|
دوك حالي سمته عضة الناب الغليث
وامتحنه الوقت بالهم والغم امتحان صاحبك( من نظف قلبه) ولو لبسه رثيث ومن صدق لك بالفعل لو كذب اللسان ( ب) |
بيني وبين النفس حرب وطلايب
مرات انا الغالب ومرات مغلوب تمضي حياتي بين مذنب وتايب واللي يريده خالق الناس مكتوب والغيب عند الرب ماهو بغايب لكن عن المخلوق خافي ومحجوب (( خ )) |
خدمت الموطن شرف مادامت ان الروح حيه
وان توفت في سبيله شرفت حتى لحدها من خدم بالثوب والا بالبدال العسكريه خدمة واجب عليه ومثل مايزرع حصدها (ي ) |
ياهيه كانك ما تبـي الناس توذيك
قيس المسافه بين مزحــك و جـدك بيــض السجايـا للمعـالي تـوديـك وســود النـوايـا للمذمـه تـردك (( ك )) |
كم واحد ٍ له غاية ٍ ما هرجها
كنها لو هو للأدنين محتاج يخاف من عوجا طوال عوجها هرجت قفا يركض بها كل هراج ( غ ) |
خلوني ب حالي ترى خاطري شين
ودي اداوي جرح قلبي لحالي (( ن )) |
نوٍ تحدرٍ قيل وين تهقابه
وأظن له من عند ربه دليلي جعله على ظفره ينثر سحابه ينهل من ظفره إلى أطراف هيلي ( و) |
وجدي على لاماه سيـد الحبايـب
وجد الحنون اللي ولدها هجرهـا وجدي على قربه بليـا صعايـب وجد اليتيم اللي دموعـه نثرهـا ✨ 0 (( ظ )) |
ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي وتقـدر تطـوي الدرب البعيد وتقـدر تفـّله ولكن صعب تمنع في الهـوى صبري وترحالي ( ف ) |
فل الحجاج وخل عنـك الهواجيـس
كـلٍ يمـوت وحاجتـه ماقضاهـا واعلم ترى بكره يجي لـه تعابيـس وصفـو الليالـي مالحقنـا مداهـا (( ك )) |
كنت اتحرى من الضمى لمعة السيل.. شحت غيوومك ماروتني يديها.. (( ج )) |
جرّب مع واحد ٍ غيري مياناتك
مدري لواني بعدها صرت ما اهمّك اكيد مقدر على تغييّر جيناتك ما دام طبعك كذا مخلوق في دمّك (ر ) |
♯
راحو بلا موعد ، وغابت ملامحهم مايوجع الفقد لكن توجع الذكرىֆ ء ﴿ ☹💔"̯ ءُ ﴾ (( ذ )) |
ذاك الزمان الي مضى جعله يعود
والارض خضراء ماشكت من جذبها وذاك الزمان الي مافات معهود والنار تشعم دايم ٍ من حطبها ((هـ )) |
هلّت دموع الموادع وسد القلب باح
والعيون الذابله مانشف .. منديلها . ياوجود العين لا هبّت انفاس الصباح والسهر والشوق هد الضلوع وحيلها (( ع )) |
عزي لمن جرب الفرقا وعزالي
هذا الجفا موت مثل الموت له سكره ياالله لاتقطع الغالي من الغالي ل |
لا تنشد يا رفيقي عن الحال
مالي على كتمانها عنك حيله الصبر في بعض الاحاسيس قتال البوح في بعض المواقف فشيله (( ش )) |
شمــس تعـــرت وستـــــر الله كاسيهــــــــا
جتني..تجر الظلام.. بنـــــــــور مطلعهـــــــا خفت اتواضــع ويكســـرني تعـــــاليهــــــا قلت اتعـالا: كســر قلبــــــي تواضعهـــــــا (( س )) |
ساقتني الذكرى بليا سبايب
وعطتني الدنيا دروس وعناوين لا تستمع للقول صايب وخايب خلك على ما قيل راعي موازين ، (( ق )) |
قالوا حبيبك يسمع الشعر
قلت أيه يقراه بعيوني قبل تسمعونه لولاه حتى طاري الشعر ما ابيه مير أكتبه من شان خاطر عيونه (خ ) |
خبرو من غاب عنّي من شهور
ما قويت البُعد عنہ ماقويت ؟ قالهاخالد بَ أحساس ۈشعور خبروه إني على وصلہ حييت (( ف )) |
فيني بدوي طبعه ورى الخير رحال
