يآمرؤ القيس مإلهآ دآعي ~‏ [الأرشيف]

مشاهدة النسخة كاملة : يآمرؤ القيس مإلهآ دآعي ~‏

$$ قلبي مملكة $$

12-26-2009, 10:39 PM

عنوآن القصيدة :
يا امرؤ القيـس والله مالهـا داعـي

القصيده ~ :

يا امرؤ القيـس والله مالهـا داعـي
وشو له توقف على الأطـلال تبكيهـا؟!

لاتقول ذكرى الحبيب بحجـة اقناعـي
وش تنفعك ذكريـات ٍ راح ماضيهـا؟!

من صد عني حرام ان جيت له ساعي
دام المحاني تقـوم وجرحهـا فيهـا..!!

القلب غبة بحـر والفضـل لشراعـي
مايلتفـت للحـدود اللـي يعديـهـا

بالمركب اللي صنعتهـ بـس لأبداعـي
قبطان .. من وين مـا ودي اوديهـا

ويامرؤ القيس كان السـر باوجاعـي
بعض السوالف تموت بفـم راعيهـا

الفكر عزفي ونبض القلـب ايقاعـي
والشعر ونسة عمر والنـاس ترويهـا

وان كان صدت كذا عن روض مرباعي
لاتحلم اني اجيـب العـذر وارضيهـا

والله لو ان الجفا يلوي لـي ذراعـي
لأقطع ذراعـي لهـا والويـه بيديهـا

اهل النفوس العزيزه عشقهـا واعـي
ماتنحنـي للغـرام اللـي يوطيـهـا..!!!

ياامرؤ القيس .. ماتخفـاك الأفاعـي
تموت والسـم باقـي فـي علابيهـا

لابارك الله بعـذر ٍ جـرح اسماعـي
ولابارك الله بمن هو جـاب طاريهـا..!!

عمر آلعمر

12-27-2009, 01:05 AM

شدني العنوان .. قلت مدري وشو مسوي إمرؤ القيس ..! :)

دخلت وعرفت السالفة ..

تشكر على هذه الأبيات يا أبو شوق ..

تمنياتي لك بالتوفيق ..

$$ قلبي مملكة $$

12-27-2009, 08:46 PM

العفو اخوي اعز الناس.

وشفت وش مسوي امرؤ القيس.

ومشكور على التواصل الدائم.

اكليل الورد

12-28-2009, 11:28 PM

شكراً لك يا zidan_10 على نقل هذه الابيات..

وفقك الله

أغلى البنات

12-30-2009, 03:02 PM

اهل النفوس العزيزه عشقهـا واعـي
ماتنحنـي للغـرام اللـي يوطيـهـا..!!!

دام تميزك ...وننتظر الجديد منك

$$ قلبي مملكة $$

01-03-2010, 07:16 PM

العفو اكليل الورد.

ومشكوره على التواصل الدائم.

$$ قلبي مملكة $$

01-03-2010, 08:02 PM

التميز في تواجدك وردك الرائع اغلى البنات.

ومشكوره على التواصل الدائم.