سجال الشعر والمشاعر

[محمدبن عبدالعزيز]

أمشي على حد الجفاف .. ولا بخاف ..
ولأخر الدنيا أروح ..
ادورك عطر يفوح ..
بين التعب ..
خلف السفر ..
وسط الجروح ..
مانيب أدور للشقى ..
مير الرجا ..
القى من الحب الكفاف ..

[تحت الظل]

في البدايه .. كان لي دنيا وحكايه
كنت اعطي ما امل .. احتري بارق امل
ابي عشرتنا امان .. عشره تكفي للزمان

كنت عاشق .. كنت هايم .. كان قلبي ما يخاف
كنت اظن العشق دايم .. من هنا صار اختلاف
اثر ما شفته دعايه
من البدايه للنهايه

[شموخ]

‏هات صوتك خل أوجاعي تطيب ..
‏ حسك أنت يابعد حيي عآفيه

[نفسي عزيزة]

هذا الورد في غربتي
مثل الوطن في غربتكــ

في ريحته يبقى وفا
لو بعثره ذنب العطر

[مجبورة]

ريحه زهر مدري كما ريحة الند
واللا كما ريح الخزامى ليا فاح

واللي كسب مثله من الناس يسعد
وأنا بعيد ولا اكتسب منه الأرباح

هونك على المتاع يا سهيّف القد
حبك لجا فالقلب لاتظن ينزاح

[السحر الحلال]

حارت اقدام رجلي في محلي ذراع
ما اقدر المشي قدامي و لا ارجع وراي

صرت مثل الغرير اللي بسن الرضاع
أتضيم و اصيح صياح من غير راي

[محمدبن عبدالعزيز]

يلعب ويضحك ما حسب لوعة الود
وأنا جريح وهاجس القلب ما ارتاح
وده شغل قلبي وهد الجسد هد
وهو طبيب ومفتهم كل الأجراح
وأنا صبور وهاجر الروح بالضد
لكن خايف طيلة الصبر ينباح
وده مزايمني ومنه الجسم شد
وأنا منه محروم إن جاء وإن راح

[شموخ]

‏حداني رقيق الحزن غصبا بليا طوع
‏وتتالت علي الأيام والحزن يبرالي
‏
‏انا لي وليف منه حبل الرجا مقطوع
‏جبرني غلاه وقصرت دونه حبالي❤

[محمدبن عبدالعزيز]

يُوم ﺎلخميسّ ﺎﻟيُوم گنّہ ﺑدىَ غيّر
گنِي ﺎﺣسّہ يُوم فيّـہ ﺎختلٱفِي !'

متفَائل بالخيّر يّـاللہ ﻋسَى خيّير
فالِي وفال ﺎهل ﺎلقلوبْ ﺎﻟنظافِي

[مجبورة]

يوم جيت البيت ماشفت رواد يروده -----مالقيت الا العصافير وأشجار النباتي
قلت يالجيران هالبيت من ذير عنوده -----علموني بالخبر والجواري جارياتي
قالوا الجيران سافر ولا نعرف وجوده -----هقوة أنه يطلب العلم بين الجامعاتي
وأهله راحوا على موتر(ن) يطوي عموده -----وأنتووا مصيافهم بالديار البارداتي
قلت وين القاه قالوا من ورى الغربي حدوده -----في ديار(ن) ماتعرف البراقع والعباتي
أتصل بأنكلترا والمطار أسأل جنوده -----ياعسى تلقى الخبر مع مدير الطايراتي
قلت يرجع بالسلامه ويوفي لي وعوده -----وأتمنى له يجيب الشهايد عالياتي

[محمدبن عبدالعزيز]

يمكن لوانه يلمس الجرح بيديه
يستغرب ان اللي لمسها طعونه
ابطى وهو غايب وزلت حراويه
وأنا من العام اتحرى مزونه
هومادرى اني في غيابه محاتيه
ليته نشّدعن حالي اللي يجونه
وقلبي اللي توه افلت عراويه
كيف انسرق وضلوع صدري حصونه
عجزت ارده كن ماني براعيه
يوم انتثر شوقه وهاضت اشجونه
يبسن عروقه لكن اللي يعزيه
ان اكثر العالم تردد لحونه
خافوا من الله لاتجيبون طاريه
لاصرت انا موجود لاتذكرونه

[مجبورة]

هذا الفراق الطويل وهذي أسئلته
هذا حصاد السنين وهذي أيامى

ياما وياما عليك البال طولته
والعمرعدى وأنا عايش على أوهامي

حتى طريق الفراق اللي تساهلته
لقيته أصعب على نفسي من أقدامى

[محمدبن عبدالعزيز]

ياليتني لابغيت اكره قدرت اكره
ماكان قلبي اللياجيت اكرهك عيّا
مادامك معيف رح لكن علي فكره
ماقلتلى ليه دمعك سال منيّا

[شموخ]

‏يالله ياللي عليك الضيق وافراجه
‏تغفر لنفسن عليها الهم ساهجها
‏
‏نبعد عن المنه ونبعد عن الحاجه
‏ونطلب من الله سبحانه يفرجها

[مجبورة]

أبهجر كل شي ماضي (زماني، ربعي ،وداري)
نبذتك يازمن ظالم لئيم وزادني كيا
عرفت الحلم يبقى حلم ماينفع به اصراري
وطويت بحسره احلام ٍ جثت في خافقي طيا
وحيده في زمن ظالم وحيده في زمن عاري
أكابد حسرة أيامي واصغر حلم مااتهيا
تعذرت وزمان الذل عيا يقبل اعذاري
وتقبلت الطعون المؤلمة منا ومنيا

[مشاعر]

أنسى معاك العزم والفكر والياس
وحبك بقلبي فالضمير أمغروسي

وأهيم في بحر بالأمواج غطاس
وأسج وأنسى عن ربوعي جلوسي

[محمدبن عبدالعزيز]

يامطـــول الـغـيـبــات ويــن الغـنـايـــم
مابي ولا حاجة ســـواك إنت لاهــنــت

قريب مــني لكـــن الــوصـــل غــايـــم
بعيد واقرب لي من اسباب مـابـنـت

[مجبورة]

تغيب والدنيا معك تغيب

تقطع خيوط الشمس عني

ويصبح العالم كئيب

وأصحبت انا لوحدي على

ارضيك غريب

ما تكتفي من غربتي

ما تكتفي من حيرتي

الله عليك كم انت عجيب..الصمت دايم لعبتك

الصمت احيان رهيب

[نفسي عزيزة]

بـ تقول زينك يشفع لـ سيئاتك

الحسن ماهو عن وفا الحب يعفيك

غرك جمالك يا خسارة حلاتك

ما تدري أن ما غير طبعك يحليك

[مجبورة]

كــلّـمـنـي عـــنّــك

أبـعرف كـل شـيٍ عنّك منّك

قــلّـي وش أول جـروحـك

قلّي وش آخر أمل ترجيه روحك

إحــكـي عـــن طـبـعك

وعـــــن ربـــعــك

عــن الـلـي يـهزّ دمـعك

قـلّـي وش مـعـنى الـحـياة

قـلّي بـأنفاسك متى قد قلت آه

إحــكّ لــي عــن الـحب

إحــكّ لــي .. إحـكّ لـي

إحــكّ لــي عـن الـشوق

طــر بــي فـوق .. فـوق

[محمدبن عبدالعزيز]

قالت عساني ما تسببت باحراج
أرجوك سامحني تراي معذورة
صحيح مالي منك مدخل ومخراج
بس أنت غالي والمشاعر غيورة
أحتاج لك يا سيدي جدا احتاج
منك الأمان وفيك معنى الخطورة

[مجبورة]

هيّف على قلبي الملهود

ان مابرى منك مايبرى

[محمدبن عبدالعزيز]

اشهد أن بعض المواقـف تحـدّك للسكوت
تجـبرك بـ الصمت لو أن في صدرك كلام

[تحت الظل]

مافيه حَيّ إلاّ تَعّرَضْ للأكَدارْ
وُمَافِيهْ حَيّ إلا تَعِكر | مزاجه . . .

عَنْ مَاضِيّ التَارِيّخْ تنبيك الاخبار . .
مَااصَارْ( كَرَبْ) إلاّ قِضَا بِانفراجه..!

[مجبورة]

هاجت على قلبي هموم طرتله

كلما تعدى هم جابتله هموم

[نفسي عزيزة]

مخنوق مدري وش اللي صار خانقني !!

مدري متى بأمسك الضيقـة و أخنقهـا!!

[محمدبن عبدالعزيز]

اشتاق له ، لو يسرق العمر ويغيب
واحتاج له ، لو شح فيني زهابه !

مثل المطر لاغاب ندري وش يجيب
الارض ، تحتاجه .. سحابه سحابه !

يكفيه .. خلّا الضد فيني مطاليب
أموت في وصله وأموت بغيابه !

[شموخ]

‏هات صوتك ذبلت اوتار المسامع
‏غن حب وغن شوق وغن / طيش💫
‏
‏لي ثلاث ايام غادي لي ( مدامع )
‏دمع هجر ودمع فقد ودمع ليش ؟

[مجبورة]

شاقني من نادر الاشعار نص
احترافيٍ مهو مثل النصوص

كن حرفه فوق بيض الطرس فص
في تراكيبه نغم من غير بوص

لا قراه المتذوق ما يغص
في ركاكة نص معناه مخبوص

ان قريته قال: ذاك لذاك:اص
وان كتبته عقد مليانٍ فصوص

فيه مرجان وقطع لولو وحص
كاتبه في غبة المعنى يغوص

[محمدبن عبدالعزيز]

صديق لي لاحضر مانمله
وغيابه يضيق علينا الوسيعه
شوفه يداوي القلب من كل عله
وبعده يضر القلب مانستطيعه
له منزل بالقلب محد وصل له
محبة في الله رب الشريعه

[مجبورة]

هذا إنتي .. قولي والله إنه إنتي ..

وين غبتي ؟! .. عني هذا الوقت كله ..

وين كنتي ؟! ..

شيبت عيني طيوفك .. وما أصدق إني أشوفك ..

ياللي قلبي في كفوفك .. نقش حنا ..

وفي جديلك عطر ورد ..

آتمنى .. لو تكوني في فراغ اعيوني وعنى

وفي سموم ضلوعي برد

[محمدبن عبدالعزيز]

دروب الارض ..

