منتديات أعز الناس

منتديات أعز الناس (https://a3zz.net/index.php)
-   من أشعاري (https://a3zz.net/forumdisplay.php?f=111)
-   -   سجال الشعر والمشاعر (https://a3zz.net/showthread.php?t=12618)

مجبورة 08-10-2017 03:55 AM


الهوى جاب الغلا والهوى ودا
وأنت وجروح الزمن بالحشا خشره
يابعد من مابعد جا ومن هدا
ويابعد من ساج روض الحشا نشره

محمدبن عبدالعزيز 08-10-2017 05:13 AM

هذره...مابين العين و القلب هذره
العين جابت غلا والهوى للقلب ودا
وانا مابين الاثنين محشور حشره
اسال من هو على حق ولاعندهم ردا

مجبورة 08-10-2017 01:29 PM


الحق يخفى و في وسط الزحام ينداس

و ناس في فهم الحقيقه , تتكل على ناس

محمدبن عبدالعزيز 08-11-2017 05:16 AM

ساس على الحق يرفع الراس
وناس بدونه بالاقدام تنداس
وناس بالشدايد يجي لهاعماس
وناس يازينها من ناس ونيسه

مجبورة 08-12-2017 05:35 PM


هذي سنه وأنا مجاهيم الأنذال
تدك صدري , بين جهل ولعانه
ياقلهم وقت الشدايد والأهوال
وياكثرهم وقت الرخاء والليانه

محمدبن عبدالعزيز 08-16-2017 05:36 AM

هذي سنه والغوالي مالهم بيانه
غابو عن العين.. ولاغابو عن البال

مجبورة 08-16-2017 07:32 PM


لا واخسارة كلمتي يوم أناديك
شفقن عليك وهرجكم قبل أروحي
تقوللي مااسمع جوابك ولا أوحيك
أنا اشهد أنك ياهوى البال توحي

محمدبن عبدالعزيز 08-18-2017 05:34 AM

ياخسارة هرجة ما حدن لهايوحي
صدعنها من سمعها وسربتها الشبابيك
ويا خسارة ابيات القصيد وبوحي
لاحدن قراها ولاحدن قال سلمت اياديك

مجبورة 08-18-2017 05:40 PM


كانت الكلمه سهم صار وزن الهرج قوس
ومن يبي حمر المعاني يصيب فقلبها


محمدبن عبدالعزيز 08-19-2017 05:07 AM

الكلمه لو مااقتلت يبين ضررها
السهم يقتل اجساد والكلمه تقتل نفوس

مجبورة 08-20-2017 05:13 PM


سنين العمر صبر و سفر و الحياه مراس
من اول نفس و صراخ يبدا به المولود
بلا صاحب الطرقه تعب و الرقاد نعاس
لعينٍ سراب التيه قدّامها ممدود

محمدبن عبدالعزيز 08-22-2017 01:51 AM

دعوني بعد سلّمت للكيف و المجلاس
على ضو نارٍ و لّعت في يباس العود
يسامر سناها راعي النجر و المحماس
وصفراً يطيب لبنهّا الخاطر الملهود
بعدها السوالف عن هل الطيب و النوماس
بعضها تقاود من بعض و الصدور ورود

مجبورة 08-24-2017 01:56 PM



دعيت الله يغفر لي ذنوبي والله التواب
وانا ...........و بشعري رسالة جيت اروّجها
بيبقى دينناالأسمى حقيقة ماحجبها حجاب
مثل هالشمس في كبد السما يبقى توهجها

نفسي عزيزة 10-03-2017 10:56 AM

إرسل و برسل و إعتبرنا وصلنا..

خل المواصل بيننا عبر الأبيات

مجبورة 10-03-2017 12:27 PM


ترسل شذاها قبل تلفي مراسيل
تسبق خطاويها مقاديم خيله


زارع الورد 10-03-2017 10:36 PM

هذي نواياكم وهذي نواياي
الله يخلي كل خل لخلــــه

مجبورة 10-03-2017 10:45 PM


هات من الآخر حبيبي

تعبت اعيشك من وهم

تعبت اقول :

ان الزمن لو خان

تبقالي : اهم !

