|
صحيح طاحت دمعتي بس عذري
إن الدموع تقول لي سرك ف بير ناديت صبري قلت محتاج صبري محتاج لك جاوبني : وخير يا طير ما عاد اشوف بهالزمن شي يغري طاحت سنينه فوق روس المناعير والبسمة اللي بعض الاحيان تسري فوق الشفايف صدقها فيه تزوير أعيتني الضيقة وسلمتها امري يمكنها تقصر علي المشاوير يا ليتني عن مقبل ايامي ادري أو ليتني أو ليتني توي صغير زايد الرويس |
من متى والغصن يختار الطيور
من متى والبال يختار الطوارى لاتسمى صمتى البارح غرور انكسارى خلف هالصمت متوارى فى غياب الشمس وش ذنب الزهور؟ والمطر لاشح وش ذنب الصحارى ؟ اللقا لحظات والغيبه شهور تقصر الخطوات ويطول إنتظارى لو قريت المنكتب وسط السطور ماكتبت لغلطة العمر إعتذارى متعب التركي |
لأنك الله .. لا خوفٌ .. ولا قلقُ “
ولا غروبٌ .. ولا ليلٌ .. ولا شفقُ لأنك الله .. أحلامي مبللةٌ ببهجةِ الصبحِ .. يسقيها فتنبثقُ لأنك الله .. قلبي كله أملُ لأنك الله .. روحي ملؤها الألقُ هذي أزاهير حقلي منذ أن عرفت جلال وصفك .. روى حسنها العبقُ لأنك الله .. أنوار الرضا أبدٌ النور درب .. وأيام .. ومفترقُ لمّا عرفتك .. صار الحب أشرعتي أمضي وحيدا .. وعباد الهوى غرقوا لأنك الله .. دمعي بات نافذتي نحو السماوات .. أبكي .. ثم أنطلقُ لولا جلالك يا الله بعثرني في لجّة العمر .. ليل .. نبضه رهقُ لأنك الله .. أبفى مورقاً أبداً كم نبتة خانها في عمرها الورقُ لأنك الله .. لا صحراء تسحقني أمضي .. وفوق ظلالـي يمطر الودقُ لأنك الله .. لا تهتز أوردتي لأنك الله .. أشباح الرؤى مزقُ لأنك الله .. لن أختار لي ملكاً *” أنت العظيم الذي في مُلكه أثقُ علي الفيفي |
_
احمد الصانع دارت الدنيا وتبيني [ أذكرك ] !! شفت منّكـ خير لأجل أتذكرهـ ؟؟ إكتب الشطر الأخير بـ دفتركـ ،, القلوب البيض .. جداً نادرهـ ! |
( غبن )
عمر الجروح بيوم .. ماكانت الورد .. وعمر الذي في النار .. ماحس بالبرد .. الورد ينزف شذا .. والجرح ينزف دم .. ومابين هذا .. وذا .. شوف المسافه كم ..؟!! ........... صار اصبعي ريشه صار القلم فرد ومشرد حروفي .. ترعى مضارب جرد بعض القصايد غذا وبعض القصايد سم والبعض الاخر كذا ( صرخه بليا فم ) .. !! الحميدي الثقفي |
ومرّينا على البيت القديم وبابها مقفول
انا والليل وجروح السنين وطوّل وقوفي روت عيني من غيوم الظلام ونورها المقتول وانا وإن قمت ابسند شمسها طاحت بها كتوفي رقيت اطول همومي لين شفته بالحشا مذلول وابرقا لا دريت ان السما تتشوّق لنوفي وفي ارض المحال الممحله ما ينبت المعقول وانا راعي مشاعر والهموم تنام في جوفي انا ما جيت ابعدل منعوج جيت اعوج المعدول واشب النار بأطراف القصايد واشهر سيوفي الا يا جرح يا جرح القصيدة والظما مبلول عجز فيك الكلام وكذبتي ما تستر حلوفي سعد حريص |
يالله تعـديـهـا عـلــى خــيــر وتـصـيــب
