{ المساجلة الشعرية من الألف للياء }

[مجبورة]

فكري تغشّاه العسام أمسيت و فكري مـا ضـوى
الأرض كفر ٍ من الونس و الليل من فرحي قفـر
طيري ضرب جوّ الهيام ولو دعيتـه مـا ألتـوى
عزّي لمن طيره غدا ولا لـه مـن أمـره مفـر



(ش )

[محمدبن عبدالعزيز]

شجر حي الحبيبة ما يبي ما
يمر ابنا الخريف وما يمره

وشارعهم لو ان الكون ظلما
كأن الشمس حوله مستقرة

ومنزلها كأنه غصن ينما
أو ان الغيم من سقفه يجره

(( ر ))

[مجبورة]

رميت حبي للخلايق ولا صاب
واستوحشت روحي غصيبه بلا طيب
واجبرت اعايش غربتي مثل الاجناب
مالي على كل الخلايق مطاليب


( ث)

[محمدبن عبدالعزيز]

ثـنتين مـا فـيها مـساوم ولا بيع
فـزعـاتـك ورفـقة خـوياً صـفالك

وثنتين لك من دونها ذبـة الريـع
كثر العتب ومطارد اللي غدالك

((ك ))

[مجبورة]

كم بعثرتني وجمعتني هنيه
بنفس المكان اللي جمعنا غرايب
يا ضعفها معهم وعندي قويه
منها غدى ثلثين قلبي خرايب



(م)

[محمدبن عبدالعزيز]

من كثر ماعامل الناس ب حسن نيه
مااشك في خيرها ولا اتقي شرها

ليت الصدور و ضمايرها زجاجيه
واعرف نوايا البشر من قبل اعاشرها


(( ر ))

[بنت النشامه]

‏روحي تودك وانت بالحيل غالي
‏الله ياقدرك تعلى.........السحايب
‏
‏كبر الجبال الراسيات الطوالي
‏والود ماتمحي ذراه الهبايب


(( و ))

[مجبورة]

ومن يبيّت نيّته (يحرء حريشه)
دام هو جاه البعووض ولا يكشه
وانت ياللي شف بالك تمر بيشه
طير خلّه للهداد وطير عشه


(ص)

[محمدبن عبدالعزيز]

صحيح بعض جروحنا مانطقيه
لكن مع طيب النوايا تجي خير

نـعـيـش دنـيـانـا ونـفـهـم حقـيـقـه
ان القلوب الصادقه دايماً غيـر


(( ض ))

[نفسي عزيزة]

من يسلف صمتي الموحش .. كلام ؟

داخلي فوضى تسولف دون صوت !


تصادم ..

أيضا حرف ض

[محمدبن عبدالعزيز]

من يسلف صمتي الموحش .. كلام ؟

داخلي فوضى تسولف دون صوت !


تصادم ..

أيضا حرف ض



الحمد لله على السلامه اجر وعافيه
واهلا بعودتك

[مجبورة]

ضعنا لـ فم الريح نتسابق بْشوت
أجزاء تبني/ تهدم الـ قادم :أجزاء
لوّحت/ كنت الأجمل اللي من: الموت
وَشْوَش بـ اذن ترابنا : غيمة أحياء
هذي الحروف كسور وشعور وسْكوت
محاولة لـ العزف/ لـ الحاء/ لـ الباء


ب

[نفسي عزيزة]

الله يسلمك أخوي محمد من كل شر
و يعافيك

و مرحبا بالوجيه الجديدة


بس سلم
ما طلبت أنك توقف
أو تكلم
كل ماهبت عرفت
أنك مشيت الدرب هذا
لو تخبي مشيتك
عطرك يعلم .!

أ

[محمدبن عبدالعزيز]

العيب فينِا .. نصنع من السعھ ضيِق ..
و نسِرق من إلضيِقه حزن .. ونتضِآيق !

و لو ندعي آلله حزه آلضيق .. توفيـِق !
مآ ضِاق بِال و لآ حِزنـا .. دقآآآيق


(( هـ ))

[مجبورة]

هين ردك للفرج يأكبر الضيق
دام الليالي تقتفيها ليالي
هي بس تبغى طول صبر وتوافيق
وأشيل هم الناس كله لحالي


( د)

[محمدبن عبدالعزيز]

دار الهواء فوق الشجر باندراجه

وانا هجوسي تتبعه كل ماراج

القلب نسمات العليل ابتهاجه

والفكر خلته الدواكيك مسهاج

فجٍ الخلا لاضاق صدرك علاجه

يغنيك عن بعض المجالس والازعاج


(( ذ ))

[مجبورة]

ذيب الشقا يقنب على راس مرقاب
يا مصبّرين القلب في موت غاليه
الموت نرضابه بلا شرح واسباب
نرضى بحكم الله ونصبر وندعيه :


( أ)

[محمدبن عبدالعزيز]

الذيبٍ عوى وانا على صوته اجيب

ومن ونتي جضّت ضواري اسباعه

عزالله انيّ جاهلٍ مااعلم الغيب

والغيب يعلم به حفيظ الوداعه

يالله يارزّاق عكف المخاليب

يامحصيٍ خلقه ببحره وقاعه


((ب ))

[مجبورة]

بعض اللحون الله يسامح ملحنها
تاثر على جوي وتثر على حالي
لتلها ابوشنب والفين ثمنها
والخاتمة قالوا الغالي هو الغالي
تظهر علي ذكرياتي من مخازنها
واصير فالحفل كني فالخلا الخالي



(ك )

[محمدبن عبدالعزيز]

گان المعزھـ عندگم ¸ يوم و أسبوع
ثم تنتھي مع دورة الوقت وتضيع

حنا المعزھـ عندنا رأأس مرفوع
لامن شرينا شخص مانقدر نبيع

(( ل ))

[مجبورة]

لك الله ضاقت ثياب القصايد وامتليت الهام
ولا ادري كيف الوّح لليباس واكسر غصوني ؟!
احبك كثر ماطاحت من احضان النظر أيتام
واحبك كلما اشعلت حب وساحت جفوني



(. ح)

[محمدبن عبدالعزيز]

حي السهر ما دام نومي كوابيس
وحي الخيال إليا أصبح الواقع أوهام

من يوم أبونا آدم همس بأذنه أبليس
وحنا نشيل ذنوب و هموم و آثام

حنا بشر .. دم .. ومشاعر .. وأحاسيس
كل الفوارق بيننا .. بصمة أبهام

(( ع ))

[مجبورة]

عيني تعاف النوم بالليل يالله الستيره
بالليل يالله الستيره يبا الخافي يبيني
نادو عقيد القوم ياقوم ملزوم استشيره
ياقوم ملزوم استشيره لو انه مايبيني


( ت)

[محمدبن عبدالعزيز]

تعبت ابكي على عمرٍ تحايله السنين وراااااح
واقول الله يسامح كل حلمٍ شح بأفراحه

اجي مثل الضرير الي يقول ان الامل مصباح
ولاكن القدر ضُيع مداه وخان مصباحه

(( ي ))

[مجبورة]

ياغربتي عايش بعمياي جوّال
تابوت بـ يدين المقادير محمول
عايش على ومض الأمل والهدف طال
وبدا طموحي يرتجف دون مدلول
ماادري هي العيشه مريره وبالأمال ؟؟
مادري انا الي واقفٍ دون مااقول


(غ )

[محمدبن عبدالعزيز]

غنيت انا من زايد الضيق موال
لين إنقطع صوتي من أسباب عبره

مد الزمن من صالي الضيق فنجال
وماعاد بالموضوع ياهيه دبره

((ر ))

[مجبورة]

رفيقك سلاح الضيق تلطم به العدا
ومن قل جيشه يطمعون اعداه
وضيم الرفاقه علةٍ مالها دوا
يكون الرجا والصبر هو ا ادوه



(( و ))

[محمدبن عبدالعزيز]

وش عـذر مـن صـدق كــلام ٍ يغـذيـه
لاصـار منهـو يدعـي الصـدق ؟ .. كـذاب


علمـت نفسـي درس ! .. مانـي بناسـيـه
ماقيـل لــي ولا حفظـتـه مــن كـتـاب


لاحـدنـي وقـتـي عـلـى شــي مابـيـه
اعـز نفـسـي ومـنـة الـنـاس بـتـراب

(( ش ))

[مجبورة]

شف أو لا لا تشوف ان كان ودّك صدق تعرفني
تتبّع سيرتي او سكتّي او جرّة اقدامي
تتّبعني واذا مرّيت دمعي لا تضاعفني
تعدّ بخطوتين وشف طموحي كيف مترامي
هنا طحت وهنا حظي عثر وهناك وقفّني
وهنا ماردّوا اللي كنت اناديهم بالآسامي


