|
بإهبالنا نبني وطن من ثرى سجون ونّرد نهدم مابنينا بـْرفاته! مابصمتنا: طعمٍ ولابصوتنا: لون اجساد ينطقنا النحول بـسكاته! |
هي الزوال ومهزلة:[ باكر يجون]
حزن الحدود/ وتذكرة من جفوني الكذب : ثقب لـ امنيه مرّت بـ هون بين الضلوع وشهقتين اوجعوني أوجع سؤال شلون هي ممكن تهون والدمع صوتي والمنابر ردوني! |
يكفيه خوف إن قال: (ماني بمسئول) ! ويكفيه ضعف إنه يثير الزوابع ساعي بريدٍ لو فقد طرد مرسول يعيش مستمتع بجمع الطوابع !! |
عمر الندى ساعات .. والا العمر: عمر الياسمين
والبرد ما هو بالضلوع .. البرد من برد اللحاف أقسى عليّ من الفراق إلى سألتك: أنت مين ؟! واقسى عليك من السؤال إنك تجاوبني:أخاف !! |
في ساحة العمر كل(ن) يقرع طبوله ماشفت للنفس عن درب الخطا ناهي كل(ن) على ماتبي نفسه يطربها و الذهن عن عبرة ايام الدهر ساهي |
يعاقبني زماني يوم صدري بالعنا ما ضاق
أشيل الحمل ما تَعبت من الوعرات رجليني أعرف أنه قدر عمري واعرف أن الزمن سرّاق وهذا ما كتبه الله وأنا المكتوب يرضيني |
يسوقون العمر سوق المطيه لو بدون دروب ويشرون المحبه والهوى مفتاح الاسبابي وانا ماني على طرد الغواني والهوى مغصوب وقلبي من صواديف الليالي والهوى ذابي اقوله والغلا شي من الله والهوى مكتوب وانا من ناعسات الطرف الاكحل طحت منصابي |
يقولون العرب راع الهوى من راحته مسلوب
يعيش العمر كله في شقا لعيون الاحبابي وانا مدري وش اللي جابني للعالم المنكوب انا مالي ومال اهل الهوى عوجان الارقابي |
يوم ضاق الغلا بي من يمين و يسار قلت ابحيا وانا اللي في غرامك دريك جيت ابهدي يدينك من قصيدي سوار قادني لك غلاك وجيت لك يامليك |
كان عشقي في صباي وعشت برده مع هجيره
والحصيل اطلال مابين الحنايا شاغلني ياغرامي جعلها لك من سفيره في سفيره كيف صدّقت الزمن لين الليالي وهقني ياقصيدي ليت وقتٍ صابنا شرّه وخيره تاقف ركابه وترجع للسنين اللي مضنّي |
| الساعة الآن 04:08 AM. |
Powered by vBulletin® Version 3.8.9
Copyright ©2000 - 2025, Jelsoft Enterprises Ltd.