منتديات أعز الناس

منتديات أعز الناس (https://a3zz.net/index.php)
-   من أشعاري (https://a3zz.net/forumdisplay.php?f=111)
-   -   سجال الشعر والمشاعر (https://a3zz.net/showthread.php?t=12618)

مجبورة 11-06-2016 11:05 PM




هلا بالجرح لا اقبلتي هلابه لا نوى المسرا
هلا به بكل وقت وحين هلابه لاغدى بالحال

ربيت اشتاق لجروحك بشوق الحب للعذرا
وصرت المذنب الابرا بحكم الوقت والاهوال

كبرت وجرحك الاول نزيفن جاري الذكرى
ياكيف انسى سواتك بي وسنين انقضت غربال







محمدبن عبدالعزيز 11-07-2016 12:46 AM

لا باس .. ياضايق من الهم لا باس ..
تعوذ من الـ آهـ .. وأقبل لـ ربك ..

أثلج حرارة صدرك بـ سورة الناس ..
لو ابتلوك الناس .. ربك يحبك .

مجبورة 11-07-2016 01:03 AM


كيف الهروبُ ، و ما وجدت مرافئي
إلا بعينك حين ضنَّ زماني
كيف الهروب و انت تسبحُ في دمي
و تعودُ مشتاقاً إلى شطآني



محمدبن عبدالعزيز 11-07-2016 05:44 AM

يامن يفكر فى صمت ويتركنى
فى البحرأرفع مرساتى والقيها
كفاك تلعب دور العاشقين معى
وتنتقى كلمات لست تعنيها
كم اخترعت مكاتيب سترسلها
واسعدتنى ورودا سوف تهديها

مجبورة 11-07-2016 01:53 PM



الفِكرُ حَبلٌ، متى يُمسَكْ على طرَفٍ
منه، يُنَطْ بالثّرَيّا ذلكَ الطّرَفُ

والعقلُ كالبحر، ما غِيضَتْ غَوارِبُهُ
شيئاً، ومنهُ بَنُو الأيّامِ تَغترِف

أبني بجهليَ داراً، لستُ مالِكَها،
أُقيمُ فيها قَليلاً، ثمّ أنصرِف





محمدبن عبدالعزيز 11-07-2016 03:54 PM

فجرت دمع عيني على حبر وورق
وذاب شطر الغلا ياصاحبي وينه

الشوق ياعشيري هد حيلي وسرق
النوم من عيني ورجوى سنينه

الحزن طاويني والأمل فيني غرق
ماعاد الحيل ياصاحبي يقوى حنينه

مجبورة 11-07-2016 07:26 PM


هذي حروفي في دروب المحبين
جاتك وترها من خفوقي جلايد
لله تبقى ياسميي وبيحين
وقت الفرج بيحين دوك الوكايد





محمدبن عبدالعزيز 11-07-2016 08:17 PM

دام الليالي طيبها كف مبتور
يا كيف قلبي ينتظر زود صبره
يمكن لاني كنت ما طاوع الشور
اليوم كسري صعب طبه وجبره

مجبورة 11-07-2016 09:54 PM



هانت هموم الموقف اللي صار
ساعة نظرت لموقف الشعّار
أهل الجزيل اللي خبرنا رنّته
رنّة ذهب من غالي الأسعار
نبع القصيد متوّجين افكارهم
تتويجٍ حاكم مملكه و اقطار






محمدبن عبدالعزيز 11-08-2016 03:23 AM

راحت بي أفكاري بعيدٍ وجــت بــــي
وأهداب عينـي في دموعـي غريقــــة



أكتـب وتقرأ ريشـة العــود كتبــــــي
شعري سلس ينساب على السليقــــة


مشاعري يا شوق يمّك جرت بـــــي
من مرهـف إحساسي بيوتٍ رقيقــــة

مجبورة 11-08-2016 06:48 AM


هذا جريحن يطرب الليل ونّين
وهذا تعيسن يرتجيله سعايد
وذاك يبكي فرقى خله بتدوين
دمعه على كراس شوق القلايد



محمدبن عبدالعزيز 11-08-2016 03:38 PM

دامني واثق والنوايا نظيفه..
ماهمني ناس ظلمتني وسبت..

اللي يبي يغتاب يغتاب بكيفه..
ماني مربي لي بشر ماتربت!

مجبورة 11-08-2016 04:16 PM



تخيرت النوايا البيض والنوماس
وسألت الله يعطيني على فالي
اليا شفت الغنيّ وشفت فقر الراس
حمدت الله ربّي ... ياكثر مالي


محمدبن عبدالعزيز 11-08-2016 04:37 PM

يخَونْ البَرد ,، وتتجمد أحآسيسَ البَشر أوقآتْ ..!
وَ أنا أوقآتْ : أتجَمد وَلــآ أدريْ خَآننيْ برَديْ ..!

