ماهو مهم يكون في خاطري شي -- أخذت من كسر الخواطر كفايه
مرات اقول ابداخلي مابقا حي -- ومرات احس النبض يعلن بقايه
مادام اخر طب في جرحي الكي -- بكويك ياجرحي واعالج حشايه
من بعد ماني كنت لك غيمه و في -- اليوم صاير ماتظلك .. سمايه
لابد شمس البعد تحرقك بالضي -- وتندم على ظلي وغيمة دفايه
أهديت لك قلبي وفي راحة أيدي -- ومشاعرً تفوح منها ….. شذايه
واهديتني حسره وحملتني ذي -- كومة جروح كنها لي .. وصايه
مواجعي تبقى معي مثل ما هي -- صندوقها صدرٍ حفظ كل غايه
مالي معك ياللي طويت العمر طي -- الا السنين الماضيات وشقايه
ودامن غلاك ابداخلي ماهو اشوي -- غصن الغلا يومي لاهبت هوايه
وعلى الذي سويت ابا قول لك شي -- باقي بعيني يوم اشوف المرايه