حلم السنين

[$$ قلبي مملكة $$]

كنا نحلم وإحنا أطفال صغيرين

وكنا نبني بيوتنا من الطين

ونسمّع ضحكاتنا لكل الحاضرين

ونعيش العمر مع أهلنا الطيبين


تذكر يوم قلت لي ماتبين تلعبين

يوم رميت علىّ عروستي والفساتين

كنت تقولي بسرعة وإلا أذبحك الحين

واتبعك وأنت دايم تسبقني بخطوتين


نلعب سوا ونجري ما بين البساتين

تقطف لي الورد ولازم أخذ منك وردتين

تقول وحده لك ... والثانية ياترا لمين ؟

وأنا اغافلك واخطفها من يدك اليمين


ومرت علينا ومن بين أيدينا السنين

وشفت زولك في فرح بين المدعوين

وزاد لك في قلبي شوق وحنين

ومدري ليش أمسى ليلي حزين


وبعد عام مر بحياتي كنه عامين

جتني أمي تقول ماتبين تتزوجين

البنات في سنك عندها ولد أو ولدين

وانتي قمر يابنتي ويستاهلك ولد زين


انتظرتك كثير وأحمده رب العالمين

جمعني فيك والفرحة صارت فرحتين

فرحة لقانا اليوم وفرحة الحب الدفين

والحين عرفت الوردة الثانية لمين ؟

[أغلى البنات]

وشفت زولك في فرح بين المدعوين

وزاد لك في قلبي شوق وحنين


كلمـآت بهـآ من البرآئه والأحسـآس الجميل مايكفي ../

سلمتـ ..

دمت بود ..

[عيون المهاا]

انتظرتك كثير وأحمده رب العالمين

جمعني فيك والفرحة صارت فرحتين

فرحة لقانا اليوم وفرحة الحب الدفين

والحين عرفت الوردة الثانية لمين ؟

تسلم يمينك اخوي زيدان كلمات رائعه وحساسه يعطيك الف عافيه

[واحد من الناس]

الله يعطيك العافية أخوي .. Zidan_10

قصيدة قمة في الجمال والروعة والبراءة

سلمت يداك ... ولا تحرمنا من جديدك

[$$ قلبي مملكة $$]

الله يسلمك اغلى البنات.

والاجمل تواجدك وردك المتميز.

وتسلمين على التواصل الدائم.

[$$ قلبي مملكة $$]

الله يسلمك ويعافيك عيون المها.

والاروع تواجدك وردك المتميز.

وتسلمين على التواصل الدائم.

[$$ قلبي مملكة $$]

الله يسلمك ويعافيك اخوي واحد من الناس.

والاجمل تواجدك وردك المتميز.

وتسلم على التواصل الدائم.

[ام سامح]

يعطيك العافية " قلبى مملكة "
على تلك الابيات الرائعة..
تحياتى واحترامى..

[$$ قلبي مملكة $$]

الله يعافيك ام سامح.

والاروع تواجدك وردك المتميز.

ويعطيك العافية على التواصل الدائم يالغالية.