سجال الشعر والمشاعر

[محمدبن عبدالعزيز]

‏إذا حار أمرك في معنيين
‏ولم تدرِ أين الخطا والصواب
‏فخالف هواك فإن الهوى
‏يقود النفوس إلى ما يعاب
‏
‏

[مجبورة]

بقى لي بالهوى نظرة وتغريبة ودمع اهداب
وقصة بترك لسانك على العذال يرويها
واناجي باقي حروفي وبألف للفراق كتاب
قصايد تملي اوراقي ارددها واغنيها
واذا مرتني الذكرى وجرحي بالحشا ما طاب
بتبعدني وتدنيني وببعدها وابدنيها
وانا عيب علي اشكي من الدنيا بدون اسباب
مدامي ما خذ منها يجيني يوم واعطيها

[محمدبن عبدالعزيز]

‏إن زان حظك جاب لك ماتمنيت
‏وإن شان خلا الهينـه مستحيله

[مجبورة]

‎هذا الكلام الصحيح ، اللي نبرهن له
‎قالوه كل العرب ، ماقوله لحالي
‎الرجل ماينطق إلا الصدق ، وأجمله
‎الصدق له فالعرب تقدير وإجلالي

[السحر الحلال]

يوم اقبلت صوت لها جرحي القديم
يوم اقبلت طرنا لها انا وشوقي والنسيم

و عيونها عين المحتني وشهقت
وعين حضنت عيني وبكت

صافحتني وهمست همس النسيم
ارجوك ابعد ابعد ترى في الجو غيم

[مجبورة]

ماهى حياه اني اصير
دمعه يسابقها العذاب
واضيع في همس الوعود
وان جا امل يصبح سراب
والله السراب يبقى سراب
يكذب علينا لو ركد

[محمدبن عبدالعزيز]

دنيا غريبة والبشر صاروا أشباه
كلن ينادي بإختلافه عن الــــغير...

يذكر خطا غيره وينسى سواياه
كنه مطهر عن الذنب تــطهير

[مجبورة]

رحمتك يارب لامن ضاقت امنحني وساع
أنت حسْبي في الزمان الجاير ونعم الوكيل
لا غدى "مستقبلي والماضي " اطراف النزاع
وصفحة الماضي سواد وشيء من هذا القبيل

[محمدبن عبدالعزيز]

‏لا ضاقـت الدنيا قل : الحمدللـه
‏حتى ولو إنـك مـن الوقـت ، هايـم
‏ٰ
‏ما خاب منهـو يحسن الظن باللـه
‏وما ضاق صدرن يذكر اللـه دايـم

[بنت النشامه]

‏ما بين .. يرجع لي .. وما يرجع
‏الإنتظار .. أقسى : من الفرقى !

[مجبورة]

اللقا لحظات والغيبه شهور
تقصر الخطوات ويطول إنتظارى
لو قريت المنكتب وسط السطور
ماكتبت لغلطة العمر إعتذارى

[السحر الحلال]

يا لائمي في الهوى العذري معذرة
مني اليك ولو انصفت لم تلم

إني اتهمت نذير الشيب في عذل
والشيب اصدق في نصح من التهم

فإن أمارتي بالسؤ ما اتعظت
من غيها بنذير الشيب والهرم

[نفسي عزيزة]

ما مرّك البارح حكي؟
هارب من رفوف ألسكوت

مَخنوق صوته فِـ البكي ,
يبكي و لكن دون صوت !

[مجبورة]

تقوللي مااسمع جوابك ولا أوحيك
أنا اشهد أنك ياهوى البال توحي
سفهتني لعل ربي يحافيك
أما صقهة ولا عشير لموحي

[السحر الحلال]

ياذا الحمام اللي سجع بلحون
وشبك على عيني تبكيها

ذكرتني عصر مضى وفنون
قبلك دروب الغي ناسيها

أهلي يلوموني ولا يدرون
والنار تحرق رجل واطيها

[مجبورة]

أيا ساجعاتِ الطيرِ كالنغمِ شدوُها

أطيراً سخيّاً للجناحِ يُعيرُ؟

أعيري فتاةً لا تطيقُ وقلبُها

يرفُّ لأرضٍ والجناحُ كسيرُ

[محمدبن عبدالعزيز]

رعى الله الأحبّة حيث حلّوا
لهم في القلب مرتحل وحِلُّ
خيول الشوق مسرجة إليهم
تبارت حيثما هلّوا وحلّوا
رعى الله الأحبة خير صحبٍ
كعطر الروض ريحان وفلُ
هم في الصبح أنفاس الضياء
وفي الظلمات أقمار تطلُ

[مجبورة]

‎لوكل غالي تجي دايم علي ذكره
‎ماصرت اشوفك هناك وحبك هنيّا

[محمدبن عبدالعزيز]

الطيب يجي عند طاريه
وانا لاطريته اجيه كلي

[مجبورة]

يازين ما في البعاد اوناس
ان كان لي كفك تمده
عطني لعيني بعدك انعاس
لا تاخذ النوم وتلده

[السحر الحلال]

هل تذكرين تناجينا على الوتر
أم تذكربن ليالي شاطيء القمر

الماء ينساب فوق الشط في دعة
والكف يا محبوبتي بين الخد والشعر

[محمدبن عبدالعزيز]

رفعت كفي والمطالبُ جمّةُ
لكنّ ربي واسعُ ..الرحماتِ .
حارت شفاهي أيّهم أبدا بها
فبدأتُ معتذرًا ....عن الزّلات

[مجبورة]

تغرب بي قوافل موت اقول العمر تشريقه
أعيش بشبه غيبوبه وأعرف ان الزمن واعي
أكمل لك وجع خوف ووجع فقر ووجع ضيقة
وعلى كيفك ترتبني حلالك بالغلا أوجاعي

[محمدبن عبدالعزيز]

ياللي بعيد هنـاك والعايـق زمـا
لو هو على كيفي وصلتك مانثنيـت

المي بيدينـك وانـا ميـت ضمـا
ولو ان غيرك نهر دجلة ما ارتويت

[مجبورة]

تنثني كنك النايف النبنوب
وانثني وأنشد الصبح وش جابك ؟
تبتسم للنسايم تذوب قلوب
وابتسم وأهدي الورد عنّابك
ضحكتك غيمة وبلها مسكوب
ظللتني نهارين بغيابك

[محمدبن عبدالعزيز]

كلامك اجمل من سكوتك اذا طال
اسمعك باحساسي ويضحك خفوقي

شفت المطر ، لابلل وجيه الاطفال
يشبهك .. لا بلل كلامك عرووقي

[تحت الظل]

ejVqNOiIuTA

يامسافر لديرته وقف على بابه
شف باقي الوردتين اللي تحت بيته
زرعتها العام يوم الوصل نحضى به
واسقيتها كل ماجيته ومريته
لايكون ذبلت مثل ماذبلو اصحابه
لي عا من سطوة الهجران ماسقيته
ياويل حالي على شوفه وترحابه
يوم المساء يختصر نفسه ليا جيته
الساعة تمر كل ما ترمش اهدابه
عقارب الوصل من لفته في توقيته
كنت اترجى الثواني ترخي اعصابه
ويزود شوي في وقت تمنيته
عامين وانا معه والناس مرتابه
كلً على هم دنياه وتناهيته
عامين وانا اقول الناس نصابه
يشكون ضيق الحياة اللي تناسيته
وانا معه كنت غير الناس بسبابه
مافيه موال للفرحه ماغنيته
سجيت على باقي العالم في مرقابه
ولا يسمع إلا صدى صوتي لا ناديته
يردد البيت وان جيته تغنى به
جتى لو البيت ماهو زين حبيته
كنت بوجوده معي ابكي غيابه
لو يوم مر في حياتي ما تلاقيته
واليوم ماهو معي حسبي على اقرابه
قضوا على حب من عامين ربيته
وقلطني الحزن واهداني من ثيابه
وقدعت الالام والضيق وتقهويته
ياليتهم يوم قفوبه عن احبابه
قفوا بصوته لجل لاموت لوحيته
حنين صوتك زرع في الصدر مخلابه
يا ليتك اخطيت في رقمي ما دقيته
جالك المسافر وشال الورد بترابه
واحييته بدمع عيني يوم هليته

[مجبورة]

هنا وهناك علمّني يكونون البشر اجناس
مظاهر بعضهم تخفي جواهر باليه خربه
هنا من مشرق الغربه الين اخر حدود الياس
الين اخر حدود الياس اعيش ايامي بغربه

[محمدبن عبدالعزيز]

هجوس . . عليك الله لا نامو السالين
تجاذب مثل ما يجذب الطير ملواحه :(

الا يا هجوسي لامسو الناس لاتاتين
تراني بعد طول العنا ، طالب الراحه ..

