|
الصبر من غير مانرضاه ياصعب ابتلاعه يقهر الرجال ولا يظهر الدمعه بعينه من يقول الصبر مفتاح الفرج ماقلت اشاعه غير انا قدلي سنه ماشفت منه الا غبينه المهم باب الحزن صكه بمفتاح القناعه خل ذكراه الحزينه في ساعدتنا رهينه |
هذا المهم لسكرت باب الحزن وضيقت اتساعه
والصبر مفتاح الفرج... ولو طالت سنينه شوف ايوب يوم الضر مسه والحزن لاعه مالغير ربه شكى ودعا ورفع له يدينه محمد |
هو كذا جرحي ولو شفته تزمّر مايهدّي روعته طيفٍ يخافه!! يتساقط في شعوري ويتثمّر في عيوني نرجسٍ يروي عفافه أتوارى في طيوفه وأتغمّر وأتنفّس نزوته لحظة خرافة |
هكذا هو جرحي ...لكني ما اتذمر
استر الجرح واتعامل معاه بحرافه وعالجه بالدعا كل ماعاد اوتكرر واسليه بالشعر ولوكان المعنى خرافه ولو زاد الجرح ابد والله ما اتكدر مادام لي رب... غيره مااخافه محمد |
هلا .. بالحب .. واعياده وكل عامٍ .. وجرحي بخير مشيت دروبنا .. خطاوي قلوبنا ومريت الوعد .. وعدنا العام ماكان الوعد .. ولا الأيام .. هي الايام |
مرت سنه والغلا دوم بزياده
مانقص غلاك وكل عام وانت بخير وكل عام نردد سوالفنا وننسى الامنا ومواجعنا ونجدد بالغلا محبتنا .. وكل عام مع الايام والاحلام نبقى بسلام محمد |
مرت سنه والسنين تمرّ مرّ السحاب شف كم سحابه تمرّ وماتهلّ المطر ياغيث وينك وانا بين الظما والسراب؟ استجدي الغيمه اللي قلبها من حجر |
راح العمر وامتلا سجل الغياب
كم سطر ختمنا وكم جددنا سطر نشره على الايام ونملى الدنيا عتاب وكم دمعة خرت يوم شح المطر محمد |
راح العمر والمعنى طالت دروبه ما بين شوق السحاب ووحشة الوادي شكيت من ليلي اللي ضايقه ثوبه من جرحي اللي بكى جرحي من عنادي |
ياعطــري الفواح لـ هبت النــــود
يامسك ختام عمري ياطهـــارة ذنـــوبه يانظر عيني لـ لد النظر بلا حدود ياربيع كســـاه ربي فـايح طيــــــــو بــه ياجمل من مشى الخطوات بركود يامن زهى بالحلا ملبوســه وثــو بـــــــه يامهـرة رســـنها بالقلب معقـــــود تلعب وانا عيني لها بالشوف مطـــروبـه كريمة بالوصل مالوصلهـــا حدود وانا الي لها بالعشـــق ماتبخل جيــــــوبه محمد (ارشيفيه) |
هلا شفت المسافه صمت تاقف دوني ودونك سرقت من الوجيه الهرج وصوتي ما وصل بابك تظلل بالهدب عنهم حبيبي لا يشوفونك فرح فيك الخفوق اللي فرح لو قال وش جابك |
كم لي وانا اسال عنك واقول وشلونك
واسرق هرج الاقراب منك واترصد على بابك واخاف حسادي وحسادك يشوفونك واخاف من كلمتك... لـ قلتلي وش جابك؟؟ محمد |
كلمتي وحده ولا فيها نظر ما تراجع حتى لو قلتي بخيل |
ليتهم : يوم انّ دمعي : طاح / طاحوا
بسّ لو قلبي : رضا .. (عيّت عيوني) غافلوا قلبي .. مسا الفرقا ، وراحوا كل شيّ : أخذوه لكن .. ماخذوني |
ياليتهم يوم دمعت عيني مع الدمع طاحوا
وياليتهم بالاصل ماسكنو قلبي ولا عيني كل ماعسعس الليل تذكرتهم يوم راحوا ولوحوا بيديهم ...وعجزت لهم تلوح يديني محمد |
ياليت خلي درى بالعين وبكاها حتى ليا قلت مرضانه يداويها |
الدوا عند خلي لـ شكت عيني عناها
شوفته تجلي علة العين وتبريها محمد |
انعست عين الغلا والهوى هدا خانت الايام والملح والعشره وابتديت تشوف نفسك وتتحدا وأنت ماكنت تتغلى ولا تشره كنت مجروحي وصرت الدوا والدا كنت آآه صرت آآهات منتشره |
هدهت ليل الغلا لين الشوق عدا
ونامت عيون وبالخواطر كسره وانتثر ملح العين مبدي كل سدا وانهار سد الظلوع وانكشف ستره ماطاب جرح والا وجرح استجدا ماهانت على النفس وجروحها العشره محمد |
هانت على العين غفوتها قبل تنتمي قلت أبشري بالسَهر ، هي خاربه خاربه في ساعةٍ ما بها من يقتحم عالمي لجَّة دجى تجعل الأخبار متضاربه |
هجمة مرتده وفي الراس ضاربه
دمعت منها العين وقلت ياعين تعلمي ماكل ضربة تجي دايما سالبه بعض المواجع منها الراي يعتمي محمد |