كثَيِر الصَد يكسَرنيْ ..وَ يِجَرحْ عَبرتيِ بِسَكآتْ ,،
و َأنآ بِسَكآتْ أتَصدد أحَسِبْ إِنْ العَمرَ يمديْ ..!

مجبورة 11-08-2016 04:56 PM



ياجدار مخطي من يقول إنك (جدار)
ماقدرك من لا عرف قيمتك وأنت
صدر الرفيق الممتلي حزن وأسرار
ب حروف من فضل على الخلق الأسمنت
قدامك أشعر بالفضاء خلفي (أسوار)
تسجني إن خنت الرتابه وأنا خنت





محمدبن عبدالعزيز 11-08-2016 08:39 PM

تايه ولا يعرف طريقه الى الان
يمشي ويسأل هالزمن عن جهاته ؟

وتمره أحلامه سريعات وسمان
والغيم فوقه مندهش من ثباته..!

ان طاح حلمه صارت آماله أركان
وإن غاب شوفه .صارت أرضه عصاته

مجبورة 11-08-2016 10:45 PM


هين مردك للفرج يأكبر الضيق
دام الليالي تقتفيها ليالي
هي بس تبغى طول صبر وتوافيق
وأشيل هم الناس كله لحالي
وعمر المربط مايسوق المطاليق
والحر ماترضيه غير المعالي







محمدبن عبدالعزيز 11-08-2016 11:04 PM

ياما سقت صحرا الظما ناس وذود
واللي على ساقيك تذبح جريده

مسكين من يمشي على درب مسدود
عايش على رجوى اماني بعيده

مجبورة 11-09-2016 12:07 AM


هذي أحوالي وذا وضعي وجيتك يا صبي
أشكى وأسوق العذر وأقبل ما تقوله إنما
لايضيق بي مذهبك تكفى وإنت خابر مذهبي
ماضاق لو ضاقت علي الأرض وأبراج السما
ولازم تعرف إنك ولو ماجيت من أمي وأبي
محسوب أقرب بالغلا من جملة أخوان الدما



محمدبن عبدالعزيز 11-09-2016 03:27 AM

أخوي يا اللي ما أنجبته أمي ولا جابه أبي
لكنه أقرب بالغلا من جملة إخوان الدما
لو إن بني عمي يحسبونك حساب الأجنبي
أنا أشهد إنك بين أبوي وبين جدي كلما
تبصرت نفسي بفعلك قلت يا دين النبي
أنا أشهد إن جدّك زعيم ومن سلالات زعما

مجبورة 11-09-2016 06:03 AM


أقرأ ضياعي وأكتبه من منكبي لمنكبي

وأرد وأمسح ماكتبته وأتجاهل طالما





محمدبن عبدالعزيز 11-09-2016 10:43 AM

اكتبك و اترجم احساسي قصيد
و كل من يقرا قصيدي تاق لي

و انت تقرا لي و لكن من بعيد
كيف تقرا لي و لا تشتـــــاق لي

تحت الظل 11-09-2016 11:06 AM

أنا ما نيب لا مشرك ولا فاسق ولا عربيد
أنا اللي لا عصى وأخطأ تجهم وأقلقه ثوبه

أنا اللي يرتجف مثل ارتجاف الخايف الرعديد
إذا شاف القبور الضيقات وحس بذنوبه

أنا عبدك ولد عبدك وجدّاني هل التوحيد
خطاياي أخجلتني يالله الغفران والتوبه

أنا الإنسان حمّال النقايض والكمد والكيد
غريق النفس واللذات من راسه لعرقوبه

أنا عبدك يا ربي وأنت تفعل ما تشاء وتريد
سألتك يالله العفو العظيم وهيّن دروبه

تحت الظل 11-09-2016 11:14 AM

يا ربِّي يا وافي العطا
جنبني ادروب الخطا ..
و اغسلني بـ " ثلج " العفو
و البسني من سترك غطا

مجبورة 11-09-2016 11:52 AM



انا ما اعبد وجيه الناس ماني للعرب محكوم
أقيسها وانا ابخص في مرارتها وحاليها
وانا مخلوق ماني في الحياة من الخطا معصوم
عسى الله ما يواخذني بغلطاتي ويحصيها
وبختمها بذكر الله عدد ما فات ليل ويوم
علينا حق ذكره باول الكلمة وتاليها





نفسي عزيزة 11-09-2016 10:09 PM


اقسى من الفقد الطويل ؛ الانتظار

واقسى من الثنتين ؛ " فقدان الأمل ..!