[مجبورة]

هاجس يملا ضلوعي سواليف ومداد
كل ماهز المعاليق..قلت:الله لنا
قال:من طش المجاديف؟قلت:السندباد
قال:منغنى له النجم سامر؟قلت انا

[محمدبن عبدالعزيز]

الهاجس اللي لا يجيني ولا يروح
ضيق على صدري وبيح كنينه

مرات أقول انه تهيآ ومشروح
جوّه عليل وتعتريه السكينه

[مجبورة]

هذا الشقى اللي بين حدب المقاويس
معنا نمى وأهدى لنا ظيم الأيام
من يوم أبونا آدم همس بأذنه ابليس
وحنّا نشيل ذنوب وهموم وآثام
واللي وضع للكون عدل المقاييس
له في تناقض صنعته شئون واحكام

[محمدبن عبدالعزيز]

{~*


.



مادام المودماني للتـراب تقودهـ دروبه
يا غياث الظوامي والثمام وجرهدي البيد
أعذني من جهنم والحشر والموت وكروبه
انا مانـيب لامشرك ولافاسق ولا عربيد

.


.,.

[مجبورة]

دعْ عنكَ تعنيفي وذقْ طعمَ الهوى
فإذا عشقتَ فبعدَ ذلكَ عنِّفِ

[محمدبن عبدالعزيز]

.


في كل يوم تكبرون بداخليِ
كالزّهرِ يورقُ في الحياةِ جمالُ
.
.

[مجبورة]

لي خافق شتت أنين الربابه
ياخي برحيلك خافقي وين أوديه؟
لي قلب مثل المرجلة في عتابة
كل ما نعس حدب المحاني تقهويه

[محمدبن عبدالعزيز]

هبـوب النـود هبّـت والهـوى بيـن الضلوع يلوب ..
وصكات الهوى يا أهل الهوى ما هيـب تنطاقـي ..

[مجبورة]

يا صاحبي ..
ما في الهوى راحه ..
احذر تبيع القلب .. لجراحه ..
مسكين .. من قال الهوى جنه ..
يومين .. ويغير هواه ظنه ..
ويقول.. ما في الهوى راحه .. يا صاحبي ..
بحر العيون .. خذنا معاه مشوار ..

[محمدبن عبدالعزيز]

راحت مشاويري مشاوير كداد
قد قالها الشاعر وانا مثله اقول

من عرعر ليا طريف و رفحا لها شاد
يا الله عساها خيرةٍ لي على طول

[مجبورة]

لي عزة يفنا الردي ماوصلها
ولي خافق لو تنفخه رفرف وطار
ياعين ياللي رمشها قد خذلها
طول الليالي كذبة ايام قصار

[محمدبن عبدالعزيز]

رحت أدور دفوة الشمس ضيعت الظلال
جيت اطفي شعلة النار والقلب انكوى
ماهقيت ان السعادة خيال في خيال
تروى قلوب الحبايب وقلبي ما روى

[مجبورة]

ادرىآ كلامي عن عدو وسفهان
لزازه المجلس وجيه الحصاني
للهرج ميدان وللرامي نيشأن
ومفتاح صندوق الضمير اللساني

[محمدبن عبدالعزيز]

يازماني لو بقى للشعر في صدري بقيه
بكتبه وارسم خيالي بالورق وأروي سرابه
وكان ردت للعناد وعودت للمقدريه
والله أني ما اتنازل لين اعديه السحابه

[مجبورة]

هو بقا فينا بياض(ن)للنوايا**لا تصدقني ! ولاتكذب عليه
كان عندك قلب مافيني حنايا**بختلف وياك في كل القضيه

[محمدبن عبدالعزيز]

هالزمن مايملي عيون الحسود إلا التراب
ولا الحظيظ الطلقة اللي ما تصيبه تذعره
ودك اليامن جاتك الغلطة من الناس القراب
الصاحب اللي ماكسبت محبته ماتخسره

[مجبورة]

هات من الآخر حبيبي
تعبت اعيشك من وهم
تعبت اقول :
ان الزمن لو خان
تبقالي : اهم !
ما تبتعد .. ولا تخون
وتصير لي الصدر الحنون
وإن انكر الحسّاد طيبي

[محمدبن عبدالعزيز]

يكبر غضبنا لاتعزوي حدينا
نرضيه لو نبذل على ارضاه مجهود
واليا انتخن المترفات اعتزينا
نفزع ولا نرضى على البنت منقود
نزعل ونغضب وان زعلنا نوينا
كن الهدب والعين نار وبارود

[مجبورة]

ديرة مكسرة الجنابي والارماح
ماهو بدار مصلحين البليله
دارٍ بها عشنا شريفين وصحاح
ما قيل ذي جربا وهذي عليله
يازينها لو عيشها صعب وكفاح
وياحلوها لو شربها حنضليله

[محمدبن عبدالعزيز]

هذا الهوى للي هل الطيب فنه
واللاش حي وميتٍ مافقدناه
اللاش ماقط اللوازم نصنه
وليا حسبنا اللازمه ماحسبناه
ويامطلق السنه بقت مستكنه
والساس جذره ماتغير بمبناه

[مجبورة]

هذا عليه الرضاوتلد له عيني
وهذاك معه الهوى يمشي على هونه
العذر لله وأنا وشعاد بيديني.
هب الهوى والشجر مالت به غصونه

[محمدبن عبدالعزيز]

هـــذي دنياك كـلـهـا هـــز قـــاووق
ما تعرف الصاحب مـن اللـي معاديـك
اكـثـر كــلام الـنـاس بالمـكـر والـبـوق
يـهـرج مـعـك والـيـا تقـفـيـت يـرمـيـك

[مجبورة]

كم كلام راح في نقله نفوس
وانت ماتاخذ على نقله فلوس
لاتفتش كل حب فيه سوس
كم تخوض الناس في قال وقيل
صون عرضك من ملاغات السفيه
واترك الكذبان سودان الوجيه

[محمدبن عبدالعزيز]

هذا زمان الخير والمجد والجاه
كلٍ يقول المجد و الجاهـ ليه
يارب الوذ بوجهك الزين و ألجاه
من الفتن و الشرّ و الجاهليه

[مجبورة]

هاذي فعول اجدادنا واكتبنه
ياصحف خوف يطول وقته وننساه
لنا الفخر بأفعالهم فعل واعلننه
فعلٍ على وضح النقا ماسرقناه

[محمدبن عبدالعزيز]

هذه من شهود أفعال أهلنا
وتضاف التاليات لسابقتها
ويوم مريحه والرضم حنا
ويا كم من مراضيع أيتمتها

[نفسي عزيزة]

الناس ما تبغى من الناس حاجة
إلا القبول الزين والخاطر السمح

[محمدبن عبدالعزيز]

حيا الله اللي يغيب ويسرع الرده
اللي يجيني الا منه تباطاني

[مجبورة]

ياعزيز الجاه علام الغوايب
من دعاك ادعات مخلص تستجيبه

[محمدبن عبدالعزيز]

هداك الله لاترخِص مقاماً غلّته
بيض المواقف دون وجهٍ يحتمي طويلته

ماني عزيز القوم لاصارت دموعه ذلّته
أنا عزيزٍ ذلّ من ربّه ومن جهيلته

[مجبورة]