ياعين لاتبكين ترا البكا عيب حتى ولو صكات بقعاء قويه ويارجل لو جبارتك للعراقيب ابداية المشراف حقك عليه لابد ماتجبر اكسورك وأنا أطيب بإذن الله الرحمن رب البريه |
هبت شمال وشاب الجو بشهيب
وحرك الدمع بالعين الشقيه ياعين لاتبكين ولو البكا ماهوب عيب ياعين خلك على ذرف المدامع عصيه صدي لبان للدمع بالقلب ترحيب اجرك على الله وشرهتك عليه محمد |
هيه ياللي غرك الوجد واغراك المزيد شرهة جمال المحامل على جمالها اضرب سمان المعاريف بيد من حديد والثقة يبس شجرها وهد جبالها واعزف أوتار المناقيد واطرب من جديد غن للشرهة ومول على موالها |
انالاني مغرور... ولاني بعنيد
شلت حمول ماحد غيري شالها اعاني من الوجد وصبري حديد واضرب على الكايده واسعى لها والثقه بالنفس من فضل ربي تزيد كل مامالت الدنيا وثقلت احمالها محمد |
الرجال الى أمس تقديرها بأفعالها ووقتك الحالي تقدرحسب كثرالرصيد والحمول الكايده خابرين جمالها يدي شرهه ما تعنز على خضرالجريد ولايلوق لكل أصيله مثل خيالها كم صبي ٍ يأكل تراب بالعلم الوكيد |
دانت الدنيا لهم وانهضو باحمالها
يوم العزوم عزوم والراي السديد والرجال تعرف بالفعل ماهو باموالها ماهم ان زاد اوقل في البنك الرصيد الرصيد في النفوس الشوامخ بافعالها ولكل زمان له مع هل الهمه عضيد محمد |
دامه كلام الكل يقدر يقوله خلّه كلام ولا تماري به النود النود خيره كم لقّح سحابه الله ذكرها معجزه في كتابه والشعر كذب فيه صدق يتشابه وما كل من يطرق معانيه محسود |
دارت الايام ومرت عجوله
والحول ماامداه يمضي الا دارحوله والليل طول على المهموم... ياطوله والناس في هذا مابين شقي وسعيد في سالف العصر وذك الزمان كانوا الناس اهل واحباب وخلان وراح الزمان وصار في خبركان ولا صرنا مثلهم ولاخذنا منهم مايفيد محمد |
دق الوترعباس هات المزن عبود مادامت الدنيا تمضي مثل غيمه طال المطرهايت وانا اكتفيت رعود الحره مجبوره والنشمي له بينه |
هات القلم والورق وشب ازرق العود
ترى في صدري من القصايد اليوم ديمه كل ما عبيت الورق قال الورق تبي زود ؟؟؟ وكل ماجف الحبر هلت من سما الروح غيمه محمد |
هات ليلك.. ودِّي أجمع ما تيسر من نجومك.. لجل بكره...!! خوف تخْفِيها..غيومك.. وآنا ساهر ماقهرت الا عيوني.. ما نهرت الا جفوني.. دون ما أرمش.. قال أرمش.. منهو أصلاً.. قال ابرمش.. |
شمسٍ عليها شمس
و جمره على جمره أرضٍ مثل جـرّه مليـانة الرّمل و قلُوب مصفَرّه تكسرها كلّ خطوَه تكسرها كلّ لَفتـه هذا الزّمـان غْبـار بَهْ لحظتين أمطـار مُوت العطَش مرّات ومُوت .. الغرق مرّه |
هي الدنيا كذا لا جيت ارتّب للكرى جفني تكاثر غفوتي حتى تصير ابعد من احلامي |
ياسارق الكرى من جفني نعال شفني
من عقب الكرى ماعادت تراودني احلامي حتى المشاعر عقب ذيك الموده جفتني تساوت بعين السهر سود الليالي و الايامي محمد |
يقولون لاضاقت عليك الوسيعة غن وانا اقول شفت مقرد الخلق وش قالت انا البارحة من يوم غابت الين اذن تحلوى عيوني للكرى مير ما احتالت |
توسدت زندي يوم الجفن للنوم حن
بس النوم للعين ماحن... يوم سالت هواجس من كل حدب وصوب جن ماراعوا حرمت الوقت يوم انها انهالت محمد |
تهل من الوله مزنة على وجه الظما نسناس تزيل ابها ملامح ضيم خطت طاري اهلاكي هلا يا شعري انثر لي حروفك مثل عقد ألماس نثر حباته ابصفحة رجاي وقال لي هاكي وانا لولا الهوى ما جيت اكتب واملي القرطاس احاسيسي تحرضني غصب اني به أحاكي |
يانسمة مرت خففت من وهج الانفاس
على وجه من العطش شاحب باكي لولا الدمع يسقيه غدت عروقه يباس الوجد يشكيه وهو من الوله شاكي محمد |
يتيم الجرح .. إيه أحزنْ ووش يبقى لامات الجرحْ وش يبقى لمات الليل ماصلى عليه الصبحْ ..؟! أبسأل كل من يحزنْ ومن يبكي متى يشكي متى يحكي .. |
| الساعة الآن 11:35 PM. |
Powered by vBulletin® Version 3.8.9
Copyright ©2000 - 2025, Jelsoft Enterprises Ltd.