مـــن حـدنــى اكـتــب خـمـالـه وعـيـبــه يبغـي الصـراحـه مابـهـا شــك او ريــب اقـولــهــا والــنـــاس كـــــل ٍ وطـيــبــه الــحــر مــــا يـنـفــع بـلـيــا مـخـالـيــب والـعـقــل لـلــرجــال زيــنـــه وهـيــبــه والسـالـفـه مـاهــى بـلـحـيـه مـواجـيــب كـــل ٍعــلــى طـبـعــه يـجـيـبـه حـلـيـبـه بـعــض المـنـابـت للـمـراجـل عـذاريــب وبـعـض المـنـابـت للـمـراجـل خصـيـبـه رجــل ٍ يـبـي طـاريـه عـنــد الاشـانـيـب ورجــل ٍ يـبـي طـاريــه عـنــد الحبـيـبـه ورجــل ٍ يــودي بالسـوالـيـف ويـجـيـب ورجــــل ٍ سـوالـيـفـه لـفـعـلـه تـجـيـبــه مشعل دهيم |
تخيل أن الله بغى وشاء القدر هو والظروف
وقال القدر أختار أما في نظرك أو مسمعك يعني اذا أخترت النظر كن الحكي ماله حروف ولا اذا اخترت السمع أسمع ولاكني معك ماأقدر اشوفك ما أسمعك ولا أسمعك من دون اشوف يا أسمعك وانا أشوفك أو اشوفك وانا أسمعك النعمتين مكمله فرحه لقاء أغلى هنوف شوفك وصوتك مطمعي قبل أعرف وش مطمعك وجدي وجد أللي اخيه بتالي القوم محذوف عليك قبل أوادعك واكف باقي مدمعك من الغلا في ذمتي أن كنك في ذا القلب مغروف شفت البحر مثل البحر ماهوب حولي اجمعك حمدان المري |
يطري عليه الوله وأطري على باله
يامرحبا لاضوى خلي على بابي هجيت حدب الضلوع ونوخ جماله لاجله بكت دمعتي ولأجله ضحك نابي وكل ما ضحك لي لمحت النور في آماله والى تجهم سترت السقم بثيابي وكل ما شكى من عنى همه وغرباله أقول لعل به جرح من أسبابي طال الحكي ما لقيت الوصل بوصاله لاني حبيبه ولا هو أقرب اصحابي ناديت طاري المحبه مالنا وماله بالحيل أنا وانت ربع وكننا أغرابي يا زين كانك حزين فحالتي حاله بكفيك همك وأنا بصبر على مابي لو الشجر له نصيب في بارد ظلاله ماحرق القيض جفني وأنت ف أهدابي البدر ,’ |
قالوا وحيد وقلت ماعندي اوناس
وقالوا غريب وقلت بأرض بعيدة ابعدت مابي شوف ناس من الناس بعدت عن بعض الملا وتعديده مطاوع قلبي على كل الأجناس والبعد عن شوف المكاره يفيده اخترت بعد الدار عن قرب الانجاس عن دارهم نلقى ديار جديدة في وسط نجد اتبع هوا كل نسناس واطرب لشوف طيورها وتغريده اعشق ليالي نجد لو انها ادماس وايامها عندي جنان سعيدة محمد السديري |
تعبـت اقـول لضيقتـي سهـود ومهـود
----------الـيـا مـتـى هالـعـذر بيـكـون عــذري البـارحـة يــوم اكـثـر الـعـالـم رقـــود ----------عادت علـي اللـي تجـي منيـن مـدري الضيـقـة الـلـي كــل مـاراحـت تـعـود ----------مكـانـهـا مـابـيـن قـلـبــي وصــــدري نـاسٍ تنـام مدهـنـة فــي دهــن عــود ----------ونـاسٍ تـنـام مدهـنـة بـزيـت مـقـري لاواهـنـي الـلـي حـلالـة مــن الـــذود ----------تسعيـن وضحـى كـل ماضـاق يسـري يـســج مـعـهـا كـــل مـاهـبـت الـنــود ----------يتبع مسيـل السيـل فـي القـاع يجـري ماهوب مثلي من اقرب الناس مجحود ----------الله يسـامـح مـــن طـعـنـي بـظـهـري مـن راح ماكنـه علـى القـاع مـوجـود ----------مـايـدري انــه اول اسـبـاب كـســري كـل ماطرالـي قلـت مــن قـلـت الـفـود ----------يالـيـت منـهـو راح مـاعــاد يـطــري لـو تستحـي مـن فعلهـا ايامـي السـود ----------كان استحت مبطـي ولا طـال صبـري قـدمـت بالـمـوجـود لـخـاطـر الـجــود ----------لـيـن التـفـت ولابـقـى شــي حـــدري عطيت من عمـري ولا شفـت مـردود ----------يالـلأسـف للـنـاس ضيـعـت عـمــري واذا افرحوا واجد علـى طيحـة العـود ----------هــذا دلـيـل انــه فـعـل شــي يـغــري بوقـف لحالـي واتبـع الطيـب والـزود ----------اشـره علـي ان صغـر الوقـت كـبـري مانـي علـى بعـض المخاليـق مـحـدود ----------امـــوت مـانـزَلـت لـلـنــاس قــــدري |