هذاك ماني في مخاواه طماع
من قبل أجيه وخاطري منه طايب
أمـّـا الرجال اللّي .. لهم بالوفا باع
وقفاتهم تبري الجروح العطايب

[محمدبن عبدالعزيز]

بس الإنسان مهما ضاقت أحواله
الصبر زين والأيام بقبالي
وش على الناس لورجلي تعناله
ليه مايشره الغالي على غالي
وإنشد اللي عرف زولك من ظلاله
بينهم بس زولك غير الأزوالي

[مجبورة]

ياهو الحظ مايل..أوهو الحظ مايل
ما لهالحال عندي غير هالأحتمال
من تفكر بهالعالم يشوف الهوايل
اصدق من الحقايق واغرب من الخيال
ياصبر متن الأرض اللي له سنين شايل
فوق ثقل الجبال نفوس ناسٍ ثقال

[محمدبن عبدالعزيز]

لازم اصبر على وجه الزمان العبوس
لين سود الليالي يضحك احجاجها
من بغى يقطع الفرجه يعاف الجلوس
لين ياصل نهايتها ومخراجها
كان شعري قصر ما طال شمس الشموس
تستريح القصايد داخل ادراجها

[مجبورة]

المقبرة ماهي إلا : حي الأموات
ومساكن الحي : للأحياء مقابر
والمجتمع : وحدة الأفراد الأشتات
متفاوتين المظاهر والمخابر
أعادي الصحبة.....أصحاب العداوات
اقراب وأغراب وضعوف وأكابر

[محمدبن عبدالعزيز]

رحت له من غير موعد,وجيت بموعدي!
أستجد الذكريات القديمة واستعيد
اذكر اني كنت اشك ان "موتي مولدي"
وكنت متأكد بلا شك..ان الشك أكيد

[مجبورة]

دامك فضاء عشقي وغيمات الحنان تبلّني
مجبور أزرع لك بوجداني الوفا وآجمله
قربك يلُمّ الهجر أطرافه بعيد وينحني
غصن اللقاء الوارف وإحساس الغرام يظللّه

[محمدبن عبدالعزيز]

هو عادني بلقاه ولا بـــشوفه
ولا مواريد اللقاء منه جفت
هو عاد تسمح بالملاقى ظروفه
ولا على ماقيل الايام قفت

[مجبورة]

تقفي بنا الايام والرزق مقسوم
ونلقى السعاده في يدين المبدل
يالله بـ حـظٍ مثل تعـديلة النـوم
مـتى مانبغـاه يتعـدل !! تعـدل

[محمدبن عبدالعزيز]

ليت المؤرخ يلتفت للبدايات
ويعيد قوله يوم الاقوال صابت
دام البدايه ترتبط بالنهايات
ياعاذلي وشلون الاهداف خابت

[مجبورة]

تخرسيه الكون لامنك حكيتي
وتجمعي الايام وهيه تنطرح

[محمدبن عبدالعزيز]

‏حابسٍ له فِي دفى حضني شُعور ،
لَـو يجي بعلّمه.. وش كِثـر ( أبيه)

[مجبورة]

هذا وقلبي معك خليتني ضدك
من شاف ما يكرهه يعاف ما حبه

[نفسي عزيزة]

هذا هو اللي تقوله ؟
والله لـ أهديك السعاده
أي سعاده ؟
رووح زين ..
أنت جارح مرتيّن
جرحك الأول ؛ غياب
وجرحك الثاني
إعاده !
أي سعااده ؟

[مجبورة]

‎هو سيد القلب و غيره حلف لاصده
‎هو راس مالي و خطواتي بخطواته

[محمدبن عبدالعزيز]

‏هبّت الذكرى على القلب ما منها ذرا
‏كل خافي في ضميري تحاول تظهره
‏'
‏يا وجودي ليت الايام ترجع بي ورا
‏قبل اعاني همّ ليلي و ضيقه و سهره

[مجبورة]

‎هو سيد القلب و كل الكل من قده
‎داخل ضميري و يلعب با تجاهاته
‎هو تاج راسي وشوقي واصل حده
‎هو كل كلي و قناعاتي .. قناعاته

[محمدبن عبدالعزيز]

هذا الشعور الممتلي 'رغبة والم'
مايشبه الا حلمي الصعب العفيف
مثل الكلام اللي يمر إذن الأصم
مثل الملامح في خيالات الكفيف

[مجبورة]

فكرٍ لمح في خاطري واستقرّا
واطفى لهيبٍ بالحشا شَبّ ناره

[بنت النشامه]

‏↓
‏ٰ
‏
‏هآت صوتك خل أوجآعي تطيب
‏حسكك انت يَ بعد حيي عـآفية

[مجبورة]

‎هذا السهر: من اسولف قصة "المغفى
‎ينام باحضاني واغطيه "يديّني"

[بنت النشامه]

‏يا صبر كم حلمٍ عليك معلّق
‏لا ضاق من بعض الخلايق خلقي
‏.
‏واليوم جيتك . . خاطري متغلّق
‏و عوّدت منك عبرتي في حلقي .

[مجبورة]

يعني الوضع خصص والعلوم اختصاص
يحددانا ترى ما كل شي محمود
اذهنوا قولنا يا مبعدين الخراص
كل عودٍ وله دخان والطيب عود ؟

[محمدبن عبدالعزيز]

دارت الساعه وراسي مع الساعه يدور
بين حنه فالمحاني و فكرهه فالفككر
لعنبا الي يفشي السر قدام الحضور
كل ما علمته ب سالفه طق سبكرر

[مجبورة]

روحً تبوح السر روحً تكنه
من كنته للبوح صارت تسيده
أما فهمت اللي ذكرت ونسنه
والا أكرر ماتقول وتعيده

[محمدبن عبدالعزيز]

هقاوينآ على الدنيا بعيده والامل غشاش .
. عسى الله مايواخذنا ، آليا اخطينا وزلّينا !

[مجبورة]

آمنت بالله حامى الدين والبيت
وتبعت نهج آخر نبي فالنبوّه
ويممت وجهي صوب بيته وصليت
سبحانه اللي معتلي في علّوه
انا بشر يا كثر ماصبت واخطيت
مااحتاج عن بعض الدعاوى انوّه

[محمدبن عبدالعزيز]

هـل الـردى والجـحـود ابـخـوت منثـبـره
واهـل الكـرم والوفـاء للطـيـب عنـوانـي
ويـن انــت يالـلـي بصـوتـك للـغـلا نـبـره
عـقـبــك تـغـدانــي الــوجـــد وتـعـشـانــي
اشعـب ذلــول الـطـواري واكـتـم العـبـره
اخـــاف لا أعـيــون حــســادي تـقـرّانــي

[مجبورة]

يا ليت للذكرى شفاه لا سولفت عن هيبتك
اقرى ملامحها مثل ما كان يقراني رضاك
كل الدروب ليا مشيت تحكيلي عن توجيبتك
وكيف إنها شالت كثييير وما لقت أحد بوفاك

[محمدبن عبدالعزيز]

كان الوفا نجر وفناجيل ودلال
يابوي انا مبطي مبهر دلالي
صبيتها للناس فنجال فنجال
ماهمني يقضون والا قبالي
ماعزني عمٍ ولاعزني خال
أنا الذي باعز عمي وخالي
ورّتني الدنيا خفيفات وثقال
الله يجيرك شفت غبن الليالي

[مجبورة]

ياويل قلبي ليتني ما تعشمت
أو ليت عقلي سامع ٍ للمجانين
كنت اشبه الما لكن إنّي توهّمت
صرت اشبه لشي ٍ ولادري على مين
الطيب فيني منكشف وان تلثمت
وآنا تعودت الغبن واعْرفه زين

[نفسي عزيزة]

نستعجل الأيام وأعمارنا أيام

والشّيب يطغى و الأماني فتيّه

[محمدبن عبدالعزيز]

هو شلون يستر ظل اﻷ‌شجـار سـورك
لــآ‌ صرت تزرع في ثرى صمتـهـ
الريـح
بيـن انكسـارك ؛ ارتباكـك ؛ نفـورك
ما عاد يروي غصن اﻹ‌يضاح
..تلميـح !

