|
فزله ياأرض لاجاك بشويش يتمايل
هو مو قصده ولكن كذا ربي خلقه 🎼🎶 |
هزيت جذع الغلا وانتثر عذقه
وذوبت ثلج الوصل لين صار سايل |
لك القاع غيمه والسما لك نَخَل وعْذوق لك الكون مسرى بين مشتى ومصيافي تمّرا بوجه السالفه لو تجفّ حْلوق تخاف القلوب وطيّب الشعر ما خافي تسامي.. تسامي لليالي عليك حْقوق ما دامك على وضح النقا ما بك خلافي |
ينوش السما ظلّك.. تلج بثراك عروق
تقوم الهقاوي طولها والمدى ضافي هلا يالقصيد اليا انتخى بك رفيع الذوق تهاما على صدر ابيض الطرس رعّافي سقاك البدر قمرا سريت ولحقت لحوق وانا خابًرك لمصافح النور ميلافي |
ياقلم ما فاضت اشواقك ولاهاضت شجونك خذ من اوراق القصيد الطارفه لا تحتريها امتلا قلبك غرام وناحت الفرقا عيونك واعذاب الصفحه البيضا الى ما دجت فيها سج راسك مع صحاصيح الورق وازعج لحونك خابرك ما تقصر الشرهات دون اللي تبيها |
الحروف الي ابيها ياقلم ماعدت الاقيها
اتعبني مطاردها بالورق حتى شحب لونك وانا كنت من اول لاتعنت لي اجنبها واخليها وانقي مالاق لي منها لخاطر عيونك خابرك كريم دايم تجملني في معانيها واليوم ياقلم الله يكون بعوني وعونك |
كريم النفس حتى بالمشاعر لاعطاك يجود على كثر العطايا مانشدتك ويش يبقالي تمهل واعرف اللي راح لا يمكن عليك يعود خذاه الوقت لاتستنقض المبطي مع التالي ابقطعها حبالك لو بها حبل الرجا معقود وابلقا عن مقيلك بالسعه لي في وظلالي |
يقطعك يادنيا كان ما فيك لي ظلالي
على ماكثر ماكنت اعطي لك واجود حتى المشاعرغنتها لك الحان موالي واسبغت عليك من صبري بلاحدود مامدت يميني ما درت عنه شمالي وماراح مني ما ترجيت انه يعود |
دامك وهم .. فاسمحي لي واقبلي عذري ماعد بقى للوهم تاريخ في ذاتي سقت الملذات واهداب الوهم تغري واتكسرت في هدبك اسمى ملذاتي هذا الوجع في يباس الروح مستشري هذا الندم من متى ما زار هقواتي ؟ |
يا وهم دامك وهم وش لك في معاناتي
تعبت اعلاج كسر خاطري وكسري هذا الندم .. هذا الوجع كدر مسرى حياتي من صغر سني وانت مع الدم تجري وانكانك مطول معي حتى نهاياتي الله كريم يجبر خاطري ويمد في صبري |
يابحر ياللي تنقل البابور الخبت ضاق بعجة رماله تظلم شبابيك القرى والدور غنت من الاحزان زومالة والوقت يمشي والزمان يدور وقلوبنا للطيش ميالة وش لون اباصبر والعروق تفور مثل القبس لا فارت ادلاله من وين ابلقى صبر يا مشهور الصبر مات وموته اشوا له |
هذا البحرماضاق ابد يوم باحماله
وسيع الصدر ويوسع معاه صدور اجيه ضايق وارمي همومي على جاله واداعب امواجه على رمله المنثور واسرج له الفكر على صهوة خياله ويمتلي خبت صدري احاسيس وشعور |
رغبت القصيده رغبة الطيـر للتحليـق سماي اصبعين وبينها الجرح مسباقـي تعودت اموت بصدق وارحل بلا تعليـق كفاني أحس بلذة المـوت ف اوراقـي ولا احط من نفسي وثن يشرب التصفيق على شان يدخل برزخ النور لاعماقـي مهو لازم اقطع دابر الشك بالتصديـق ولاهوضروري تعكس اشعاري اخلاقي |
