أحن شلون وانت اللي على القسوه مربيني

ومستغرب طبيعي اللي حصل ما بينك وبيني
انا رغم الحنان اللي سكني ما قدرت الين

أحن شلون وانت اللي على القسوه مربيني
عجزت أتغاضى عن كرهي لكل لحظاتنا الحلوين

وعزة أصدق دموعي وطهري وبيض كفيني
لا أرد الباب في وجهك و أشيل عيوني الثنتين

ولا أشوفك ولا أسمعك و اغيرها عناويني
حرام أكسّر اشموخي وهو مو جرح ولا أثنين

انا من طيب نياتي وهبتك اروع سنيني
عطيتك فرصه وضاعت وجات فرصه اسد الدين

ابهدم برجك العالي و ارتبها موازيني
أنا لي هامه ماتسمح اماشي اللعب عَ الحبلين

انا أسست لك تاريخ كتبتك رحت تمحيني
تطاول فيه لن اسمح ولو تبكيني دم سنين

اموت بعزتي أشرف ولا أشواقي تحنيني
أضيع وقتي لا يمكن مع انسان له وجهين

نفيتك لأخر حدود الجفا و عنك الله يغنيني
عن أشباه الأحبه اللي أجادو لعبة الطيبين

عسى الله ياخذك من دنيتي تحرم على عيني
حشى ماني بمتحسف بدال أمين ألف أمين

وفيتك لين ما كفيت وذنبي تلقفه إيديني
تواضع مني أتكلم معٓ مثلك الين الحين

مقّفي عنك ياهذا ولا إنت إنسان يعنيني
رحمك الله ويغفرلك تراك فحسبة الميتين