تصوروني ليه ؟‏

[$$ قلبي مملكة $$]

عَلَى وشّو تصَوّرنِي.. ؟!!!
عَلَى فقدِي .. !!
عَلى بَختِي .. أنَا واختِي !
وهَذا المُوت ثَالِثنَا
زوَايَا الخُوف تسكنّا
ويلبَسنَا فقر عَاري
*
*
وأتوسّد حزن غافي ..
وانام وخاطري مكسور
تحاصرني شياطين الهموم وتهدم جداري
شف اطرافي
كساها البرد وأسراب الطفولة بور
شف اختي
زولها ذاوي هزيل.. ودمعها جاري
شف حدود الرصيف اللي قرا ميلادي المهجور
بلا [ يمّه ] أرددها .. وأشوف بحضنها داري
فتات الخبز واسمال الفقـر والهم والديجور
تخاويني وانا توّي ولا لي بالحزن طاري
صفت لي دمعتين في محاجر ماغزاها النور
ترتبني على جال المواجع و العنا جاري
إذا ودك [ تصورني ]
وتكتب بالضياع سطور
دخيلـك بلـّغ العالم تراهم جنتي وناري
وإذا عز الطلب
وألقيت مأساتي وراء السور !!
أبي منّك كفن يستر بقايا جسمي العـاري

[عمر آلعمر]

الله يعطيك العافية على إنتقاء هذه الأبيات المأساوية ..

وفقكـ الله ..

[$$ قلبي مملكة $$]

الله يعافيك اخوي اعز الناس.

ويعطيك العافية على التواصل الدائم.

[اكليل الورد]

شكراً لك اخ zidan_10

على نقل هذه الابيات..

تحياتي

[$$ قلبي مملكة $$]

العفو اكليل الورد.

ومشكوره على التواصل الدائم.