(( ث ))

[محمدبن عبدالعزيز]

ثلاثين عام واشتمط عارضي بالشيب
وزهرة شبابي ذابله وانبرى حالي

عن المجتمع قمت اتشطروقمت اغيب
بعيدا عن الضوضاء واحب اجلس لحالي

وفي عزلتي باظل لين الجروح تطيب
ومعذور لو يمناي ماتامن شمالي

(( ق ))

[مجبورة]

قم قبل ما يسري الجفاف بحبيبك
إدع المطر والا على عاتقك رو
اخلق فرص/عجل/ترى ما يعيبك
هذا ولا تسأل عن الدرب وش هو



(خ)

[نفسي عزيزة]

خلاص توبة ما أعكر لك مزاج
أثر زعلك يلحق أجوانا .. كدر

البارحة زعلتك و جانا عجاج
طيب إذا راضيتك يجينا .. مطر


ف

[محمدبن عبدالعزيز]

فيني بداية وقت .. ونهاية ازمان
اشتاق باكر واعطي امسي حنيني

واسقي قلوب الناس عشقٍ وضميان
واهدي حيارى الدرب .. واحتار ويني ..

((ع ))

[بنت النشامه]

‏عودتني كل يوم انا اسمع صوتك
‏وعودتني لا ضاق صدري ما تخليني
‏والله و غيابك طال مدري وش اسبابه
‏وان غاب صوتك خيالك باقي في عيني ❤
‏
‏(( ف ))

[نفسي عزيزة]

فيك فن و فيك بوح و فيك ذوق
و فيك كل اللي من الدنيا بغيت ٠٠
كل ما فيني عليك يموت شوق
و المشاعر و الخفوق اللي خذيت



ل

[محمدبن عبدالعزيز]

لاهيب لاصدفه ولا حتى قبول ،
سرّ المطر في اللي يخبّيه الغمام ،
غيري يدوّر في الكلام اللي يقول ،
وأنا أدوّر وش بخّلي من كلام

(( م ))

[مجبورة]

مدري ! عيوني أجحفت ! ولا احتوى صدري غمام !
؟ ما عاد اشوف ! الا وجيه ٍ تنكسر في معمعه !
يا صاحب الحب الذي فيه الهوى حده كلام
فيك العشق كله ثواني وذكريات ٍ ممتعه


(ط )

[محمدبن عبدالعزيز]

طيّرت عصافير الغلا.... واصعدت فوق
عافت اغصان الشجر وارتمت في سحابه
تمطر هماليل الاشواق لارعود ولا بروق
نسايم لاهبت تنعش حضورمن طول غيابه

(( ظ ))

[مجبورة]

(ظَ)لّـ دربٍ كل ما امشي سكته يصرخ غياب

وضعت من بيني وبينك

لين دثرني الهيام

بين اكون او ما اكون

والله عادي لوتخون

بس قلي انت وينك ؟!



(ص)

[محمدبن عبدالعزيز]

صاحبي لو نعطي أيامنا زووم
نموت غصب ونظرب الخمس بالخمس
،’
قبل أمس ماهوب أمس ولا هو اليوم
واليوم ماهو باكر ولا هو بـ أمس


((ض ))

[مجبورة]

ضاعت سنين العمر ايام واشهر
وانا أمني نفسي بيوم ملحوق
عفت الحياه وعشت بايام تقهر
ما غير اطالع حفرة القبر من فوق
حتى سيوف الوقت للقلب تشهر
ضره طعون الوقت سوت به شقوق


(ق )

[بنت النشامه]

‏قدر الله وغبت عن عيني بعيد
‏وعظم الله اجر من حبك عمر

(( ب ))
‏

[محمدبن عبدالعزيز]

بعض الغياب يعلمك كيف تشتاق
وبعض الغياب يعلمك كيف تنسى

واللي من غيابه يبي ينوي فراق
حضوره أصعب من غيابه واقسى

(( ن ))

[مجبورة]

نوب أقول اليا رجع بكون في قمة هدوّي
ونوب أقول الا أبزعل وأتلى مابيني وبينه
كل يوم أجلس على جال البحر وأقول توّي
لاسألني : مافقدت الحلم في لمسة يدينه ؟!



(س)

[محمدبن عبدالعزيز]

سلام مني عد ما غرد الطـــــــير ...
على صاحب خصني في سلامه

مذكور مني صاحب الخير بالخير ...
راعي المودة ما يغير كــلامه


((ز ))

[مجبورة]

زود ٍ على مابك من الطيب و المرّ
كل ما تقول تقر ما ضنّي تقرّ
دام الوجيه اللّي تعنّى لك تسرّ
خطراً عليك تبيع ثوبك من الجود



(ح )

[بنت النشامه]

‏-
‏
‏حارت دموعي في عيوني وصديت ،
‏وأرمشت ما أبيها تبيّن وطاحت ،
‏
‏وعقبه برقه والعين برّاق واسقيت ،
‏خدي و وناتي بصدري تلاحت .✨


(( ت ))

[محمدبن عبدالعزيز]

تبي الكـلام الصدق ..بيني وبينك
اسمـع معي هـ البيت م ادمت وياك

من باع كل الناس من شان عينك
حطه بـ عينك ..واجعله نور دنياك


((ل ))

[مجبورة]

لجل عينك تنقِّيني واجي بعدي
مثل ماودها عيونك كذا باصير
تعبت وربي الخالق متى تهدي
لقلب من رشا ظلمك غدالك بير



( ر)

[محمدبن عبدالعزيز]

رعاك الله يا ذكرى ليالي اللي تمر البال
تذكرني سعاده يوم اغمض وابحر بفكري

تغير حالي المنهك طيوف الحب لأفضل حال
تباعدني عن الدنيا ومافيها ولي عذري

(( ع ))

[مجبورة]

عذري لياسي منك .. إنك تبيني
خنت الرجا.. وان صنت لي عهد ووداد
ولمصافحك ربي خلق لي يميني
أمدها لك وصل وأمدها بعاد



(ف )

[نفسي عزيزة]

في داخلي شي ٍعن الناس مستور
حرك سكون القلب والقلب لبــــــــاه
مـــدري غـــلا ولا حـزن ولا ســرور
مـــدري بداية فرح ولا معانـــاه

م

[مجبورة]

من معركتْك ابنسحب واسحب جنودي والعتاد
ولانسحاب احياناً ارحم من معاناة الصمود


(ه )

[محمدبن عبدالعزيز]

هلالك ظهر وانا على شوفته هليت
تباشرت به وانشيت من خاطرٍ مشتاق

اشوف السما غيم وطاح المطر واهديت
من اعذب بحور الشعر ما طاب منه ولاق

(( ك ))

[مجبورة]

كم تعلّم من شديد البدو وش معنى الرحيل
وكم تعلّم من غروب الشمس وش معنى الوداع
وكم تعلّم من سحاب الصيف وش معنى الحصيل
كم تعلّم من ليال البرد وش معنى الضياع


( ث)

[بنت النشامه]

‏ثابت علي مبدئي لو شانت ايامي
‏حافظ غلاك بخفوقي وحافظٍ سرك


(( ع ))

[محمدبن عبدالعزيز]

على فم الحكي واقف كلامٍ واجدٍ مـا قيـل
كريم الجرح يوم انّه طعنّي مـا تحمّلتـه..!

أدوّر صمتي البارح بقبّل هامتـه تقبيـل
دريت ان الحكي أعمى معاهم لـو تكلّمته..!

يهون الجرح لامنّه لفى من قوم قال وقيل
ولكن البلا عاقل وصعبه لـو تجـاهلتـه..!

((غ ))

[مجبورة]

غربةٍ تحت السما .. غربةٍ تحت الأديم
غربتين ما لابن آدمٍ منها مفر


(ر )

[محمدبن عبدالعزيز]

‏راسي رفيع طول عمري ولا زال
ولي عزة مانزلتها .......النوايب..


ج

[مجبورة]

جيتك مثل بحار خايف به يخون
هالبحر وانت رموش عينك مراسي
وجيتك أجّر بخطوتي كلي طعون
أبيك ترفع بين اياديك راسي


(خ )

[محمدبن عبدالعزيز]

خلك سما واترك القاع للقاع ..
وارفع عيونك ، للنجـــوم المطله !!
وخلك مثل ما قيل للعـزم تبّاع ..
مافيه صعب ، إلا وربك يحله !!

