|
كانت أعذاري لجل ذنبه ألوف
ماحسبت الذنب لـ اعذاري هلاك راح عمرٍ ما يعوضه الحسوف لاخطاه ولاخطاي ولاخطاك يـ الأماني لامتك حتى الظروف لي متى أكذب على نفسي معاك |
كم مرة يطري على بالي أدعيــه
واصير أنا والنفس والقلب بجـدال الوصل إلى ماصار من رغبة فيــه ماهوب ينفـع في دواء جرح الآمال إن كــان ماجا رغبـةٍ منه ما أبيه يجي يجاملنـي بحـال من الاحـوال ..! |
لا تبكّيني وتفرح عاذليني لاتخسّرني بعد كبر أنتصاري لاتخلّيني بعد فيضة كنيني وأنت خابرني على الوصل .. أنتحاري لاتروح بروحتك؟ كلّن يجيني ماني مكااابر .. ولا حتّى مدااري |
يكفي عن أحلام الحياة وطربها
لو ساعةٍ ببكي على ساعة قصور أصيح شمسٍ ما تمن بذهبها تنثره قلبٍ صادق .. ودافي شعور والا النهار اللي عيوني حربها اقبالته لحظه.. وغيباته دهور |
رحت أدور دفوة الشمس ضيعت الضلال جيت اطفي شعلة النار والقلب انكوى ماهقيت ان السعادة خيال في خيال تروى قلوب الحبايب وقلبي ما روى |
البدو...شف لآجفت الأرض وشلون
أنا تراني مثلهم في غيآبه هم من ضمآهم للسحآيب يشدون وأنا آشد من الوله يــم بآبه !! |
هُوْ الفُرَاقْ، أَبْعَدْت، وْكِلْ طٍيُوفَهَا عِنِّي بْعَدَوْا ، أَغْمَضْت عَيْنِيْ، خُوفْ لاَ تَلْمَحْ بِقَاْيَا اسْرِابُهُمْ يَاْ صَاحِبْ الدَّرْب إِنْشِغِلْ عَنِّيْ إِذَا دْمُوْعِيْ بِدَوْ ، لاَ تِكْتِرِثْ، دَامْ البدُوْ صِلْفِينْ مَهْمَاْ صَابِهُمْ |
ماعلمك طول الفراق اني كبير ؟
واني على كثر اشتياقي ما اتبعك ماقلت لك قبل التمادي استخير ؟ خل العناد اللي غدا بك ينفعك |
كان أصرار العناد مدري فراق تعده وكنت انا من طيب ذاتي احسبه شوق نصاك كنت اقهويك المحبة من دلال مستعده تسقي العالم محبة وانتي تسقيني ال هلاك أنتهى ماكان فيني وأبعدي يامستبده انتهيت وربي عالم وين وصلني غلاك |
كنك الرجم .. وإيديني تبي تطلعك
وآتمايل وأصير .. معلق ٍ في حجـر لا وصلت لغلاك .. ولا قدرت أجمعك ولا بقى بين هالثنتين .. غير الصبر يا كبر قدرك بقلبي .. ويا مسرعك ! لا تمشيت مع دمي .. وأشوفك تمر |
راح النهار بشاعري ، روحي ، جسدي لا شوف بي ، لا نبض ، ولا حتى دما ماغير صوتٍ حالمٍ ويرددي : (هاتوا قميصه يمكن يروح العما .. خلوه يرجع لي ويعلن مولدي ) والوهم يصوّر لي خطاويه وكما |
اعذروني.. لا تعلقـت بخيال
فيني طفل ما مل من كلمة .. [ ياليت ] كل ما نهرته غمض عيونه و قال : وش للزمـن .. يقسى ويهدم .. [ ما بنيت ] محتار اجاوب ولا امسح دمع سال يا من يبيع الصبر .. في الحال [ اشتريت ] |
تلقى ( ياليت ) التمني تذبحه وتسيل مني وقالها صبح تلعثم في شفاة الأجوديه امشط الليلة هباءا ً وانتظر ( قذلة ) صباح |
حاولت اغيب شوي عن كل مخلوق
قلت اختبرهم في نظام المحبه . لكن لقيت ان الغلا ماش والشوق والحب كله من وقــع فـيه سبه |
هذاك ياخذ حاجته منك ويروح
وهذا معك ما همه الا نجاحك يجاملك شخص يبي منك مصلوح ويصارحك شخص يدور صلاحك |
كل السنين إجحاف و العالم تبي منّي صبر يا وين أبلقى هالصبر و أنا تثاقلت الثياب !! |
بالك . ! السرّ اللي بصدرك تذيعه
لو تناهشك النواظر بالفضول كل واحد من عيالي له طبيعه ! وانت من صغرك .. على .. كبرك عجول والله اللي نّزل احكام الشريعه لو تقول اللي تقول ... او ماتقول لا تنكّر.. كل متبوع لتبيعه مايفوز اللي تبع غير ( الرسول) |
لاتحسب ان الحياة اغيوم خير وابردي والله إنها لازوت حجانها..نار ضرام ومن يقول إن المراجل هي تباع وتنهدي المراجل عسرة..تبغى عيون ماتنام |
مآهقيت أن النوآيآ الطيبة ..|تصــبح مسيئة !!
