|
تقول " أبشر بعزك" والعرب مجتمعة ويوم جيتك ما لقيت "اللّي ولا بأنت اللّي " فزعتك مثل الرسايل في نهار الجمعة بعضهم لو قام يرسل ، ما يقوم يصلي |
ياخير من يفهم ظروف المحبين ان قلت هوه صدق ماغير هوه يفزع معي فزعة هل الدين لدين ويشيل همي كلما شب ضوه |
هذا أنا كلي رجعت اعـــزف هيامي
رافــــــع راسي وقلبي بين أيديـــــه موغريبة لية ما راجع في كلامي اعترافي بالخطا ما هو خطية |
هيه وين انت يا للي كان ما فيه غيره؟! يفهم اللي اقوله قبل حتى لا اقول رحت ادوّر حبيبٍ مثلك ابغى استشيره واثر ما كل زولٍ ينتعوّض ب(زول) جيت ناسٍ تزوّد حيرة القلب حيره قلت : "اطيع الزمان وكل شدّه تزول" |
لاتلومني لابديت اخاف واحاتي
كل حاجة غاليه ماودي اخسرها ولاتضايق اذا كثرت جياتي ضيعت فيك السنين وجيت ادورها |
احدن ليا شاف ثقل الحمل شاله
واحدن ليا شاف الثقل قال بعدين واحدن قبل تنخاه يحذف عقاله واحدن بعد نخواك يسقط من العين واحدن خريش القلب يخشى ظلاله واحدن شجاع يدوس روس الثعابين واحدن يصرصر بالصراير رياله واحدن رياله ماعرف وجهته وين واحدن ينومس ذكر طيبه خواله واحدن عمامه من خواله بريين واحدن قبل ينطق يثمن مقاله واحدن يلوط لسانه اقصى الدواوين |
نعم . نعم تيار بقعا مشابي حزني غيوم ودمعتي هاطل الغيم لكن ابد مهما تعمق صوابي مااقتنع واعلن للأقدار تسليم ايماني اقوى من قوي اكتئابي وامالي اكبر بالليالي المقاديم |
مدام أنا معهم .. ومنهم وفيهم
أرداهم إن خان المواثيق ماخنت ماني بـ بايعهم ولا مشتريهم هم مثل ماكانوا وانا مثل ماكنت أنا أخوياي إن جيت ابشره عليهم ذكرت تقصيري معاهم وهونت |
ترى العمر سجه والليالي سوات الحوت وترى الوقت يقضي يا..كما اللعبه تغانم وسج اقدام رجليك قبل يفوت شباب تدنيه الليالي وتراجع به وانا مانصحتك خايفٍ ماتحصل قوت لكن الشجيع ليا شراها تشجع به |
هيه يامن تفتش دفتري وشتبي
كل بيت يمرك اعرف انه جريح وكان ماكفاك شعري يخلف الله تعبي مايخلد ويبقى الا القوي والصحيح يالقصيدة تثني واطربي والعبي في زمان بوجهه اللي هقابه شحيح دامها بالبدايه للنهايه حبي لايغرك قوي العود باكر يطيح |
حنا ولفنا هالرصاص اللي بالاحضان ارتمى عقب الحمام اللي ولفنا في سما مسرى النبي حنا على بير السلام اللي ذبحنا بالظما كل اغبيانا يحلفون ان الزمن هذا غبي |
ياخوف قلبي
يجيلك يوم و تصدمني و تمشي على جروح قلبي و تنكر احساسي اخاف لا يوم تلقاني و تسألني شفتك انا وين ذكرني ترى ناسي ! |
يطرون في باله من الحين للحين
واذا ذكرهم هلت دموع عينه وتجدد أحزانه بقايا من أسنين وجودها ينبش جروحٍ دفينه تكتب على بيبان عمره عناوين فكره قطار وذكرياته مدينه |
هـــلي الجدايل.. ظــلليني عـــن الشمس و داري جــبيني عــن لهيب الســـمومي لا تســـــــاليني.. عن عذاب مضى امس انـا نصيتك هـــارب مــن هـــــــمومي ما تـلمسين الجرح في مهجـــتي لمس جــــرح الهوى ما يسترنه هــــدومي يظهر على صمتي.. ويــنزف مع الهمس وبدمعةٍ يفضح.. بقـــايـــــــــا عـلومي |