اكثر مقيمه فوق مركب شداده يشد وينزل كل فتره بمنزال قربه صعب جدا وسهل ابتعاده ان قال فرقا .. ماتراجع اليا قال ماتقدر الدنيا تكسر عناده ( ع ) |
على فم الحكي واقف كلامٍ واجدٍ مـا قيـل
كريم الجرح يوم انّه طعنّي مـا تحمّلتـه..! أدوّر صمتي البارح بقبّل هامتـه تقبيـل دريت ان الحكي أعمى معاهم لـو تكلّمته..! ((غ )) |
غديت مثل اللي عليه الخفارة
بالبيت جالس بين فيّه ومصهار ما ارتاح في جو البلد والحضارة هوايتي شوف الصحاري والاقفار ( ت) |
تدري ليه الليل يتلوه ،، النهار ..؟
.. لجل " تفرج " بعد ضيقه صابرين وتدري ليه الحظ ،، مافيه اختبار ..؟ لجل نبلا ،، ثم نعين .. ونستعين (( ن )) |
نصبر وهذي يا محمد مواجيب
صبر الجمال اللي ضرت للمكده ونشتاق للبيضا ونبعد عن العيب ونبني كلام ٍ كل حي ٍ يعده ( ص) |
صابر على مر الليالي والاقدار
لافي يدي حيله ولا لي وسيله . عليك ياللي عالمٍ كل ماصار يالله عوضني حياةٍ جميله . (( ي )) |
ياذا الجبروت العظيم ويا القدير المقتدر
تفزع لنا في معضلات ما نريس حلولها تلعب بنا خلاّن فرغتنا كما لعب الكور أن اقبلت صاحوا لها وأن دبّرت صاحوا لها (ب ) |
بين المفارق والسهر واشهب اللال
روحي مواعيد اللقا ماروتها عذب المشاعر كل يومن لها حال وان مرت ابها الفاتنه عطرتها (( ج )) |
.
جمعت لك شوقي وفكري وكلي وارخصت لك عمري وباقي زماني انا شريتك انت يابعد .. من لي واهديتك احساسي وقلبي وذاتي (( ف )) |
فكري تغشّاه العسام أمسيت و فكري مـا ضـوى
الأرض كفر ٍ من الونس و الليل من فرحي قفـر طيري ضرب جوّ الهيام ولو دعيتـه مـا ألتـوى عزّي لمن طيره غدا ولا لـه مـن أمـره مفـر (ش ) |
شجر حي الحبيبة ما يبي ما
يمر ابنا الخريف وما يمره وشارعهم لو ان الكون ظلما كأن الشمس حوله مستقرة ومنزلها كأنه غصن ينما أو ان الغيم من سقفه يجره (( ر )) |
رميت حبي للخلايق ولا صاب
واستوحشت روحي غصيبه بلا طيب واجبرت اعايش غربتي مثل الاجناب مالي على كل الخلايق مطاليب ( ث) |
ثـنتين مـا فـيها مـساوم ولا بيع
فـزعـاتـك ورفـقة خـوياً صـفالك وثنتين لك من دونها ذبـة الريـع كثر العتب ومطارد اللي غدالك ((ك )) |
كم بعثرتني وجمعتني هنيه
بنفس المكان اللي جمعنا غرايب يا ضعفها معهم وعندي قويه منها غدى ثلثين قلبي خرايب (م) |
من كثر ماعامل الناس ب حسن نيه
مااشك في خيرها ولا اتقي شرها ليت الصدور و ضمايرها زجاجيه واعرف نوايا البشر من قبل اعاشرها (( ر )) |
روحي تودك وانت بالحيل غالي
الله ياقدرك تعلى.........السحايب كبر الجبال الراسيات الطوالي والود ماتمحي ذراه الهبايب (( و )) |
ومن يبيّت نيّته (يحرء حريشه)
دام هو جاه البعووض ولا يكشه وانت ياللي شف بالك تمر بيشه طير خلّه للهداد وطير عشه (ص) |
صحيح بعض جروحنا مانطقيه
لكن مع طيب النوايا تجي خير نـعـيـش دنـيـانـا ونـفـهـم حقـيـقـه ان القلوب الصادقه دايماً غيـر (( ض )) |
من يسلف صمتي الموحش .. كلام ؟ داخلي فوضى تسولف دون صوت ! تصادم .. أيضا حرف ض |
| الساعة الآن 10:28 PM. |
Powered by vBulletin® Version 3.8.9
Copyright ©2000 - 2025, Jelsoft Enterprises Ltd.