سجال الشعر والمشاعر

يا أم التراحيب البخيله .. في زمن جود السلام
ياللي على طيبك تمادى حبل غدرك وإلتوا
بنيتي الإهمال في لحظة غياب الإهتمام
ونويتي أخس النوايا .. بس قلبي ما نوا

الأوله يبغالها شرح و أسهاب
والثانية تحتاج منك فتاوي
والثالثه صدمه و تفريقة احزاب
بلوى ولكن غير كل البلاوي

يارب تحفظني من الناس مهيوف
يا اول حروفه و رابعه طينتيني

ياحيف من وقت غدى اليوم يا حيف
خلى كرام الناس تنسى المواجيب

‎بالقلب ما تعرف العبرة من العبرة
‎وبناظري غيمةٍ ما تمطر أسراري
‎خلّيت الأحزان بأقصى القلب منثبرة
‎ياكثر كذبي على نفسي وأنا داري

يازمان مارسا بي على شط الوكاد
كذب الساري موانيه وشطوط الهنا
يارفيق ماهداني على الراي السداد
بين ذنب ماجنيته وذنب ماجنا

ارضاً خلا لو مابها لقمة العيش
اخير من رزق عليه اختلافي
والرمز يكفي الحر والخاتمه ويش
اقبل تحياتي وانا شاب قافي

ياعاشق الدنيا ترى مالها جار
كما واحد(ن) في حبها طار شوعه
اليوم تضحك له وتعطيه الانذار
وبكره تلحويها محاني ضلوعه
خلك على صكات الايام صبار
ويوم(ن) يفوتك لاتمنى رجوعه

هي مواجيع الدهر؟
والاّ حنان؟
في عجاج أيامها
دربي يذوب
تاهت الخطوه
وضيعت المكان
أنشغل
عن عمري بعمر آخرين
وانتبه
في لحظة غياب الأوان
مَرّت الدنيا
وأنا ارسم لوحتي
أرسم الفكره
على صهوة حصان

نستعجل الأيام وأعمارنا ايّام
والشّيب يطغى والأماني فتيّه
نهاري أقفى واجمل الحلم قدّام
والحال يضعف والهقاوي غنيّه