يـمـرّونـي ... مـثــل ريـحــة هَـلِــي .. وأتـلـحّـف عـيـونـي
أخــاف إن فتّـحـت عيـنـي .. يـفـز الـشــوق مـــن عـيـنـي وأنــا مـــا أحـتـمـل خـيـبـة عزيـزيـنـي عـلــى ظـنـونـي وهُــم أدري بـهـم مــا يـصـبـرون إن مـــا عـرفــوا ويـنــي |
ياخذكْ متسللة من سور نسياني عيا يموت الورق وين يحيا طيني ! شاعر تلبّسني الصبح وتنفسّني ياخوفي اني حزين ولا تمرّيني ! آآه من فجر ألم ادوّرك وينك ؟! همهمت ب الم وعد وتيّهت نصفيني ! مرّي على الشعر يا منّك تذكرّتي شوفيني اشلون احبك بيني وبيني ! |
ياجارة النبض لو "جوّاي" ماكفى
أكلت قلبي قبل يقتات "تخميني" يا طفلة الما تعبت اضيّمك واجفا وأرويك من ضيق صدري بعض "روتيني" سخيف هذا الزمان شلون ماقفّى ؟ الا ودمّي يشك ب أنزه سنيني ! البارحة ينفث الشبّااك للمنفى خذي يدين " الطفولة " واتركي فيني : هذا السهر: من اسولف قصة "المغفى" ينام باحضاني واغطيه "يديّني" |
يالصاحب اللي ماسأل في غيابه تبحر مراكب حسرتي في شواطيه لي خافق شتت أنين الربابة ياخي برحيلك خافقي وين أوديه؟ لي قلب مثل المرجلة في عتابة ان قال احبك اخضعي له وحبيه ويبقى غرامك ضيف ماطق بابه كل ما نعس حدب المحاني تقهويه |
هذآ الصحيـب اليـا حسبـت الاصآحيـب
اعتــزّ فـي شكلـه ، و جنسـه ، و نوعـه .. ! أحــلآ تحيّـآت .. و مـــوّده و تـرحــيــب ( مـن خـآطرٍ بآلحيـل يتنـا رجـوعـه ) .. ! خـلّك علـى خبـري كمـا نـآدر الطـيـب اليـا احرقتـه النـآر .. يزداد روعـه |
هذي حكاية قريتي ، رغم التعاسه يضحكون !! جيلٍ تبع جيل وبقى حبل السنين يتلها لاتسأليني ليمتى تبقى اجاباتي ظنون !! لاجيت احلحل عقدتي يصرخ زماني خلها |
أنت ِ عيونك سالفة ما اظنّ يكفيها عُمر ! |
رجعني لوقتي او رجع لي اوقاتي
عامين تنطرني وعامين ناطرها وتقبل الود والشكر وتحياتي ياساكن الروح والروح ومشاعرها |
الكرامه و الوفا كل الطموح لا نسيتي اذكري هالكلمتين جت من الله زين قلتيها بـ..روح كلمتك هذي أنا أنطرها سنين |
نظرت إلى الشعر: ماذا تريد؟
فقال: نعيد ليالي الشباب فقلت: ترى هل تفيد الأماني إذا ما ارتمت فوق صدر السراب؟ وساعة صفو سترحل عنا ونرجع يوما لدار العذاب |
بعثر على درب الاماني سنينه تضحك عليه بلاد ويلوذ ببلاد ليا ظمت ذكراه ..يمطر حنينه وتغرق ملامحهم ولاينقص عناد وين الامل..وين السعادة ووينه؟ يقوده الوقت الرمادي وينقاد |
دارٍٍ لهـا بالقلب عشــق وتـكاليف
يـاعـل عيـنٍٍ مـاهـوتها كـفيفه طـبنا وشـبنا وأتـعبتنا المشـاريف والمـرقب العـالي هبـوبه عـنيفه يا وارديـن العـد .. كفـّوا المغاريف اللـي بقـى دمـعٍ هـماجٍٍ ذريـفه |
هوجاس يقفي وهوجاس يجي مقبل اصبحت منجوم لا عارف ولا قادي الحزن بين الضلوع الاصعب الاسهل صعب تفاديه ولكن سهل يزدادي هم مسلح غزا خفاقي الاعزل وشلون أبرقد وهمي حارب ارقادي |
ياليل ياريف العيون المساهير
انا دخيلك لاجفى النوم عنها ما هوب ذنبي لاعصتني المقادير واصبح خفوقي للمصايب وطنها أحدن فراقه عن عيوني تباشير وحدن فراقه ياخذ الشوق منها |