[تحت الظل]

حزمت الشعور .. وقلبك من الجفا ماحسّ
وصار الوله .. موضوع خارج من يديني

انا ماطلبت الكون كله .. طلبتك بس
تكون الحياة بكل ما تعني .. بعيني

[محمدبن عبدالعزيز]

يا عذاب الحب عذبت الضماير..
وأنت راعي والغلا عندك رعايا...
ليت مرسولك يجي بالشوق طاير...
كان أبرسل للغضي شعر وتحايا...
لو لفاني طيفه بالليل زاير..
قمت أوزع للعرب ورد وهدايا...

[مجبورة]

أبي منه الخبر و يقول للّه
لفى المرسول ما عيَّن محلَّه
و قلبي تايه(ن) من عام الاوّل
ألا يا الله يسّر من يدلّه

[محمدبن عبدالعزيز]

هذي سواة اللي عن النوم قزاه
طيف الحبيب اللي على خاطره عن
ان شافت عيونه جمال تمناه
وان صوت القمري لصوت الهوى حن
الجارحه تجرح وتسري وتنساه
وجروح مجروح الليالي تساقن
والخافيه طعنة زمانه تمثناه
والبينه عنها عيونه يبوحن

[مجبورة]

نَكْفي بعضنا وإنتكافى على الشيل
والّلي تعب .. من الحطّ والشيل يكفا !
من ذاق حرّ القايلة يعشق الليل
ومن شبّ ضوّه ليلة البرد .. يدفا !!

[محمدبن عبدالعزيز]

البرد برد العواطف بالحشا جوه ..
اللي يدوج المحاني .. والجسد دافي
يتعب البرد من شب المساء ضوه !
وما يلحق الشك من جاب العذر وافي ..

[مجبورة]

يابوك الحرّ حرٍّ والعصيفير اسمه عصيفير
وانا خابرك حرٍّ تفهم المقصود بإشاره
ترى طير الرخم يابوك ماهو من حرار الطير
ولو يعجبك في حومه وجنحانه ومنقاره

[محمدبن عبدالعزيز]

هوطيري اللي لنواميس هداد

وأنا فتاة أحلامه اللي هواها

علي الشرف جاني وأنا جيت وراد

وعلي النقا نفسي تبيه ويباها

أن غاب عني دوج القلب نشاد

وأليا لفا كل المشاعر خذاها

[بنت النشامه]

‏الشمس تشرق على كل الوجود
‏وانت تشرق في وسط صدري هِنا
‏،
‏نور شمس الكون يتعدى الحدود
‏ونور حبك .. ينعش احساسي انـا

[مجبورة]

‎أول سبب أنت
‎وآخر سبب أنت
‎عشمت قلبي بالهنا
‎حتى تمكنت
‎فرشت لي درب اللقاء
‎ورد وحرير
‎رسمت لي صحراء الظماء
‎نهر وغدير
‎واليوم قلبي في يديك
‎مجروح بالصمت

[محمدبن عبدالعزيز]

تلقى الكرامه عند ريف الخطاطير
وتلقى اللكاعه عند راع اللكاعه

مافالبشر مخلوق من غير تقصير
مير القيام يكون بالاستطاعه

[مجبورة]

هي من شَعَل نار الغرام و فتيله
هي شمس عمري هي ملاذي و ظلّي
يا قلب سامحني على كل ميله
مثلك على طول الدهر سامحٍ لي
يا قلب ما نرضا عليك الفشيله
لكن لخاطرها الكرامه توّلي

[محمدبن عبدالعزيز]

ياحادي الحلم عندي مانقص قدرك
في البال تبقى وهالنسيان مو حولك !
لازلت واقف بوجه الريح وانتظرك
لو كنت عايش شعوري..طحت من طولك!

[مجبورة]

كنك الرجم وإيديني تبي تطلعك
وآتمايل وأصير معلق ٍ في حجر
لا وصلت لغلاك ولا قدرت أجمعك
ولا بقى بين هالثنتين غير الصبر
يا كبر قدرك بقلبي ويا مسرعك
لا تمشيت مع دمي وأشوفك تمر

[محمدبن عبدالعزيز]

رحت يوم إرتوت فيني عذوق الحماس
مثل من ياخذ اللقمة من فم الفقير
عندي إحساس وشوية رجاوي و ياس
وما بغيت أزعجك مدام وقتك قصير
قلت أبنساك يمكن هالمسافة تقاس
بين ذاك الزمان اللي مضى والأخير

[مجبورة]

‎رحمتك يارب لامن ضاقت امنحني وساع
‎أنت حسْبي في الزمان الجاير ونعم الوكيل

[نفسي عزيزة]

لو تضحكين ينشرح صدر الأماكن

وشلون أجل صدر اللي يحبك !

[محمدبن عبدالعزيز]

كف المخاليق لاتعطي ولاتمنع.
المعطي المانع الخلاق سبحانه.
والمال مافيه نفسٍ منه تتقنع.
لوتملك من الذهب وديان مليانه!!

[مجبورة]

همها اشرب دلته وآكل قدوعه
من ظوتني ليلة السبت وسرتها
روّحت وفوادي الفرقا تلوعه
ماحسدت الا البسيطه في سعتها
القناعه كنز للنفس القنوعه
مابقى الا روحي وروحي خذتها

[محمدبن عبدالعزيز]

اللّي سرى ليلة الجمعه وعلى ولاه
عز الله إن ليلة فراقه دروس وعِبر
الله يسهل خِطا رجله و يغفر خطاه
من يوم شفته وأنا دار ٍ إن عنده خبر
لو ما أستباح العيون اللي بكت في رجاه
ماضاق صدر الرياض وضاق صدر الخُبر

[مجبورة]

‎رغم امتداد التعب عيا يموت الطموح
‎والشمس بكره ورغم أنف الدجى شارقه

[محمدبن عبدالعزيز]

هذا وأنا عزتي دايم قبالي تلوح
لين أصبحت في حياتي ميزة فارقه
أرفض شعور الندم وأرفض طمان السفوح
لو كان فيه الحياة اغصونها وارقه

[مجبورة]

هيضني الضلع في كبد الثرى راكن
وان حدك الضيم قل للضلع ياسيدي

[محمدبن عبدالعزيز]

‏" يا وحشة الدنيا إذا صرت مشتاق ،
‏ كن البشر ماهي على الكون حيّه ! "

[مجبورة]

هذي الحقيقه جيت والا تغليت
ربيع عمر الروح نبضك مطرها..
شفني أنا من عالي الرجم غنيت
مشتاق لك مشتاق ياأجمل دررها..

[محمدبن عبدالعزيز]

أصبحت عندي فوق كل المخاليق
تخطي و لا لك غير قدر و حشيمه

و انا و ربي ما نقضت المواثيق
لا زلت أشوفك راس مال و غنيمه

[مجبورة]

هو صحيح ان الهوى ماله دوى
خبر اللي جاك عاني يستشير

[محمدبن عبدالعزيز]

رويـدكَ إنَّ الموجَ في البحرِ صاخبُ
وبالله لا بـالـناس تُقضى المطالبُ
أرى لـكَ فـي شـأني أموراً غريبةً
أقـاومُ شـكـي عـندها وأُغالِب

[مجبورة]

بإهبالنا نبني وطن من ثرى سجون
ونّرد نهدم مابنينا بـْرفاته!
مابصمتنا: طعمٍ ولابصوتنا: لون
اجساد ينطقنا النحول بـسكاته!

[محمدبن عبدالعزيز]

هي الزوال ومهزلة:[ باكر يجون]
حزن الحدود/ وتذكرة من جفوني
الكذب : ثقب لـ امنيه مرّت بـ هون
بين الضلوع وشهقتين اوجعوني
أوجع سؤال شلون هي ممكن تهون
والدمع صوتي والمنابر ردوني!

[مجبورة]

يكفيه خوف إن قال: (ماني بمسئول) !
ويكفيه ضعف إنه يثير الزوابع
ساعي بريدٍ لو فقد طرد مرسول
يعيش مستمتع بجمع الطوابع !!