توصلنا الاماكن وترجع !!

ويكفي هالسفر عذروب

بأن الارض ما تقوى الهروب ..

دروب وغير الارض

وين بتروح تسافر..

كان الصوت يرجع للحناجر ..

كان الجرح يرجع للخناجر

مثل كل الطيور اللي تهاجر

وترجع كل مرة

تعب هالبحر لا يجتاز

جدران السواحل

انا لي سنين راحل

حملت الطين

كله .. لكل الطين

قلي يا انا

الى متى وانت

على هذا الأنا مصلوب

دروب الأرض .. لكن

لكن

[بنت النشامه]

‏نمشي مع الوقت لو طالت مشاويره
‏وافراحنا من ورا الضيقات نسرقها
‏
‏الحلـم بالنـوم يمكن سهل تفسيره
‏لـكـن نبي ﻻ صحينا من يحققها ؟؟

[محمدبن عبدالعزيز]

الحلم وحده بقى واااافي على شآني
مثلي رماد - واماني جيته | جمره !
--
لو قلت : ” عوّد ” اخاف ؛ يعود | يلقاني
بيني وبين .. الوفاة ( ارق ) من شعره !
--
والموت ما هو غياب انسان عن ثاني
الموت يعني وفاة شعوووور يَاا .. طهره..!

[مجبورة]

هذا الجفا موت ومثل الموت له سكره

يالله لاتقطع الغالي من الغالي

[محمدبن عبدالعزيز]

يـآ ترى وينك .؟
وش تشوف ه اللحظه عينك .؟
وش مخبي في يدينك .؟
من مرآسيل وَ عطر ..
قلبي في حيره ..
سمهـآ لـو تبغى غيره ..
وإلآ أوهـآمي الصغيره ..
كل مـآ طـآل السفر ..

[مجبورة]

ركضت الحق الهارب ومتمرّد افكاري
ابا اروّض الفكره على حالي الجاري

ابا اقضب عنان الطامح الجامح العاصي
ابا المس حنان الساهم الحالم الساري

ابا اجمع شتاتي عقب رحلات غرباتي
واناغم هواجيسي على باكي اوتاري

[محمدبن عبدالعزيز]

يـ : النوم لك حطيت مفـرش ولاجـيت
وأتـعبـت راسي بـ أرتـفاع الوسايد ..!!

وش مزعلك مني عن العين صديت
وأنا السهر ماهـو لـ : عيني عـوايد

[شموخ]

‏دوّرولي ي أهل الهوى قلبٍ من حديد
‏ ما يهمه بعد الأحباب ولاقربه

[مجبورة]

هيه يا حلم الليالي ويالغصن الرطيب
مالها داعي تعاليل واكمل ما يلي
لاتسوق امن المعاذير وفراقك نصيب
رح وطعنات التفاريق سندها على
غايبٍ حظي معك وانت من عيني قريب
لو نحرت اشعيل قربك وذكيت الطلي

[محمدبن عبدالعزيز]

ياحلم قلي (http://sanad-ragad.islammessage.com/vb) وش (http://sanad-ragad.islammessage.com/vb) يضر لو (http://sanad-ragad.islammessage.com/vb) تحققت...
.متى الفرج ياحلم (http://sanad-ragad.islammessage.com/vb) يعانق خيالي
جيتك طموحن بالمعاني ترققت...
.ليت البشاير ماتعاند وصالي

[مجبورة]

ياحلم الشعر والشاعرْ ..

أنا الأول . أنا الآخر..

أبد مايهم

أبي القاك بلحالي

مطر في يم ..

وأصارع لجلك الأيام

أبي القاك دون الناس ..

تخيرتك . ونقيتك ..

وصرتي روعة الإحساس

أبد ما يهمني غيرك ..

بسافر بس لو مرة بتفكيرك

وأشوف الناس من حولكْ

مين اللي تحبينه

ومين اللي تجافينه

ومين اللي إذا جالك تصدينه

بسافر بس لو مرة بتفكيرك

.. وبسأل نبضك الدافي

عن الوافي

عن حروفه ..

وعن حزنك من ظروفه

وعن همك .. إذا ماباح لك مرة سبب خوفه

عن الحرمان .. .. وعن قربه من عيونك

عن اللي صار مجنونك

[نفسي عزيزة]

كل حاجة منتهاها للنصيب
القدر يا ياصلك يا تاصله

إن كتبها الله تجي لك من قريب
وإن منعها الله فلا هي حاصله

[مجبورة]

هو الذي ينجيك من كود صايبك
ويذريك من كربات هول مهيلي

يا لعبد مكن عند ربك مقضبك
وفكر وقدر وانتبه لاتميلي

ولحد من الخلاق يالعبد حاجبك
هو الذي مده وعفوه جزيلى

وهو الذي في ما فعلته يحاسبك
وهو الذي بارزاق عبده كفيلي

[السحر الحلال]

يجود بالنفس إن ضن البخيل بها
والجود بالنفس أقصى غاية الجود

[مجبورة]

دعوا لنفجعَ في الدّنيا بأنفسِنا، ........فانحلّ ما كانَ معقوداً بأنفسِنا

.وانبَتَّ ما كانَ مَوصولاً بأيدينا

أينَ الذينَ عَهِدْنا الجودَ يُوثِقُنا ........في رَبعِهم، ولهم بالشّكرِ يُنطِقُنا

[السحر الحلال]

أرى لرجال الغرب عز و منعة
وكم عز أقوام بعز لغات

أتوا أهلهم بالمعجزات تفننا
فيا ليتكم تأتون بالكلمات

[مجبورة]

تركتْ لدي جراحها مسلولة
فعقرتُ بعضي وامتطيتُ شتاتي

وطفقتُ أجرعُ في طِلاها أدمعي
وأحيك من أنفاسِها زفراتي

وأنام أحضنُ بُعدها متألماً
فتثور في وجهِ الكرى كلماتي

[محمدبن عبدالعزيز]

يا طائرًاً أنا طائر قد غلة
قفص فمن يسعى إلى إطلاقي
مالي تعذبني المسافة كلما
خيلت بعد ظلامها إشراقي
وأروم من تلك الحياة سعادة
فتود من جبروتها إغراقي
أنا في مسالكها إخضرار مواسم
عمدت بقسوتها إلى إحراقي

[نفسي عزيزة]

يا ليتني بقيت بضيق.. "بطنك يا يمه "

ولا طلعت وضاق بي.. "وسع هالكون"

[مجبورة]

ندهت سنين يا يمه تعالي من الزمن بردان
ابي حضنك يدفيني رجيتك يازمن عدها

يتيم اليوم يايمه يتيم وسيد اليتمان
يتيم الحال والخاطر يتيم ودوم ارددها

تقول اوليدي لاتحزن ترى هالكون لك فرحان
يايمه شلون يايمه وانتي كنتي ماردها؟

الا يا لله يالعالي الا يالله يارحمان
ابي رحماك يالوالي ورحمة امي اوجدها

[محمدبن عبدالعزيز]

أوصى بك اللهُ ما أوصت بك الصُحفُ

والشـعرُ يدنـو بخـوفٍ ثم ينـصرفُ

مــا قــلتُ والله يـا أمـي بـقـافــيـةٍ

إلا وكـان مــقـامـاً فــوقَ مـا أصـفُ

يَخضرُّ حقلُ حروفي حين يحملها

غـيـمٌ لأمي علـيه الطـيـبُ يُـقتـطفُ

والأمُ مـدرسـةٌ قـالوا وقـلتُ بـهـا

كـل الـمدارسِ سـاحـاتٌ لـها تـقـفُ

هـا جـئتُ بالشعرِ أدنيها لقافيتي

كـأنـما الأمُ في اللاوصـفِ تـتصفُ

إن قلتُ في الأمِ شعراً قامَ معتذراً

ها قـد أتـيتُ أمـامَ الجـمعِ أعـترفُ

[مجبورة]

في مداخل الصدى

لعلها الخواطر الي جعلتها

حليفة لوعد مقلتيك يا أسف

لعله الأنين والبكاء و الشغف

تناسل الرجاء حين باعدت

موانع الطريق بين رغبتي

و بين ما اعترف

بشوقه الجرئ

عشق وعده الذي نزف

فكيف يا قصيدتي

أودع اللقاء

في عيون من أحب

حين أومأت دواخلي

و لحنها عزف

فواصل الغرام

[محمدبن عبدالعزيز]

مقطعا ً من الوئام

قطعة من التحف

و إنني لمدرك

صعوبة التوالف الجميل

في مدار من تولى ّ أمرك الطويل

أشعل الرحيل

و اقتطف

من الهوى نضاره

من النوى وقاره

و غلف الفراغ بالشرف

[مجبورة]

في عميقي البعيد

بانهمارك الشديد

في دماء حبي العنيد

و انتشيت بالصُدف

و روعة اللقاء كلما

تباعد الزمان أو أزف

أقول يا حبيبتي

رجائي الطويل قد نهى

عن الهموم و انتهى

بقلبك الخجول

قد تهاوى كالسيول

و انجرف

أودعتك الذي ارتضاك قبلة

لشوقه العظيم

باسمك الكريم

قد هتف

[محمدبن عبدالعزيز]

في مدخل ( الحمراء ) كان لقاؤنا..
مااطيب اللُّــقيا.... بلا ميــــــعــــادِ..
عينان سوداوان...في حجريهما...
تتولد الأبعادُ من ابـــــعـــــادِ....
هل انتِ اسبانيةٌ..؟.........سالتُها
قالت : وفي غرناطة ميلادي...
غرناطة ٌ....وصحت قرونٌ سبعةٌ...
في تينك العينين ..بعد رقادِ....
وأمية...راياتها..مرفوعةٌ..
وجيادهاموصولة بجيادِ..
ما أغرب التاريخ....كيف أعادني
لحفيدةٍ سمراء من أحفادي..