الله أكبر دندن الفكر بالنغم الحزين القلم يرقص علىالحرف والقلب يعوي الهواجس ليلها ليل ، مير الله يعين أترقب طلعة الفجر والليل سروي من عيون الشعر خذت السمين من الثمين أتخير شامخ القاف وأحطه خوي |
ياعيـون الشـعـر هـلـي المـدامـع قصـيـد
وانظمـيـهـا قـلايــد فــــوق جــيــد الـمـهــاه? رصعـيـهـا ذهـــب والـمــاص تـــوه جـديــد مــن جـواهـر صدفـهـا غـالــي مـشـتـراه? واندبـي مـن سمـان الهـرج مقطـع فريـد إبـتـكـارات مـابـغـي مـــن قــديــم الــــرواه? هاتـي اعلـوم جزلـه وانتـخـي كــل جـيـد واتــركـــي كـــــل عــلـــم مـايــبــل الـشــفــاه? |
هالليل به مني وفاه وسماره وبه حزني اللي يطربه لحظة غناي جاتك وما جاتك فضا هالعباره بيت واحس اني نزعته من اقصاي لو كان في حزن الاوادم شطاره كان اشطر الشطار من " يعزف الناي " |
يا ليل خبرني عن أمر المعاناة
هي من صميم الذات ولا أجنبية هي هاجس يسهر عيـونـي ولا بات أو خفقة تجمح في قلبي عصـية اوهي صرخة تـمردت فوق الأصـــوات أو ونة وسـط الضمايـر خفـية |
هزيت بيبانه وصحيت الاهات وانهل دمع مابعمري ذخرته واخضرت غصون الحزن والمعاناة والصمت ليّل بالضلوع وسهرته كل اكثري تلعبّه الريح لاجات يامن يجمعني ليا من ذكرته |
هلت العين دمعه وانتثر فوق خدي
يوم شفت الكتاب وشفت هاك العلامه أزعج الصوت وأرجي عل خلي يردي ياحياة المولع و ياحياة الندامه ياحسين الدلال ويا مبيح بسدي رد قلبي نهبته من محاني عظامه اشهد اني عطيت والمقادير ضدي دوك قلبي من اسبابك رمنه سهامه عن جميع العذارى قلبي اليوم صدي ما يريد المعنى كود ظبي العدامه ودي اني قريب ٍ منك بالحيل ودي عل عين ٍ تودك تهتني بالمنامه |
هاك كل القصيد اخذه مثل ماتبي
والله اني اغبط الخاطر المستريح كيف لاجيت بكتب أحترق بلهبي شمعة ماتحس بعمرها من تسيح كل شاعر ترى لو هو تشاطر غبي يطرب الناس شعره وهو جروحه تصيح |
حشّمت راسه عن حديث الطماني وعزيت شانه يوم غيري تبلاّاه مرات احس الشعر غلطة زماني وإن غاب لجّت هالحنايا تبي ماه لولاه قلّي وين ابلقى الأماني بالله قلّي ويش أنا اليوم لولاه ؟ بي جرح لامنه براني براني يحطب أمل صبري من اقصاه لاقصاه |
هلا هلا ياجرح دقيت بابي
تفضل ومامن غريبين يمّي هذي تناهيدي وهذا عذابي والشايب اللي مرتكي ذاك همي |
ياهمي الي لو يزول العمر كله مايزول ياقرب من الي في يدي وابعد علي من السحاب ياصيف عمري ياربيع العمر ياغلى الفصول يافرحتي ياسلوت الايام يانواع العذاب |
بدلي الرمل بأمواج البحر
واتبعي الغيم تحملك الرياح سافري لين تبكين المطر واضحكي لين ما يضيق البراح ولا تعبتي وحسيتي بضجر خلي الشوق لديارك جناح أرجعي في ابتساماتك عذر مثل ما الدمع في عيني سماح انتي العين من طول النظر وانتي القلب من كثر الجراح |
حَقّاً؟ خُذيني .../ حوضُ أحزانٍ وماءُ اللّيلِ/غُصْنا واقتسمنا قمرَ الماء، يقيناً تحلم النّجمةُ أن تسكنَ بيتاً مِن قَصَبْ. |
| الساعة الآن 11:39 PM. |
Powered by vBulletin® Version 3.8.9
Copyright ©2000 - 2025, Jelsoft Enterprises Ltd.