[محمدبن عبدالعزيز]

عمر الندى ساعات .. والا العمر: عمر الياسمين
والبرد ما هو بالضلوع .. البرد من برد اللحاف
أقسى عليّ من الفراق إلى سألتك: أنت مين ؟!
واقسى عليك من السؤال إنك تجاوبني:أخاف !!

[مجبورة]

في ساحة العمر كل(ن) يقرع طبوله
ماشفت للنفس عن درب الخطا ناهي
كل(ن) على ماتبي نفسه يطربها
و الذهن عن عبرة ايام الدهر ساهي

[محمدبن عبدالعزيز]

يعاقبني زماني يوم صدري بالعنا ما ضاق
أشيل الحمل ما تَعبت من الوعرات رجليني
أعرف أنه قدر عمري واعرف أن الزمن سرّاق
وهذا ما كتبه الله وأنا المكتوب يرضيني

[مجبورة]

يسوقون العمر سوق المطيه لو بدون دروب
ويشرون المحبه والهوى مفتاح الاسبابي
وانا ماني على طرد الغواني والهوى مغصوب
وقلبي من صواديف الليالي والهوى ذابي
اقوله والغلا شي من الله والهوى مكتوب
وانا من ناعسات الطرف الاكحل طحت منصابي

[محمدبن عبدالعزيز]

يقولون العرب راع الهوى من راحته مسلوب
يعيش العمر كله في شقا لعيون الاحبابي
وانا مدري وش اللي جابني للعالم المنكوب
انا مالي ومال اهل الهوى عوجان الارقابي

[مجبورة]

يوم ضاق الغلا بي من يمين و يسار
قلت ابحيا وانا اللي في غرامك دريك
جيت ابهدي يدينك من قصيدي سوار
قادني لك غلاك وجيت لك يامليك

[محمدبن عبدالعزيز]

كان عشقي في صباي وعشت برده مع هجيره
والحصيل اطلال مابين الحنايا شاغلني
ياغرامي جعلها لك من سفيره في سفيره
كيف صدّقت الزمن لين الليالي وهقني
ياقصيدي ليت وقتٍ صابنا شرّه وخيره
تاقف ركابه وترجع للسنين اللي مضنّي

[مجبورة]

ياللي لحون القصايد كلها الحانك
فدوة عيونك فديتك يوم غنيتك
ياللي عناويني بدنياي عنوانك
وياللي مع الدم بالشريان ضخيتك

[محمدبن عبدالعزيز]

كنت اسمع اللي تذبـل ورود وزهـور
وبغيابـك آمنـت بـ. ذبـول الحنايـا

ما جاك من لفحـة نسانيسـي قصـور
هذي علـى خبـرك عروقـي ضمايـا

تربعـي بيـن الحنايـا / ومشـكـور
قصيـد جابـك مـن بيـاض النوايـا

[مجبورة]

أنا بعدك رهين الحبر والقرطاس
ابكتب هالألم والناس تقرالي

تخيرت النوايا البيض والنوماس
وسألت الله يعطيني على فالي

اليا شفت الغنيّ وشفت فقر الراس
حمدت الله ربّي ... ياكثر مالي

[محمدبن عبدالعزيز]

ياكثر مالي في الديـر مـن صديقـي
لا بارت العملـه وشحّـن الاسـواق

صداقـةٍ تبنـا بـسـاس ٍ وثيـقـي
لا عقربٍ تلـدغ ولا مـوس حـلاق

[مجبورة]

قلت: الثقه .. قال: الثقة والصداقة
فترة تحددها ظروف المعيشة !
في تعتعة الأفكار نصف الطلاقة
بلحظة جنون يمرر العقل طيشه

[محمدبن عبدالعزيز]

‏هيه ياللي صنعتك نقض البريم
‏و الكلام سهيل و المعنى جدي
‏
‏ما بلاك من الردي و لا الكريم
‏البلا اللي . . لا كريم و لا ردي

[مجبورة]

ياقلبي لامن ضقت أش الضيق للمسكين
ويادمعي لامن سلت أخ والمرجله هده

وياعجمي لامنك طحت تكفى طيح بزين
أبا طيحتك طيحت شجاع ماهوب وده

وانا مانيب غشاش و الناس غشاشين
ولاجيبها من حد والناس من حده

[محمدبن عبدالعزيز]

هذا الأدمي مخلوق من نور ماهو طين
يشاعرك من جده ويلا رضاك من جده
ادور على شوفه ولبي وأقول أمين
وعلى صحته ورضاه حتى على سده

[مجبورة]

هو كلّ شيّ ٍ فاتنا
.. حتى البكي ؟
قم علّم الصمت الحكي لاصار صمتك فرض :
يا صوتك المحبوسْ .. |
.. عن كلّ مافي الأرض
ذبْلت به أوراق الكلام
.. وتساقطت حزن وخريف
لين امتلى صدرك حفيف

[محمدبن عبدالعزيز]

فيني الفراغ الكبير ال ما بقى به شبر
ما فاض منه الحنين وإمتلى بالجراح !
يا أول العام : طاحت من غُصون الشعر
أوراقي الذابله و تْبعثرت للرّياح
و جيتك فِ ذاكرتي وْجيه وقصايد تمر
برمي أثَرْها ورا النسيان هذا الصباح
و اهرب عن الخارج لْ آخر حُدود الصدر
وانزع من من الداخل الحزْن العتيم الرّماح
وارسم لي دروب محفوفه : بياض وزهر
و اركض عن الضيقه لْ آآخر مدى الإنشراح

[مجبورة]

حنين ( العود ) يغمرني
ويجبرني : ( جبرني الوقت)
مواعيد المطر ( جمعة )
وانا ارض ( السبتْ )
عطش ياصاحبي .. ( بردانْ )
عطش والماء معي ( دفيان )
حنين العود ( يسريبي )
وابوح بآخر اسرار الوله والعشق
وانا عيبي
مهو بكيفي ..ومن طيبي ..
أعيش افوقتي الكاذب واقول الصدقْ ..!

[محمدبن عبدالعزيز]

قريتيني .. وأنا مدري

قريتي آخر الأمثال ؟

( يقولون افزمان .. أوَّلْ

إذا حطَّتْ حمامةْ .. فوق سور الدارْ

ومن حول المكانْ ..اصغارْ

هذاك يقول ذي ( حقتي )

وذا يرمي عليها حجارْ ..)

أنا يا بنت ما يبقى من حروفي شعر ينقال

قريتي آخر الأمثالْ ؟!! :

( أنا قلبي حمامةْ ضيَّعتْ صدري

وحطَّتْ فوق سور الدارْ .. )

[مجبورة]

روحي فمان الله ورعايه الله
مع السلامه رافقتك السلامه
وانا ليا غنا المغني لليلاه
جريت صوتي في طويل العدامه
وغنيت لك ياتل قلبي من اقصاه
ولاحيت مع وجه العصير الحمامه

[محمدبن عبدالعزيز]

هواية ٍ يستلذ إبها وهو في صِباه
والظاهر إنها تبي تكبر معه لا كبر
لو إيتمثنى حريره ضفتين القناه
قامت تغني له الامواج يا ( أسمر عبر )
وستارة القلب يادوب إلتفاتت مهاه
وتقدها من قِدم وتقدها من دُبر

[مجبورة]

‎رحت ادوّر حبيبٍ مثلك ابغى استشيره
‎واثر ما كل زولٍ ينتعوّض ب(زول)
‎جيت ناسٍ تزوّد حيرة القلب حيره
‎قلت : "اطيع الزمان وكل شدّه تزول"
‎قالوا : "العمر يكبر" قلت : "كذبه كبيره
‎عمر الانسان يصغر كل ما هو يطول"

[محمدبن عبدالعزيز]

ليه الدواير تنتهي مع دربها اللي تبتديه؟
ليه الشوارع ساكته .. والناس كلٍ في هواه؟
ليه اليدين تصدّ عن شيٍٍ تبيه وتشتهيه؟..
يوم العيون تسابق الجايع على لقمة عشاه

[مجبورة]

‎هيه وين انت يا للي كان ما فيه غيره؟!
‎يفهم اللي اقوله قبل حتى لا اقول

[محمدبن عبدالعزيز]

لأن الورد لو مازاد بين إيديك مازادك
تركت الورد وأعجبت بثلاث ٍ جوك من بدري

[مجبورة]

يبغى زمانه يعود ويرجع الغالي
وشلون يرجع بعد ماطاح من عيني
لاالوقت وقته ولاله شي في بالي
أنا نسيته مثل ماكان ناسيني

[محمدبن عبدالعزيز]

ياماتمنيت صوته لويناديني ..

