يا بايع الرفقة

[سمو الغلا]

. يا بايع الرفقه تعلمك الايام !!!
قدري .. بدون آجيك وآعلمك به .

. ان قاله الله لا اترك عيوني تنام
وأحد عن درب السهر واتركك به .

. جروحك اللي مهله قدلها عاام
زادت على القلب الذي مسكنك به .

. تبغيني ارجع لك .. موافق !! اذا قام
يرجع لك الماء لا انتثر عقب سكبه .

. الله يقطع بيننا وصل الارحام !
دام الثقه في اقرب الناس نكبه .

. تبيعني .. وآنا اللي آعدك حزام !!!
غصيت بك يا ماي ويش ابلعك به .

[سمو الغلا]

يا طول صبري عليك ويا عنا حالي
اتعبني رضاك يا وجدي وعزي له .

ما تشوف حبك بقلبي ويش سوالي
معذب (ن) قلب خلك صبحه وليله .

اهج ذود المشاعر كل مقيالي
ترعى خزامي ربيعك في مساييله .

وارقى على رجمها وآجر ( موالي )
للصاحب اللي قطعني في مراسيله .

الله يسقي ( ليال الحب ) يا غالي
والله يبلى الزمن ذا مشين الميله .

من أول آفز لا من صاح جوالي
واليوم لو صاح لين الفجر ما آشيله .

من حب لازم يذوق المر والحالي
واللي يحبك وربي منك يا ويله .

قفيت في فالك وقفيت في فالي
والوقت لابوه إلى ضيق رياجيله .

آخاف ( اصادفك ) ولا آشوفك ( قبالي)
وآموت من حسرتي ما في يدي حيله !! .