|
يحكي متى مابدا يشكي
ومن يشكي يسال كل من يحزن وش فيه ما اذن الصبح الليل طول... والجرح والجرح الاول جا معه جرح ماعادهو بتيم ولا عاد هوسليم ينزف كل ماروح الليل وقرب الصبح محمد |
حبيبتي لا من غديتي لي سراج اتبعه وكني غديت من الظما اركض ويطردني السراب لا تبخلين اليا شربتك ماشربتك من سعه دامي من جروح الهموم الموجعه كلي صواب |
بصبر لامن غديتي بي في متاهات ومعمعه
وبصبر لامن غدا وصلك وهم وسراب مانتي باول صوت غاب وماعدت اسمعه ولاانتي باخر قطرة فارقت جوف السحاب محمد |
بس اعدّ ايام هجرك واضيّع بالحسا ب والزمن في سوق الاوجاع بي باع وشرا صرت مثل الظامي اللي طرد وجه السراب لا فَرَحْ في قطرة الما،وَلاَ حَصَّلْ ذرا |
السراب الي خدع عين الضما...وذاب
مارحم جدبها ولا عن عطشها درا نامت تحت وهج الشمس لاظل ولاحجاب تحلم بقطرة ماي او حتى.... ذرا محمد |
أمشي وهمي جبل يمشي معي وين ما أروح أزريت أشيل الجبل وأزريت لا أفارقه كل الخطاوي تعب كل الليالي جروح أرضي هجير وسمايه شمسها حارقه |
هذا انت دايم تكتم الهم ولا تبوح
شايل همك واقدامك بالتعب غارقه مثل جراح يبري الجرح بجروح والا كاوي الجرح بنار حارقه محمد |
هذا انت والا حمرت الشمس واليم ريح المطر ولا نسايم حنينك يومك ضحكت وبش باوجانك الدم قبل الغياب وكلهم حاسدينك كن النهار اللي رسم للشفق فم ضحكه ثغرك اللي سماها جبينك |
كأنك تشوف بعيني قبل اتكلم
واشوفك بعيني واعجزلااستبينك كنك خيال زارني وسط حلم فزيت من حلمي ولا لقيتني بعينك محمد |
كأنك طوع شيطانك تعوَّذ لجل تتعَلَّق كأني عالق فذنبي ولا أعتقني شيطانك |
كم لي وانا اقول تعوذ وادحر شيطانك
اخاف من بكره في هوى غيري تعلق |
قلت العمر,, قال العمر جعله فداك العمر يفنى والمواصل يبتديه قلت الوصل؟ قال الوصل هو مبتداك واليا قطعته ضاع شيٍ ترتجيه قلت الرجاء؟ قال الرجاء والله بلاك ساعة رجاء والصبر قلبك يشتويه قلت الصبر؟ قال الصبر يالله حماك نبذة عذاب القلب مايقدر عليه قلت انت.. قال انا بشر يتبع نداك |
كل ماقلت وينك...يامبعد عنا خطاك
الى راح العمر ماعاد به شي نرجيه قال الظروف قلت الظروف طوع يمناك خابرك لابغيت شي تقدر تسويه قال المعذره قلت ياما وياما عذرناك تخطي ونسامح وتعود للخطا وتخطيه محمد |
هنا تجاعيد السهر تشتهي ماه وهناك صبري من عزومي منحته ليته خذا التحنان والطيف ويّاه وكومة احاسيسٍ" (وجرحين تحته) وينك عروق الشوق لجت بالافواه شووف الهدوء ف غيبتك ماسترحته |
هذا السهر طول والبدر في سماه
لاهو وصلني ولا ني وصلته كل في جوه عايش بابعد مداه اشوفه بعيني ولابيدي قد لمسته محمد |
هذا اول الدرب او هذا الطريق اولك جيت آتوقّا عذابات المدى 00واهتديك شوقي مسافة وهمساتك مدار وفلك ان ماظميتك غلى 00ياعلني ماارتويك |
كني اعرفك واحيان كني اجهلك
محتار مابينك وبينك ومادري شفيني فيك مرات اتجاهلك ومرات ودي اسالك واما سالتك ياعلني ماعاد اهتديك محمد |
كني امشي من وراي الريح ويدين الملامه وكن نفس الريح تسبقني لشوفة..من دعاني وبين ذي وذيك..ولساني يرتب في كلامه حافظ الترتيب...لكنّي معاد القى لساني |
ياقطرة طفل مع قطرة شعر وشوي صرتوا امطار
متى هذا الورق من طيشك الفاتن لعقلي مل! واذا صدرك سما..والغيم معطف..والهلال زرار متى كان الهلال يزرر الدنيا ويبرد غل ؟! نايف عوض |
