ياحبي لك

[شموخ]

ياحبني لك وانت غالي ودلوع




يا حبّني لك .. وأنت غالي ودلوّع
كبّ التغلّـي .. والدّلـع لا تكبّـه


منك الدلع مسموح ماهوب ممنوع
يلوق لك .. وتلوق معـك المحبّـه



الله عطاك أنفاس وأحساس وطبوع
و فيك الحلا سبحان ربّـي وربّـه



تفرق عن الحلوين بالشّكل والنوع
لو فيك ربّـات المفاتـن تشبّـه !



حبّك نزل في قلبي ولاعنـي لـوع
قام يتسلقط فيه .. حتى نشبّ بـه

تقول ينبت لي مع ضلوعي ضلوع
لا شفت زولـك والهبايـب تهبّـه


لعيونك النعاّس ميّت مـن الجـوع
متى تحسّ ومن يحبّـك .. تحبّـه


زوّدتها حبّه .. مثل حبّـة الكـوع
وعليك شوقي زاد تسعيـن حبّـه


وأصبحت أنا وياك طامع ومطموع
لبّ الندا .. يا جرح قلبـي وطبّـه


أقابلك ساعه من سبـوع لسبـوع
موقّتـه وظروفـنـا مستتـبّـه



على بدايتها .. شذى ورد وشموع
وعلى نهايتها .. يـدقّ المنبّـه !




مما راق لي.

شمووخ الجبااال

[عمر آلعمر]

أبيات جميلة ..
فهذه هو حال المحبين ..
لا يحمل المحب للآخر إلا المديح والغزل واللهفة ..

نسأل الله أن يجمعنا وإياك بأحبابنا ..
وأن لا يفرق بينهم وبيننا ..

[الغلا كله]

طرح جميل دوووم مبدعه
تقبلي تحياتي

[Yara]

صح لسان شاعرها وناقلتها

سلمت يمينك على الطرح اكثر من رائع

دمتِ في خير وعطاء r2r19

[همس المحبه]

حبّك نزل في قلبي ولاعنـي لـوع
قام يتسلقط فيه .. حتى نشبّ بـه
تقول ينبت لي مع ضلوعي ضلوع
لا شفت زولـك والهبايـب تهبّـه
لعيونك النعاّس ميّت مـن الجـوع
متى تحسّ ومن يحبّـك .. تحبّـه

راق لنا ماراق لكِ أختي.. سلمت يمينك وصح لسان قائلها..

يعطيك العافيه..