سجال الشعر والمشاعر

هذا جريحن يطرب الليل ونّين
وهذا تعيسن يرتجيله سعايد
وذاك يبكي فرقى خله بتدوين
دمعه على كراس شوق القلايد

دامني واثق والنوايا نظيفه..
ماهمني ناس ظلمتني وسبت..

اللي يبي يغتاب يغتاب بكيفه..
ماني مربي لي بشر ماتربت!

تخيرت النوايا البيض والنوماس
وسألت الله يعطيني على فالي
اليا شفت الغنيّ وشفت فقر الراس
حمدت الله ربّي ... ياكثر مالي

يخَونْ البَرد ,، وتتجمد أحآسيسَ البَشر أوقآتْ ..!
وَ أنا أوقآتْ : أتجَمد وَلــآ أدريْ خَآننيْ برَديْ ..!

كثَيِر الصَد يكسَرنيْ ..وَ يِجَرحْ عَبرتيِ بِسَكآتْ ,،
و َأنآ بِسَكآتْ أتَصدد أحَسِبْ إِنْ العَمرَ يمديْ ..!

ياجدار مخطي من يقول إنك (جدار)
ماقدرك من لا عرف قيمتك وأنت
صدر الرفيق الممتلي حزن وأسرار
ب حروف من فضل على الخلق الأسمنت
قدامك أشعر بالفضاء خلفي (أسوار)
تسجني إن خنت الرتابه وأنا خنت

تايه ولا يعرف طريقه الى الان
يمشي ويسأل هالزمن عن جهاته ؟

وتمره أحلامه سريعات وسمان
والغيم فوقه مندهش من ثباته..!

ان طاح حلمه صارت آماله أركان
وإن غاب شوفه .صارت أرضه عصاته

هين مردك للفرج يأكبر الضيق
دام الليالي تقتفيها ليالي
هي بس تبغى طول صبر وتوافيق
وأشيل هم الناس كله لحالي
وعمر المربط مايسوق المطاليق
والحر ماترضيه غير المعالي

ياما سقت صحرا الظما ناس وذود
واللي على ساقيك تذبح جريده

مسكين من يمشي على درب مسدود
عايش على رجوى اماني بعيده

هذي أحوالي وذا وضعي وجيتك يا صبي
أشكى وأسوق العذر وأقبل ما تقوله إنما
لايضيق بي مذهبك تكفى وإنت خابر مذهبي
ماضاق لو ضاقت علي الأرض وأبراج السما
ولازم تعرف إنك ولو ماجيت من أمي وأبي
محسوب أقرب بالغلا من جملة أخوان الدما

أخوي يا اللي ما أنجبته أمي ولا جابه أبي
لكنه أقرب بالغلا من جملة إخوان الدما
لو إن بني عمي يحسبونك حساب الأجنبي
أنا أشهد إنك بين أبوي وبين جدي كلما
تبصرت نفسي بفعلك قلت يا دين النبي
أنا أشهد إن جدّك زعيم ومن سلالات زعما