لين شفت سنين عمري خرابٍ في خراب وللمواجع في خفوقي خطيب ومنبرا وأمْحَلت قاعي من الجدب وعيونك سحاب عَلِمِيَها تَرْحَم الْبِيْدّ،وِتْبِلّ الثرا وعلميها تسقي الروح وينولك ثواب لاتِقَوْلي رَوَّح المِزِنْ والبارق سرا |
الضيقه الي كل ماافقت ترجع ورا
وانا معاها رفقه حبايب واصحاب مخفيها عن الخلق وماحد عنها دراى صابر وارجي من الخلاق اجر وثواب للمواجع فيني مقام... ظل وذرا تشرب دمع عيني وتقتات اوجاع الغياب محمد |
بت استخيل اللامع *****واشكو قل الونيس ونيت مالي سامع *****حالي مثل الحبيس شدوا حبل المطامع *****والدهر زاده حيس |
سنه مرت على سكب المدامع
سنه مرت لاحس ولاحسيس ولا برق بالسما ساطع ولامع والهم بين الاظلاع حبيس ولاحد لصوت المواجع سامع ولا للوحده انيس ولا جليس محمد |
سنة مرت وانا أتبعها وعود الصادق الكذاب وانا اخاف اندفن وسط الظنون وشوقي ترابي أنا أخبره وفي لوغاب يرجع يشرح الاسباب ولكن ليه هالمره غيابه حاسب حسابي إذا كان الزعل صفحه فعمري كل ابوه كتاب يجي ويجدد الصفحه واشقق باقي كتابي تعبت اتصنع الضحكه واجامل ضحكة الشذاب وصبري مابقابه غيرخيط ماسك اعصابي ! |
يغيب ويرجع ويعاتبني على غيابي
واسامحه من غير ما اسآله لغاب مر عام وهو على بالي ولاهو على بابي لو سالته وينك ابد مافرحني بجواب اكتب له قصايد واشكي له من عذابي وهو يكتب بس من دون ذكر الاسباب محمد |
بربك لابغيت ارحل بعيد هناك قربني ترى لو مرت وجيهٍ كثيرة ما يكفونك |
كانك بترحل وتبعد وقصدك تعاتبني
ترى كثر العتب ما يشفي ظنونك |
كم شخص حال الوقت بيني وبينه لامت من فرقاه.. ولاهو بعد مات.. |
تموت الاحلام والاماني تصبح دفينه
وتموت الهقاوي وصاحب الهقوات مامات |
تموت بـ داخلي خيبة مشاريهي على الأحباب ولا شافوا سوى الوجه السموح وبسمة محيـا ! |
امسيت وبداخلي خيبت رجاوي اصحاب
ماكنت على علم باللي في صدورهم خبيا محمد |
أنا بي جرح، مدري مين ابوه؟ وليه ما سمّاه؟! أنا لي وجه، خلاّه الجفاف السرمديّ اشهب عليه اعتب، اذا شفت الوجيه من الوجيه اشباه أعرفه يستحي مثلي، ومن (مثله) عليه اعتب؟! |
بي مثل مابك والجروح جروح واشباه
وكل جرح لاطول علاجه يلتهب كم جرح لبسته ثوب ولا اخفاه اداويه وصبر على نزفه واحتسب محمد |
بي مثل ما بك من شوق ومن كمدِ لكن أغطّي الهوى بالصبر والجلدِ أصون نفسي عن لعب الوشاة بها وإن تلاعبتِ الأسقام في جسدي إني تعاطيتُ صبراً تحته حرجٌ فصرتُ في حال مجهودٍ ومجتهدِ |
دع الاشواق وداوها بالصبر وبالجلد
مااعقب الهوى في الصدور الا الكمد كل ماهبت الاشواق وثارت هوجسها ثارت هموم النفس وانهارالسداوالسند محمد |
دع النفس لا تجاريها ، خاب من لبى مساعيها، ، تزيد طمعا فتزداد عنثا ، تعب و كل من يراضيها، |
النفس وان جاريتها في مساعيها
طغت... والطغيان مهلك من يجاريها طماعة هي لاتعرف حدود لها روضها قبل ان تروضك امانيها |
اقول في نفسي ورجلي على جرف إما عمار القلب والا دماره لا طاب لك جرح ولا منقطع نزف والوقت مر وحان رفع الستاره |
هذي حروفي صفيتها حرف ورا حرف
وزينتها بالمشاعر وجملتها بزين العباره ونشرتها الف مره والف ...والف والف قروها والف صفقوالي بحراره محمد |
هذي حروفي عطرها ينعش الروح = وادري تحبين الشعر والقصايد وادري بعد أنك من البعد مجروح = مثل السجين وكبلته الحدايد كلي جمر والأه من صدري تفوح = وانتي ماهمك غير لبس القلايد |
| الساعة الآن 11:39 PM. |
Powered by vBulletin® Version 3.8.9
Copyright ©2000 - 2025, Jelsoft Enterprises Ltd.