|
تقول كيف الحال؟ مدري مواساه
وإلا كذا من باب .. روتين وحقوق على العموم ... بخير والحمد لله ماغير جيتك ضايق ورحت مخنوق |
لاجيتك أسال وادوّر فيك ضحكاتي
كنك تعمد بيديك اليوم تقتلها لا تترك الظن يلعب باحتمالاتي الكلمه اللي تحزّ بخاطرك قلها |
من يفقد اعصابه على ادناة ماجاه
تأكد ان نفسه حزينه كتومه لا تسأل اللي منغبن عن نواياه قدّر ظروفه وان زعل لا تلومه ولا تحرجه ، ولا تحدّه على أقصاه ولا تجرحه ، ولا تفرّح خصومه |
تصد القلوب من الغلا والنفوس تملّ
ياهون الجفا لا شافت العين ما تكره |
ابتسم حتى لوتقسى ظروف من سحاب الكون ماضاقت سما كم كفيف قلبه المبصر يشوف وكم بصير قلبه الميت عمى.." |
علّمتني ذكرياتي .. خصْ لا صارت أليمه
أبتسم قدّام جرحي .. واطلق لصمتي عنانه إبتسمت الين صارت بسمتي فيني مقيمه يعني من كثرة جروحي .. بسمتي تحتّل خانه !! |
قالت ضمينا شعر وأمهلت هجسي
ماللقصيد اليا ضميتي معاذير حطت نوارس عطرها فوق طرسي شوي وارياف الحنايا نواوير |
ليلك نثر عطره على شاطي النيل
وانا ضواني ليل نجد وسريته يامطوّل الغيبات يامطول اللي . توّي دريت انّه سواد وجفيته |
الاحلام .. منا , وحنا ليتنا ! منا
بس الامل ! ما يوصّلنا , لكل حاجه , يمكن يكون الفضا زحمه اذا حنا فـ صدورنا , جرح ما نقدر على آعلاجه ! |
يا روعة الأحلام .. يا عطر الأحلام
أموت وأحياء بين رمشك وعينك كل الغرام أوهام .. ووهام .. ووهام إلا غرامي تاج عانق جبينك |
ماكان عابر في عيوني كمآ طيف ..
كان الضلوع وكان .. نبض المحاني |
احبابنا قفّى بهم موت وفراق
واخواننا نادى قدرهم وراحوا واصحابنا اللي كنهم مثل الأوراق هزّتهم ايام الشدايد وطاحوا |
يا كثر الأصحاب ، مداحٍ وعذال
وياقل ، لا كشّر الوقت ، الأيادي |
هـي كـذا. . بعـض البشـر ترتـاح لـه
دون قصـد تـحـس معـهـم بإرتـيـاح لو. . يغيب . . بلا سبب. . { تشتاق . .لـه وان حضـر صـدرك بـدا فيـه إنشـراح |
ﷺ
إنّ الـبـخـيـل إذا ذكــرت مُـحـمــدا عٓـقٓـد اللسان ونال من فمـه الـردى صلو على المختار ما صلى الورى جُـعـلـت لـه روحي وأنـفـاسي فــدا ﷺ |
ماهي طلاسم سحر كاهن وعراف
هاذي حقيقه جتك مني بلاشا بعض البشر ودك على طول ينشاف والبعض الاخر ودك انه تلاشا |
مايخيب الظـن فـ كل طيب مايخيب
لو جراله من ظروف الليالي ماجرى . رفقة الطيب تزيــدك مع الايام طيب تدفعك قدام ما هيب ترجع بك ورى |
ياكثر ما خاب فيني ظن عذالي
وياكثر هقوات خابت قبل لأهقيها ما شفت نخل ٍ وجا لي تمرها حالي الا والاقي دسيس السمّ ساقيها |
مـهـمـا الليالي و الزمـــــــــان امتحنــــي
لا صد بي وقتي فاأنا مقدر أنســـــــــــاك وإن صد بك وقتك عساك متهنــــــــــــــي فاأنت البعيد الي عيوني تمنــــــــااااااااك |
والتمني ما يحقق هقوت القلب ان تمنا
بس قلبي ما يداني تبعد الهقوات منه |
الجرح ما علمني أضحك ع الناس الجرح علمني ( إحترام المواجع ) |
أقاوم بالصبر سرب المواجع كل ماهاضي
