحت و جرعت الظلم من كوبه
وش ارجي من ورا دنيا مشى فيها نبي ..وانهان؟
رفعت الرايه البيضا على ذا الوقت وحروبه

هات القلـم ياخـوي فـي خاطـري بـوح
ودي اترجـم لـي طــواري وهـوجـاس
واخـذ مـن الابيـات سجّـه مـع الـروح
فـي مـعـزلً مافـيـه مايـزعـج الــراس

سجيت الاقدام والا ادميت الاقدام
حزن الشمالي مبين من كلامة
لاجاك عني سفيه وفي خبر هام
اخذ الخبر بس طالع في ختامة

هذا الحزن يحكي تفاصيل الأعباء ،
و الوجه مرآة المحب المُسامح !

حبال ابليس ممدوه ومن يخطي ترا مسموح
وانا وانتا وكل الناس وكاد بيوم يجي تقصير

رجواي فاللي جميع الخلق يرجونه
الواحد المعتلي فوق السما العالي
محدٍ قضا حاجة المحتاج من دونه
ويعلم خفايه وماكنيت في بالي

يا العبد هوِّن كل مطرُود ملحُوق
لا تِشْتَحِن لك رَب ما هُو مخليك
اللي جعل لك رُوح جاعلك مرزُوق
كما تَكفَّل بك من الخلق كافيك
يعطي وباب الرِّزق ما هُو بمغلوق
واليا طلبته وانت محتاج يعطيك