سجال الشعر والمشاعر

هٌب ياوجه الحسد وشلون جمعهم وغاب
كيف السنين اللي عطتني بعثرتهم بعثره
لابارك الله في رقيقٍ تزعله كلمة عتاب
ولاجمع الله الرجال اللي تفرقهم مره
الصاحب اللي مايجي من صحبته غير العذاب
نذرٍ علي إن ماهجرني ولا أنا اللي بهجره

هذا الصاحب اللي يرفع الراس طاريه
نوفي له الميزان ونكرم جنابه
ونزيد في حقه وناخذ ونعطيــــــــه
ولانسمع النمام مهما حـــكى به
نبقى على طول الزمن في حراويـه
ونفز لامنا سمعنا جـــــــــوابه

هذي الكراسي الصم وشاعر أبكم!

هذي القصايد دور والدرب

مقفول

هذا القلم والمكرفون

يتلعثم !

حول يبعثرني وأنا أجمعه

هذا القلم حبره من قلـوب الاحبـاب
وشلون مايكتب من الطيـب للطيـب
انتـم تصبـون المحبـه بـالاهـداب
وطشيت انا دمعـي بعيـن المكاتيـب
وشلون ادور من ورى شعري القاب
وانتـم تشبـون المحبـه تراحـيـب

بقول اني انام ولا حربت القوت والمشراب
انام ولا حربت الزاد لاكن بعدك مصيبه
والى قلت اني اسهر فاعتبرني خاين وكذاب
انا والنوم تربطنا علاقة وده وجيبه
ارحب بالمنام اليا لفى واشرع الأبواب
ارحب بالمنام وجيته مليووون ترحيبه

هل نحن حقاً
شُفينا؟
أم نحن فقط
تعوّدنا على الألم !!

ما اخاف كثر الكلام ان مات في صوتي
اخاف لامن سكتّ !! و دمعتي قالت

تِعبت وتْعبت اشواقي وصارت للحاف هموم
وتمكن قلبي لشخصٍ كتب كل القصايد قاف
تِعبت وتْعبت اوراقي .. وصارت للفياف غيوم
وتناجى قلبي لشيٍ يشوفونه وهو وماشاف

فيني تعب مدري عتب مدري ضيقه
شعور ماني عارف كيف اكتبه كيف اوصفه
احيان احس انه صديقي واحسني رفيقه
واحيان احس انه غريب عني ولا اعرفه

‎هات من لهفة العاشق ومن دفتره
‎ذكريات .. الرسايل/ والصور/ والغرام
‎غربة الليل: (ليل وشاعر يسهره)
‎وحدة الليل: (ليل وعاشق ما ينام)
‎يعتريني شعور لو كتبت أكثره
‎سال جمر العتب لرضاك برد وسلام