سجال الشعر والمشاعر

عطيت من عمري ولا شفت مردود
ياللأسف للناس ضيعت عمري

واذا افرحوا واجد على طيحة العود
هذا دليل انه فعل شي يغري

بوقف لحالي واتبع الطيب والزود
اشره علي ان صغر الوقت كبري

يخـاف مــن عـوجـا طــوال عوجـهـا
هرجت قفـا يركـض بهـا كـل هـراج
يقضب عليـك المخطيـة مـن حججهـا
حلـو نبـاه وقلبـه اسود مـن الصـاج
الله خــلــق دنــيــا وســــاع فـجـجـهـا
وعن ما يريب القلـب لـك كـم منهـاج

جمر المفارق بالحشا شهور واقد
القلب عقبك كن يحمس بمحماس

تدري وربي كني الكون فاقد
من غبت عني كن ماني مع الناس

طيفك يمر دايم علي وانت ماقد
مريت في دربي مع الدرب عساس

سوالفن تبري عـن الكبـد علـه
حتى يطيب لنا السهـر والتعاليـل
سوالفن ماجـات وسـط المجلـه
ولابثها التلفـاز بلسـنّ مراسيـل

ليه أسولف لك . . وهي من غير ليه؟
تعرف إنك تطوي أحزاني طوي

أنت حبك شي ما أقدر عليه
كن حبك ضيف . . والقلب . . ابدوي!

ياطير .. ياللّي لـك مـن الحـظ جنحـان

(يا ليـت) لـي جنحـان مثلـك واعلّـي

ياطير .. انا جيتك مـن الحـزن بطـران

عطني جناحينك .. (سلـف) لجـل خلّـي

ماهو عشان / آقـف بعاليْـة الأغصـان

ولاهو على شان / الفـرح والتسلّـي ..!

عشان لاحسيـت فـي (ثقـل الأحـزان)

اروح ادوّر (صاحـبٍ) .. ضـايـعٍ لــي

ياطير ياللي عذبتك الملاويح
والجو: شعف . وبرق . وأمطار. ورياح

ياطير بشر من يريد التفاريح
انك عليّ أبعد من الصين لرماح

ياطير وش حد العيون الذوابيح
تبكي خبر موت الشهامه ب(صيّاح)!!

حظ منهو يوم يمشي مع الناس
ماوسط قلبـه عالم مشغلينه
عالم مشاعر تسكن انسان حسّاس
بأسبابها لْحاله يشكّـل مدينه
ساعة يودّونه على حفرة الياس
وساعة يحطّون الأمل صوب عينه

هذاك حظه مثل بيض الثنايا

وهذاك حظه مثل سود الظفاير

رضيت أني اكون بزحمة إسراف الأسامي نك
يصورني طلاسم باهته بعيون قرائي