((ب ))

[مجبورة]

باكر إلى مروا علي ربعي بقول :

إن السما ما هي سما ....

واغيّر اوقات الفصول ...

ان صدقوني .. ما دروا إنك هواي ...

وإن عاتبوني ... صارت عيونك سماي ...

وإن عاتبوني ... صارت عيونك سماي ...


(ن )

[محمدبن عبدالعزيز]

نجوم الليل والغربه تذكرني زمانٍ فات
تذكرني ربيع العمر واسترجع ملفاتي
سرابك هاجس الذكرى وراحت بالهموم وجات
سنا الذكرى يحرك ثورة الأشواق في ذاتي

(( ت ))

[مجبورة]

تذكر ولك بالذكر ( مالك من الاسفار)
تذكر وخل الذاكره بالزمان تعود



( ط)

[محمدبن عبدالعزيز]

طيرت لكـ ..
من سرب الاشواق عصفور !
وطار العمر ،
مـ عاد شففتك / وشفتهـ ..

(( ظ ))​

[بنت النشامه]

‏_
‏
‏ظنيت فيهم خير والظن خآيب
‏يا للآسف ياطيبتي لا تعدوا
‏
‏يكفيني اني كنت رغم المصايب
‏اشيلهم بالقلب لو هم تردوا !'
‏
‏(( س ))

[مجبورة]

سقى الله يوم انا البس بشت ابوي وثوبه القيطان
واقلد كل شي ٍ فيه حكيه جده مزاحه
اشيل المسبحه مثله لياهوجس وهو سرحان
بيشعر واحسب ان اللي عطاه الشعر مسباحه !!



(. ه )

[محمدبن عبدالعزيز]

هاتو لها في فيٌة القلب كرسي
من طلة النجمة اليا رعشة عصير

هاتوا لها لاخالط الشوق همسي
هي غير عن كل البنات الذي غير

( ك )

[مجبورة]

كنها تباشير الحيا / شفافةٍ مثل المطر
وكنها اغاني الست فيروز وجمال لحونها



( ب )

[محمدبن عبدالعزيز]

بين فكري وبين وجداني صراع
وكل عرقن في خفوقي يرتجيـه


شفت في بعـده دروس الالتيـاع
واصعب دروب الوله مريت فيه

( ت )

[مجبورة]

توك تجي وش عندنا لك ترتجي

لانا أنا ولا الزمان هو الزمان

ولا المكان هو المكان

ولا القلوب ذيك القلوب

اللي توقد لك شبوب

تقدرتعود ترجع تولّع أو تذوب

توك تجي



(ث )

[شموخ]

دامها تشرق .. ودام الجو صافي
‏ اذكر الله وأشكره لو كنت ضايق

[محمدبن عبدالعزيز]

دامها تشرق .. ودام الجو صافي
‏ اذكر الله وأشكره لو كنت ضايق



نرحب بالاخت شموخ وعودا حميدا

[محمدبن عبدالعزيز]

ثرثرة مشاعر وهذيان محموم
كدرت حلمي وافزعت منامي

( س )

[مجبورة]

سيدي قم...

ما خبرت اللي يحب يشتهي النوم

سيدي قم...

لاتنام وفي السماء باقي نجوم

يا جريح البارحه

كيف طبت اليوم

سيدي .. يا سيدي قم

سيدي ...الليل للعاشق نهار



(ش)

[شموخ]

‏شعر الغزل أحيان يجبرك تكذب*
‏وتجلس توصف شي ماهوب موجود*
‏يعني تقول عيونك السود تعذب*
‏وهو عيونه حول و أقشر و مقرود
ص

[مجبورة]

صّدق صدوق صدق بقول مكذوب
صح الصحيح ولو صدف قول كذاب


( ض)

[بنت النشامه]

‏ضامي على وصل الليال الرحيبه
‏اللي بها أيامي رواهآ سرابك
‏



(( ل ))

[محمدبن عبدالعزيز]

ليـت الولايـف مثـل وضع العماله
من غاب بلّغنا عليه الجـوازات

( م )

[شموخ]

مدري شعورك كان صادق معـي
‏
‏ولا كان ودك تعلقني فيك وتغيب



ن





‏
‏
‏

[محمدبن عبدالعزيز]

ناس لها بالقلب حشمه وتقدير
وناس تجي وتروح محدن فقدها


( ع )

[شموخ]

‏.
‏.
‏على سبيل الخيال إترك سبيل؟المثال
‏وش ردّك إليا سألتك مثل هآلأسئله
‏
‏أنت بتجي لي ليآ قلت لك تكفى تعآل
‏وبتشيل همّي ليآ /قلت لك تكفى شله


غ

[مجبورة]

غريبة حالتك بالذات ..قريب و دوم جافيني
تجيني منهزم بسكات ..صدى صوتك يبكيني
أعيشك تذبل اللحظات ..تغيب و أسألك ويني
وأظن اني بـهاللحظات ..شمس الوصل تغريني
تتوه بدربك الخطوات ..و أحس أنك عناويني


( ل)

[نفسي عزيزة]

لـ طاح من عيني صديق
أقول: خلق الله إكثاار

و احتاج لكن ما أضيق
الضيق.. ماهو للكبار


ح

[محمدبن عبدالعزيز]

حنيت لـأيامه و ضحكـت لياليـه..
قبله و بعـده كـل وقتـي رتابـه

ان لمت قلبـي عاقبتنـي محانيـه..
وان قلت أبرضا عز نفسـي رقابـه

( ج )

[مجبورة]

جيته وشفت الطيب بأنت مواريه
وارتاح قلبي عقب غبن ونكادي
واليوم قلبي مكننه عراويه
وشيدت رايات الفرح بالمبادي


(م )

[محمدبن عبدالعزيز]

ما خاب منهو باعظم اسماه راجيه
رب الفضا محصى جميع العبادي

دايم يصور لي على البال طاريه
غال إلى شفته يربع فوادي

( ن )

[نفسي عزيزة]

نفس السحاب
اللي تشوفه اشوفه
ما هو حرام ؟؟
يمرنا
وما نلتقي .!


هـ

[محمدبن عبدالعزيز]

هذي هي اللي عرّفتني على الشوق
هذي قدر ماكنت حاسب حسابه

قطعة حزن في جيب بالي ومشقوق
ومضة فرح في عيون ناسٍ غلابه

أن سولفت في ثغرها لمعة بروق
وإن سرّحت في عيونها صمت غابه

( ي )

[بنت النشامه]

‏ياوجودي ليت عيني تشوف اللي تبيه
‏وآحدٍ عن حبه الروح مآ هي تايبه 💖

(( ت )،

[نفسي عزيزة]

تكفى تكلم طالبك واكسر الصمت
درب الوصل قلي وش اللي يعيبه

انا أشهد انك في جروحي : تحكمت
أنت المرض وانت العلاج وطبيبه


س

[بنت النشامه]

‏
‏سوآلفٓڪ مثل العسلٓ حيّ طريآڪ
‏لوَ م تبوحُ الشوق قلبي فطن لڪ ♥'



((ف))

[محمدبن عبدالعزيز]

في هالزمن يا صآحبي عيش دنيآك
لا لا تـحـآول تـفهم اللي حوآليــك

ناس نسوك ونـاس ناسين نسيآك
وناس تناسوآ ناس ناسين ناسيك

( ق )

[شموخ]

قلت اسمعي ماقلتها زيف وغرور
‏كلمتك هـذي أمـانه لا تعيديـهـا
‏.
‏ماني علـى طـرد الملذات مجبـور
‏والحاجه اللي تهين النفس مابيها
‏
‏ ك





‏

[محمدبن عبدالعزيز]

كنت أكتب لنفسي مشاريه وعتاب
ولا ادري إن اللي قروني... قروني


(ل )

[شموخ]

‏لـو تشتـكي للناس من كـثـرة الضـيق
‏مـافـادت الـشكوى ولا سـرت "الآه"
‏الخالق أقرب وش تبي في المخاليق
‏عليك بقـول إن ضاقـت الحمدلله


م

[محمدبن عبدالعزيز]

ماهم قلبي خطا غيره ولا لمته
ماتشره الا على رفيقك الغالي

تجاوزي عن خطا غيري تعاظمته
لاشفت نظرة ثنا بعيون عذالي


( ن )

[مجبورة]

ناس يحسبون النميمه مديحه
وهي توصف من خبيثات الاعمال
زلة صديقك لا تجيلك نحيحه
لو كان عايل قل حشا اليوم ما عال


( غ)

[محمدبن عبدالعزيز]