[مجبورة]

يا أَيُّها العاذِلُ في حُبِّها
لَستَ مُطاعاً أَيُّها العاذِلُ
أَنتَ صَحيحٌ مِن جَوى حُبِّها
وَحُبُّها لي سَقَمٌ داخِلُ
إِنَّ الَّذي لاقيتُ مِن حُبِّها
لَم يَلقَهُ حافٍ وَلا ناعِلُ

[شموخ]

‏لاغبت عنكم بالمراسيل وأبطيت
‏وصدت بي الأشغال عن كل غالي
‏لا احد يقول انك علـينا تغلـيت
‏لا والله الا من ظـروف اللـيالي

[مجبورة]

ياسمين من اليمين ومن شمالي سندباد
و(اربعينية) علي بابا على بابي فتن

وين اودي وجه طارق؟ عنك ياوجهي زياد
وين اصد؟ وكل وجه يصد في وجهي وطن

دثريني فيك يمه كل مابانت سعاد
زمليني عن زهير وزمهريرك والزمن

هزي الهندول واملي املي عيوني رقاد
سمعيني لاسكت ونمت من صدرك لحن

[محمدبن عبدالعزيز]

نفس الصفات ونفس تقريبا السن
لكنها ما هي على مزح جدي!
تلعب على مرجيحة غواية الظن !
وصلت معي حتى تعديت حدي
لادندنت لي "دندنة" : دن دن دن
دندنت انا من دندنة : دن دندي !!
قالت : من انت ؟ وقلت بلسانها : من ؟
انا ؟ انا ! انا ! انا ! مين ؟ ردي !!
انا الزعيم بمعشر الانس والجن !::
انا ولا غيري على الأرض قدي !
انا الكبير بعالم الشعر والفن !
انا الوحيد اللي بالأنداد ندي !

[مجبورة]

يحليله دن حجيلـه
دن حجيلـه يحليلـه

يحليله دن حجيله
مـدري وشلـون التالـي

قبل البـدو تقصدهـا
وطـرت علـي الليلـه

ماعرف وش تاليها
لكنهـا فـي بالـي
( عارف ) هو اللي
عارف والا مطر ( بعديله )

( يبـو قظاظـه بيضـا )
ماعيبـت شمالـي

هالحزن ماهو دايم
لو جـاب لـي كـل حيلـه

[محمدبن عبدالعزيز]

هنا أوضاعي
هنا أوجاعي
وهنا أطماعي
فبعض أشياء
هنا وكل ماهنا
يعني قصيده مالها داعي !
يَ سِيدي كل ماحاول
أصححها تزيد أخطاء !!
ولا في بيت تستجري حروفه
تكسب اقناعي
وش اكتبلك وانا خايف
بعد مكتب من الامضاء !!
تحت صدق اعترافات
القصيد بمحضر ابداعي

[نفسي عزيزة]

يا موطن الشوق لا هبّت رياحك مدى

أطفال شوقي عرايا وانت حضنك جليد

[مجبورة]

دام اللقاء ينتثر دمه من الفرقى
عطني وداع على لقياك يغريني

استقبلك والسماء بعيوننا زرقا
واودعك والمزون السود في عيني

راح اللقاء يلتهب باعصابنا
الحرقى يشعلني الخوف بعيونك ويطفيني

[محمدبن عبدالعزيز]

كن العيون بكل شين محذوفه
والقلب كن جموع ... الأيام ترميه
تسابقني من زماني سيوفه
تجرح مرادي .. في حياتي وترميه
ياعونه الرحمن ... وين النكوفه
لين انتحي ... الخفاق وش عاد يثنيه
مارحت ادور عند خلى مروفه
مايرحم ... الا الله فلا شك مغليه

[مجبورة]

هلت سحابة وصلها على حياتي وازهرت
واهتز قلبي من نبات الحب زهرٍ واكتسى

يا وصلها الغالي هلا حييت ياعز الطلب
لا خير في قلبٍ على مغليه بالدنيا قسا

[محمدبن عبدالعزيز]

أيام الاسبوع مثل اصحابي السبعه
كلن وله طبعه و شكله و مضمونه

احد كما السبت في وضعه وفي طبعه
واحد سـوات الـخميس الي تحبونه

[مجبورة]

هب الشمال وفزّ بين المحاديب
طفل ٍ على خدّه مشاريه وعتاب

والبرد شبّع جرد الأيام تعذيب
وأنا ضحية برد وأيام وأحباب

ياليل مالي غير حضنك معازيب
خلك معي لاشحّت وجيه الأصحاب

[محمدبن عبدالعزيز]

‏ﺑﻌﺾ ﺍلبشر يفرض عليك الغلا فرض
ﻣﺜﻞ ﺍﻟـﺬﻫـﺐ ﻓﻲ كل ﺍلأﺣـﻮﺍﻝ ﻏـﺎﻟﻲ
ﻳﻤﺸﻲ ﻏﻼﻩ ﺑﺪﺍخلك ﻃﻮﻝ ﻓﻲ ﻋﺮﺽ
ﻗــﺪﺭﻩ گــﺒﻴﺮ ﻭمكسبه ﺭأﺱ ﻣــﺎلي

[مجبورة]

يابو(......) لاتكثرها على القلب الصويب

خوتك تاج على الرأس الرفيع مقدرة

[محمدبن عبدالعزيز]

هواك البارد المنعش هتف لي يا صباح الخير
هلا بك يالربيع اللي نعيش العمر بترابه

قضينا في ربوعك عمر بوصفه يعجز التعبير
نضمنا من بنات الفكر معاني شعر جذابه

[شموخ]

‏. هاك كلّي لا تخلّي شي منّي ،
‏ دامك أنت اللي أحسّه : كل شيّ!!

[مجبورة]

يا طارد اللي راح خله وملوه
ما يستقيم الظل لا عوج عوده

ولا ينفع الندمان قولة حولاه
جحر لدغ يمناك لا لا تعوده

مد النظر في خلق ربي تمعناه
إلى انتقص من حال حال يزوده

الله جعل للمبتلي داه ودواه
وكل على عزمات قلبه حدوده

[محمدبن عبدالعزيز]

هذا هو الشعر ..له (وحشة) وله (حاجه)
لو عاشـــــــــها الناس والله مايلومـــــــوني
لأبطيت ماقلت شيء ولا أنكتب حاجه
جايز من أتفه سبب .. تحـــرجني عيوني !!
ياهاجسي مابقى من لــيلـــــــنا ناجه
فيني من الشعر ما جمل لي طعوني

[مجبورة]

السلام

كتبت كم بيت و طاروا وين ماادري

وهذي تعويض




ياهجوسي عقب كيف الشاذليه
اطرقي القيفان يوم انك رويتي

لك مهابه يالهجوس ومقدريهً
استوت كل المشاعر وستويتي

[محمدبن عبدالعزيز]

‏يا حديث الشّوق للقلب الھواوي
بلغ اللي بـ الحنـايا شب ضـوّه

الغلا ان صــار ما هو بـ التساوي
كيف نقدر نفھمه ونعيش جـوّه

[مجبورة]

هالمسا صمت الحنايا ثار يصرخ مستحيل
كيف ذاك الحب كلّه في ثواني يندثر؟؟

كيف عمري اللي رخصته للغلا وأغلى خليل
ترخص أيامه وترحل في شقى حبك هدر؟

مات ذاك اللي جمعنا هالمسا وأضحى قتيل
هذا هو جثمان حبك والحنايا له قبر

[محمدبن عبدالعزيز]

‏رفّ الجناح و واجه الرّيح يا طير
‏الظاهر إن الحزن راعي طويله
‏
‏دايم يصير الليّ أخاف انه يصير
‏ومن يوم خفت "أفقدك" هذي الحصيله

[مجبورة]

هالحزن ماهو حزن لولا الشجون
والحزن ماهو حزن لولا السهر

هالحزن ماهو بشرحتى يخون
إسأل اللّي رافقه طول العمر

الحزن يصنع من الموتى فنون
فلسفة شاعر وحوّلها عبر

يمكن إنه يستلذ بهالطعون
بس يكسبك إحترامك في كبر

[محمدبن عبدالعزيز]

رعشة
الحبر يَ : دفتر سواليفي ..
أو داخلي شيء : ما أحسه ولا أعرفه !
هو إنتهاك
الشتا و أثوابه ل صيفي ،
أو هلوسات الظلام .. بزاوية غرفه

[مشاعر]

هي تمون العين وإلا ما تمون
لي خذت قلبي وقفّت يا سعد

[مجبورة]

دام السوالف معك حلوه ومندرجه
الله يخليك لاتسكت بتاليـــــــــها

انا من اليوم اعيش ظروفي الحرجه
مشغول بين العيون وبين راعيها

[نفسي عزيزة]

إن حداك الليل بالسيف الشطير
ابتسم له غصب ، كنك هازمه

وان رماك الهم في البحر الغزير
صب له فنجال ، كنك عازمه ...

[مجبورة]

همّي ، وهمّي لو رسم بي علامة
الصمت طبعٍ غالبٍ فيه لازلت

ولا تحسب انّي غافلٍ من غشامة
لا والله اني من فطانة تغيفلت

فكّر إذا صقرٍ تجاهل حمامه
وش نيّته قللي إذا انك توصّلت

[محمدبن عبدالعزيز]

تقول كيف الحال؟ مدري مواساه
وإلا كذا من باب .. روتين وحقوق
على العموم ... بخير والحمد لله
ماغير جيتك ضايق ورحت مخنوق

[تحت الظل]

قلت وهمومي تغافل زفرة الحزن وتفوت :
"هذا انا جيتك..يا ليت الموت جاني قبل اجيك"
بعدها يا دوب عدّت عبرته حد السكوت
قال وعيونه تغارق دمع : "بسم الله عليك"
قلت : "يا ابن الناس عادي ماورى هالموت موت
وش وراها لا فقدت عيونك ولمسة يديك

[محمدبن عبدالعزيز]

كتمت ضيق الزمان .. وقسوة إحساسه ..
وحلفت .. ماني مفرّط .. فيك ... يـا .. دمعي ....!!
أعيش وقتي وقلبي .. ماخسر بآسه .....
يضيق .. طبع الزمان .. ويشرحه .. طبعي .....