ما تبتعد .. ولا تخون

وتصير لي الصدر الحنون

وإن انكر الحسّاد طيبي

تضمّني حيل وتقول :

خل هالدنيا لهم .!

محمدبن عبدالعزيز 10-05-2017 03:50 AM

مدري وش اكتب مدري وش اقول
وانا لي مدة عن (اعز الناس) غايب
في صبح هذا اليوم وفي لحظة وصول
ارسل تحياتي وسلامي لكل الحبايب

مجبورة 10-05-2017 12:57 PM


برخص الونات لجلك وامتطي صهوة خيالي علّني المس ولو طارف سماك

ما بقى ب الارض بعدك غير ريح ٍ تحمل اسراب الاماني لين ندفن ب القبور

محمدبن عبدالعزيز 10-05-2017 10:02 PM

رسمت حروفي وزخرفتها بين السطور
وكتبت القصايد في مدحك وفي غلاك
وان بقيت الزود ...ترى مابه قصور
الخيال واسع في مدح مثلك وشرواك

مجبورة 10-05-2017 10:30 PM



كتبت فيك ابيات وابيات وابيات
وإليا لقيتك قلت:- لاوالله / شوي !
ميّت ولكن ماني بضمن الأموات
ميّت بحبك وانته تشوفني حي
وإن كان حبي مات ليه المعانات
انا بروح اموت / تامر على شئ ؟!


محمدبن عبدالعزيز 10-06-2017 05:33 AM

يانوت ماكتبت ابيات واجد ولاشوي
الاوكنت معنى في حروفي والابيات
اكتبك شعروارسمك حلم واتفياك في
قصيدي لومااعجبك وقلتله مت ..مات
يانوت خلي الميت يبكي على الحي
كم ميت حي وكم حي بين الاموات

مجبورة 10-06-2017 06:59 AM


تعرض سموم القيض والدار مامن دار
هليك وشعربالموت روحه ينازعها
جحدت الغلا لين امتلا بالخفوق وثار
قصايد عساها اليوم تطرق مسامعها
غرامك مثل نارٍ حطبها الغلا النار
تموت وغلاك اللي بقلبي يولعها

محمدبن عبدالعزيز 10-06-2017 02:55 PM

اولعها ...والا اطفيها وما اولعها
مايجتمع سموم القيض مع شبة النار
والقصايد في مواقعها تثري مواجعها
والغلا لازاد بين الحنايا...ثار
هذي قصايدي تقهواها وتقدعها
فنجال يبري العله والاخريشب النار

مجبورة 10-06-2017 04:45 PM


رب الملا يغفر ذنوبي ليا راد
واليا قضى بأمره على كاين يكون
يامن وفد لجله جماعات وافراد
من كل فج وكل عام ٍ يحجون
يالله دخيلك عن ردى حظ ماجاد
وقلبٍ قفص صدره للأحزان مرهون

محمدبن عبدالعزيز 10-06-2017 10:08 PM

ناجيت رب الملا في ظلمة ليل وسكون
وعيون نامت وعيون جفاها الرقاد
ترجي من الخالق المعين العون
على دنيا ماوراها فود ولاوراها حصاد
من عاش في دنياه بالطاعه محمود
سره مايراه من الجزاء يوم المعاد

مجبورة 10-06-2017 10:21 PM


دنيا نبي تقزيرها ضحك حجان
وألا ترى صيورها مستقيله
والرجل غاية ملحته قلب ولسان
وألا أن باقي جثته حنضليله
يارب تجعل لي من الذنب غفران
يافارج لأيوب عقب تهليله