يسوقني للقصيده كما يسوقني ساقي
الى من سقته للغلا في حزة الضيق اطرزها واجملها على صفحة اوراقي واطلقها في سما روحي كماطير طليق ماهو ضروري اسكب الدمع من احداقي يكفي المشاعرشعر من غير تعليق |
قالت إفرض طيب إن الشمس نامت من تعبها من تظن يفك أزارير المسا ويصب نور قلت أبد لا تشغلين عيونك إلا في هدبها واعصري ظلك تسيل شموس وتجف البدور ياحياتي والمشاعر هي " الم شاعر" كتبها والغلا هو " الغلا " وأعذر حبيبك لو يجور |
راحت تشتكي للشمس من سلطة النور
يوم اتعب عينها وارخى عليها هدبها قلت كيف النور يشكي من النورجور والنور مصدره عينها وهوسبة تعبها ماقد عرفت في الدنيا قد خلق حور آمنت يوم شفت الدمعه على خده سكبها |
انا فعلا احب النور ومالي في الظلام حضور واذا الانوار تعشقني وش اللي يزعل الظلما ؟ اراد الله يجمعني ب( طه ) وبيته المعمور وديرة من خيوط الشمس تنسج ذكرها الاسمى وسلسلني من عتيبة ومن تاريخها المشهور وصبه في أذاني الصم وشاف افعالها الاعمى |
أوّل لو تغيب ساعة ما تباطيتك . والحين لو قلت لحظة قلت لا تطوّل يا إني من اوّل اكذّب ما حبيتك . أو اني الحين احبك اكثر من اوّل ! |
لو القصايد تقدم للقضايا حلول
ما كل ساعة نزف جرحك وعينك بكت في سكة الوهم ما تلقى محطة وصول كم ضيّعت ناس قدّامك وناس اهلكت قبلك ترانا مشيناها طلوع ونزول سقنا الركايب بدرب الجهل لين أُبْرُكَتْ |
تعبت اناظر مع عيوني رداء الحال وتعبت ادوّر في رفوف الهوى حلول كثر اشتياق الريح لمصافح الال طاحت قبل شباكي ألوان وفصول يا صاحبي وان كنت تسأل عن الحال ما زلت حي و داخلي شي مقتول |
لاحال يشبه من غدا حاله فصول
كل الفصول الاربعه نجمعت في حال ان هبت جنوب شلّعت كل الحلول ويرتجف صدرالطموح لـ هبت شمال ثقل الجبال ضيقت صدر السهول ولا بقى للسهل غير حمل الجبال |
لو سدلت ستار جفنك منت هادي ، الصخب خلف الكواليس، ايتزايد ! |
دونت على ستار الجفن حروف وقصايد
لورفعت سترها امطرت وامتلا الوادي ماحب المسارح ولا احب حبر الجرايد عادي..قدام الجمهور اوخلف الكواليس عادي |
يقولي : عاش من شافك ، وهو يدري اغيب لا غاب ، و اليا بيّن؟ ابيّن |
نسال على الي سال... والغلا بيّن
واما سالنا... هو عن الغلا يدري |
يسأل عليك اللي من الناس يغليـك يسـأل ويـرسـل ما يبـي غيــر ردك . سلام والخافق من الشوق يطريـك مشتـاق لـك ليت الرسـاله تشــدك |
كمل جمايلك وانثر ورودك بيدّك
وارسل مع الهشتاق مرسول ردك واوفي لمن يغليك بوصلك وعهدك واروي ظمأ عشقه بقبله بخدك |
كم مرّ عامٌ على قلبي الذي ظُلما أتذكرين؟ أنا لا أذكر الألمـا أنا التفاؤلُ مهمَا كانَ من قَدرٍ وأنتِ جرحٌ إذا أهملتهُ التَئما |