تعبت أكذب على نفسي وأردد لأجلها : لا باس
تعبت أستنطق حظوظي .. عبث هذا المدى كله ! عبث هذا المدى ليلٍ أحس إنه عديم إحساس تضايق مثل صدرٍ ضاق حتى مات من غلّه يقولون السجن : غرفة وباب وثرثرة حراس وعمرٍ من ملل وأحلام مخنوقة ومعتلّة وأنا سجني ضلوع الصدر وإنسَ أصحابي الجلاس وحيد والندم شخصِ يمون أكثر من الشلّة ! أحس إن الندم شيخٍ عزيزٍ ما إنحنى له راس تعوّد يتبع المذنب بتالي الليل ويذله لك الله يالشعور اللي غدا للصادقين لباس مصيبة لاعتبرنا الصدق في هذا الزمن زلة تعبت أكذب على نفسي وأردد لأجلها : لا باس تعبت أستنطق حظوظي .. عبث هذا المدى كله ! محمد الاسمري |
ارسلت لك :"خيّب غيابك يقيني"
...........ارسلت لي: "هذا الهوى \ متعب و شاق" : : ومدري ضميره هالسهر محتويني ...........أو هو ضميرك صاحبي مابعد فاق بكره تجيني! ... أيّ بكره تجيني؟؟ ...........لو للمدى رجليـن.. مـ التفت الساق يلعنــك ياحظ الدبـل فــي يديــني ........... كنك جناح الطير عـ الصد تواق وانا جناحي... ذابــل بمعصميني ...........لا حـافل برجوى ولا طايق فراق شي ٍٍ مبعـثـر بيـن بعضي وبيـني ...........وانا ارتبـْـني عُمُر ... بس ماراق ماعاد ابيني بس قول انت ويني؟ ...........او أيّنا اللي من سواليـفنا ضاق؟؟ ياني كرهتك \ بـــس باقي بعيني ...........ياني احبـك \ بـــس ماعاد تنطاق ياني من الثنـتـين ينـْدي جبيــني ...........ياني بـهالقلبين محــروقه احراق (حنـّا) تـجـَـمْعــنا .. أبيك .. وتبيني ...........وما جمعّتنا غير (حنـّا) والأوراق ريح المطر |
عاشق بداوه بس ما عندي نياق
ما عندي الا ذيب الايام عاوي وبرد الشتا قاسي وانا بيتي رواق ما بين متردد وما بين ناوي واقف على حد الأمل تحت الآفاق اقتل ملامح حيرتي بالرجاوي وامنع بصبري دمعة الياس تنساق عطشان بس اقول للناس راوي كيف الورق يروى على يابس الساق؟ ارقد وأنا بطني من الجوع خاوي واقول في الاشراق تقسيم الارزاق واعيش لجلك في الصحاري خلاوي مابه شجر ولا مطر بس براق عبدالله عبيان |
الله من هــم بروحي ســـهجها
بخافى ضميرى فـى كنين الحشا لاج احـر من نار تواقــد وهـــجها منها خطر روحـى على ســلك ديباج وعين عسى المولى يعجل فـرجها يفوح ناظرهـا كما عــين هــداج استرسلت للدمع من ما رهـــجها غـــيظ يكظ عبارها مثل الامـواج كـــم واحــد له غاية ما هرجها يكنها لو هو للادنـين محــتاج يخاف من عــوجا طــوال عوجها هــرجـة قـفا يركض بها كل هـراج يقضب عـليك المخطيه من حججها حلو نباه وقلبه اسود من الصـاج الله خلق دنيا وسـاع فجــجها وعن ما يريب القلب لك كم منهاج والرجل وان شـطت لياليك سجها عســى تواليها تبشــر بالافـراج محمد السديري |
ابعتذر ... عن كل شيء ...