غنيت انا من زايد الضيق موال
لين إنقطع صوتي من أسباب عبره

ويلاه انا من ضيقةٍ تبرى الحال
مافاد صبر القلب وإن زاد صبره

( ف )

[مجبورة]

فالشّارع اللي هيبته هيبة ملك
اللي تهجّا خطوتي .... وأعتادني
من تحت شبّاكك وودّي أسألك..
يغلا من أغليته غلاك .. أش فادني؟


(. ق)

[محمدبن عبدالعزيز]

قــالت مــن انــت ؟ وقــلــت مجمــوعة انــســان

مـــن كـــل ضـــد و ضــــد تـلقـيــن فـينـي

فــيـنـي نــهـــار ولــيــل وافـــراح و احــزان

اضـــحــك ودمـــعــي حـــايـر وســط عينــي

وفــيــنـي بــداية وقـت و نــهـــا ية ازمـــــان

اشــــتاق بــاكــــر واعــطـــي امســي حنيـني

( ث )

[مجبورة]

ثُــمَّ الصَّــلاةُ مـعْ سَــلامٍ دَائــمِ
... عَـلى الـرَّسـولِ القُرَشِـيِّ الخاتـَمِ
وَآلِــهِ وصَـحــبِــهِ الأَبـْـــرارِ
... الحـائِــزِي مَـراتِـبِ الفَــخَـــارِ



( ث )

[محمدبن عبدالعزيز]

ثابت ثبوت الجبال في صعب الأمور
ماهزني زلزال ولا للريح انثنيت

وان جار وقتي تلقاني حليم صبور
كم ظرف تخطيته وكم عايق صديت

(ض )

[مجبورة]

ضاريٍ بالعطا وان شب راس الفتيل
قمت منهم تفلت وأذعنت لك جبال


( ذ)

[محمدبن عبدالعزيز]

ذعذع من الغربي براد الصبح وانا ما شفيت
كبدي مطاولها ظماها والهبوب تشدها

ودي وهو وده يذكرني يحسبني نسيت
يا بري حالي يالهبوب اللي يذعذع ندها

( ط )

[مجبورة]

طرت على قلبي طواري المراويح
للديره اللي شوفها يعوضني عنك
الله اكبر كن مالك مساريح
بفياضنا ذي جرتك ذا تفننك


( ل)

[محمدبن عبدالعزيز]

لو بعض الايام مرتني بوجهٍ فليح
جتني الليالي تشيل الجرح حتى سطا

ياليتني قبل اعرف اركض اطيح
لاجل اتقي شر عثراتي واعاف الوطا

( م )

[مجبورة]

ما مَرّ في عمري مراحل.. كل عمري مرحله
في كل عمري كنت طفل و كنت كهل و كنت شاب
أصير شايب.. لا شعرت ان المقابيل : أرمله
و اذا شعرت ان المقافي : طفله..آعوّد شباب


( خ)

[محمدبن عبدالعزيز]

خطا..خطا..صح..لكن صح ماهو صحيح
حسبتها الف مره.. والف تطلع خطا

الصمت شاهد على قبر الكلام الذبيح
كانت عيونك فشق بندق وشعري قطا

(هـ )

[تحت الظل]

خايـف يجينـي وقـت : أكْسِـر خواطـر
إن دارت الدنـيـا .. وزمـانـي كسـرنـي

[تحت الظل]

هذي سنه ،، وافراق بيني وبينه
لاجابته صدفه ،، ولا من يطريّه

ميعادنا اللي صار ذكرى حزينه
أضوي شموعه والمدامع تطفيّه


ر

[محمدبن عبدالعزيز]

رغم هذا التجاهل والخطا والجنوح
يوم نزف المواجع بالخفوق يهمي

كن عطر التلاقي بالحنايا يفوح
كل حرف يتغنى لو رميته رمى

(ز)

[مجبورة]

زخرف الحرف واثر الحرف وسط الكتاب
وسط وادي سحيق ونظرته للرجوم

قال هذي علشان القمر بس غاب
قلت خل القمر يظهر تغيب النجوم


(ك )

[محمدبن عبدالعزيز]

كـان السوالـف مــاتعـيـش الا كــذا

بـتـروح روحـاتـي وجيـاتـي بــلاش

فـاض الوريـد ولهجـة المـوعـد اذى

وان قلت ماش الا الزمان القاه ماش

( ت ))

[شموخ]

‏ترضى عليه كلمة المجنون
‏عقبك تراني مبتلش فيها
‏اسفة كلام الحاسد المرشون
‏النار تحرق كل ما فيها

ث

[محمدبن عبدالعزيز]

ثلثين قلبي يباس وثلث باقي خضر
إن ماسقيته وصل ماعاد هو مرتجيك

باكر إليّا هبت الجوزاء يطير الشجر
في غفلة من زماني كنها تحتريك

( أ )

[مجبورة]

انا ماهمني لاصار سيلي عارفٍ مجراه
ابفرش ضحكتي بعيون كل اللي يمرّوني

انا لاني طريق ماحد يصبر على ممشاه
ولاني درب اخضر كل من جوني تمشوني

انا اللي عاهدت يمنى المحبه والوفى يمناه
متى نوفي واصافح ناس من طبعي ومن لوني


(ب)

[محمدبن عبدالعزيز]

بالحلا هي كوم وباقي الناس كوم
كفتٍ عادلوها بالبشر وارجحت

حسبي الله على اللي مابغاها تدوم
من بعد كيف كانت شوف كيف اصبحت
( ت )

[مجبورة]

تتجدد الأيام والوقت غدّار.... وتعلّمي من مقبلات السنيني
كان الهوى جنّة , وصار الهوى نار.... نار الفراق تعذّب العاشقيني
كنّا نعيش بجوّ أفراح وأسرار.... مانستمع لـ كلمة الحاسديني
واليوم صارت قصة الحب : تذكار.... يفرح بها القلب الرقيق الحزيني



(ث )

[محمدبن عبدالعزيز]

ثارت علي هموم نفسي وهاجت
وأوجست وسط القلب خوف بأثر خوف

والأرض غبرا في عيوني وضاقت
معاد أقدي بالنظر مدة الشوف

(ج )

[مجبورة]

جيتك أمانه انقذيني من الخوف
خايف بدونك والشتاء محتويني
شوفي شفاتي فوقها ترجف حروف
حروف منها {من الشتاء احتويني}

( ح)

[نفسي عزيزة]

حزنك الباهت
قريب من الرمادي .. لون ماله سقف
أو خطوة و تاهت
مر سكرك الحلو
يشبه بلادي
نكهتك غربة .. و دمعة ما تجف

خ

[مجبورة]

خذني شتات اسنين كلّت به أكتوف
وعطني بقايا قلب واعطيك عيني


( د)

[محمدبن عبدالعزيز]

دام كف الخطايا بالجفا لوحت
نطح الباس باس ونطح اللوم لوم

وان تهدت تهد وصيح ان صيحت
ياتعيش بمعزه ياتموت محشوم

(ذ )

[مجبورة]

ذود الحزن بالصدر زانت مراعيه
في صدري المجروح مليون ناقه
الدمع بعيوني مرسي مبانيه
وبيني وبين الحزن فزعة صداقه

( ر)

[محمدبن عبدالعزيز]

رجل تعـزه بعـد مـا تلتقي فيه
ورجلٍ قبـل لا تلتقـي به تعـزه
ورجلٍ ترزه بالمجالـس مباديـه
ورجل فلوسـه بالمجالـس ترزه
ورجلٍ يموت ولا يجيبـون طاريه
ورجل يجـي طاريه في كـل حزه

(ز )

[مجبورة]

زودٍ على كل الحلا شوية ظفر
جعلى فدا زولٍ غرامه قادني



( س)

[محمدبن عبدالعزيز]

ساعات صمتٍ ما وراها مضرّه
تسوى الكلام اللي به إذنوب وإشرور


أطلق خيالك وأترك النفس حرّه
وخل الطبيعه في حياتك لها دور

( ش )

[تحت الظل]

شوق قلبي قاع والغايب سما
وين دربه يادروب الغانمين ..
السماء تمطر وانا فيني ظما ..