من كثر ماكان طيفه دايم قبالي ..!!

احيان احسه معي وتضمه يديني ..

ولامن تنبهت

لين وجيه عذالي ..

كلن على ماطرى باله يسميني ..

ليته تركني بعد هذا على فالي ..!!

[مجبورة]

يا أم التراحيب البخيله .. في زمن جود السلام
ياللي على طيبك تمادى حبل غدرك وإلتوا
بنيتي الإهمال في لحظة غياب الإهتمام
ونويتي أخس النوايا .. بس قلبي ما نوا

[محمدبن عبدالعزيز]

الأوله يبغالها شرح و أسهاب
والثانية تحتاج منك فتاوي
والثالثه صدمه و تفريقة احزاب
بلوى ولكن غير كل البلاوي

[مجبورة]

يارب تحفظني من الناس مهيوف
يا اول حروفه و رابعه طينتيني

[محمدبن عبدالعزيز]

ياحيف من وقت غدى اليوم يا حيف
خلى كرام الناس تنسى المواجيب

[مجبورة]

‎بالقلب ما تعرف العبرة من العبرة
‎وبناظري غيمةٍ ما تمطر أسراري
‎خلّيت الأحزان بأقصى القلب منثبرة
‎ياكثر كذبي على نفسي وأنا داري

[محمدبن عبدالعزيز]

يازمان مارسا بي على شط الوكاد
كذب الساري موانيه وشطوط الهنا
يارفيق ماهداني على الراي السداد
بين ذنب ماجنيته وذنب ماجنا

[مجبورة]

ارضاً خلا لو مابها لقمة العيش
اخير من رزق عليه اختلافي
والرمز يكفي الحر والخاتمه ويش
اقبل تحياتي وانا شاب قافي

[محمدبن عبدالعزيز]

ياعاشق الدنيا ترى مالها جار
كما واحد(ن) في حبها طار شوعه
اليوم تضحك له وتعطيه الانذار
وبكره تلحويها محاني ضلوعه
خلك على صكات الايام صبار
ويوم(ن) يفوتك لاتمنى رجوعه

[مجبورة]

هي مواجيع الدهر؟
والاّ حنان؟
في عجاج أيامها
دربي يذوب
تاهت الخطوه
وضيعت المكان
أنشغل
عن عمري بعمر آخرين
وانتبه
في لحظة غياب الأوان
مَرّت الدنيا
وأنا ارسم لوحتي
أرسم الفكره
على صهوة حصان

[محمدبن عبدالعزيز]

نستعجل الأيام وأعمارنا ايّام
والشّيب يطغى والأماني فتيّه
نهاري أقفى واجمل الحلم قدّام
والحال يضعف والهقاوي غنيّه

[مجبورة]

هات الوداع وخذ معك جرح الأيام
يمكن يكون فراقنا فيه خيره
خذ دمعتي والحب وكبار الأحلام
وإرسم بها للشوق لوحه كبيره
تبي تذوق بغيبتي طعم الالام
وانا بعد بذوق لوعه وحيره

[محمدبن عبدالعزيز]

ياهاجـــسي خلك عن الوم وش فيــــك
لا تلعــــب بمخـــي وفــكري تــفــــره

ان طـــالت الايــام والـــــحب محـــفيك
وان عـــافك الخـاطر على الحب صبره

ان بار بك خـــل من الــعام مرضيــــك
اصبـــر وخــل القلــب يوريك قــــــدره​

[مجبورة]

‎همٍ على كبدي قعد يركي كواياً حاميات
‎بيح بسدي لين وصلّ صبر قلبي منتهاه

[محمدبن عبدالعزيز]

هكذا العالم / مفاهيم وشعور
الأماني حلم .. والواقع طريف

[مجبورة]

فقير الواقع آردّه غنيّ بفنّي الجذَّاب
سوى الفنَّان كلّ انسان فيه احلام مذبوحه
يموت الشعر لا نادى بصوت احساسه
الكذَّاب ويحيا لا نزف دمعه بقايا نفس مجروحه

[محمدبن عبدالعزيز]

هذي هي الايام ماطاب ماطال
كل(ن) بعد حله يجيه الزوالي
دار الزمان وبدَل الحال بأحوال
وانا اشهد ان الوقت مابه عدالي​

[مجبورة]

ياما على شانك تجرعت الامرار
الله واكبر من يسوي سواتك
نسيت ما سويت لجلك وما صار
ونسيت قلبٍ حب شخصك وذاتك
حنا تعاهدنا على كتم الاسرار
الله واكبر كيف تنسا وصاتك

[محمدبن عبدالعزيز]

كل النهار وطول ليلي وانا عمس
وبين خلل بالقلب وسط الاشاعه
قال الطبيب ارقد وقلت له بالهمس
انا علاجي خابرن وين قاعه
انا علاجي من حمس ضامري حمس
اللي عقب وصله نوى بالقطاعه

[مجبورة]

هذا أنا من يوم توديعك إلى هـ الحين ذاوي
اتنهت حزن وأنفث " دمع ".. واتلحف سماء

[محمدبن عبدالعزيز]

احطبيني ياهمومي قدر حد المستطاع
واتركيني في غياهب ليلي المظلم سنا

[مجبورة]

اتركيني باتنفس ريحة الما من جهازي
وانتي اقريني شوي شوي يااغلى اميره

[محمدبن عبدالعزيز]

هذي علوم الشايب اللي ما لقى نقطة عبور
في عالم يغنّي(كلام الليل يمحوه النهار)

[مجبورة]

روح لاجابك امجيب الغيم واترك لى صوابك
جيت حلم ورحت حلم تشبه احلام الطفوله
ماأنت بأول من طعن هالقلب والدرب انتهابك
ياثقل خطواتك البارح وهالليله عجوله

[محمدبن عبدالعزيز]

هيه ياللي ماانت حول الرجوله
اترك طبع اللي تيجيها

نفسي عن هروج النمايم جفوله
وايام صبري تنتهي .. وبتديها

اللي تفكربه حشا ماتطوله
كم حاجة أكبر من اللي تبيها

[مجبورة]

اللى طعنتوه خلوا شبر في صدره
يلقى به العشق وقت يقيم ويسافر
الكوكب اللي تقول الناس ياصغره
من كثر ما هو بعيد وشوفهم قاصر
لا تحسدونه خذا من خبزكم كسره
للجوع وأعطي شباب القلب والناظر

[محمدبن عبدالعزيز]

راح وتــناسى بالضما شين حالي
وازرى خفوقي يطلب الوصل لاجاع

كم ليلتـن مــرت ودمــعـي يلالي
من حرّ جمرن داخــل الصدر مـلتاع

لاني خــوي النوم .... واعزتالي
كيف اتهنـى بنـــومتي والـــوفا ضاع

[مجبورة]

عزي لمن فارق من الناس خله
وأنا المفارق ياعرب .. راس مالي

[محمدبن عبدالعزيز]

يقولون " الذي كاره يلاقي للفراق اسبآب "
وانا والله مآ فـ ايدي عذر من شآن يجفيني

[مجبورة]

يقولون العرب من حبها بك علّةٍ قشرا
واقول الله لا يجعلني القى من يداويها!!
أكابر واسفه اللي قال حذرا من الهوى حذرا
واكذّب من يقول النار تحرق رجل واطيها
على الله كم حفرْ لي حبّها بالغيب من قبرا
وكم كانت تخطّفني منايا الشوق واخطيها