إلا الهوى .. ما للهوى عندي عذر .. ابعتذر .. عن أي شي .. إلا الجراح .. ما للجراح إلا الصبر .. إن ضايقك اني على بابك أمرّ ... ليلة ألم ... واني على دربك مشيت عمري وأنا قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... ا تصدقي ... ما اخترت أنا أحبك ... ما احدٍ يحب اللي يبي ... سكنتي جروحي غصب ... ياحبي المرّ ... العذب ... ليت الهوى وانتي ... كذب ... كان اعتذر لك عن هواي ... ما أقول أنا ... كوني معاي ... ان ضايقك اني على بابك أمرّ ... ليلة ألم ... واني على دربك مشيت عمري وأنا ... قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... الله كريم .. حبك ... يكون ... همي القديم ... وجرحي القديم ... والله عليم ... يا أحلى العيون ... ان الفراق ... جزا الفراق ... ابوعدك ... كان الطريق بيبعدك ... بامشي الطريق ... وكان الجحود بيسعدك ... مالي رفيق ... ابجمع أوراق السنين ... وأودعك ... كان الفراق اللي تبين ... الله معك . البدر |
يا الله عفوك يوم تصفية الحساب
،،،، يومٍ حصاد لما زرعنا في السنين يوم الحشر قرب ولا معنا زهاب ،،،، اليوم في الدنيا وبكره راحلين نجني ذنوب ونرتجي عفو وثواب ،،،، وعلى نصر ربي لنا مستعجلين تدرون ليه آمالنا كنها سراب؟ ،،،، تدرون ليه النصر سيف الأولين؟ الأولين أعمالهم وفق الكتاب ،،،، قاموا عليه وباعوا الدنيا بدين وحنا غفلنا بين ما لذ وطاب ،،،، والنصر سيفٍ ما يسله غافلين بن فطيس |
ودنا بالطيب لكن الدهر جحاد طيب
كل ما تخلص مع الناس كنك تغشها يدك لامدت وفاء لاتحرى وش تجيب كان جاتك سالمه حب يدك وخشها كل ماشبيت نار المحبه مع حبيب قام يسحل في مشاهيبها ويرشها وكل ما واجهت لك فالزمن وجه غريب مثل ماقال المثل دام تمشي مشها وذمةٍ ماهيب تندار للحق المصيب جعل قشاش الحطب لاسرح يقتشها المغفور له باذن الله سعد بن جدلان الاكلبي |
الصمت حكمه والكلام اكثر من الـلازم غبـا
ما دام فالدنيـا مواقـف مـا يعبّرهـا كـلام وانا اشهد اني مندفع من يـوم خفاقـي حبـا الين لحّقني مع العالـم ومـع نفسـي مـلام قمة غبائي يوم اردد (وصـل السيـل الزبـا) واهد مرقب هيبتي وابني من أنقاضي غـرام لا والله الا فـي أمـان الله والعشـق يهبـا ولا ينقّص من روافـد عزّتـي ملـي جـرام يعني على ما اظن يابلقيس مالـي فـي سبـا وانتي على درب اليمن وانا نويت الدرب شام ما اظن يبقى للمحبه بيـن شخصيـن غربـا الا مشاعيب السهر تضرب على راس المنام وانا عطيتك علم بيّن يـوم قلتـي وش تبـا ساعة تربّعتي على عرش المحبـه والهيـام فيصل السواط |
يالضلوع اللي على قلبي تواما ريحيني ماحصل مني خطيه