ماعلمت الجروح تشفى ان تركت
مالم يكون لها بالوصل بلسما كم جرح افنى صاحبه نزفه فمالجرح اذامات صاحبه الما |
إن تبت من طاري الهوى عيت عيونك لا تتوب من الجمال اللي جبر كسر القصايد بأجمله يا صاحبي وأقسى الهروب .. إلى تخيلت الهروب من الجروح الماضية صوب الجروح المقبلة !! |
هذي طواري الهوى هبت مقبله
ماكنت ناسيها ولالي نية اتوب لاسمعت القصايد حركت فينى وله من غلا بنت القوافي مالي هروب |
بنات فكري لا حصل بالسالفه قالٍ وقيل جنّي وانا هذبتها ولبستها موالها ومحلا شبوب النار والدله على جمر المليل رسلان صفرا مزعفره والهيل هو يعبالها في يّد قرمٍ لا عتزا راغة عيونك يالذليل خفيف جانب دلته مايشبعك فنجالها |
البرد والليل وضو على جالها صفت دلالها
وريح الحطب تخاوى مع مزعفر الهيل والهواجس بصدري تسحب اذيالها وانا وليل السهر مع صفر الفناجيل وحروف القوافي يمطر بي همالها لين غدالها بقاع صدري سيل ومواويل |
ليلي اللي من تفارقنا وطيفك به يساهر وان حظيت الليلة بطيفك ترى ليلي سعيد ياهموم الحب وأحزاني وامطار المحاجر ياهنا عمر المعذب شوفتك للقلب عيد كيف أنا ابحث عن اخبارك وتلقاني مثابر كيف أنا احسبك لين وانت في حبك شديد |
دورت في مخابي الليل عن حلم جديد
مالقيت غير طيفك بالعين ساهر ينادمني بـ باحساسه وانا دمه بلسان القصيد شاعر بالمشاعر وهو بالمشاعر شاعر |
رهنت لغيبتك ظلٍ نحيل ودمعتين وباب على قلبي قفلته والوفا همه ومفتاحه تفضل نعمه النسيان ما ابغي لاابتعدت اصحاب عطاياك القديمه والجديد الياس وارماحه بقي طيفٍ باحرسه في عيوني لك عليه اهداب ولاني حاجبه ياوجهته لاهداك مرواحه خلص كل الكلام اهديت لك لون الوداع واخضاب مهر كفٍ دفاها من عذاب مصافحي راحه |
هذا الغياب الي خذى من حضوري مساحه
عجزت ارتب وقتي بين حضور ي والغياب احيان انسى وحس في النسيان سلوى وراحه بس اني لاذكرت ...انسى راحتي واحس العذاب الايام تمضي والعمرقلم ...فيي اخرهه مسّاحه تمحي اجمل ايام العمروغديرالما يصبح سراب |
بشوفك .. بلمحك .. بتذكرك لاغابو الغياب وأبا اصرخ من حشاي ورحله الغفران تفاحه ألا ياكبرها وانتى وانا واثنينا الاغراب على قلب خساير غيرته في ذمه ارباحه رهنت لغيبتك ظلٍ نحيل ودمعتين وباب على قلبي قفلته والوفا همه ومفتاحه |
هذا بلا ابوك ياعقاب والاشواق ذباحه
ماحد سمع صرختك لومنها الحشاذاب الفضا مايرد الصوت لـ كبرت الساحه في ديرتك غريب وعايش بين الاغراب تبي الصراحه؟؟ انكان ودك بالصراحه لايطول غيابك وتنساك حتى الاصحاب |
بربك قلي شخبارك بعد ماجيت لك ولهان حبيبي صدق بوجودك تعال وناظر جفوني اناظر وجهك البارق واتوه بعالم النسيان وربي بعد ماأشوفك تزايد عندي جنوني |
| الساعة الآن 06:21 AM. |
Powered by vBulletin® Version 3.8.9
Copyright ©2000 - 2025, Jelsoft Enterprises Ltd.