سجال الشعر والمشاعر

‏تدري من اللي عاش بالوقت مرتاح
‏ولاشال من حمل الليالي ولا طن
‏
‏وطول العمر مرتاح من وين ماراح
‏اللي ضميره بالبشر يحسن الظن
‏

نصــوم لكـن عـن التفكير ماصمنا

ياكثر مانفطر على قصة ملامحهم ’

ماندمت الا على الوقت والدنيا فرص
لاني برجلي ولا نيب في ظهر الذ لول

والقدر مكتوب للعبد لو انه حرص
لو يفر يسار ويمين مايقدر يحول

ليه الحظوظ العامره للردييـن !؟؟
وحظوظ من يوفون دايم رديـه ؟!

أضحك وأجامل وأكثر الناس دارين
في حالتن ماهـي عليهـم خفيـه

من شاف له مجنون بيقول مسكين
وانا اقول بهمس : < لا واهنيه>

هذي حياتي عشتها كيف ماجات

آخذ من أيامي وأرد العطيه
.... ....

هنا يدمرني ضنـا الشـوق تدميـر
وفرقـاك تكوينـي ثمانيـن كـيّـه
تعبت من وضعـي كـذا دون تغييـر
دام الجـروح رياحـهـا موسمـيّـه

هم صدري مايفرق تجماعه
غير جر الصوت والناس هجاعي

فاقدن لي سلعة واكبر بضاعه
سلعة تشرى ولا هيب تنباعي

رفقة الطيب الا غير اطباعه
اشهد انها كية توجع اوجاعي

ياگم عرفت من الٱوادم وصادقت
ويا كبـر فـرق بـ الٱوادم لقيته

احدً اليا منّي ذكرته {تـضايقـت}
واحدً اليـا منّـي تضـايقـت جيته

هيه لو صيد (البواشق) مثل صيد (الظليم)
شفت في (البومة) عوَض واحدٍ ضيّعْ (صقر)
لا وسيم ألا وسيم السجايا يا وسيم
والفقر فقر المراجل إلى قالوا فقر
والدميم الصدق ياللي تقولون الدميم
واحدٍ يفخر بماضيه والحاضر (صفِر)
مَن يزاعل صاحبه لجْل يِرْضي خشف ريم
لا تثق به لو فرَش لك على السكّة زهر

رعاك الله يا ذكرى ليالي اللي تمر البال
تذكرني سعاده يوم اغمض وابحر بفكري
تغير حالي المنهك طيوف الحب لأفضل حال
تباعدني عن الدنيا ومافيها ولي عذري
انا الافراح والارباح والفايض وراس المال
انا الافكار والاسرار وادفن في الفضا سري