ع

[شموخ]

‏عزِيز وَعسى هَالعِز ربِي يِدِيمهْ
‏ومَاعَاش راسٍ يِرتِجي لِك مَذلَّهْ
‏إِنت عَدِيل الرُّوح وإنت نِدِيمَهْ
‏مَحْفُوظ مِن رَبِّي عَن كِل زَلَّهْ🌹

غ

[محمدبن عبدالعزيز]

غربت غالب ومن يبغي الغلا غرب …
ومن كان سامي سما للمركز السامي

واللي يبي ونعم لازم لاجلها يتعب…
واليوم له مجد وانسى مجدك العامي

(ق )

[مجبورة]

قم كيف الطبخه ترىآ بان لي شان
مشتان في شان وشان عناني
بريه من سوق صنعأ ونجران
يعبأ لها بالهيل والزعفراني


( ف)

[محمدبن عبدالعزيز]

فكري معه وفكره مع غيري مقفي
ومن يتبع المقفي بدربه... سماجه

كم مره مديت له بصدق الغلا..كفي
عود علي كفي مابه غلا ولا حاجه

( ق )

[نفسي عزيزة]

قولوا له .. إني ما أرتضي بـ البدل فيه
لا مال قارونٍ ..ولا عرش كسرى....!

كل العذارى بـ الوفا ما تساويه
كنه يمين ، وباقي الغيد يسرى


ط

[محمدبن عبدالعزيز]

طير يا طير ياطير السعد يا للـي تـرف الجنـاح

لا واهنيـك ليـا ضاقـت عليـك الأرض خليتـهـا

وإن رحت وإن جيت ياطير السعد تسبق هبوب الرياح

وأظن ما فيه ديره فـوق وجـه الأرض مـا جيتهـا

( ظ )

[شموخ]

حرام. جاء حظي على حرف ظ 😥بخليه
للمنقذة تحت الظل

[محمدبن عبدالعزيز]

حرام. جاء حظي على حرف ظ 😥بخليه
للمنقذة تحت الظل








هذا وجهي ... ان شفتيها!!!

[مجبورة]

ظامي هوى وشربت من فيض همّي
ويوم ارتوت روحي من الدمع صدرت



( ع)

[شموخ]

تسلمين مجبورة 👌🏻

‏عـطرك كسرته وانتثر فـيني الـشوق
‏قلي رعاك الله وشــلــون الـمـه
‏كلك عسل والذوق مـن تحـت لافـوق
‏واسلوبـك المجـنـون جاب المطـمـه
غ

[مجبورة]

غمست سنك في السواد يا قلـــــــــــــــم

عشان ما تكتب شعر يقطر ألــــــــــــــــم

مالك جرالك إيه يا مجنون ... و ليــــــــه

رسمت ورده وبيت و قلب و علـــــــــــم

عجبي !!!


( ص)

[تحت الظل]

يووووه خسااارة فاتني حرف ظ كله من الاشارات والزحمة ..


صعـب مراحل [ شقـاك و قسوة
ألآمك ]
لا صار حـزنك
معـك حالة طبيعيه ..!
ولا قمت بـ ( شويش ) تتنازل عن
أحلامك
وترضيك .. حاجات
ما هي ذات أهميه

و

[مجبورة]

وما أنا بالمصدق فيك قولا
ولكني شقيت بحسن ظني
وبي مما يساورني كثير
من الشجن المورق لاتدعني
تعذب في لهيب الشك روحي
وتشقي بالظنون وبالتمني
أجبني إذ سألتك هل صحيح
حديث الناس خنت؟ألم تخني


( ض)

[شموخ]

‏ضمني ، لو هي دقايق ، ثم روح*؛
‏ودي اغفى في دفى حظنك شوي*،

ص

[نفسي عزيزة]

صدري على هرج القفا ساحة فضا
دام الثقـة فيـنـي فـلا يمـكـن يضيـق

أطــوف الـزلــة ولا أذكــر ما مضـى
من يلتفـت للخلف ما يقطـع طريـق

ولا تزعلين يا تحت الظل حرف الظاء ينتظرك

الزحمة خفت مالك عذر (:


ظ

[مجبورة]

كنت مجهزة بيت بحرف ظ
وقريت الرد وماتنرد (نفسي عزيزة)
تحت الظل (ظ) تحتريك
وانا بالوجه ابد جاهز البيت

[محمدبن عبدالعزيز]

الي عنده الحرف المذكور يجيبه
تحت الظل تبطي ماجابته
بتجيب معها شنطه اعذار حتى تتخلص منه

[مجبورة]

ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي


(ض)

[محمدبن عبدالعزيز]

ضعت منك يا زمن كله خراب
وصار حالي يا اكون او لا أكون

الضمير اللي غفى صعبه يهاب
كان غافل دايم يسيء الظنون

( ع )

[تحت الظل]

لاااا تحمسوني ترا حماسي غير منضبط أعرف نفسي

ظلمتني والله قوي يجازيك ..
باللي بلاني خالق الناس يبلاك
شابهت عدواني وانا طامع(ن)فيك..
اقرب قريب(ن)لي هقيت انه اياك
اللي جرالي منك ماهوب خافيك ..
روحي على حد الخطر من سواياك


ترا حتى مشاركة مجبورة تخصني لأن فيها ظل وظلال وكذا

[مجبورة]

عمري قضى ماقلت لك واحسايف
عندي نهايه درب الاشواق معروف
جرحت قلبي يا عديم الوصايف
ماظن تشرح ما بقلبي لك حروف


(غ)

[محمدبن عبدالعزيز]

تراها من امس وهي تدور الحرف
عشان كذا جابته (بايت)

[مجبورة]

السلام


وقفنا عند
حرف ( غ )

[محمدبن عبدالعزيز]

غنت والصـوت مبحوح الحروف
صمتها ونه وفي الونه حكـي

ودها تشكـي وتشـرح لي الظروف
والحياء عيـا عليها تـشــتكـي


( ف )

[مجبورة]

فكي ازارير الحكي ودي اصيح
لاشك أخاف يشق صوتي خياطي
يادمعتين الثلج يوم ابتدا يسيح
جيت اجلدك وادمت كتوفي سياطي


(ق )

[شموخ]

‏قــرب تــعــال و صـفف جروح الايام ،
‏يمكن تلاقي اسباب صمتي وراهم
‏
‏أنا خسرت احباب و احلام و ايام ،
‏معاد تفرق لو خسرتك مـعـاهـم'!


ك

[نفسي عزيزة]

كنت مجهزة بيت بحرف ظ
وقريت الرد وماتنرد (نفسي عزيزة)



الله لا يرد لك طلب يا مجبورة و يجبر بخاطرك


كل ما قلت هانت جد علم جديد

إن حكينا ندمنا وان سكتنا قهر

بين قلب عطيب وبين راس عنيد

لو تفيد المدامع كان اسيل نهر

ل

[مجبورة]

لوشحت .. يدين الزمان .. المناكيف
نبقى على .. عهد الوفا .. مانزايف
وان طال .. بال الليل .. قل للسواليف
بوح السهر من ضيقه الصدر عايف ..!


( م )

[محمدبن عبدالعزيز]

ما قلت هذا الملام إلا...وأنا قده
ماني براعي علوم...مالها والي

وإن كان تبغى كلام...ما نبي رده
إن رحت...وإن جيت تبقى
وافي وغالي

(ن)

[مجبورة]

نقول دنياك لو ماطاعتك طعها
وهي عمرها ماتطيع الحيّ بميوله


( ي)

[محمدبن عبدالعزيز]

يسـ ع ـد مساءمنهم على الروح غالين !
تمششي لهم الاششواق قبل الققوافي


( أ )

[نفسي عزيزة]

أتعب عشان أشيآء كثيره أبيها
و يا كثر من بعد البكا لـ أجلها نمت
حاولت أمد لحاف حلمي عليها
شح اللحآف ومن قسى بردهآ قمت .. !

ي

[محمدبن عبدالعزيز]

يـاكثر ماقـلـت أبـسـوي وأبـسـوي
............... ولافيه شـيٍ مـن اللـي قلت سويـته

راحت حياتي وأنا أطري أنا أنوي
.............. واللـي بغـيـته نسـيته يـوم خـليـته

(ب)

[نفسي عزيزة]

بعض الحكي لا صار معقود بالروح
يبقى معه زحمة مشااعر أسيرة

لا طايلة مخرج ولا طايلة بوح
عل وعسى كتمانها يكون خيرة

ت

[مجبورة]

تعالي نأكد الفكره ونكسر حاجز التخمين
تعالي نفاجىء العالم ترى أتعبني الكتمان
حياتي لو أطول الشمس لشعلها على الخدين
لكن ماملك إلا حروف مشلوله وقلم تعبان


(ث )

[محمدبن عبدالعزيز]

ثنيت رجلي عن الروحات والجيـه
عندي قناعه وغيري ناس قنعانه
ما فاتني من المشاريع التجاريه
عنها يعوضني المصحف وقرآنه
بدخل رياض المساجد وارفع يديه
واطلب شفاعةجليـل الملك سبحانه

( ج )

[بنت النشامه]

‏جروح القلب اذا ماتذبحه ؟ تصنعه
‏انا من يعرف الرميه قبل ترمى
‏
‏بعد (مهما )كلامٍ ما ابي اسمعه
‏لأن كل الجروح اتجي بعد (مهما )


(( أ ))

[مجبورة]

أنا ذاك الذي عمره غدا للي غدا عمره !
اجوع إن جاع طفل وإن (ظمت) بعض الخبول أظما !
تحت جفن الرماد أبقى وميض النار والجمره !
أنا ابقى رجا (ممكن) تعلق في وعد (مهما)!