[شموخ]

‏يآهآتفي مسي على من نحبه ونغليه
‏لآ صآر مآنلقى لجلْساته وسآيل
‏مآجت لي آلدنيآ على گيف مآبيه
‏حگم آلزمن خلى آلمحبه رسآيل💞

[محمدبن عبدالعزيز]

لآ تنـشد السرحان في من "يفكّـر"
لوكآن يبغـي يعترف ( لك ) حكآلك

يمكن في بآلـه بـآب لَـكن مسكّـر
و آلبآب هذآ هو إجـآبة .. (سـؤآلك)"

[بنت النشامه]

(كم رفرفت لك حمامة شعر بـ شفاهي)
كنت أتحرى يصيبك شوق أو يطري

[محمدبن عبدالعزيز]

يا حيف.. كنت أغليك وأهواك وآبيك
يا حيف.. ماعدنا حبايب ولا أصحاب
شقول للأشياء لا جات تشكيك
سادي على هالناس.. لو كانوا أحباب
فاقدك قلبي حيل.. والعين ترجيك
والنفس تشره.. والعقل حاسب حساب
دفترك مبطي ماانفتح.. ناطر ايديك
فوقه بنى غبار الزمن كومة تراب
وتسأل عن أحبابي طيور الشبابيك
وآقول: "مدري وينهم.. بس غيَاب"

[نفسي عزيزة]

بس أدور عذر من شان البكي
لو يدوسون بطرف ثوبي بكيت

ضايقه بالحيل محتاجه أشكي
لولا طبع فيني .. يمديني شكيت

[بنت النشامه]

‏

‏تعال خذني مثل ما ياخذ النوم
‏عين المريح إللي من الهم خالي

تعال لِك عندي سواليف وعلوم
‏تعبّت أسولف مَع خيالك لحالي !

[مشاعر]

يومك ضحكت وبش باوجانك الدم
قبل الغياب وكلهم حاسدينك

كن النهار اللي رسم للشفق فم
ضحكه ثغرك اللي سماها جبينك

هذا انت ولا من يضم الحشا ضم
هذى يدين البرد والا يدينك

ثلجي نحرك ... أدفي من غفاية الهم
عن خاطر ٍ صحوات همه تدينك

بأعانق احدود الضما والغلا جم
وأبقى معك سيد هواك ورهينك

[مجبورة]

كل شاعر مانكوى صانع كلام
وكل قلبٍ ماهوى بالعون ميِت

أعترف لي كن بعيوني غمام ؟
أعترف بي في محبتها أبتليت

باقيه حلوه ويغريها الزحام
إن بغيت أشرب غلاها مارويت

[محمدبن عبدالعزيز]

ترانا لاهل المواقف دواليـب
فينا الوفاء بين الضماير انكنه

يبقى مع الطيب زمانه تعاجيب
يفوح طيبه عقب هيله وبنـه

الطيب له وجه ومبدأ وترتيب
والمدح للوافين ما فيـه منـه

[مجبورة]

هذي هي اوراق شعري تحتري ندك
من غيبتك والدفاتر بيض وعجافي

كانك علي الشوفه اللي شفت من جدك
يا كبر فرحتك لو تدري عن الخافي

تاكد ان المشاعر ما تقف ضدك
لا خانها البرد ترجي صوتك الدافي

[نفسي عزيزة]

ينفع نصير أحباب
وأتنفس أنا حبك

للمغفرة أبواب
لـ صرت أنا ذنبك

[مجبورة]

كنت احبك ... حتى جرحي .. كان يحبك

كنت احبك ... ايه و ربك .... كنت احبك

كنت بك ناقص كرامه .... ما اثرت فيني الملامه

كنت اصدق كل كلمه .. من كلامك

كان يحلى لي خصامك

سنبلتني علقم .. يكفيني ما فيني

مشتاق للبلسم .. برهن له سنيني

ما عاد بك ينفع

لا تعيد او ترجع

[محمدبن عبدالعزيز]

عزنـفسك فـي زمانك لاتقول الحظ خايب
وسـق عمرك للمعالى واكسرالنفس الحزينه
والطريق اللىتـشوفه يـرسم الـدنيا عجايب
مــديــدك فــي طـريـقه لين مـاتمسك يـمينه

[مجبورة]

هات جفنك للسهر في مقبلاته
و أفهق انعاسك و لا تطري مبيته

ما بقى للفكر من شرّد بناته
غير شعر كل ما يُكتب محيته

[محمدبن عبدالعزيز]

هــآدي وَ فيــني ضــجّه أحــزان وَ جــروح
عــايـش وَ لـكـنّي أعيــش بـ رتــابه

تــرهبنــي الــدمعـه ليــا جيــت أبــابــوح
وَ أســكـت وَ أبــرد حــرتي بــالكتــابـه

[مجبورة]

هات من لهفة العاشق ومن دفتره
ذكريات .. الرسايل/ والصور/ والغرام
غربة الليل: (ليل وشاعر يسهره)
وحدة الليل: (ليل وعاشق ما ينام)
يعتريني شعور لو كتبت أكثره
سال جمر العتب لرضاك برد وسلام
ما نسيتك، وربي، لكن المعذرة
.. ان جبرنا الخواطر .. ما كسرنا العظام

[محمدبن عبدالعزيز]

مثل الورق ناشف وضامي ومبلول
ويجرفني احساسٍ من الروح نابع
شعرٍ يسيل وينكتب لي على طول
كنه يقطر من علوّ الأصابع
الطيش: عاشق يتبع القلب ويزول
والعشق: طايش قلب ويموت تابع
شفني وأنا جايع/ وضامي/ ومشغول
أشوفني فاضي/ وراوي/ وشابع !!

[مجبورة]

عبث هذا المدى ليلٍ أحس إنه عديم إحساس
تضايق مثل صدرٍ ضاق حتى مات من غلّه

يقولون السجن : غرفة وباب وثرثرة حراس
وعمرٍ من ملل وأحلام مخنوقة ومعتلّة

وأنا سجني ضلوع الصدر وإنسَ أصحابي الجلاس
وحيد والندم شخصِ يمون أكثر من الشلّة !

[محمدبن عبدالعزيز]

هذي السنين أوراق تتخطف بقاياها الهبوب
هذي الهبوب اللي تلم أوراق عمري مرحلة

الحلم يا فرحة طفل .. والعمر يا وجه شحوب
والعين غيمة من ضما .. والقلب صحرا قاحلة

[مجبورة]

هنا كان الحكي أعمق .. هنا لو للصدق مقياس
عرفت إن الثمن أتفه من أتفه شيٍ تمله

خسارة ربح ما تعني بعُرف المنصفين إفلاس
ولا تعني بقلب المؤمن إلا : ( ما كتبه الله )

[محمدبن عبدالعزيز]

هي الشمس .. لو غربت مشرقيه

هو البحر .. موطن ومنفى النوارس

بقا بي من الكل .. كل البقيه

شغب ضجة اولاد صرفة مدارس

الا يادمي .. يادم الرازقيه

مية عام مسجون من غير حارس!!+

[مجبورة]

سلَّمت لجدار العنا باقي اتعاب
قبل اشحذ الفيَّة مْن زْهاب جافين

ماعاد ليلك ناي والحانك شهاب
ولاعاد فجرابي فضااا لجل تخفين

حلمٍ توارى والفنا يحرق اهداب
يشعل على الوادي عبارات تكفين

[محمدبن عبدالعزيز]

نصبر على الشّدات لو شيلنا مال
لو سال دم دفوفنا ما شكينا

نخاف يلقى سدنا كل ختّال .
ويبني هزيلات المعاني علينا

[مجبورة]

اصبر على همومٍ كثيره تلزك
وقف على حيلك ولو كنت تعبان

عاند زمانك في طموحٍ يكزك
لو قالوا : ان معاند الوقت خسران

قلوب خلق الله بعضها تعزك
واكثر من اللي تعزك قلوب عدوان

[نفسي عزيزة]

نورت كل أيام عمري وكوني
ذكراك هي روحي حاشا ما نسيت

طاريك أربكني وحرك سكوني
الله عليك شلون تسحر اذا جيت

[مجبورة]

تطرى عليّه كل ماهبت النود
لو قمت اسولف عنها سنين مامل

تحكى مطر خضّر معه يابس العود
دافى السوالف هددت هيبة التل

بـ غيابها ماعاد به شى موجود
بـ حضورها يتوحد الخل والخل

[محمدبن عبدالعزيز]

‏لو الوفا قد العطا كان ما كان
من عضة النكران تشكي يدينا

بس الوفا فطرة تجي بطبع الإنسان
ماهي على قد العطا لو عطينا ..~

[مجبورة]

إنتي وانا ما همنا غدر الأزمان
ترى الوفا اللي داخلك من طباعي

إذا زعلتي لو رضا كل زعلان
ماحس قلبي للرضا فيه داعي

ومادام عينك راضيه هان ما كان
لو تزعل الدنيا لها ما براعي

[محمدبن عبدالعزيز]

ي أھل الشعر ي ساھرين الليالي
ي اللي ليا نام العرب ما ٺنامون
وش قولڳم ف اللي فقد حس غالي
لا نامت عيووون العرب بات مغبون
__________________

[مجبورة]

نطحني ليلة البارح .. يصالي جمرة الغليون
ضعيفٍ عزة البسمه عليه .. وضاقت شبوره

فتق صدره حنين .. وجر صوت الصابر المغبون
تواسيه الدموع .. ونبض قلبه يجرح شعوره

مواريه الجروح وهمهمت صوته عن المكنون
نطيش دلال رسلانٍ بضو السمر منحوره

[محمدبن عبدالعزيز]

هذا القلم حبره من قلـوب الاحبـاب
وشلون مايكتب من الطيـب للطيـب

انتـم تصبـون المحبـه بـالاهـداب
وطشيت انا دمعـي بعيـن المكاتيـب

وشلون ادور من ورى شعري القاب
وانتـم تشبـون المحبـه تراحـيـب

[مجبورة]

بين القلم وأصابعي والورق شوق
عشرين حولٍ .. من كتبت القصايد

من يوم بان القلب .. واخفيت بالموق
دمع .. وغـدالي بالمحبه .. وعايد

كتبت ما كني على الشعر مسبوق
وقريت ماكن افـ قصيدي .. جدايد

ونزفت لين اتعبت لا حصل اعروق
وسهرت لين امست نجومي قلايد

[محمدبن عبدالعزيز]

دام اجي واحسب لكم ميـة حسـاب
والله مايلحـق قصيـدي عـذاريـب

الشعر له فعـل وتواريـخ وانسـاب
يصيب هقوات السنافـي ولا يخيـب

وهذا الشعر ادري له حضور وغياب
وبقلوبكم مثلي حضر لو هـو يغيـب

[مجبورة]

براءٍ مع ولاءٍ مع فداءٍ
دهاءٍ في زمان ٍ الداهيينا
تليّث في مشارفه الحصاني
وآساد الشّرى تجر الونينا
كلاب الحي سادت والذيّابة
ترى بعيونها ذلٍ السنينا
رأيت من العجب في كل ارض
ٍ اعيثي يمزع الخثعمٍ ظنينا

