وين بلقى الأمان وبيتي هو غربتي؟
وين بشكي ؟ وانا اللي عزتي ما تهون
حرت بين المواجع حابس ٍ دمعتي
خفت لذرف شقاها والبشر يشمتون

ومن لا يفكر بالامور البعيدات
لازم بحق الناس يخطي بالاحكام
تمشي ليالينا والايام عجلات
والله بما يخفى على العبد علام

شئ يشاف وشئ بالجوف خاف

عشر تبين وخافي منه تسعين

تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك

حتى الخطأ وهو الخطأ مهما حصل أمره بسيط
أما جفا ولاّ وفا واللي رحل الله معاه

لعل مرواح الليالي الماضية روحة مقيط
ولعل مقبلة الليالي غير عن ماضي الحياه