( ب)

[بنت النشامه]

‏بنيت لك بالقلب قصرٍ من ألماس .
ما ينهدم لو حاولوا يهدمونه
عليه يوقف وسط الأبواب حراس .
ممنوع قصرٍ تسكنه يدخلونه

(( د ))

[نفسي عزيزة]

دمعتي بنت أكابر في عيون الفقير
لو حفظها بعينه طايحة طايحة

بين ما فيه شي وبين فيني كثير
ألف رشة حزن في السهر فايحة

ذ

[مجبورة]

ذرفت لدمعتي من فرط وجدي
وجرح القلب كله من هواكي
حلفت انك بها الدنيا وحيدي
ولا يطرى على قلبي سواكي
بحق الحب يا سيد العذارى
حبيبي لا تطيع اللي نهاكي


( ر)

[تحت الظل]

ذاكرٌ يا ترى سورنا الأخضرا
حيثُ كانت تَفيءُ الطيورْ
يومها حُبُّنا كان في حيِّنا
قصّة الورد لحن الزهورْ

ذاكرٌ يا ترى شعريَ الأشقرا
والشريطَ وشالَ الحريرْ
حين خبّأت في سمعيَ المرهفِ
همّ سرّ كفيضِ العبيرْ


ي

[نفسي عزيزة]

يا قلب لا ساقك زمانك على ' الهم
غاير جروحك لا تبيّح .. { خفاها }

مصيرها .. مع مر الأيام ..' تلتم
وإلا تموت ... ويحسن الله عزاها

ك

[محمدبن عبدالعزيز]

كان ما انته مستفيد من الدّماغ الاّ الصّداع
ما غير حـظ الصّيدليّـة مـا تبـور حبوبهـا

لا صرت ما تتعب على ( والنِّعم ) قدر المستطاع
صدّت ولفّت لك ظهَرهـا واعْطَتـك عرقوبهـا

وليا تملّكْت الكـرم والحكمـة وطـول الـذراع
لا تشغلك نفسـك تـراك اعطيتهـا ماجوبهـا

( ق )

[مجبورة]

قالوا تعلمت قلت عناد وفراسة
أعاند النفس والدنيا وأصارعها
ودرست في مدرسة من شيبت راسه
دنيا العنا اللي قصيفات مطامعها
تلميذها دايم تكتب بقرطاسه
وتعطيه جملة دروس ما يضيعها
والله عطانا نظر وشعور حساسة
ناخذ علوم المعرفة من مراجعها
ونساير الوقت ونقيسه بمقياسه
ونمشي مع النفس بالواقع ونقنعها


(ص)

[محمدبن عبدالعزيز]

صبرنا وطول الصبر يقضي على الارواح .. ا
ذا طال واتعدى حدوده ومعقوله
وصدق من قال الصبر للفرج مفتاح ..
وهي كلمهٍ صارت للامثال مقيوله
سقى الله زماني يوم انا دالهٍ مرتاح ..
اذا مر يومي ما احسبه قلت وشوله

( ض )

[مجبورة]

ضاقت الدنيا الوسيعه في عيوني
واصبحت عندي مثل مثقال ذره
ياصباح الدمع الاسود ياشجوني
بالقدر آمنت في خيره وشره
اشهدان ها.. صدق ماخابت ظنوني
شفت في وقت الضحى كل المجره


(ط)

[محمدبن عبدالعزيز]

طالع في وجه الي تماسى صباحه..
ويعلمك كيف اكتسا الصبح باالليل

ناظر بعينك كيف تنـزف جراحـه..
وشلون دمعه يشرب الموق ويسيل

( ظ )

[مجبورة]

‎ظروف خلت حالتي ماهي بحال
‎كافحت ليما مابقت بي إراده
‎بنيت لي في عالم الصبر تمثال
‎وباد الزمن تمثال صبري إباده


(ذ)

[محمدبن عبدالعزيز]

ذلول الهجاد اللي نبت في جماها سـن
من العام تثعى في ضلوعي ولازالـت


حلال الذهاب اللي استشاطت لبسها جن
ياكيف اتجـود فـي نحرهـا ليامالـت


وانا يوم امس ابطانها ما علـى مـن
يدين الهوان ان حطت اللوم وان شالت

( ر )

[مجبورة]

رديت لك عقب التجافي والانكار
وطويت صفحات الزعل والعنادي
وتبددت ذيك المبادي والافكار
ايه جنون افكار وايه مبادي
تراي انا مليتها لعبه النار
ما احدٍ لعبها قبلنا واستفادي


(ز )

[محمدبن عبدالعزيز]

زعلنا لين قلنا مابعد هذا الخصام وصال!
ورضينا لين قلنا مابعد هذا الرضا فرقا ..

(س )

[مجبورة]

سريت فغيبة عيونك حضرت الليل بمراحه
تجهم وابتسم وجهك وناديته ولا يوحي
كذب ما ينفتح باب الفرج والصبر مفتاحه
وانا ماياقف بوجهي خشب وعيونك طموحي


(ش )

[محمدبن عبدالعزيز]

شي ٍ غريب من أغـرب أنواع الشعور
عجزت أدور وش هو سـره ومعنـاه



مدري غلا .. ولا حزن .. ولا سرور
مدري بداية فرح .. ولا معاناه !


( ص )

[مجبورة]

صوّت حبيبي وقبل أقول ياعونك
بكى جروحه ورحت أشكي له طعوني
يقول مقدر أعيش اليوم من دونك
أقول حتى ولو ماعشت من دوني
يمكن أنا اكون أعز إنسان فـ عيونك
بس انت والله كل الناس فـ عيوني


(ض )

[محمدبن عبدالعزيز]

ضاع الرجا والياس في زحمة الناس..
وعطيت من ياسي علومن قديمة

كان يعاتبني وانا اقول .. لاباس ..
لكن عتابه صار كني خصيمة

( ط )

[مجبورة]

طرت علي الطواري من جنوب وشمال
ونزلت للحق معدالي ومعدالها
وقعدت انا والطواري فوق صفر الدلال
حتى تقهويت فنجالي وفنجالها


(ي )

[تحت الظل]

يا نوم قل لي وينك اليوم يانوم
عيني سهيره ما اعرف ويش جاها
لا جاء النهار تنعس شوي وتقوم
ولـ اقبل علي الليل جاها بلاها

ف

[محمدبن عبدالعزيز]

فنجال يا مسوي الفنجال صب الفناجيل
خل الفرح ياصحب الكيف يزداد
أنا رفيق العود والبن والهيل
راسي على صنعة هل الكيف معتاد
( أ )

[مجبورة]

‎أنا وآحد من العالم أنا جملّه تحتها خط
‎أحاسيسي { غريبه} من بدآيتها لـ تآليها

(ن )

[محمدبن عبدالعزيز]

نستحي من حزننا .. لا نكشفه
والحزن لا عيّن الفرصة .. بطش !

كل يوم يصبّ كاس ، ونرشفه
وإرتوينا صح لكن ، بالعطش !!

