|
كنا بعيدين ...وكنا وحيدين
كل واحد منا بمكان نحلم بيوم يجمعنا نحلم وما فيه شي بيدنا الشكوى سلوتنا والاماني رفيقتنا والاحلام لاتزال احلام وهي الوحيده الي تجمعنا محمد |
إذا عين بكت فرقا .. وعين بدمعها شرقا عرفت إنا بشر لازم نذوق الحب ونعاني ابي لفتة نظر منك تشافي روحي الحرقا تهون سفرتك هذه .. إذا ممكن على شاني وإذا أنت معزم تسافر .. دخيل عيونك الزرقاء ابي تنسى تحب غيري وتنسى انك تناساني لان الوقت يجمعنا وتالي جمعته فرقا ومثل ماحنا تفارقنا أكيد بنجتمع ثاني |
يجمعنا الوقت ويفرقنا ونبدا نعاني
وكفوفنامن دموع العين تسيل غرقا كذا حنا بشر... والبشر دوم اناني لـ فقد شي يحبه ما يطيق الفرقا جربت انزل عن طبع البشرواتحداني غصبا علي لقيتنى على طبع البشرارقا لاتروح خلك مع انسان عيني انسان ثاني ان غربت معي غرب او شرقت شرقا كذا حنا بشر نحلم ونتمنى الاماني وكذا حنا نموت والاماني بعيوننا غرقا محمد |
أنت اللقا دام المخاليق فرقا وأنت النفس وألا أطيب الناس كتمه يانازل ٍ للزين والكل يرقا وجنات ظلك جنبها النور عتمه والحفل عينك والمعازيم غرقا ولحن الزمن غيرت عزفه ورتمه خلّ القلوب تموت بالشوق حرقا والشوف لامن غبت خلّه ليتمه |
هذي وصية محب...؟ والا وصية الفرقا
وانا من الثنتين تصيبني ياصاحبي كتمه كل مانزل هم... هم جديد على الاكتاف يرقا وانا في ظل فرقاك عايش بليل وعتمه واشرب جفاف الوصل والمواعيد غرقا واطرب لعزف صوتك لولا اختلاف رتمه يموت الشوق في قلوب اهل الشوق حرقا لـ صاح اليتيم وبان في عينه حزنه ويتمه محمد |
هو ليه؟ كثر الحكي والهرج والقرقا وانا ادري بحبها وادري تدانيني ! يالله انا طالبك لا طرّت الفرقا اموت من قبل لاتروح وتخليني !! |
ياكثر هرج الناس الي بلامعنى
ماهمني... لوكلن حكى فيني دام انا وصويحبي لهرجهم ماسمعنا يبطون مافرقو بينه وبيني |
يا سعود فنجالٍ بلا هيل مابيه وبيتٍ بلا زوار ما فاح ندّه ياسعود مابه صافي الاّ ويغثيه هرج الحسود اللي عن العز لدّه لو قال لك عن صاحبك فيه مافيه باب الكلام اللي يجي معه سدّه |
هيل وبن وليل وناريكسر سناها برده
وخوة لوصحت باصغرهم جاوبك لبيه يسولف عن فعول ابوه وعمه وجده وخاله الى عليه اول عياله مسميه على الود وهبة الريح كلن يمد يده ساعة صفى تسوى زمن بايامه ولياليه محمد |
هيلت فنجال الكرامه وقهويت أرقى الصعاب وكيف لا صار سهلا لا تعتذر ما همني كانك أقفيت بأستقبل إفراقك بأهلاً وسهلا |
| الساعة الآن 05:53 PM. |
Powered by vBulletin® Version 3.8.9
Copyright ©2000 - 2025, Jelsoft Enterprises Ltd.