الخطا والله في حق النشاما الرجال أهل الشدايد والحميه الخوي منهم يضيق ولا يناما لين يدري وش بلا ضيقة خويه تقعد الدنيا وتقوم ولا يضاما واحدٍ منهم وشمس الكون حيه مثلهم يشري عزيزين المقاما مثلهم يفدى لو العمر الفديه والا ذاك ان شاع ذكره وان تساما والله اني خابره راعي رديه ذاك ياما شلت زلاته وياما قلت: عادي حتى لو يخطي عليه صاحب وحقه على مثلي الاما ضاقت ايدينه فزعت له بيديه كانت جروحي من طعونه تداما وكنت أحمل نفسي حمولٍ قويه لين شفت العمر قدامه ترامى وصد عني مانشدني ويش فيه؟ يحسبني باتجاهل واتعاما مادرى اني حافظٍ ذيك الوصيه يوم ابوي يقول والعالم نياما ساعةٍ فيها المواجع سرمديه ياعيالي حتى لو صرتوا يتاما المعزه تورث النفس الغنيه يالله اجعل منزله برد وسلاما واجعله في عدن يارب البريه يوم راح وهرجته فيّه تناما يوم مات وذمته كانت بريّه فهد المساعد |
يطري عليه الوله وأطري على باله
يامرحبا لاضوى خلي على بابي هجيت حدب الضلوع ونوخ جماله لاجله بكت دمعتي ولأجله ضحك نابي وكل ما ضحك لي لمحت النور في آماله والى تجهم سترت السقم بثيابي وكل ما شكى من عنى همه وغرباله أقول لعل به جرح من أسبابي طال الحكي ما لقيت الوصل بوصاله لاني حبيبه ولا هو أقرب اصحابي ناديت طاري المحبه مالنا وماله بالحيل أنا وانت ربع وكننا أغرابي يا زين كانك حزين فحالتي حاله بكفيك همك وأنا بصبر على مابي لو الشجر له نصيب في بارد ظلاله ماحرق القيض جفني وأنت ف أهدابي البدر |
قالوا: وحيد وقلت: ما عندي أوناس
قالوا: غريب وقلت: بأرضٍ بعيده أبعدت مابي شوف ناس ٍ من الناس أبعدت عن بعض الملا وتعديده مطاوع ٍ قلبي على كل الأجناس والبعد عن شوف المكاره يفيده اخترت بعد الدار عن قرب الأنجاس عن دارهم نلقى ديار ٍ جديده محمد الاحمد السديري |
ولّ من ليلي اللي ضقت من طوله
وش بلا الصبح ما يشفق على حالي وين محبوبي اللي لا طرى زوله جاب فيني قديم الشوق والتالي قد هجرت القصيد.. وقلت: وشوله .. .. أكتبه .. قبل يعرفني و يقرالي ويوم هو جا لنار الحب برجوله؟؟ الله يعين من حطيتـــه فـ بالي صاحبي كل من في الأرض فزوله كيف اجل ما يفز الشعر للغالي وكانني ما كتبته فيه .. ما اقوله فدوة ٍ له جديدي .. لو غدى بالي عبير بنت احمد |
# لك في الضمير الود والحشمه اتوام ولي في ضميرك مثل ما انا بغيتك ولك منزلٍ في نايف القلب وخيـام وذود الغـلا ترعـاه ولا شكيتـك |
أخذ النصيحــــــه لانوى حد يقهــــرك
لاتجاوبه بالحال والصدر فايـــــــــــح خلّه على كيفه مصيـــــره يــــــدوّرك دام العرب فيهم سلــــــوم ولوايـــــــح بكره ليا من فــــــاق والله ليقــــــدرك ووجهه من المنقود ينطف فضايــــــح حتى ولو تخطي بلاقصــــد يعـــــذرك دامه لمح بالصدر بيض الصفايـــــــح لكن إذا إنّــــه / تعمّــــــد يكـــــــــدرك خلّه ولاتســـــــأل على وين رايـــــح واحرص على الطيبه و(منها) أحذّرك لاتزيد أو تنقص وتصبـــح شرايـــــح وانقل علومك من ثقات بمصــــــادرك لاتصبح علومك نـــــــزول ونزايــــح واحرص على اللي بالنصايح ينـوّرك ماتاه من يتبع عقـــــــــود النصـــايـح " وليد بن فهيد " |
يالله بالعافيه والستر.. والجنه🙏🏻 ورزقٍ عن الناس يغنينا ويكفينا ، نفوسنا ما تمنّ ... ونكره المنه ويحرم علينا لغيرك نرفع يدينا |
مايستوي طعـم القـراح وهماجـه
