سجال الشعر والمشاعر

‏هزت شعوري معاني ذكرها زيني
‏ورديت من شافت عيوني معانيها

انكانه هزل جت هزله وكانه جزل جات اجزال
ولكن بيض الله وجه من ثمن معانيه

هزلة جات وعيت لاتجي جزله
بيض الله وجه راعي الجزيلات

تجي مثل الفجر لو الفجر ماهوب دوم أعياد
أنا افدا ظلها لا والله افدا ظل مندوبه
تسولف للندى يسهر على النرجس !! ؟! يبي يزداد
تغني للمطر لليل تصيب الكون غيبوبه

هلابه عدد ماقالت الناس يازينه
وهلابه هلابه كثر مايتبعون خطاه

هلا ياالقصيد وكل عين وَعْدها فوق
لقيتك خويّي ساعة الضيق وسنافي
ينوش السما ظلّك.. تلج بثراك عروق
تقوم الهقاوي طولها والمدى ضافي

يا قصيدي يا عضيدي فـالدروب الجرهديه
يا صديق ٍ ما خذلني في زمـان الإنخـذال
أنت لالبيت كنـك فـارس ٍ لبـى خويـه
يوم نادى قال عونك والمدى خيل ورجـال

لك أميره جيت درهمت الذلول
ماثني عزمي عن الفزعات ليل
أبشري بعزك ولاعنه ميول
أبشري بفزعة سنافيٍ أصيل
لو سرجت من القصايد والخيول
مايبل الريق غير السلسبيل

للجريد الرقص لاأهتز النخيل
وللهبوب أشلاء مذبوح الورق
لوطعنت بهمتي سفحٍ طويل
أقتل الرهبه ويبكيها العرق

قلت ابروي في ثرى الخافق شعاب
واسقي غروس بكى فيها الجريد
جيت ظامي ما تهيالي شراب
اعتذر لي وجه الأيام العنيد
صبّت الرمضا مشاوير العذاب
في عيونٍ كفنت حلم شهيد