محمدبن عبدالعزيز 11-10-2016 12:19 AM

لــــو أمدح الدنيآ على طول الآيآم
مآألحق جزآهآ يوم جآدت بشروآك
__________________

نفسي عزيزة 11-11-2016 09:19 AM

كان يعني لي كثيـر . وصـار واحـد
وش أسوي بالعظيم إن صار عادي .!

مجبورة 11-12-2016 04:51 AM


‎يعني إعتذاري وش يفيد؟إن تعذرت
‎سؤال أعلق عتمة الروح ضوه

أجير واكسر وانجبر..لا..تكسرت
‎وبيني وبيني ألف هوه..وهوه





محمدبن عبدالعزيز 11-12-2016 06:25 PM

هذا الزمن يبغاله .. لسان دلاّل .. !!
من يستحي هالوقت .. واعزتي له

وقتٍ به ( الراعي ) غدى .. راعي دلال
كلٍ على طاريه .. ينفض شليله ..!!

تحت الظل 11-13-2016 05:32 AM

هنا لـ الصمت صوت و حضن و أنفاس و عيون و روح
هِنآ للحكي نبض وجل / هِنآ لـلصدر تنهيدَه

هِنآ يآحضرة آلگرسيُ تموت قلوبٍ .. و تحيآ جروحٍ ..!
.... و لآتبرح مگآنگ لو يعيد آلحزن بگ عيدَه ..

محمدبن عبدالعزيز 11-13-2016 08:35 PM

هنا برد .. ولبس صدر السما هالليل ..
هنا الأشياء تتعاتب .. مع الأشياء !

هنا ضوضاء محتاجة هدوئي حيل ..
هدوئي لازم يشتت بعض ضوضاء !

هما عتمة .. وأنا في داخلي قنديل
أنا عتمة .. ومن حولي كثير أضواء !

مجبورة 11-14-2016 05:15 AM



الليل دمعة غريب ولهفة منادي
والفجر قدسية المنفي وتعظيمة
والحزن ذود بدوي(ن) والتعب وادي
والروح سدرة تخطفها مجاهيمة
والقلب لا شرعوا باب السهر غادي
قنديل قرم(ن) معلق في نحر خيمة

محمدبن عبدالعزيز 11-14-2016 06:09 AM

هذا الزمن مليان ..
ما اكثر دراويشه ..
في هالزمن خسران ..
من دور العيشة
وفي هالزمن كسبان ..
من باع تحشيشة
وش قيمة الانسان .. ؟
لا طال تهميشه ..

مجبورة 11-17-2016 11:56 PM



هذا الوجع في يباس الروح مستشري
هذا الندم من متى ما زار هقواتي ؟
راحت وجات المشاعر .. قدري
صبري وانتي تقولين : لا راحت ولا جاتي
علقتي الروح يوم انك على خبري
مابين الاحيا الصحاح وبين الامواتي



محمدبن عبدالعزيز 11-18-2016 03:42 AM

ياصاحبي من ذا الشجر خذ حكمة الصمت الحكيم
رغم الرياح ( تطعنه ) يبقى بهامه شاهقه

تبقى الحياه بمرها حلوه مدام الله كريم
قم نفض غبار الحزن .. عن خافقك لا يخنقه

مجبورة 11-18-2016 06:14 AM


هلابك..كثر ماغرد على غصن الشجر عصفور
وكثر..حبك بوسط أنفاس روحي ونبض شرياني
هلابك..كثر..ماهليت بك من مرقبي مسرور
وكثر..منهو سجع صوته بعالي الرجم طرباني
هلابك..كثر ماهل المطر وشرق شعاع النور
وكثر..منهو فهيمٍ.. يعرف الهادم من الباني





محمدبن عبدالعزيز 11-18-2016 06:25 AM

يامـرحـبـا ترحـيـبـه الـبــدو بـالـسـيـل
ليا حدرعقب الدهر وموت الاشجار

اقلـط عـلـى دلال تبـهـر مــن الهـيـل
واقدع من الصفري وقرب من النار

وعطنـي علومـك يانـجـم بالتفاصـيـل
وأنسـى همومـك والزمـن دوم جبـار

نفسي عزيزة 11-18-2016 09:14 AM

رزقي على اللي ما يمن العطايّا

وش عاد لو خابت مع الوقت الأحلام

مجبورة 11-18-2016 10:50 AM



ماينحسب عمر البنادم بالأعوام
بعض السنين نعيش فيها ليالي





الساعة الآن 03:16 PM.

Powered by vBulletin® Version 3.8.9
Copyright ©2000 - 2025, Jelsoft Enterprises Ltd.

Ads Management Version 3.0.1 by Saeed Al-Atwi

HêĽм √ 3.2 OPS BY: ! ωαнαм ! ©, Soft
.