ولا يستوي نقع الصفا مثل هـداج الله ولا منـة محسـب خـراجـه شين اللغا ومن البطر لابـسٍٍ تـاج والله مايذبحـك يـاكـود حـاجـه لاصار في وجهك حيا وانت محتاج لللعسر يسـر وللهمـوم انفراجـه يجيلها من والي العـرش مخـراج ارفـع يدينـك للسمـا ثـم ناجـه يظهرك لودونك شرابيـك واسيـاج مجعد الرشيدي |
-
مسموح لو تكذب عليه وتخفي إمصدقك في كل شي تقوله من غير لا تشرح وتطرح وتنفي في ذمتي ياللي تبيه بتطوله لا تنحرج وتشب عندي وتطفي إليا متى فيك الصراحة خجوله (علي مساعد) |
خمــــســـــة طــــــرح مــــنــــهـا ثـــلاثــة غـيــر سـبــع الــغـابـة
بـــالــيــد واحـــــد صـــــاروا اربـــــعـــة لا كـــــذا مـقـلــوبـــة لــو نـطـــــرح الخـــــامــــــس بـقـا واحــد يضـــــــيـع حــسـابـة تــدرون خـــلـــونـــا نــــفــك الـــشـــفـــرة الــمـحــجــوبــــــــة بــــلاش رمــــــــزيـــــة فـضــــانــة لــيـــش ضـــــاق رحــابـــة ثـلـثـيـن بــلــدان الــــــــــعــرب ويـــــش الـســـــبــب مـنـكـوبــة الـضــــاهــر ان بــــــاص الــــــعــروبـــــة عــــلــتــه ركـــابـــة كـــــــــل مـاوقـــــــف لــه عـنـد محـطـة سايـقـة ضحـوبــــــــــة صالح العنزي |
يالله يامنشي حقوق السحايب
انت الوحيد اللي تسوق الهبايب منك استمد العون يالفرد يالصمد لوحال دوني في زماني سبايب كم ضيقتن حلّت وعيت تنجلي ألا بعون اللي يزيل العطايب وانا سبايب ضيقتي ياجماعتي هرج القفا لاروجوه القرايب لو هو من الاجناب ماضاق خاطري مار البلا بين القرايب عجايب ماجاهم ألا الطيب مني واشوفهم بعض السوالف يقلبونه طلايب أحدن يقابلني ويخفي عداوته وليارحل تسمع علومن غرايب وأحدن كثير الحكي بس بغيبتي حقده دفين ومن تنّصاه خايب ياصاحبي عمر رفيقك تحدته هرجه قفا تودع الشاب شايب ماغير اكافحهم بشعري واردهم سرّاي ظلما في سموم اللهايب والله لولا الخوف والمنقود والحيا اني لاقول ان القرايب نشايب من غير قاصر بالنشاما هل الصخا الحي واللي تعتليه النصايب ماأعاشر الا الكفو وابعد عن الردي وأهل الردى مالي معاهم صحايب طبعي فلا انسى رفيقي لو أغتني الطيب زين ومن تناساه عايب الله يعز الحي والميت يرحمه كم طيبن يبقى ولو كان غايب يالله لاتقطع هل الطيب والكرم ياغافر الزلات يرجيك تايب وختامها عد ماهل وأنهمل من مزنتن ساقه جزيل الوهايب صلو على محمد نبي الملا شفيعنا يوم اختلاف المصايب :: عمر الشمري :: |
أيامنا والليالي كم نعاتبها
شبنا وشابت وعفنا بعض الأحوالي تاعد مواعيد والجاهل مكذبها واللي عرف حدها من همها سالي إن أقبلت يوم ما تصفى مشاربها تقفي وتقبل وما دامت على حالي في كل يوم تورينا عجايبها واليوم الأول تراه احسن من التالي أيام في غلبها وايام نغلبها وايام فيها سوا والدهر ميالي جربت الأيام مثلي من يجربها تجريب عاقل وذاق المر والحالي بديوي الوقداني |
| الساعة الآن 12:31 AM. |
Powered by vBulletin® Version 3.8.9
Copyright ©2000 - 2025, Jelsoft Enterprises Ltd.