[محمدبن عبدالعزيز]

اقول اللي يبي القمرا ’ وهو في حبها مولع
أمّا هيَ تنزل له ’ ولا هو لها يطلع
الا يا ململم اجروحك ’ ومعزم لها تطلع
أخاف يطول عليك الدرب ’ ومن نص الطريق ترجع
واللي هو مو قد الشوق ’ لا يعشق ولا يهوى
لا يكابر ويقول اقدر ’ مدام قليبه ما يقوى

[مجبورة]

أداري عبرةٍ ضامت عيوني والعيون تضام
وأكبّر هقوتي لا كبرت الشرهه وكبر اللوم

[محمدبن عبدالعزيز]

مانـام .. واحـلامـه تـحّـراه قــدام
كنه يطـول أحلامـه بـ( راحتينـه )

[مجبورة]

هب الهوى غرب واجتاح الضلوع وشعرت
إن الليالي الجميلة هب نسناسها
مدري كبر حلمنا ولابعيني كبرت
والاهي اوهام ودي يصدق إحساسها

[محمدبن عبدالعزيز]

الله يزيل الضيق عن شاكي الضيق
ويعوّض الضايق سرور وسعاده
.
ويحقـق الأحلام للناس .. تحقيق
ويـزوّد الصابر صمود .. وجلاده

[مجبورة]

الها / هواي اقفا وانا معه قفيت
ايامنا ما جت على ما تمنيت
ياليتني قبل المفارق ترويت
يوم الليالي بيننا بالسويه

[محمدبن عبدالعزيز]

هكذا العالم / مفاهيم وشعور
الأماني حلم .. والواقع طريف
من تحلى بالثقه قالوا : غرور
ومن تواضع للعرب قالوا خفيف

[نفسي عزيزة]

فطرة خلقها الله وصارت طبيعة

ترى الوفاء بقلوبنا ماله أسباب

[مجبورة]

‎بعيونك اللي اناديها وانا معها
‎اللّه ياكم زعلتي يوم اناديها
‎كنتي تحسبيني اسرح عن مدامعها
‎وانا ما غير اتهجّى رحلتي فيها
‎اي واللّه اذكر عيونك يوم اطالعها
‎اقرا بها انشودةٍ كنّا نغنيها

[محمدبن عبدالعزيز]

البلا .. ماهو بـ أماني ..

البلا .. منهو عشقها !!

صار يحلم .. في أماني !!

ودنيته .. صارت .. أماني !!

يوووووه مدري شفيه .. قلبي !!

صارت حروفه .. تهذري ..

[مجبورة]

يا ليت أكتب هالأماني وتنبان
بس للأسف تبقى مجرد أماني
يا ليت من ظلم البشر فيه عنوان
يعدل ويفهم بانْ هالعمر فاني

[محمدبن عبدالعزيز]

ياصاحبي صبرك ترىٰ الدنيا كفاح
محدٍ على وجه البسيطه مستريح
اللي يبي القمه ومكسور الجناح
واللي على القمّه وخايف لا يطيح

[مجبورة]

حتى جناح العَتَب لرضاه ذليته
ماطِرْت بعده فرح من ذلّ جنحاني
يا قلب صبرك .. ترى كل شيّ سويته
ما كان أفضل من اللي كان بإمكاني
لو بيّ قوه على الهجران؟ خليته
لو بيّ ذره من النكران؟ يفداني

[محمدبن عبدالعزيز]

ياليل ياكثر العتب والمشاريه
وقلب يفوز بطعنته كل غالي

ماباقي الا نعطي القوس باريه
ونصبر على رماح الجفا والتعالي

لاطاح حظك ماحد جاء يصحيه
وان قام حظك عد روس الجبالي

[مجبورة]

يا مرخص قدر الغلا وانت غالي
جنب وخل العلم دقه وجله
ما عاد فيها للمشاريه تالي
عجزت اروضها على كل مله

[محمدبن عبدالعزيز]

هو ما درى ان العلاج بدون رشته
نظرة غلا ويتعافى القلب طوالي

[مجبورة]

ياللي فطمت القلب مازال مفطوم
عن حب غيرك ملتزم بالفطامي
وجدي عليكم وجد من ضيٌع العوم
قصده يعوم وفوقه البحر عامي

[محمدبن عبدالعزيز]

‏ياهاجسي حدك على المقبله فوت
‏طال السهر والعين في شوفها طمس
‏البرد يدفى فيه.. من يلبس الكوت
‏والشوق برده يمرض الخاطر العمس.

[مجبورة]

سلم وخل الشوق يسبق سلامك
اتركني احيا فيك عشق ومحبة ..

[محمدبن عبدالعزيز]

‏هو أدرى بالخفى وهو أعلم بالشعور
‏هو يدري بكل شي بس كنّه ما درى

[مجبورة]

أجْساد نَحْيَا في شُعور مْتوَفّي
أخوان لكن ناقصتنا: الأُخُوّة..

[محمدبن عبدالعزيز]

هي ضيقة الصدر وإلاضيقه الخاطر
والله مدري ولكن ضيقه بضيقـه

[مجبورة]

هي غدت لي في بحور العشق مجداف وسباحه
وهي قصيدة حب عذري بس وين القا بحرها
بعدها من راح مافكرت وش قصة مراحه
كل ما غابت أعد أيام عمري وأنتظرها

[محمدبن عبدالعزيز]

المشكله في التغلي ويش اسويبه
دام الغلا جاريٍ في دمي الجاري
ضاريٍ على الوصل عيبي بس هو عيبه
انه على الصد وانواع الهجر ضاري

[مجبورة]

يوم البشر ما بين بايع وشاري
سوق الشقا ما عاد لي فيه سومات
شريت راحاتي وبعت العزاري
بعت الهوى والحب في خافقي مات

[محمدبن عبدالعزيز]

تطبيل زايف من محرر تجاري
وتهويل اعلامي بكل القنوات
ما عاد به صادق ولا به مواري
للصّدق بين الناس ما فيه شيمات

[مجبورة]

تعبت وما بقى لليل (شعر) ومرّ بي كم ليل
مجرّد من ثياب (الشعر) لا بس ( بدلة التطبيل)

[محمدبن عبدالعزيز]

لو بعض ما صابني في سكّتي صابك
كان الكرى مايجي عينك ويدلجها

[مجبورة]

انا البارحة من يوم غابت الين اذن
تحلوى عيوني للكرى مير ما احتالت
يثوع النعاس من ارمد الجفن يوم تعن
سراميد غيظ با لحشاء حبلها فالت

[محمدبن عبدالعزيز]

تفهق الليل الادلم والهوا ساكن
وانا هنا ياسبب همي وتسهيدي
في خايع من نفيض الوسم متماكن
نبته يليق بتمدري نافل الجيدي
متموج بين عشبي واخضر داكن
وامعفر من نسايم جرهد البيدي

[مجبورة]

ياحارس الليل برد الليل مايدري
عن جمرةٍ بالحشا في موقد اضلاعي
يمر خنجر خفي واحسه بصدري
واصد حكيٍ يجي لاياصل اسماعي

[محمدبن عبدالعزيز]

يا برد قلي وانا في هاجسي ..غارق
النار هي فالحطب ؟ والا ورا ضلوعي

[مجبورة]

يوم استدارت وسارت وانحنت خجلا
أشعلت نار القصيد وتاهت افكاري

[محمدبن عبدالعزيز]

ياوجودي وجـد من ضاق من ثـوب عليه​
قطـع أزراره علشـان يلقـى لـه نسـم​
​
أو وجـود اللي فقــد له رفيـق مثــل أخيه​
لا تضايـق دق صدره عشانه وابتسـم

[مجبورة]

ما نفع طويل الوقت وعنادي
يومها مقبله ما كان يعنيني
بس راحت وكني فاقد ابلادي
اثر ما ارخص من الي تطوله ايديني
يا وجودي هليها وجد بن هادي
وجد لا وجد فراق ولا ديني

[محمدبن عبدالعزيز]