على باقي ربيع في مساحة قلبي المفتوح وانا لاَ خِلْت برقٍ في سِما ليل الأمل ناضي حَيَا بعضي ،وبعضي من تباريح الأسى مذبوح |
هز السّما يمكِن تطيح السحآبه
على كفوُف مصافح الوصل يَا ديمْ تنبتْ على الأرض الهشاش الكِتابه تنتِج زهر بين إختلاف المفاهيمْ ما عافت [ الشّمس ] القُمر فيْ غيابه لكنّها " صدّت عنْ اللّيل وَ الغيمْ " ! |
أرجوك لاتسكت يخوفني سكوتك لاتصد هناك
لاتطرق أبواب السكوت ورعشة شفاهك تغص بألف باب لاتلتفت لهناك ولاتمسح على راس الغياب يطيح نخلك ويتكسر داخلك معناك ! |
الـصـمـت هــدد كـيـاني واخـتـلى بـيه
أصـبـحـت عـايـش مـكـاني والـحـس بـيـه مـعـدووم لا الـشـعـر نـافـع هـيـامي ولا صـوره خـيـالـيـه عـشـقـت معـنى الـغـيـوم طـمـعـان قـطـره تـبـل الـهـدووم |
يا قطرة الغيمه على يابس البيد
رد الحياة لخافقي يا ذهابه |
يـاخـافــقــي .. قــل لـلـهـواجـيـس .... يـكـفـي
ولاعـــــــــاد تـسـهـرنـي ... بــلــيــل الـــكـــآبــــه مـتــى يـفــك الــيــاس قــيــدي ... ويـعـفــي مــتـــي يــحـــنّ لـقـلـب .. طـاغــي عـــذابـــه |
في ذرى ليل تقرّبه مرة ويغدي
والعيون ازرت تساهرك وازرت لاتنام |
العيون اللي عن الواجب كفيفـه
لو تعذّر عذرها ماهو بلازم من تردى فـ المهمات الخفيفه ماتجمّل في كبيرات اللـوازم |
8
👍🏻🙌 كلن تلقى طعون عداه غدريه وأنا الوحيد اللي طعوني من احبابي وأن مت قولوا لفاقدني وداعي والله ماني ردي ....وقتي تردى بي |
مافيه شيٍ يذبح الخافق الحي
الا الطعون اللي تجي من قريّب حتى القوافي من تعبها مهي هي من حين تولد في خيالي تشيّب |
ما ظنتي بنتواصل عقب هـ المرا
حنا لعب في محبتنا ، مكابرنا |
وإستمرينا نكابر ... والجروح تشاره
والغلا يكبر ... ونفس المنتحي مكبوره |
تواصلك مع العالم احيان ما يفيد
شفني حصدت اكبر حصيلة ندامه ! خلك مع العالم من بعيد لبعيد سلام ، كيف الحال ، مع السلامه! |
من تتابعني على درب الندامة
بشّر عساك لغايتك يا غلا نلت |
قالت من انت وقلت انا انسان عادي
من كل خير وشر تلقين فيّه احب واكره واتنرفز واعادي واحزن وافرفش للقلوب النقيّه واغير واعشق واتألم وانادي واحلم وافكر فالحياه الغبيّه هادي بوقت ووقت ماني بهادي تنفر شضايايا شضيه شضيه |
[
ً توجع الذكرى لكن ويش العذر غصب عنا نذكر اللي يرحلون ً الحنين احياناً احساسه نذل يوجعك في ناس مايستاهلون .. |
لا تسولف كثرة الحكي ماتملي البطون
كم تعشّينا السوالف ونمنا جايعين؟ كم توقّعنا نتايج وجت عكس الظنون وانصدمنا بالحقيقه وبالعلم اليقين |
كنك المقصُود في شطرٍ قديم
أنت مُثلك ما عِلى الدّنيا شبيه . |
ياحسين ديران الجماعه مريفه
................ واللي مع الاجناب كنه على نار يمنى بلا يسرى. تراها ضعيفه ................ ورجلٍ بلا ربعن على الغبن صبار الطير بالجنحان محلى رفيفه ................ وليا انكسر أحدى الجناحين . ماطار |
| الساعة الآن 02:29 AM. |
Powered by vBulletin® Version 3.8.9
Copyright ©2000 - 2025, Jelsoft Enterprises Ltd.