[محمدبن عبدالعزيز]

الـزمن لاصـار ضدك واحتوى درب المصايب
لاتــحـاول تـنـكـسرله لاتــزيـد الـطـيـن طـيـنه

لـلزمن حـكمه غـريبه تـحكم بـدرب الصعايب
ويا كثر من ضيع الفرصه وهي فرصه ثمينه

عـز نـفسك فـي زمـانك لا تـقول الـحظ خـايب
وسـق عمرك للمعالى واكسر النفس الحزينه

[مجبورة]

هاللحين ياخيبتي عشره على عشره
هاللحين يانفس لوميني ولوميني

عشته وشفته ياصعبه وياقشره
مافيه شيٍّ قدر حتى يسليني

وش اخر الصبر يانفسن نفذ صبره
ثنيتها والزمن لابد يثنيني

[محمدبن عبدالعزيز]

يا صبر وإن رحت ولا جيت دارك هنا
عيّت حناياي يومك في هدبها تضيق

ما لك ليا ضقت في ثوبك سواتي .. و أنا
مالي ليا ضقت من جرحي سواتك رفيق

[مجبورة]

قلت لي كنت احسب ان عندي على الصبر الستطاعه
واثرني ضايع ولاكبدي على الفرقاء فتينه

قلت لك طبع الصبر يعتاش والفرقاء متاعه
عادته يخلف اضنون الرجل كون الله يعينه

الصبر من غير مانرضاه ياصعب ابتلاعه
يقهر الرجال ولا يظهر الدمعه بعينه

من يقول الصبر مفتاح الفرج ماقلت اشاعه
غير انا قدلي سنه ماشفت منه الا غبينه

[محمدبن عبدالعزيز]

هزيت صدر الوقت /... وإتساقط أتعاب !
لملمت /... ضيقه ، حزن ، حيره ، بلاوي
ندهت هيه و هيه /.. ( والهيه ماجاب !
غير /... الأسى شوفه على القلب كاوي

[السحر الحلال]

يا يوم عمورية انصرفت عتك
المنى حفلا معسولة الارب

ابقيت جد بني الاسلام في صعد
والمشركين ودار الشرك في صبب

[محمدبن عبدالعزيز]

بي مثل ما بك يا حمامة فاسألي ...
من فك أسرك أن يحل وثاقي

[مجبورة]

يا أيّها القلّب الملول
من قبضتي لن تنال عتقا

مطارد أنت باشتياقي
ما جبت أرضا و جزت بحرا

مقيّد أنت في وثاقي
و إن رأتك العيون حرّا

[محمدبن عبدالعزيز]

الاحلام .. منا , وحنا ليتنا ! منا
بس الامل ! ما يوصّلنا , لكل حاجه ,

يمكن يكون الفضا زحمه اذا حنا
فـ صدورنا , جرح ما نقدر على آعلاجه !

[مجبورة]

هات الوداع وخذ معك جرح الأيام
يمكن يكون فراقنا فيه خيره

خذ دمعتي والحب وكبار الأحلام
وإرسم بها للشوق لوحه كبيره

تبي تذوق بغيبتي طعم الالام
وانا بعد بذوق لوعه وحيره

[محمدبن عبدالعزيز]

هذي الحقيقة .. ولو قلنا بـ نخفيها ..؟؟
بعض الحقايق .. ياقلبي صعب تنخشـّـي
!تثور نفسي .. بعض وقتي وأهدّيها ..
ياضيقة النفس .. خوذي وقت وأنفشـّـي
!تبطي قلوب الأوادم .. في تماديها ..
وأبطي وأنا .. ماسألت السالفة .. وشـّـي

[مجبورة]

يعيبُ عليّ القومُ مدحي لأهلِها
وقد خذلونيّ والمديحُ فشوشُ

أيا لائميْ إنْ يخذلوني فشأنُهم
ولي دونهم عضْب الحديدةِ حوشُ

وكيف إلى ذمّي لهم ؟ وهمُ هُمُ
قرومٌ لهم في المُقعِدات جهوشُ

[محمدبن عبدالعزيز]

شَكَوْتُ وما الشَّكْوَى لِنَفْسِيَ عادَة ٌ
ولكنْ تفيضُ النفسُ عندَ امتلائَها


ومالي شَفِيعٌ غيرَ نَفْسِكَ إنَّني
ثكلتُ من الدنيا على حسن وائِها

[مجبورة]

أشكي لك الدنيا وذا حال الأجواد
أطيعها لاشك ما طاوعتني

صرنا بها مابين صادر ووراد
محتلت فيها يومها ناشبتني

ما جاتني بالمشتهى طبعها عناد
بالطيب أجيها وبالجفا عاملتني

[محمدبن عبدالعزيز]

يا وحشة تشرب من الخوف سمي
.انا يتيم شاف جور المواليف

الحب جدي .. وانبل الهم عمي
.وابوي شمس بوحها يجرح الصيف

[مجبورة]

فزيت لك يوم قلت أسمك وعنوانك
لو كان ما تنتمي لأسمي وعنواني

ما جيت أدورك ولا أطق بيبانك
وإلا ترجاك مثل فلان وفلاني

[محمدبن عبدالعزيز]

ياصاحبي من ذا الشجر خذ حكمة الصمت الحكيم
رغم الرياح ( تطعنه ) يبقى بهامه شاهقه

قم هات يدك في يدي نبدأ من الصفر القديم
من ساعدك في ساعدي حزن المواجع نشنقه

تبقى الحياه بمرها حلوه مدام الله كريم
قم نفض غبار الحزن .. عن خافقك لا يخنقه

[مجبورة]

هذي عيوني قبل لاقول جاتك
تبكي المسافة والصبح وامنياتي

يالهف حال اللي حيابك وماتك
فرقاك كلمة مختصرها : مماتي

ياقو قلبك لاا ياقو ذاتك
من غاب طيفك والحصيلة : رفاتي

رحلة حزن عنونتها من غلاتك
عادي لو إن البحر هادر وعاتي

[محمدبن عبدالعزيز]

ياقو قلبي يوم قفن الضعون
اللي على ذاك الموادع ما بكيت
ويا صبر صبري والعواذل يحسبون
اني دلهت من الهوى والا سليت
اسكت عساهم من سكاتي يسكتون
وانا عن اللي في ضميري ما انتهيت
وادور الفرحه مع اللي يسهرون
وان ذكروني خذت فنجال وسريت

[مجبورة]

تو ما طاب الشعر ياهاجسي لاتسري
دربي الليلة طويل وفكرتي مجنونه

الله أكبر لانتشى وسط الليالي شعري
هُونه الدرب البعيد المدلهم ياهونه

السوالف مغريه وقلبٍ سباها يغري
والحنايا تشتكي مشاعرٍ مسجونه

تطري الذكرى علي وليتها ماتطري
خوفي تبعثر خفايا ساكنه مركونه

[تحت الظل]

هكذا الدنيا تُرينا حزنها
مَنْ مِن الناس تخطاه الحرج !؟

لاتقل ضاقت ولكن قل غداً
سوف يأتي منك يارب الفرج .

[محمدبن عبدالعزيز]

جمال صمت الشخص لا غض طرفه
واليا بغيت .. اللي يسركّ قبوله

لا تنجرف وتبوح .. باللي تعرفه
من قبل لا تعرف وش اللي تقوله

[مجبورة]

هذا انا المشعول من لون السكوت ارسم كلام

أتسامى ابي اكتب انطفي ماقلت ضي

[تحت الظل]

ياربّ كم من مهجةٍ
باتتْ تُؤمّلُ في عطائكْ

تدعوكَ ضارعةً إليكَ
وليسَ تسأمُ من دعائكْ

فامننْ على السارينَ نحوكَ
ظامئينَ إلى ضيائكْ

[محمدبن عبدالعزيز]

كل حاجة طعمها مر .. في هذا الزمان !
هم هالدنيا /.. وحنا نعيش لهمها !

المكان اللي عرفناه / .. ما عاد { المكان } ..

و القلوب .. أحداث الأيام زادت / غمها !

صاحبي .. ( لو كان للناس و الدنيا أمان )..
ما تموت ورود الأحلام /.. قبل { نشمها }

[مجبورة]

أرسم على الأحلام و تعوٌد أوهام
و أحاول أجلي هم و يصير مدبول

أطبق أركان الشريعه و الأسلام
و أقول: (مايكتب لي الرب مقبول)

والا أنت لا مريت في روس الأقلام
أشق لك صدري من العرض و الطول

[محمدبن عبدالعزيز]

لا صرت مع ربعك كذا مثل أياديك
يا طيب حظك صدق ويا طيب فالك

[مجبورة]

كل ما طرو سفر الايام عندي ضايقوني
لا يطرون السفر و الدمع غيمي و انت قاعي

الله يحفظك و يحفظني لو ان الموت دوني
و الله يخفف هبوب الريح لا تجرح شراعي

في أمان الله و اسمع: كل ربعي وادعوني
و انت وادعني و عطني ( تذكرة رحلة ضياعي)

[محمدبن عبدالعزيز]

ياكثر من راحو وياكثر من جوّ
وياكثر من ننسى ويا قلّ الأحباب
ماني معلّقها على اللّيت واللّو
فتحت للمقفي وللمقبل الباب

[مجبورة]

بهديك باب ودُعا/خفّاق/شعر/طيور
يمكنك شوي تدري شكثر حبي لك!

والبارحه ماهجدت ولاحوتني الدور
ماغير أشّتم غيابك وأرجع أشكيلك!

بلحالي كني الفقير وكن زعلْك السور
كل مابغيت أشحذك هجّت محاصيلك!

[بنت النشامه]

‏كل شي يهون فالعين لكن ما تهون ،
‏غيبة الغالي ليا اقفى ولا قفّى غلاه !