( هـ )

[تحت الظل]

هييييه يازمن حرف الهاء وش كثره
يوم جيت بشارك بحرف هاء مالقيت


ث

[مجبورة]

هالحزن ماهو دايم
لو جـاب لـي كـل حيلـه
ربك يبي يفرجها … لكن !!
بونّـس حالـي


(م )

[محمدبن عبدالعزيز]

من يمنع الضيقة على قلب مرتاح
ومن يحتوي ضخ الغلا داخل الدم
هذي هي الدنيا بها هم وأفراح..
ليت الفرح يقضي على زايد الهم

( ن )

[مجبورة]

نامت عيون المريح ولا لقا السهران راحه
والليالي المؤرقة بالحزن لبسته سهرها
بات في صدر الشقا والصبر وعزومه كفاحه
عارف الأيام ما يسلم بن آدم من خطرها
وجر صوته من صميم القلب وأعلنها صراحه
لا بكا لام العيون ولاهدى قام وشكرها


(ع)

[محمدبن عبدالعزيز]

عـزي لقـلـب ٍ صــار هـمـه مخـاويـه
متعلـق ن .. لاهـوب شايـب ؟ ولا شـاب ؟


لاقــادر ن يـفـرح بـشــي ٍ يسـلـيـه
ولا قـادر ن يلبـس علـى حـزنـه ثـيـاب


راعـي الطمـوح يمـوت .. مـادرك مناويـه
!لاخاسـر ن حلمـه .. ولا كاسـب اعجـاب

(غ )

[مجبورة]

غيرك من الناس والله مالتفت صوبه
أنت الذي غاص حبك داخل أعماقي
مابين قلب الحبيب وقلب محبوبه
رسايلٍ ماكتبها حبر الأوراقي


(ح )

[محمدبن عبدالعزيز]

حدتني الضـيقه على خـوّة الليل
والليل من خاواه ما شاف راحه

اما سهر . . والا ضنون وغرابيل
والا من همومك تضيق المسااحه

( خ )

[مجبورة]

خاويت قلبٍ الفرح ما يخاويه
وعنده من بنوك التعاسه بطاقه
علاقته وياك غبن ومشاريه
علاقة ٍ ياشينها من علاقه


(ج)

[محمدبن عبدالعزيز]

جعلت فــي قلبي للأحباب منزال ...
وسكنتهم رغــــــم على عاذليني

طبعي كذا ، ماخالطه خبث واهبال ...
أشـري الذي في خاطره يشتريني

( د )

[مجبورة]

دورت لك في خبايا ربع وأصحاب
في بحّة الناي .. في حزن الأغاني
في ضحكة أمي .. وفي همسات الأقراب
في كل حزن الصحاري والمواني
طيّرت لك من حمايم روحي .. أسراب
حطّن .. ولا فيهن اللي ما بكاني

(ذ )

[محمدبن عبدالعزيز]

ذكرتك يا زمان أول كثر مافكري يتجول
مع أيامك مع سنينك مع شوق ٍ معاك طول

ذكرت الناس بالديره ومبدا الجار والجيره
وناس ٍ من بساطتها تجيك بعالي السيره

( ر )

[مجبورة]

رحلت بالتفكير بين الليالي
انفض غبار الوقت بالفكر عنها
استرجع اللي فات واللي مضى لي
لحظات مرت مايقد ر ثمنها


(ز )

[محمدبن عبدالعزيز]

زرعتك يـا درب الامـل حـب واشـواق
حـتـى كـبـر زرع الـهـوى واحتـويـتـه

ماكنت احسبك يالهوى قـرب وفـراق
حـتـى ذبــل ورد ٍ بـديـنـي سقـيـتـه

( س )

[مجبورة]

سقيت الورد بيديني .. حرست السّور والشبّاك
وهو دايم يعاونّي / يجي / ويوقّف بصفّي
وفالآخر حرق زرعي / وهَدّ السور / ( والأشواك
نثرها في ظلام الدرب ) .. غريرٍ ناويٍ حتفي
تألّم خاطري منّه .. وربٍ خالق الأفلاك
أنا مابيه يتألّم إلى من طاح من طرفي


(ش )

[محمدبن عبدالعزيز]

شمس الضحى مالت في ميلها في

ياسعد من هو يتقي في ظلاله

له موعد في كل يوم لنا حي

وان غابت جروحي وروحي فداله


( ص )

[مجبورة]

صباح النور يايومٍ نشوف أغلا الحبايب فيه
ويومٍ مانشوفه فيه ماهوب ابرك ايامي
يغيب عن العيون ولايغيب ليا رقدت أوحيه
واشوفه واتخيل صورته فالنوم قدامي


( ض)

[محمدبن عبدالعزيز]

ضوي طفت عقبك و رمّد حطبها
حرام عقبك لا ولا عود مشبوب

حتى معاميلي على الجال كبها
جنبت خلق الله كما حال مجروب

( ط )

[مجبورة]

طَفَيتْ، وِضْلُوْعِيْ -حَطَبْ قِلَّةْ وِصَالِهْ- رَمِّدَوْا
وجِفِيتْ، والنِّسْيَانْ -إِنْ أَمْكَنْ- فَهُوْ أَحْرَىْ بُهُمْ
هُوْ الفُرَاقْ، وْذَبْلَتْ غْصُونْ اللِقَا وْمَاتْ الشَّدُوْ،
مَا عَادْ لِيْ بْعِيْنِينْ مَا سَالَتْ دُمُوعْ عْتَابُهُمْ
هُوْ الفُرَاقْ، أَبْعَدْت، وْكِلْ طٍيُوفَهَا عِنِّي بْعَدَوْا،
أَغْمَضْت عَيْنِيْ، خُوفْ لاَ تَلْمَحْ بِقَاْيَا اسْرِابُهُمْ
يَاْ صَاحِبْ الدَّرْب إِنْشِغِلْ عَنِّيْ إِذَا دْمُوْعِيْ بِدَوْ،
لاَ تِكْتِرِثْ، دَامْ البدُوْ صِلْفِينْ مَهْمَاْ صَابِهُمْ


(ظ)

[محمدبن عبدالعزيز]

ظنيت في ربعـي ولا خـاب ظـنـي
وانـا احمد اللي يودع الظن ماخـاب


( ع )

[مجبورة]

عرفت وجيه بالدنيا لقاها ما يسر الحال
وعرفت وجيهٍ أجبرها الزمان تعيش مغصوبه
و عرفت إن مابها غير الأخوة بالحياة ظلال
وعرفت إن العمر قصة صراع بلوح مكتوبه


(غ)

[محمدبن عبدالعزيز]

غلاه من فوق الغلا ما هو بدون
،،،، و حكاه سمعك يجبرك برخاك له

ودك تحطه بالعيون من العيون
،،،، وتبسط على رمض الثرى يمناك له

( ف )

[مجبورة]

في ذمتي ما أفرّق بينك أخواني
يعني غلاتك هنا بالقلب من جوّه
ومرّات أشوفك هنا بْوسط الأجفاني
ياكثر ما شفت زولك بس يا شوّه
لا جيت أغمض عليك بداخل أعياني
أبطت عيوني تسلهم والغلا توّه


( ق)

[تحت الظل]

قلْ لي .. لماذا اخترتَني ؟
وأخذتَني بيديكَ من بين الأنامْ
ومشيتَ بي ..
ومشيتَ .. ثمّ تركتَني
كـ الطفل يبكي في الزِّحامْ ؟!

ك

[محمدبن عبدالعزيز]

كبيًر . . لكنيّ أبدً مآ تكَبرتَ
كآبّرت . . لو قلبيً تكآثر طعوُنه

أحيآنً آحسً آنيّ منّ آلطيشَ كثرت
لآشفتً عقليً يستريحُ لجنونُه

وآحيآن آحًس آنيً معي حيل قصرت
لآ منً وصلتً لحلميً ! وطحت دونه

( ل )

[مجبورة]

لطيفك من سموم القيض في عين الوله مقيال
واذا قصّرت يعذرني ترى كلن وميسوره


( ت)

[نفسي عزيزة]

تمسح مدامعها
قبل تشكي ألمها
من واحدٍ ثاني

وأقول في قلبي
وهي تبكي؟
ياليتها تبكي
على .. شاني


س

[محمدبن عبدالعزيز]

سواد الليل جلاب الهموم
على الروح الحزينه يافهـد

فقدت النوم سامرت النجوم
ياروحي ماحدٍ ياوي لحـد

( ش )

[مجبورة]

شوف كم مرة سفن عمري تخربط ف المواني

شوف كم مرة جروحي جات تنزفلك أساي
وانت تستعذب نزيفي .. وتجرح القلب بصميمه
روح معها .. واترك الأحزان تلعب في حشاي
لاتضيّع من طريقي فرصة الموت الأليمه


(ب)

[محمدبن عبدالعزيز]

بيني وبين صويحبي وقفة احوال
يامن يدير الصلح بينه وبيني


واعطيه ماتملك يميني من المال
واجعل مقرة بين جفني وعيني

( ت )

[مجبورة]

‎تدري المصيبه يا(محمد) وين لا منّك هويت؟؟
‎إنك تطيح بيدّ وحده ب(التحايل) ماهره !
‎وانت بغبائك.. أو.. صفا قلبك.. وسمّه مابغيت
‎تِقبل من أقصاااااك لمحبّتها ب (نيّه) طاهره
‎تخلص من أوّلها وتصدق في كلامك .. مادريت
‎إن [الخيانه] صايره في مجتمعنا ظااااهره !
‎وتشتاق/ وتحنّ / وتغار/ وتعشق/ .. بمعنى بديت
‎تقضي معاها الليل هيمااااان وعيونك ساهره