لين { نيآتي }.. أحذفتني بـ البحر من غير قآرب , في هالزمن .. صدق المشآعر | تعتبر أكبر ..خطية.. يختلط وجه الخـــطآ بـ الصح من كثر .. التقــآرب ! |
به من يكافح ما تساعده الظروف و به من قدر يجني ثمار لكفاحه و مهما حصل لا تصبح بيوم مكتوف الايدين ..الانسان العزيمه سلاحه خل بوتر قلبك لحن طيب معزوف ينهي لك ازعاج الطمع في صياحه خل الوفا شمس بلا موعد كسوف تضوي جبينك بالهدى و السماحه |
هذا زمن منتهي يحتاج من يصفعه
يمكن يغير مساراته و هي ظالمات وهذا الشعر ممتلي بالظيم من مطلعه لكن على الظيم كله به تلاقي حلاة هذا هو الشعر يا قاريه يا سامعه إفهم معانيه في تركيبة المفردات و اليا فهمته حذاري تستوي إمعه الوضع ما هو بناقص تكثر الإمعات |
تحديت فيك الشاعر اللّي من الشعار بعد ماتقول أسمه تذكر علامة ( قود ) |
دايم اكتب اشعاري بالثقه واختمها
بختم العلامه الي مايجي فيه من..قود وارسم حروفي على الاوراق واجملها والنوايا بيضا لوكانت حروفي ... سود |
دايم اعرف كل شاعر يهيم بكل واد وان هم دايم يقولون ما لا يفعلون حتى انا اللي قلت اعشقك وما اطيق البعاد يمكن اطلع ماعشقتك .. ولا هم يحزنون |
نسمع الزلة وطبع الكرام يردّنا ما نمادي الصاحب بـ زلته و نقول ليه نبتعد عنّه و لو كان ماهب ودّنا لجل لا يزعل علينا ولا نزعل عليه |
هذي اللي حلاها مايبي قول قايل ماهي أول غلا لاشك مسك الختام |
ما قلتلك كل ما تكسّر بي شعور ،
مْـن الحزن كسّرت هالدنيا شعر ! |
ربك اللي سخرك لي تقود وما تقاد والله الخالق ولله في خلقه شؤون ازرع ضلوعي من رضاك وابشر بالحصاد لعنبو من جيت ترضيه وترد امحزون بس تسوالك بلد ؟ قول تسوالك بلاد انت كل العالم بكون ولحالك بكون |
نعمتين اختصوا الخلق من جـود الجـواد
كافل الأرزاق مـن حيـث مـالا تعلمـون البنـون ونعمـة المـال بعيـون العبـاد زينة الدنيا بـلا شـك فـي كـل العيـون مثل زينة دنيتي بـس عنـدي شـي زاد من عرفتك صاروا المال وانـت والبنـون انتشي بك نشـوة التيـه لعنـاق الرشـاد وافزع الك فزعة القرم لشهـاب الزبـون |
نزعل ولكن بالزعل دمنا حار نفزع اليا شفنا العذارى يصيحون عقالنا معهم من العلم مقدار ومجنوننا ينطح ثمانين مجنون |
نزعل ونرضى يحن قلبي ليهم
بلا رادتى ننسـى الزعـل ونجيهـم ساعـات نملـى يـدى وساعـات نزعـل ليـن نوصـل حـدى نداري الزعل في خاطرى ونعدى ويغلب عليـة الشـوق ويناديهـم غوالى علي وخاطرى شاريهم نموت بالعطش ونـا اللـي راويهـم |
مدري وش اللي أبيه !! ضايع مابين أمرين الحلو فيهم ألم والمُر تدري به . حالة غريبة عشتها لحالي مابين شوقي وبين غربالي طاري رضاك الهاجس الغالي أما زعلك الله لايجيبه . |
هذا اللي حسيته أنا
يوم اني جيته بارد أطرافي وجل متلعثمة من خوفها مو قادره تسلم عليه والله قلبي ماسألني ليه أبيه ؟ علّقت قلبي في ايديه من قبل ماافكر أنا هو مات فيه وضعت أنا في الحالتين والله مدري قلبي باقي في مكانه؟ ولا غادر ذا المكان !؟ |
ناديت له لكن تجاهلني وضاع صدّ وعلى عمياه .. ساق الركايب أقفى على رايه .. ولا فيه مرجاع مثل السحاب اللّي قفته الهبايب |
بالناس من يلبس على وجهه قناع
حسود .. لكن في ثياب الحبايب هذاك ماني في مخاواه طماع من قبل أجيه وخاطري منه طايب |
بـ فارق أعيونك وشوقي منتثر واجيك انا ظالم و قلبي مدعي و أكسر اقلامي وبنقش لك شطر إذا نساني الحرف كوني لي وعي اشتاق لوصالك واهديلك هجر وأحب عذالك لا من صرتي معي |
يكذبون ب هالأماني والوصل
وإن بنوا فينَا مشاعر ،، يرحلون ! |
نكذب ونصنع لابتساماتنا باب ونسمّي الحزن المرتّبسحابه كم صبحٍ ابلج في سواد الدجى غاب وكم ليلٍ أسبل بالمحاني عذابه |
هنا نبي نقّلب"الموال"لـ"اوف اوف"
ولاّ بعد نُثبت ان المُثبته /نافيه وان مرّ"غاوي" يحاول يزرع الدرب خوف قولوله"السمّ" شغله تشبه"العافيه" |
هو سؤال الله واعلم هاك مني واسمعه والسؤال بكل بساطه دام طرّيت السؤال أنت ضد القلب والا يابعد روحي معه ؟ |
| الساعة الآن 05:37 PM. |
Powered by vBulletin® Version 3.8.9
Copyright ©2000 - 2025, Jelsoft Enterprises Ltd.