[مجبورة]

هلا بغالي على قلبي احبه والهوى تقدير
تغلّى داخل عروقي تمكن من مساحاتي

سكن قلبي ولا قدّم حبيبي للقلب تفسير
احبّه والهوى عذري حبيبي هو سعاداتي

ابا ارسل بعض شوقي على جنح الهوى والطير
الى من يعتلى فكري واقدمّله تحياتي

[محمدبن عبدالعزيز]

يا صديقي .. ولاني يا صديقي مسميك
من غلاك أحفظ اسمك واتمثـَّل سجاياك
مـ انت في حاجة لي أذكر اسمك واطرّيك
أو أنا لي لزوم فيه تدويرة رضاك
لكن الشاهد الله عطر الأشعار طاريك
والقوافي طربها عند مثلك وشرواك

[مجبورة]

كذيه .. ومن الله .. يازين واليه
وأغلى طروش القلب ودواه من داه !!

الحلم ياتيني بزولك وأراعيه
وفي كلّ حلم آقوم قبل آتحفّاه !!

أعشق سميّك في البزارين وأدعيه
وأقبل خطاه إلى خطى وآتلقّاه !!

وإسمك يروّعني إلى مرّ طاريه
وآحبّ ملقوفٍ يسولف وطرّاه !!

[نفسي عزيزة]

هذي قوانين الصدف والأماكن
والحب لا يمكن يوافق ظروفك

يشوفك اللي ما تمناك .. لكن
اللي تمنى شوفتك ما يشوفك

[مجبورة]

هذا عذاب الروح هذا عناها
ثورة غرام وزادها كتم الأنفاس

متى تبيح بما يكنه خفاها
تنهي عذابٍ ماله حدود وقياس

يالله عسى يكمل هناي بـ هناها
بـ انسى الجروح الماضيه وننسى الاتعاس

[محمدبن عبدالعزيز]

سيّلت كل الوجيه ... وجيت لـك .. خالـي
ما عندي إلاّ القلم ... وإن بان .. كشكولـي
ابــا اتعـلـل معك..مـادامـك الغـالـي
وافرش لك..جروح قلبي... وابسط حمولـي
ان كنـت طيب...معـك يطيـب منـزالـي
وحاشـاك كلمة(ردى)لـومـرت بقـولـي

[مجبورة]

يارب يا منجي نبيك من الحوت
سترك و عفوك يوم كشف الخفايا

باكر ليا جينا على داعي الصوت
شيبان و اطفال و شباب وصبايا

ندعي و حنا بين باكي و مبهوت
و رحنا لها ننقاد مثل السبايا

يا رب تهديني قبل لحظة الفوت
و تغفر ذنوبي يا كريم العطايا

[محمدبن عبدالعزيز]

أدلّـه البـآل .. بيـن الصبـر ، ۈالـشـدّه
الۈقـت " دوّآر ، ۈالأعمـآر مـحـدۈده

لۈ .. كل ۈآحد يجـي ودّه ، علـى ۈدّه
مآطآل صبر العقيـم .. لـشۈف مۈلۈده

رآعي القنآعـه " ليـآ مـن الزمـن حـدّه
يرضى بـحظ ٍ .. ذخر جۈده ۈمآجوده

يآبـيـض الأيــآم .. لآتمسـيـن مــسۈدّه
بشآيرك ، في نۈآصي الخيـر معـقۈده

[مجبورة]

هذهي عاودتنا حزّه عصير
وهذا انا تلني نوح الحمامه

ضف جنحانك وودعني وطير
اسبق الليل لايسدل ظلامه

روح قلّه محبك حالته غير
راح وقته على عضة ابهامه

[محمدبن عبدالعزيز]

هذا الزمن مايعرف اللي قباله
وما في احد يدري وش اللي مخبيه
كل شخص يحمل في حياته رساله
يا تعتلي به فوق وإلا توطيه
الله خلق هالكون اكبر دلاله
ان القوي الله ولا احد يساويه

[مجبورة]

هكذا الدين إنه شعلة القلب
ونبع الظماء في الصحراءِ

فاتخذه ركيزة وعماداً
وضماداً لكل جرح وداءِ

[نفسي عزيزة]

أحاول اطوي صفحتك و املّ
و ارجع أفتّش في تفاصيلك

كيف ابتعد عنّك وانا ما ادلّ
الّا الدروب اللي تودي لك !

[مجبورة]

كلن تتقى طعون عداه غدريه
وأنا الوحيد اللي طعوني من احبابي

وأن مت قولوا لفاقدني وداعي
والله ماني ردي وقتي تردى بي

[بنت النشامه]

‏ياكيف انا وانت من العيد للعيد
‏ايام حبي في وصالك ترى اعياد
‏.
‏عيدك مبارك ياعسى عيدك سعيد
‏وعسى اللقا من بيننا دوم ينعاد 💜
‏.
‏.
‏

[مجبورة]

دام ربي هو خلقني ما يخليني فقير
ودام انا أعبده رزقي من عطيته حق ليّه

يا إلهي ال ابتغيته في عطى جودك يسير
لو عِظَّم ْ يبقى يسير ٍ دام هي منك العطيه

رحمتك يالله فيني أسألك وانت المجير
عفوك ولطفك و تدمح زلتي وكل الخطيه

[عمر آلعمر]

هذي حياتي عشتها كيف ما جات
آخذ من أيامي وأرد العطيه

[مجبورة]

هب الشمال وفزّ بين المحاديب
طفل ٍ على خدّه مشاريه وعتاب

والبرد شبّع جرد الأيام تعذيب
وأنا ضحية برد وأيام وأحباب

ياليل مالي غير حضنك معازيب
خلك معي لاشحّت وجيه الأصحاب

[محمدبن عبدالعزيز]

بيني الايّام وبينه عازله
كل ما مشيت له عنّي يروح

وعيّت الخطوه تجي منازله
والهوى بالقلب وهّاج يضوح

[مجبورة]

حطبت ضلوعي وشبّيت ضوّك يا عذاب النار
وانا استر كل هم وكل همٍ ضاق به ثوبه

تذكّر كيف سيّلت المشاعر في هواك انهار
عطيتك للفرح صحوه وللأحزان غيبوبه

[بنت النشامه]

‏هذي عيوني ما غفى جفنها النوم
‏كن انكتب. ممنوع نوم الليالي
‏ٰ
‏جفنٍ يقول لجفن يا صاحبي قوم
‏وين المنام. و،فاقد اليوم غالي

[محمدبن عبدالعزيز]

يازاعج الصـوت قلبـي تلـه الطـاري

لا لا تمادى .. طغى جمري على عـوده

كانك نويـت المرابـع فاسـر ياسـاري

خـلّ المولـع يصـدق كـاذب وعـوده

[مجبورة]

هو انت مثلي هايمات ظواميك
على حياضي غادي لك حنيني

او ان قلبك مع حبيب مهاويك
يسقيك خمر الحب يانور عيني

اما قصرت ارشاي ماعاد لي فيك
والباس في الدنيا حدى الرحتيني

[محمدبن عبدالعزيز]

ياقلب مهما . . تنطعن خللك كبير
دنيآ الوفآ / لآزال فيها . .رحــآبــه



دورت لــ جروح الحبآيب ( معـآذيــر )
للحين أدور . . مالقيت . .الإجـآبــه

[تحت الظل]

هذا الخطا اللي ماتوقعت يخطيه . . شف كيف كشر طيّب القلب نابه
اللي تعاف اوله ينعاف تاليه . . وانا كفا صدري من الغيظ مابه
من لا وقف لي وقفة رجال مابيه . . يغني عن حضور المقفي غيابه

[محمدبن عبدالعزيز]

همي من الذكرى على فايت ٍ راح
وقت ٍ مضى فيه المفاخر تشوقي

وقت ٍ به الطيب تغذيه الامداح
وراعي الردا يقصر بكل الحقوقي

واليوم عكس الامس ناضح ونضاح
تغيرت وجه القيم والطروقي

[تحت الظل]

ياهاجسي غن طـاروق الشعـر غنّـه
الحق على مابقـى..والا العمـر فانـي
وياصدري اصبر مثل صبري على الونّه
ياطول صبـرك عليّ..وشيـن ماجانـي
يلّـج فيـك الحزن..وأخفيه..وأكـنّـه
وإلى بغيـت أشتكي..ماطـاوع لسانـي

[محمدبن عبدالعزيز]

يا صاحبي وش لي بقى ماخذيته .. !
دام الحشا مجدب تعشّى به الخوف

ما كل من يطلب حناني عطيته .. !
تركت خلفي من بغى الوصل معيوف

[نفسي عزيزة]

في فمك " كلمة " قولها ولا بلاش
بـ شوف عينك وأعتبرها .. واصلة

نقطة سطر تنهي معك كل النقاش
كيف أنتهى كل النقاش بـ فاصلة ؟

[محمدبن عبدالعزيز]

هـذاك لــو شـفــتـه وحـنـا مطلين
أشوف في عينه سنا الصبح شــارق

وهذاك لو قـلنا عـن الـزين سـالـيــن
وقـف على بـاب الهـوى منه طــارق

وهـذاك لـو سـافــر وشـدو بـعـيـديــن
غــديـت فـي بــحـر الاوهــام غـــارق

[تحت الظل]

قلق يستعمر أطراف المكان و قهوتي المُرّة
وأنا وأقداري اللي في مهب الريح ترميني

عَبَسْ وجه الزمان ولا تبسّم لي ولو مَرّة
وأنا اللي كل ما قلت بْتهون تضيق في عيني

[عمر آلعمر]

يا تحت الظل هذا الوقت خيره ما سبق شره
نعيش افراحنا لحظة ونعيش همومنا سنيني

ولكن من عرف ربه عسير الوقت ما ضره
انا كل ما ذبحني الهم ذكر الرب يحييني

[محمدبن عبدالعزيز]

يا سلام الله على راعي المعزة ومعدن الطيبه
سلام لو خلط بالبحر صفى واحلو مشرابه
تشاكي الخوي غدر الليالي السود وصعيبه
تقول السعد دون الباب عني ناخت ركابه

[تحت الظل]

يا تحت الظل هذا الوقت خيره ما سبق شره
نعيش افراحنا لحظة ونعيش همومنا سنيني

ولكن من عرف ربه عسير الوقت ما ضره
انا كل ما ذبحني الهم ذكر الرب يحييني



يا أيها البوذياب هذا حال الدنيا من زمان مش توها
خير وشر وشر وخير وتسير الحياة وبقدر ربي راضين
المشكلة بالناس ياخوي مو بالوقت
الناس تعيش الحزن بكل أعماقها ويسكنها سنين
والفرح تعد لحظاته وإذا اضحكوا ياكافي يقولون عسى خير
وأحسنت يوم قلت ....................
"ولكن من عرف ربه عسير الوقت ما ضره
انا كل ما ذبحني الهم ذكر الرب يحييني"

وسلامتكم

ملاحظة / اقروها كقصيدة مش كسوالف علشان تزبط معكم
بنت البوادي تحت الظل

[تحت الظل]

هذا أنا كلي على بعضي خبال
طفل متمرد وشاعر فوضوي
للعطش في شفتي غيم وزلال
والجدب في بحتي حلم بدوي
يبقى لحن الجوع للعمر اشتعال
كل ماغنيت أحس إني قوي .