(ث)

[محمدبن عبدالعزيز]

تثبتنا علـى الحـــق ياربي والـديــــن
واجعل لنا من تحت عرشك ظلالي

يا قاري الدعــوهـ معي قـــول امين
ويا قابل الـدعــوهـ عـليك اتكالـي

( ج )

[مجبورة]

(اتصال زفت )


جامع الناس ابيوم لا ريب فيه
جابر العظم من بعد ما ينقصم
ذو جلال ما يلج بالثرى
واحترك في غسق في ثلث الظلم
أول لآخر ليس له إنتهاء
لو يزل قادراً عادلاً في الحكم
واحدٍ ليس له في ملكه شريك
ولا في جلالة عظم الإسم

( ه)

[محمدبن عبدالعزيز]

هات ما عندك على الحشمة جبه
صدري أرحب من سما الفج الوسيع


الدليل الفكر والياس اتعبه
كم نهاه القلب ولكن ما يطيع

( و )

[مجبورة]

ولا رفعت الصوت وابديت ماصار
من شان تدري ويش ولا بحالي
مكفاك مني سجتي بعض الأمرار
انهج جنوب وحاجتي بالشمالي


(م )

[محمدبن عبدالعزيز]

مادرى اني في غيابه محاتيه
ليته نشد عن حالي اللي يجونه

وقلبي اللي توه افلت عراويه
"كيف انسرق وضلوع صدري حصونه"

(( ن ))

[مجبورة]

نوى القلب نيه مانواها لاحد غيرك
نوى القلب يمشي لك على السمع والطاعه
مع الشك والغيرة وهجرك وتقصيرك
أحبك وأقول أمرك له الروح خضاعه


(ج )

[محمدبن عبدالعزيز]

جعل من عسرت مطاليبه تهون
ويا جعل من له منوةٍ يلحق مناهه


الله يمسيكم .. على ما تِحبون
والله يقدركم لـ طاعته ورضاهه !

( ح )

[مجبورة]

حيّ الحياة اللي طعمها يشبه الجنّه كثير

قولي مساء الخير ]]آورّق و آنبعث و آكون و لآتسألي وشلون

مجنون !!

ومن قولي بربك يسأل المجنون إلآ واحد(ن) مجنون !!

قالت : ولد مجنون

قلت : وعآشق(ن) مجنون

مر(ن) ثلاثين و عليه(ن) من سنيني زود

وكان العقل موجود


(خ )

[محمدبن عبدالعزيز]

خذ ما تراه، وخل.. عنك التفاكير
يا قلب.. ياللي كل ما جاه.. داره
لابد للعسر المنوخ : مياسير
ولابد.. ما تقفا النذارة بشارة

( د )

[مجبورة]

دار خلت ما عا يلقى الاثر به
ما درى محت والاهبوب دفنها


(ذ )

[محمدبن عبدالعزيز]

ذيب عوى وانا على صوته اجيب
ومن ونتي جضت ضواري سباعه

عز الله اني جاهل ما اعلم الغيب
والغيب يعلم به حفيظ الوداعه

( ر )

[مجبورة]

‎رمتني يد الأيام عن قوس محنة
‎...........فلا العيش يصفوا لي ولاالموت يقرب
‎كعصفوره في يد طفل يهينها
‎............ تقاسي عذاب الموت والطفل يلعب
‎فلا الطفل ذو عقل يرق لحالها
‎..............ولا الطير مطلوق الجناح فيذهب


(ذ )

[محمدبن عبدالعزيز]

ذيب(ن) عوى في عاليات المراقيب
.. جآب المطمــّـه في ضميري من عواه

جآوبته أنزل عنه .. ياذيب ياذيب
.. أنزل عن المرقآب .. ياذيب أبــرقآه

يمكن ليآشرفت به حآلي تطيب
.. لو أن لي جرح(ن) .. من الصعب أنسآه

( ض )

[مجبورة]

ضاق الغمام وفح صدر المزاريب
يالله بجاهك ياعايم الغيوبي
يامنجي يوسف من الجب والذيب
بحماك ياستر خفايا عيوبي

(ص )

[تحت الظل]

صباح الخير والبال الطويل الهادي الرايق
صباح الشارع اللي تزهر وروده على شانك

[محمدبن عبدالعزيز]

ماكو حرف....؟؟؟

گن آلعـذر بسمه . . وغلطـآتگ آيتآم
وآلجور ، والحرمآن ، وآلفقر صدري

( ط )

[بنت النشامه]

‏‌ ‌ ‌ ‌ ‌ ‌ ‌ ‌ ‌ ‌ ‌ ‌ ‌ ‌ ‌ ‌ ‌ ‌ ‌ ‌ ‌ ‌ ‌
‏طابت خواطرنا من الوقت والناس
‏ ماعاد نبغىء الا العفو والسلامه


(( س ))

[محمدبن عبدالعزيز]

سقا الله زمانٍ كان فيه الكـلام أسكـوت
بنظرتك تقرى ماتبي عظمـة .. ألسانـي

زمان الغلا مثل البحر والأمانـي حـوت
علي جالك أنثر شـوق قلبـي ووجدانـي


( ش )

[نفسي عزيزة]

شوفتك عندي ترا مصدر حياه

لا تغيب ان كان تبغاني أعيش



ر

[محمدبن عبدالعزيز]

رحت ، وتركته عايش ، بجوف الاخطار
ماكنه اللي عن خفآ الحب ، صارحك !

انا الفـقير اللـي ( ملك ) حلم ، واشعار
وانا الكسير .. اللي ملأ وجهه ، الضحك

( ز )

[مجبورة]

زرعت فصدورهم طيبي ,, ويوم الحصاد
ما بان فوجيههم من زرع طيبي دليل
ما اقسى من انه يطولك ظلم بعض العباد
الا ان من يظلمك له في عيونك مقيل
واصعب من العيش فالغربه و جور البعاد
مرار عيشتك فوجيه الليالي دخيل


(د )

[محمدبن عبدالعزيز]

دار الهواء فوق الشجر باندراجه

وانا هجوسي تتبعه كل ماراج

القلب نسمات العليل ابتهاجه

والفكر خلته الدواكيك مسهاج

فجٍ الخلا لاضاق صدرك علاجه

(ذ )

[مجبورة]

ذكرتني هاك الليال الجميلات
لو كان قلبي ذاكر(ن) ما نساها
من عقبكم ما عاد للعيش لذّات
ما التذّ في دنيا مخالف هواها


(ظ)

[محمدبن عبدالعزيز]

ظلمتـنـــي و أنــا مـــن الـتهــمــه بــري
يــا أغـــلا موالـيـفـي ومسـكـانـك مـقـــر
حـتـى لــو إنــي فــي أساليـبـي جــري
مايعـنـي إن غـيـرك عـلـى بـالـي خـطــر

(( ع ))

[مجبورة]

عين تشربك شوف وعين تظماك
لاذبحني ظماك ولا رويتك
قمت اخيلك هنا ... وهناك .. وهناك
وين ترحل بي النظره نصيتك
وان طلبت الغلا قلت الغلا جاك
وان سكنت الخفوق البيت بيتك


( غ)

[محمدبن عبدالعزيز]

غرَّتني الأيَّام باقبالها يوم
واثر النكوفه عند الايَّام عجله

جتني لياليها على دف و نغوم
واثر الَّليالي بالغرابيل جزله

( ف )

[مجبورة]

في طريقٍ كنّه الخوف سلّيت القصيد
قلت ابحيا والليالي تموت ببردها


(ق )

[محمدبن عبدالعزيز]

قلبي بخير ولاعلى قلبي خلاف
طاريك يسوى عنده الكون كله

ماهوب متهيّب ولاهوب خوّاف
من كلمة ٍ في خاطري مستقله

( ك )

[مجبورة]

كل حبٍ .. تغير وانمحى
مـن حـنـايـاك يالـقــلـب الـقــديـم
كود نبض على وضحى صحى
أول العمر يوم اني فطيم
لامني الشيب .. وابعدني السحى
لا ارتمى فوق هالصدر الرحيم


( ل)

[محمدبن عبدالعزيز]

لاشفت لي لجّه وصجـه تنحيـت
أبعدت لين الجـو يركـد عجاجـه

حتى ولو إني ( تأخـرت وأبطيـت )
أهوّن ولا سمع ( اللجج والسماجه )

عشان لامن ( طابت النفس ) واقفيت
أروح مايشره صديقي بحاجـه ؟

( م )