محمدبن عبدالعزيز 10-07-2017 06:07 AM

هذي دنيا لوطالت سنينها وايامها قليله
ماتسوى عندالله من البعوض جنحان
والعاقل فيها من يتخذها الى الله وسيله
يقضي حياته بها متمسك بحبل الايمان
يالله انك تغفر ذنوب علينا ثقيله
وترزقنا العفو والعافيه منك والاحسان

مجبورة 10-07-2017 07:40 AM


نضحك مع الناس.. والدنيا نغلابها
نمشي مع الفي.. طوع حيث ما مالي
كم من علوم.. وكم أداب نكسبها
والشعر مازون.. مثقال.. بمثقالي

محمدبن عبدالعزيز 10-08-2017 03:39 AM

يامن جاته الدنيا بالجاه والمالي
لاتغرك تراها ما اسرع خرابها
تضحك لك بالاول والموت بالتالي
هذا كلامي الموزون وانت ادرابها

نفسي عزيزة 10-08-2017 10:45 PM


أنت الوحيد اللي له القلب مفتوح
وأنت الفريد اللي ملكني كيانك

ماغيرك أحد ينعش القلب والروح
ولا فيه مخلوق يحل بمكانك

محمدبن عبدالعزيز 10-08-2017 11:29 PM

كنك تقول الي بغيت اقوله على لسانك
وانا اللي كنت ابيك تساعدني على البوح
ان جيت تدل وانت عارف وينه مكانك
على حطة ايدك من قبل لاتقفي وتروح

مجبورة 10-09-2017 12:21 AM



حطيت في قلبي وسم

ما ينمحي نقش ورسم

طبعي الصراحه والوفاء .. وطبعك معي عكسه كثير

جرحت لي روحي كفا .. منك اصغر اجروحي كبير

محمدبن عبدالعزيز 10-09-2017 06:25 AM

روضت طبعي باالوفاولا زال
ومن صفات طبعي دوم الصراحه
واحب اللي يماثلني بالاحوال
ومن عكس طبيعي اطلب سماحه

مجبورة 10-09-2017 02:06 PM


هذي جزاتي بين همن وتعليل؟
طعنت ظهر حسيت فيها مهانه
مشكور يالطيب وأبشكرك بالحيل
عطيتك اللي ماتقدر حنانه
تبي الصراحه أخدعتني المضاليل
وخدعني قلبي وإنتهت بالخيانه


محمدبن عبدالعزيز 10-09-2017 09:23 PM

هنا ليل.. وسوالف.. وتعاليل
وقصيد يطرب السامع الحانه
ومعاني جميله بكل معنى جميل
مابها زيف ولاخداع ولا مهانه
يافارس الخيل اطلق عنان الخيل
واطلق حصان الشعر وارخي عنانه

مجبورة 10-09-2017 10:03 PM


هاجس يملا ضلوعي سواليف ومداد
كل ماهز المعاليق..قلت:الله لنا
قال:من طش المجاديف؟قلت:السندباد
قال:منغنى له النجم سامر؟قلت انا
شاعر ماله من البيد خبت ولا حماد
غير ظل لو حنى الريح غصنه ما انحنا

محمدبن عبدالعزيز 10-10-2017 05:42 AM

الهاجس الي وصل بي حد العنا
ازعج منامي وصابني با السهاد
لاانا اداري وين انا... اومن انا
ولاني قادراتصيد لطير الرقاد
قمت اتفرج على قصة مابهاسنا
فلم هندي مصور في حيدر اباد

مجبورة 10-10-2017 04:07 PM


ديننا دونه طوابير الجيوش

ما يزعزع ركنه الثابت خشاش

محمدبن عبدالعزيز 10-10-2017 09:25 PM

شاهدنا على مر الزمن كبوش وسط حوش
مانالت منا الا كما ناله من النور الفراش


الساعة الآن 03:16 PM.

Powered by vBulletin® Version 3.8.9
Copyright ©2000 - 2025, Jelsoft Enterprises Ltd.

Ads Management Version 3.0.1 by Saeed Al-Atwi

HêĽм √ 3.2 OPS BY: ! ωαнαм ! ©, Soft
.