سجال الشعر والمشاعر

بسولف .. ولاني خايف المنقود
يلومون وإلاّ مايلوموني
أحس بحنيني بالحنايا ذود
وأحس ‘نتظاري زاد بطعوني
وأحس الفرح في داخلي موءود
وأحس الحزن ناسٍ يعذلوني

‏يعذلوني كيفهم لو يعذلوني
‏مالي ومال النفوس المستضيقه
‏ليتني أقدر أحطّك بعيونيً
‏والله أنّي ما تأخر لو دقيقه💕

هو بقى في اللي بيجي ياليت..ماتت اجاباتي
قالت لي..مليت
يا اكثر جروحي الاخيرة..لو عرفتي اليوم قلب ودعك
يا آخر جروحي الكثيرة..ماعرفتي اليوم ما عاد اذكرك
وما اذكر من اللي مضى..الا غرامك والفراق
بعض اللقاء والاشتياق
وكل الاحاسيس الصغيره
يابرد عمري وياهجيره..تخطين لو يخطر في بالك
انك في بالي كل دقيقة..وانك خيالي والحقيقة

هذا الزمان اللي تغيّر مباديه
يشيّب اللّي ما عرف طاري الشّيب
.
.
الذيب بـالطلحة معلّق برجليه
والعنز تسرح مَا عليها من الذيب

بالله كيف تحس في طعم قوتك
لامن ذكرت إنسان خنته وصانك
ماكن قلبه واحد من بيوتك
من تحت سقفه كم شعرت بأمانك؟
وراك خليته لعتمة سكوتك؟
وأنا ما غير أعشمه في حنانك

رائعة أحمد شوقي في مقارنة الحال
بين البدو والحضر ..
هند:
كفى يا بنةَ الخال! هذا الحريرُ
كثيرٌ على الرمّة الباليه

تأمل تر البيدَ يا بن ذريحٍ
كمقبرةٍ وحشةٍ خاويه

سئمنا من البيد يا بن ذريحٍ
ومن هذه العيشة الجافيه

ومن مُوقِد النارِ في موضعٍ
ومن حالب الشاة في ناحيه

وراغيةٍ من وراء الخيام
تُجيبٌ من الكلأ الثاغيه

وأنتم بيثربَ أو بالعراق
أو الشام في الغرف العاليه

مُغَنِّيكمُ مَعبَدٌ والغريضُ
وقينتنا الضَّبُعُ العاويه

وقد تأكلون فنون الطهاةِ
ونأكل ما طهتِ الماشيه

ليلى:
قد اعتَسفَت هند يا بن ذريحٍ
وكانت على مهدها قاسيه

فما البيد إلا ديار الكرامِ
ومنزلة الذمم الوافيه

لها قبلة الشمس عند البزوغ
وللحضرِ القبلة الثانيه

ونحن الرياحينُ ملء الفضاء
وهنَّ الرياحين في الآنيه

ويقتلنا العشقُ والحاضراتُ
يقمن من العشق في عافيه

ولم نصطَدِم بهموم الحياةِ
ولم نَدرِ – لولا الهوى- ماهيه

وآناً نخف لصَيْد الظباءِ
وآناً إلى الأُسدِ الضاريه

هيه ياللي بديت بشي مثل الوكاد
وأنتهيت بظنون حاربت مرقدي
أعتبر كل عمري معك كبوة جواد
وألف شكرا على أني صرت اعرف آعدي

ياهيه ياللي بديت قبلي تعدي
ماسبقتي ولوسبقني وش عاد
كل المشاوير لوتنتهي... تبتدي
دامنا مع الظنون في جهد وجهاد

دايم افكر كيف اقدر اوصلك
وانت تفكر كيف تهديني الجروح
ياللي جرحت القلب وش سويت لك
غير اني حبيتك وبشواقي ابوح
كل يحاول عن هواي يبدلك
واول وتالي دوم قلبي لك سموح

حظوظنا دايم تجينا معاكيس
يالله متى حظي يقوم من فراشه
حظي عجآجه والحبايب (قراطيس)
من يمسك القرطاس وقت العجآجه