[محمدبن عبدالعزيز]

ياذا المساء روق وجيب الطواريق
خل النفوس بـ روعة الجو تسلى



فنجال من دله وكاسة من أبريق
ونفـس خفيفة مع قصيدً محلى

[تحت الظل]

اسجد لربك اذا امتلى قلبك هموم
ربك ع تصريف الاحزان كافل
تلقاه بـ الشده معكـ دايم الدوم
يوم انك بـ وقت الرخا عنه غافل

[مجبورة]

ليه وطيت عن خيل السروج
ليه مديت عقب القراح الهماج

لا تجمل لي الغلطات والعوج عوج
يضحك احجاج او ينعقد لي حجاج

[تحت الظل]

جيتك غلا لاتسأل شلون او ليش
أفتح شبابيك الوصل لاعدمتك

[محمدبن عبدالعزيز]

كنت أرسِم لي بداية وأنتهيك
ولا نفضت غبار الوجيه استعدتك !

قلت لك : مابيك رغم إني أبيك
وقلت لك : بنساك ، لكن ماوعدتك !

جيت قبلك وأنا حالف ما أجيك ،
انتظرتك تفتقدني وافتقدتك !

[مجبورة]

كله على شانك قسم بالله ماهي لحية نشيد
يسقى على ذيك اليالي قبل تفهق يدها

يوم اليالي كنها من بيننا ساعي بريد
كنها تعلمنا وش اللي بيحصل في غدها

واليوم لاساعي بريد يفيد والا يستفيد
كلٍ يبي يقطع علاقة ودنا ويهدها

[محمدبن عبدالعزيز]

الناس .. متغيره ولا البلا .. فيني
ما عاد .. أميّز وهـ الأحساس يربكّني !
'
محتاج اللي وأنا أبكي ، يواسيني
أكثر من اللي عشان أضحك يضحكّني

[مجبورة]

يبعِّدني ويدنيني

يضحِّكني ويبكيني

وإنت بين كل الورد ترثيني

وأنا أحَسْبكْ تغنيني ..!!

[محمدبن عبدالعزيز]

يا صاحبي لا معي تتعب ولا تشـــــقى

ما يتبدل الوقت وأخلاقي هي أخلاقي

إن جيت أرحب وإن ما جيتني تبـــــقى

أنت أكثر انسان عزيته من أعمـــاقي

[مجبورة]

يعني تظن المشاعر حقّها لو تلتهي

يوم صار الذنب ذنب اللّي تلقّفه العنا

لو كل منّا قال نفسي نفسي ما ناصل لحل

لو كل منّا شاف عمره إمتلت ه الارض غل

ما دام باقي ذكريات حب ولاءات مناسك

ليه نترك للصور فرصه تزيد الذل ذل !

خلّني ل صدقك أبوح

كافي طاح الحيل كافي

أخاف تكفربي الجروح

وأبقى فوق الشمس حافي !

[محمدبن عبدالعزيز]

ياما ضحكت أيام لكني بكيت
ياما حلمت أحلام لكني صحيت
ومنها ابتديت
وفيها انتهيت
إلا من الذكرى
في نفس المكان
في غير الزمان

[مجبورة]

ننتظر فرض القرارات السليمه .. والنقاش
صلّح فْبعض الأمور .. وبعضها ما تصلحَت
هذا انا لي حول عام ولايزال الوضع ماش
وحالتي مثل المؤشّر قفّلت نسبه تحت






على الجرح

[محمدبن عبدالعزيز]

تبقى الحياه بمرها حلوه مدام الله كريم
قم نفض غبار الحزن .. عن خافقك لا يخنقه

[مجبورة]

هالطريق

والهوى مابل ريق

وانت ياحلمي

سحابك ماهطل

وانت ياصبري

ومسوي ( بطل ) ؟

وانك تقاوم معي ؟

وماانتصرت لمدمعي

أنت تدري ؟

بس عرفت الهوي ناقص وعي

كل هذا من زمان

يوم اسولف للهوى عن سالفتنا

بكل أمان

اجمع اجمع ياخفوقي مابقالك من زهاب *****والتحف صمتك وولّم كبريائك للرحيل

[محمدبن عبدالعزيز]

«لا باس يا من يعيش بخافق دامي
عش بالأمل واترك الدنيا لباريها
يا صاحبي لو يطيب الوقت مادامي
ولا فيه نفس تبي تلحق أمانيها
ترمي على ما تبي والخالق الرامي
تفنا الايادي ولا تفنا مبانيها

[نفسي عزيزة]

أنت سراب
أنت حضور
و داخلك قصة غياب
أنت التناقض
و التوافق
و السؤال اللي عجز

يلقى جواب .!

[محمدبن عبدالعزيز]

بشرت غلطا تى بحسن التصاريف
واخذت من نفسي لنفسي بشاره
وش يحرج الرجال غير المو اقيف
اللي تنزل هيبته واعتباره
والله لو تعرض رقبتى على السيف
أهون علي من الندم والخساره !!!

[تحت الظل]

ويه استغفر الله
فجأة اختفى حرف الهاء من القصايد

تصبحون على خير نكمل بكرة بإذن الله

[مجبورة]

هنا كان الحكي أعمق .. هنا لو للصدق مقياس
عرفت إن الثمن أتفه من أتفه شيٍ تمله

خسارة ربح ما تعني بعُرف المنصفين إفلاس
ولا تعني بقلب المؤمن إلا : ( ما كتبه الله )

كأني ما فقدت إلا مكان تحتويه الناس
وأنا اللي ما لقيت إلا زمانٍ كنت أبرحل له ...

[مرتاح]

انت .. م خليت لـ جروحنا طب
اقول ضاع الوصل وتقول خيره

[مجبورة]

هويته وهديت وهمت هايض بنوماسه
هَوى همْ قلبي يوم هَوّن معاناتي

شديدٍ على أحزان قلبي قوي باسه
يسلْ بسمته سيفٍ على عسرةْ أوقاتي

[محمدبن عبدالعزيز]

يـاوقـتــي الــلــي رآح لـيـتــه يـــــردي
لـيـت مــآراح مــن عـمـري يـعــود عـلـيـه

لاطــرالــي زمــــانٍ فــــات بــــاح ســـــدي
يـآحــلــو ذكــريـــآت ايــآمـــي الاولــيـــه

وأتـوجـد عـلـى مـآفـآت وأصـفـق بـيـدي
فرصة العمر ضاعـت يآعلـي مـن ايديـه

[مجبورة]

هذاك الوقت أنا بعده عرفت ان الزمن غدار
بعد ماحالت الدنيا وضاعت كل الاحلامي

جزا الله من تسبب في تصاريف الحياه وصار
حسود مبغض طامع عجز في بغضه ينامي

وانا مانمت من راحت ..إلى من نمت نومي.. طار
أقوم أصفق يديني بالقهر وأمووت باأوهامي

[تحت الظل]

ياخوف قلبي
يجيلك يوم و تصدمني
و تمشي على جروح قلبي و تنكر احساسي
اخاف لا يوم تلقاني و تسألني
شفتك انا وين ذكرني
ترى ناسي !

[مجبورة]

يا شيب شيبي ويا طرّ جيبي ليت لي ريش وجنحاني
لأزور خلي جهار نهار وتالي الاعمار مدفونه

يا ويل ويلي ويا قطع حيلي ويا خسارة كل ما كاني
ما باقي الا انا والهوى عميا تمشط شعر مجنونه

يا راس راسي على قوّ باسي ازرت تشيل ثيابي امتاني
وخوفي على الراس لا يجيه يوم تعتذر عن شيله متونه

[محمدبن عبدالعزيز]

هذا الغلا يلحق على روح راعيه~
ولايقدر الا بري حالي وياحول~

كم واحد ضاعة بخله هقاويه~
واصبح هو اللي عن خطا الوقت مسئول~

لاكن جريح الحب يلقى مداويه~
معقول يسلم من شقى الحب معقول~

[مجبورة]

للحكم عقل..وللوغى رجال وعقول؟!!
وللخيل ركب..وللمساري سهرها؟!!

وللسلم حلف...وللقى سيف مسلول؟
وللخوف ضعف..وللمنايا قدرها!

ومن ديرة المنفا..الى دار ابا الهول؟
تبرق سماها ..والرعد مصتقرها؟!

[محمدبن عبدالعزيز]

اصبر عليه...واستمع كل ماقول؟
واحفظ وصية شاعرٍ ماذخرها
شاعر يصول بجبهة الشعر ويجول
وليا انكسر وزن القوافي جبرها
خيّال كان الشعر له ركب ..وخيول
وادمح خطأ ناسٍ....وناس أحتقرها
يوم ان غيري عاش محفول... مكفول
عشت الظروف..بخيرها...وبقشرها

[مجبورة]

اصبر على ضيم الليالي ونكدها
وناجي القلب بالفواد عليل

على اي درب يالنديم تدلني
واظنك على عسر الدروب دليل

[محمدبن عبدالعزيز]

للوعد جيت من لـون الخريف ،،
وللوعد جيت من طعم الجفاف ،،
ومر في ساعتي وقت ونزيف ،،
ومر في خاطري حزن وزفاف ،،

[مجبورة]

في محيط المشاعر ذكرياتك مدار
مبتليني وصالك والجفا مبتليك
آتناساك مرّه واتذكّر مرار
حرقتني بنارك بين هذي وذيك
اذكرك وانت غايب شوق في كل دار
واحسب إنك معايه لين اعود واجيك

[تحت الظل]

كنت من كربتي أفر إليهم
فهم الآن كربتي فأين المفر

[مجبورة]

رباه.. أشياؤه الصغرى تعذبني
فكيف أنجو من الأشياء رباه؟
هنا جريدته في الركن مهملة
هنا كتاب معا .. كنا قرأناه
على المقاعد بعض من سجائره
وفي الزوايا .. بقايا من بقاياه..

