والخاطر العمس من يقدر يسليه
الناس ولا الشعر والا الاغاني
ياكاتب الحزن في داخلي وقاريه
في نظرتي في انفعالي في حناني

‎بشويش يآ تنهيدة .. الضيق ../ بشويش
‎مآبي تمّر .. وتسمع شهآقي .. آمي ..
‎مآبي تجيني تسألن ضيقتي ليش !
‎وأفزّ أكفكف دمعتيني .. بـ كمّي
‎وآرسم على طآرف شفآتي أثر طيش ..
‎وآفتح كتآبي / كنّه الدرس همّي
‎تطق بآب الغرفه , وأرجع آعيش
‎يآ حشرجه صوتي إذآ قلت : "سمّي" ..

صاملٍ ماجيت يمّك بخوف وكنكنه
حالف آصلك .. ووصلتك وذا ماهو قليل
لا وربّي ما وصلتك بذل ومسكنه
واصلك كلّي شموخ يشابهه النخيل

بدوي ماعرفت الضحكة المصنوعه
أحمد الله من خلقت وطيبتي فطريه
قانع في حكمة الله ماشي في طوعه
ماحسبت حساب دنيا ناسها طرقيه

يالله لا تقطع رجا داعيك يا رحمن
يا علاّم الامور الخافية والضيق.. والشده
على بابك واناشدك العفو يارب ..والغفران
وفيضٍ من عطاك ورحمةٍ ماهيب منرده