يومهـا بيـن ايديـنـي والـغـلا عــادي
ويــوم قـفــت تـفـجـر حـبـهـا فـيـنـي
كـنـهـا حـطــت التـوقـيـت بـفــؤادي
لامـشــت حـبـهـا يـفـجـر شـرايـنــي
قـبـل تقـفـي وانــا متمـاسـك وهــادي
وعقبها ضاق كـل الكـون فـي عينـي

[مجبورة]

يا بو محمد والبواخر من محيط الى محيط
يقفي بها صلف الهبوب اللي على غير اتجاه
كم ليلة(ن) مرّت علي أعيد وافل الشريط
وانا من اللي يفارق الدنيا ولا يبحث خفاه

[محمدبن عبدالعزيز]

هو رفيق الدرب وانا رفيقه
حركت من شرق الكويت وشواطيه
اللي على بحر الخليج ومضيقة
مع شارع(ن) غرب البحر زحمته فيه

[مجبورة]

هذا الجفا موت ومثل الموت له سكره
‎يالله لاتقطع الغالي من الغالي

[محمدبن عبدالعزيز]

يبقى الامل موجود لوشحت سنين..
وتبقى الاماني حلم نجهل قدرها

[مجبورة]

إن تعبنا نحب ولا لقينا قبول
ما تسر الاماني .. ولا يفيد العذل
لكن .. الله كريم وكل همٍ يزول
ما على الله بعيد .. ولا جفاك المحل

[محمدبن عبدالعزيز]

لو تعب فينا التمني
و انهتك وتر المغني
لو تسدي علينا طاقات
البشائر ينهزم يوم التجني
اجيك و لا هماني شي
عندك وقفت من المشي

[مجبورة]

يا ما تمنيت اشوفك والزمن عاقك
اللي مثل حالتي يا صعب امانيه
كد قالها شاعر عن قولهم باقك
كن البلاوي تشابه مع بلاويه
مدامها بالتمني باطلب فراقك
لان الاماني مع شرواي عكسيه

[محمدبن عبدالعزيز]

هذا الزمن وان تساوى الليل باشراقك
بعيون من حاضره يشبه لماضيه
ما عاد انا مخايل مزنك وبراقك
وجعل الشقى ما يجي شغلة وراثيه
ويا الحزن لولا الامل والصبر من طاقك
مع البشر كن لك روح عدائيه

[مجبورة]

هن لا سألتوني عن الحب بسكات
بقول هن فيهن عن الحب طابه
ماهو كلام اللي كتبته وأشاعات
أنا اربطتني مع متينات علاقه

[محمدبن عبدالعزيز]

هذي الدنيا تقلب كل يوم على حال
ومايخذ العبد الا كل مكتوب بجبينه

[مجبورة]

‎هذا الولع لو قالوا الناس مبلي
‎راعي الولع ماهو عن الناس نشاد

[محمدبن عبدالعزيز]

دام كل الكون فاني غير وجهك يا عظيم
نجني ياخالق الدنيا من أصناف العذاب

[مجبورة]

‎بـ امالنا والأمنا نزرع أحلام
‎وأيامنا تمطر مواجع علينا

[تحت الظل]

انا المذنب اللي يطلب الله وهو يعصّاه
وأنا اشوف لطفه كل ماضاق بي ثوبي !

[مجبورة]

يالله يا اللي ماش حال يكوده
رب لطيف تصرف الريح تصريف

[محمدبن عبدالعزيز]

فيك يا ليل آهات أرددها

أواه لو أجدت المحزون أواه

لا تحسبني محباً أشتكي وصباً

أهون بما في سبيل الحب ألقاه

[مجبورة]

هذهي عاودتنا حزّه عصير
وهذا انا تلني نوح الحمامه
ضف جنحانك وودعني وطير
اسبق الليل لايسدل ظلامه
روح قلّه محبك حالته غير
راح وقته على عضة ابهامه

[محمدبن عبدالعزيز]

هون من هقوتك / يا كاتم الصدر لا ضاق !!
هو ينفعه لا قلت : خلك شمالي ؟؟
لو القصايد .. كلها .. ( مجامل أذواق )
ما طاح دمع ../ ولا تذكرت .. غالي

[مجبورة]

يكتبك شعر ويصخرك تعبير
بين/ دمعه وغصّه وإبتسامه !!
ولو يقول.../ ومتى ينسى على خير؟
قول له:- هو متى يوم القيامه ؟!

[محمدبن عبدالعزيز]

هقاوينآ على الدنيا بعيده والامل غشاش .
. عسى الله مايواخذنا ، آليا اخطينا وزلّينا !

[مجبورة]

الهقاوي ما تجمّل لو قضبته من يديّه
دام عمر الصبر غلّق قي رجا روحه وردّه
البلا بإني عشقت سلومنا غصب ٍ عليّه
(إ) بدوي والنفس تشره لو بدى علم ٍ يضدّه

[محمدبن عبدالعزيز]

هذي مقاديري .. وهذي حياتي
ما اختـرت بعض الإختيارات عن عمد
-
صحيح ما حققت أغلى امنياتي
لكن دايم على لساني اللهم لك الحمد

[نفسي عزيزة]

دام فعلك كبير ..
ودام راسـك سما
لا تدوّر رضى
اللي ما يدوّر رضاك !

[مجبورة]

كن الحياة ماضي بعيد ..
باكر تراه .. يومٍ جديد ..
أحلى الليالي .. اللي مضت .. لكن مضت ..

[محمدبن عبدالعزيز]

تلك هي الدنيا متاهات واتعاب
نضحك على الدنيا وتضحك علينا

[مجبورة]

احذر من الدنيا تغرك وتغراك
ولاتحسب انها على الكيف تعطيك

[محمدبن عبدالعزيز]

كم كرفت بشراع مثلك وشرواك
واصبح بلجات العسر والتهاليك

[مجبورة]

كم قلت لك يا صاحبي: قم ننزل بعمق البحر
ما فالسواحل غير صوت الكذب واهل الجعجعةْ
وكم قلت لك : لا تعطي الدنيا من عيونك مهر
وان ضاق بك صدر الزمن ما ضاق بك حلم السعةْ

[محمدبن عبدالعزيز]

هزّ الشجر ، قُلّه : كفايةْ ، لا متى حزن الشجر
من ينحني للعاصفةْ بكرةْ يخاف الزوبعةْ!
وانشد غصونه كم لها فوق المداين تحتضر
وانشد عروقه كم لها تحت الثرى متفرّعة

[مجبورة]

هي واقفه الدنيا إلى مني أقفيت؟
محدٍ درى عن ( ضيق صدري عنايا
صديت عنك وأعترف إني أبطيت
من مننا معصوم عنه الخطايا ؟
وأبيك تسمح كاني في يوم أخطيت
بكرة نموت .. وكلنا للمنايا

[محمدبن عبدالعزيز]

ﺎللي يبون ﺈلقرب ع ﺈلعين والراس
وﺎللي يبون ﺎلبععد ربي معاهم
م ععاد فيني حيل لمعاتب ﺎلناس
ملليت ﺎداريهم وﺎسساير هواهم

[مجبورة]

ماعاد ابي من سود الأيام تعليم
عقب العذاب اللي كلاني جحيمه
ولو تصفي الدنيا عليّ الملازيم
ماعاد ادوّر من وراها غنيمه

[محمدبن عبدالعزيز]

هوِّنْ على قلبك المحزون إِنَّ لهُ
رَبّا سيملؤهُ نـوراً و يرويهِ

[مجبورة]

هَوِّنِ الأَمْرَ تَعِشْ في راحَة ٍ
كُلَّما هَوَّنْتَ إلاَّ سَيَهُونُ
ليس أمر المرء سهلا كله
إنما المرء سهولٌ وحزون
تَطْلُبُ الرَّاحَة َ في دارِ العنا
خاب من يطلب شيئاً لا يكون

[محمدبن عبدالعزيز]

هي الاخلاقُ تنبتُ كالنبات **
اذا سقيت بماء المكرماتِ
تقوم إذا تعهدها المُربي **
على ساق الفضيلة مُثمِراتِ