[محمدبن عبدالعزيز]

هذي ظروف الوقت والوقت غلاب . .
والانسان في غفله وترى الوقت محسوب

والوقت ياكم فرّق احباب واصحاب . .
ومـن عـانـده بـيـعــود خـاسـر ومـغـلـــوب

لكـنّ نـسـعـى بـجـهـد والرب وهـاب . .
الـكـل يـــســعـــى لـكـن الـرزق مـكـتـــوب

[مجبورة]

بَادٍ هَوَاكَ صَبَرْتَ أمْ لم تَصْبِرَا
وَبُكاكَ إن لم يَجْرِ دمعُكَ أو جَرَى
كمْ غَرّ صَبرُكَ وَابتسامُكَ صَاحِباً
لمّا رَآهُ وَفي الحَشَا مَا لا يُرَى
أمَرَ الفُؤادُ لِسَانَهُ وَجُفُونَهُ
فَكَتَمْنَهُ وَكَفَى بجِسْمِكَ مُخبِرَا

[محمدبن عبدالعزيز]

أشّكوآ فَيُعرِضُ عَنْ مَقَالِي ضَاحِكَاً
والحُرُ يُوجِعه الكَلآمُ وَ يُؤلِمُ
مَآ ذَاگ مِنْ فَرّضِ العّياءِ وَ إنمَا
لِهَوىٰ القُلُوبُ سَريرَهً لآ تُعلمُ
فَلإن عَلَىٰ رَأسِ المَشِيبِ فَلَمّ يَكُن
كِبرَاً وَلَكِنَّ الحَوآدثُ تُهّرِمُ

[مجبورة]

ما كنتُ أعلمُ، والضمائرُ تنطقُ،
أنّ المسامعَ كالنواظرِ تعشقُ

حتى سمعتُ بذكركم، فهويتكم،
وكذاكَ أسبابُ المَحبّة ِ تَعلَقُ

[محمدبن عبدالعزيز]

قَد كانَ أَورَقَ وَصلَكُم زَمَناً
فَذَوَى الوِصال وَأَورَقَ الصَدُّ
لِلَّهِ أشواقي إِذا نَزَحَت
دارٌ بِنا وطوى بِكُم البعدُ
إِن تُتهِمي فَتَهامَةٌ وَطني
أَو تُنجِدي يكنِ الهَوى نَجدُ

[مجبورة]

دارتِ الدنيا بنا حتى ثبتنا
وورثنا بالهدى مجد الأوائل

وعرفنا لغة التجديد لكن
دون أن نفقد روحا أو نجامل

أرضنا مهبط وحي الله فيها
جمع الإسلام أشتات القبائل

[محمدبن عبدالعزيز]

لــــيت الــكلام ... يـــدآوي الجـــرح والـــروح
كان القصـــيد اللــي نقـــوله .... نفعــــنا ....
أو ليتـنا لا فضفـــض لســـــآننآآ ... بــــــوح
يطــــيب جـــــرح(ن) غــــافي(ن) يمتحـــنا

[مجبورة]

( الجرح ) يعطش..؟ وانا الاوجاع تنزفني؟!
ما يعطش الجرح دام الساقي اوجاعي

تزرعني الريح بـ انفاسك .. وتقطفني
وآروح معها ، مثل ما روّح شراعي

هذي (ذراعي) إذا ..حبيت، تخطفني
تحضن ذراعي .. أو انك تلوي ذراعي!

[محمدبن عبدالعزيز]

ياذراعي تحملني لامني تركيت
ماغيرك ياذراعي عليه اتركى

دوم صابر ولا مره مني شكيت
ولو كان على غير ك كان قد تشكّى

[شموخ]

‏
‏يا خاطري ساعة الفرقا إذا حلّت
‏وما طاحت دْموعي ، لا تشرّه وتشكيها
‏
‏يمكنها من كثر ما فارقت / ملّت
‏أو يمكن أشياء ما أقدر لك أحكيها

[مجبورة]

اسافر مثل دمع ماملكت الاختيار ..

الا على الفرقا ،،

وحيد ابني حطامي من جديد ابنيه .. لجل اشقى !!

تعلمت الصراخ بعين يملاها الحزن

وبقلب مطوي بالجفاف ..

برغم تاريخ المطر

رغم الندى في صدق حزني

ياعيوني ذابلة فيك الغصون ،

ولا قوت شيل الطيور الناعمة

والخايفة من موسم فيه الرحيل اقرب

وايام الرحيل اغرب ..

ترمينا عطش لدروبنا ودروبنا تشرب ..

[محمدبن عبدالعزيز]

بسـيط / مـن حـملة مـأسيه ، منهار
يغص ، في صمته .. ليا قلت له : إحك !

يحاول : انـه يـثري اللـيـل .. بـ / إنوار
ويرسم على بُـعد المدى كيف يربحك

يامـا على [ شط الامل ] كان .. محتار
يخاف : ريح اظروفك الصلف ، تلفحك

[مجبورة]

كيف أطفي الريح بثيابك وكيف اشعلك
كيف اتنثر على جمرك وكيف احتويك

نقضت ليل الحرير وجيت ماانت لهلك
سمّيت باللي فتني بك وقلت ابتديك

هذا اول الدرب او هذا الطريق اولك
جيت آتوقّا عذابات المدى 00واهتديك

[محمدبن عبدالعزيز]

كيف اعبر والحكي مني يضيع
...اسعفيني يا قواميس العرب

*يا حروفي اشعر بشيء فظيع
...في خفوقي نار واشواقي لهب

*كم كتبتك شعر يالذوق الرفيع
...وكم قريتك هم واحزان وتعب

[مجبورة]

بين كتبك أتجول في رفوفك
وأتحول من هضابك للسفوح

قلت لك كلمه إذا تسمح ظروفك
قلت لي أسف وبالكلمه شحوح

هذا ردك قلته من شده كسوفك
لا تخاف اليوم لك قلبي سموح

[محمدبن عبدالعزيز]

حزين ومورقه عيوني دموع من على الاهداب
يهزهزني الجفا وتطيح دموعي من أخراهدابي

ذبل عمري ولا مرو على هذا العمر غياب
وتتساقط عيون اللي رحلو في داخل كتابي

مسكت اللي قدرت اكتب تفاصيله في وسط كتاب
مثل شوق المطر لما يعانق وحشة ترابي

[مجبورة]

يالله مسى خير قلبي منقبض وشبه
من رهبة الناس والا القلب متطير
يامعير شوق قلبي روح وأنحشبه
مكينة القلب تصرف شوق يامعير
مثل رذاذ المطر مايحيي العشبه
يحيي فواد المغربل شوقت نوير

[محمدبن عبدالعزيز]

رجال تربط حزام القبيله وتنفلت شجعان
واخويه يربط رجال القبيله حزام هقواته

كريم ماهو من يبني فعايل صيته الديوان
في صدره دلته وهيله وفناجيله وتمراته

اذا كان الكرم حمس الهلا في مهجة الضيفان
اخويه من حمس قلبه لضيفه وصب فزعاته

وكم تكفى انرمت بين البشر ممزوعة الوجدان
اخويه قبل لاترمى عليه يقط نخواته

[مجبورة]

هيه لا تامن ولو طقّ لك وقتك صدر

ما آخبر شيْ قد طلع فوق ما حوّل حدر

[محمدبن عبدالعزيز]

روت لنا الأخبار منهم وعنهم
سوالفٍ يسعد لها كل مشحون

[مجبورة]

نروح عند القمر زوار

ونكتب فوق اشجاره سوالفنا

ونزرع سطحه وضلوعه

هوى واسرار

[محمدبن عبدالعزيز]

رعاك الله يا ذكرى ليالي اللي تمر البال
تذكرني سعاده يوم اغمض وابحر بفكري
تغير حالي المنهك طيوف الحب لأفضل حال
تباعدني عن الدنيا ومافيها ولي عذري

[عمر آلعمر]

يا ملاكٍ مالكٍ عزي وذلي
بي سؤال ولقيت القاله ردود

اسألك بالله يا فتان قلي
هي عيونك صاحية ولا رقود !

[شموخ]

‏دامك معي مآ فات من فرحتي شيء
‏يـكفي مــن الآرزاق شــوفة عـيونك
‏
‏

[مجبورة]

كفاية نظرة عيونك تبرهن دونما استجواب
كفاية مبسمك عايش على توتير أعصابي

غبية كنت! كيف إني سمحت لْنشوة الإعجاب
تنادي للغبا طيف ٍ غباءه.. سِبَّة إعجابي

[محمدبن عبدالعزيز]

يبان الشوق في عين المعذب
ويبقى الدمع تذكار الأحبه
على العشاق مافيه شي أصعب
من فراق الأحبه للأحبه

[مجبورة]

هو الإنسان من اقصى حدود الدمع

الى اقصى حدود الدمع لعبة في يد

اللحظه

وضاع الشعر كل الشعر

في معنى : عجوز/ ومفردة

نبضه

والشاعر

يغازل بالرذاذ الطيّب الدافي صباحه

والمسا: يصفع جبين الشعر بالكبريت

والفضة

[محمدبن عبدالعزيز]

هنا..... صمت و هوآجس ..
وفجِر ..
و برد ..
.. و صوت الحطب من سمعته ..
مآ هدا روعيْ ..!
يَا برد قلّي :
و أنا في هآجسي .. غآآآآرق ..
.. آلنار هي فِ الحطب ؟
.. وإلاّ ورى ضلوعي ..!

[مجبورة]

ياليل يابرد يا جدران مرتجفه
ياصمت ناسي الكلام وداخله صيحة

ياوجهي اللي جهلته كثر ما اعرفه
يا حلمي اللي انتهى وادعي له البيحة

[محمدبن عبدالعزيز]

همسة غلا جتني على غير ميعاد
يازين همسات الغلا بيـن اهلهـا

همسة غلا جتني تباشير واعيـاد
بحضورها عيني فـرح تبتهلهـا

اخيل برق الوصل يتبعـه رعـاد
يمطر على روحي ويروي سهلها

[مجبورة]

انعست عين الغلا والهوى هدا
خانت الايام والملح والعشره

وابتديت تشوف نفسك وتتحدا
وأنت ماكنت تتغلى ولا تشره

كنت مجروحي وصرت الدوا والدا
كنت آآه صرت آآهات منتشره