|
رعاك الله يا ذكرى ليالي اللي تمر البال
تذكرني سعاده يوم اغمض وابحر بفكري تغير حالي المنهك طيوف الحب لأفضل حال تباعدني عن الدنيا ومافيها ولي عذري |
يا ملاكٍ مالكٍ عزي وذلي بي سؤال ولقيت القاله ردود اسألك بالله يا فتان قلي هي عيونك صاحية ولا رقود ! |
دامك معي مآ فات من فرحتي شيء يـكفي مــن الآرزاق شــوفة عـيونك |
كفاية نظرة عيونك تبرهن دونما استجواب كفاية مبسمك عايش على توتير أعصابي غبية كنت! كيف إني سمحت لْنشوة الإعجاب تنادي للغبا طيف ٍ غباءه.. سِبَّة إعجابي |
يبان الشوق في عين المعذب
ويبقى الدمع تذكار الأحبه على العشاق مافيه شي أصعب من فراق الأحبه للأحبه |
هو الإنسان من اقصى حدود الدمع الى اقصى حدود الدمع لعبة في يد اللحظه وضاع الشعر كل الشعر في معنى : عجوز/ ومفردة نبضه والشاعر يغازل بالرذاذ الطيّب الدافي صباحه والمسا: يصفع جبين الشعر بالكبريت والفضة |
هنا..... صمت و هوآجس ..
وفجِر .. و برد .. .. و صوت الحطب من سمعته .. مآ هدا روعيْ ..! يَا برد قلّي : و أنا في هآجسي .. غآآآآرق .. .. آلنار هي فِ الحطب ؟ .. وإلاّ ورى ضلوعي ..! |
ياليل يابرد يا جدران مرتجفه ياصمت ناسي الكلام وداخله صيحة ياوجهي اللي جهلته كثر ما اعرفه يا حلمي اللي انتهى وادعي له البيحة |
همسة غلا جتني على غير ميعاد
يازين همسات الغلا بيـن اهلهـا همسة غلا جتني تباشير واعيـاد بحضورها عيني فـرح تبتهلهـا اخيل برق الوصل يتبعـه رعـاد يمطر على روحي ويروي سهلها |
انعست عين الغلا والهوى هدا خانت الايام والملح والعشره وابتديت تشوف نفسك وتتحدا وأنت ماكنت تتغلى ولا تشره كنت مجروحي وصرت الدوا والدا كنت آآه صرت آآهات منتشره |
| الساعة الآن 08:01 AM. |
Powered by vBulletin® Version 3.8.9
Copyright ©2000 - 2025, Jelsoft Enterprises Ltd.